რით არ აშინებენ მოგზაურებს, რომლებიც მუსლიმურ ქვეყნებში, განსაკუთრებით კი არაბთა გაერთიანებულ საამიროებში მოგზაურობას გეგმავენ: დაწყებული ჯარიმებიდან უმცირესი დაუდევრობის გამო, დამთავრებული ციხით აკრძალულ ადგილებში ფოტოს გადაღებისთვის . Aviabiletebi.org-მა თქვენთვის სასარგებლო რჩევების სია შეადგინა, რომელიც დაგეხმარებათ დუბაიში დაგეგმილი ვიზიტი მაქსიმალურად კომფორტული და სასიამოვნო გახადოთ.

იმისათვის, რომ დუბაიში თქვენი ჩამოსვლა აეროპორტის საბაჟო პუნქტშივე არ დასრულდეს, გირჩევთ რამდენიმე მარტივი წესი დაიმახსოვროთ, თუ რა შეგიძლიათ და რა არ არის სასურველი თან იქონიოთ.

დეკლარაციის გარეშე დუბაიში შეგიძლიათ შემოტაინოთ:

უცხოური და ეროვნული ვალუტა, მაგრამ აუცილებელია იმ თანხის დეკლარირება, რომელიც 100 000 დირჰამს აღემატება (25 000 ევროს ან 27 225 აშშ დოლარს)
საჩუქრები, რომელთა ღირებულებაც არ აღემატება 3 000 დირჰამს (750 ევროს ან 815 აშშ დოლარს)
პირადი ჰიგიენის ნივთები და პირადი ნივთები
ნებადართულია 400 სიგარეტის, ან 50 სიგარის, ან 500 გრამი თამბაქოს შემოტანა თითოეული სრულწლოვანი (18 წელზე მეტი ასაკის) არამუსლიმისთვის
შეგიძლიათ შემოიტანოთ ალკოჰოლური სასმელის არაუმეტეს 4 ლიტრი ან ლუდის 2 ბლოკი (თითოეულ ბლოკში მაქსიმუმ 24 ქილა, თითოეული ქილა – მაქსიმუმ 355 მლ)
ხელბარგით სითხის გადატანა ნებადართულია იმ პირობით, რომ მისი მოცულობა 100 მლ არ აღემატება და კონტეინერი შეფუთულია გამჭვირვალე პლასტიკურ პაკეტში
მედიკამენტები: მაქსიმუმ 3 თვის მარაგის მოცულობით თქვენი პირადი მოხმარებისთვის . ამ შემთხვევაში, თან უნდა იქონიოთ სერტიფიცირებული ექიმის მიერ გამოწერილი რეცეპტი . ყველა მედიკამენტი უნდა იყოს ორიგინალ შეფუთვაში და ვარგისიანობის ვადის მითითებით . იკრძალება ნებისმიერი ფსიქოტროპული წამლის შეტანა (თუნდაც პირადი მოხმარებისთვის, რეცეპტით ან მცირე რაოდენობით)!
ვიდეოკამერები (ასევე მათი კასეტები), კომპიუტერები, ლეპტოპები
საბავშვო ეტლები
სპორტული ინვენტარი
ინვალიდის ეტლები.

აკრძალულია შემდეგი ნივთების შემოტანა:

ნარკოტიკული საშუალებები და ნივთიერებები.
ისრაელში დამზადებული საქონელი.
დაბეჭდილი პუბლიკაციები, სურათები, ფოტოები, ქანდაკებები, რომლებიც ისლამის ნორმებს ეწინააღმდეგება ან მუსულმანებს შეურაცხყოფს.
საკუთარი წარმოების პროდუქტები (შინ დამზადებული საკვები).
ბასრი საგნები და იარაღი.
სამხედრო ტექნიკა, საბრძოლო მასალა და მოწყობილობა.
ფეთქებადი ნივთიერები და ფეიერვერკები/პეტარდები/ტკაცუნა და ა.შ.
ყვავილები, მათი თესლები, ხეები (და მათი ნერგები), ნიადაგი.

მოითხოვს წერილობით დეკლარაციას:

შინაური ცხოველების შემოყვანა (აუცილებელია ნებართვის მიღება არაბთა გაერთიანებული საამიროების გარემოს დაცვის სამინისტროდან) . შინაურ ცხოველს უნდა ჰქონდეს საერთაშორისო სტანდარტის ვეტერინარული მოწმობა, რომელშიც მითითებულია ყველა ვაქცინაცია და მათი თარიღი.
იშვიათი ან გადაშენების საფრთხის წინაშე მყოფი ცხოველების სახეობების (ან მათი ტყავის, ფიტულების და ა.შ.) შემოყვანა.
სპეციალური რადიოაპარატურა და სხვა მსგავსი მოწყობილობები.
ფილმები, დისკები, წიგნები და ინფორმაციის სხვა საშუალებები.
საჩუქრები, რომელთა ღირებულება 3 000 დირჰამს აღემატება.
ეროვნული ან უცხოური ვალუტა, რომელთა თანხა 100 000 დირჰამზე მეტია.

დუბაის აეროპორტში მოემზადეთ ორიგინალური შემოწმებისთვის: გარდა საბაჟო და საპასპორტო კონტროლისა, აქ თვალის ბადურასაც ასკანერებენ . თქვენი მონაცემები სახელმწიფო რეესტრში შეიტანება და იმ შემთხვევაში, თუ დანაშაულს ჩაიდენთ და ქვეყნიდან დეპორტირებული იქნებით, უკან დაბრუნებას ნამდვილად ვერასდროს შეძლებთ . თავად პროცედურა სრულიად უმტკივნეულო და ხანმოკლეა . რიგში ლოდინი ხუთ წუთზე მეტხანს არ მოგიწევთ .

დუბაიში ორი აეროპორტია: დუბაის საერთაშორისო აეროპორტი და ალ-მაკტუმის საერთაშორისო აეროპორტი .

გადმოიწერე ჩვენი მობილური აპლიკაცია!

მოიძიე ავიაბილეთები და სასტუმროები ყველაზე იაფად!

APP გადმოწერა

აეროპორტიდან ქალაქში ყველაზე იაფად ავტობუსით ან მეტროთი იმგზავრებთ.

თუ გადაწყვეტთ დუბაიში მოგზაურობას ეწვიეთ ამ მისამართს: ავიაბილეთები დუბაის მიმართულებით

ავტობუსი

დუბაის საერთაშორისო აეროპორტიდან ქალაქის ცენტრში ავტობუსით შეგიძლიათ ჩახვიდეთ, რომლის გაჩერებები 1, 2 და 3 ტერმინალების პირდაპირ მდებარეობს . ბილეთის ღირებულება 3 დირჰამია (0,70 ევრო).

ამრიგად, ავტობუსი #401 მოძრაობს მარშრუტით „აეროპორტი – Deira City Centre“ გაჩერებებით: DNATA Airline Centre, Al Mak-um Road, Deira taxi station, Al Sabkha bus station.

ავტობუსი #402 გადის მარშრუტს „აეროპორტი – ცენტრი“ გაჩერებით Deira City Centre, Al Karama, Golden Sands, Al Mankhool, Al Ghubaiba bus station.

ასევე არის ღამის ავტობუსები, რომლებიც მოძრაობენ 23:30 საათიდან 06:00 საათამდე . დუბაიში ისინი რამდენიმე გაჩერებას ახორციელებენ: Al Rashidiya bus station, Gubaiba bus station, Al Qusais bus station, Gold Souq bus station, Satwa bus station.

1 და 3 ტერმინალებს შორის უფასო 24-საათიანი შატლი მოძრაობს (ყოველ 20 წუთში).

ალ-მაკტუმის აეროპორტიდან მეტროსადგურამდე Battuta Metro Station #F55 ავტობუსით შეგიძლიათ იმგზავროთ (მეტროს მუშაობის დროს ყოველ საათში) . არის ასევე ავტობუსი #F55A, რომელიც აეროპორტსა და Satwa bus station-ს შორის კურსირებს, როდესაც მეტრო არ მუშაობს.

მეტრო

ქალაქში ასევე შეგიძლიათ მეტროთი ჩახვიდეთ: 1 და 3 ტერმინალებიდან მატარებელი ყოველ 10 წუთში გადის . მეტრო 05:50 საათზე იღება (ხუთშაბათს 05:30 საათზე) და შუაღამემდე მუშაობს (ხუთშაბათს და პარასკევს 01:00 საათამდე) . პარასკევს დილით მეტრო დაკეტილია და მუშაობას მხოლოდ 13:00 საათზე იწყებს.

დუბაის მეტრო ძირითადად მიწისზედაა და მხოლოდ ორი ხაზი აქვს, ხოლო სადგურები მოხერხებულადაა დაკავშირებული საზოგადოებრივი ტრანსპორტის გაჩერებებთან . ბილეთების შეძენა შეგიძლიათ აეროპორტის სადგურზე (ფასი დამოკიდებულია იმ ზონების რაოდენობაზე, რომლებითაც მგზავრობას აპირებთ).

ყურადღება! მეტრო არ ემსახურება ალ-მაკტომის აეროპორტს . მაგრამ რეგულარული ავტობუსების მარშრუტები ხორციელდება აეროპორტიდან გაჩერებამდე Battuta Metro Station.

შენიშვნა ! დუბაის მეტროში მატარებლის პირველი ვაგონები „ოქროს კლასისაა“: მათ არ აქვთ მძღოლის კაბინა და ქალაქით ტკბობა საქარე მინიდან შეგიძლიათ . მაგრამ აქ მგზავრობისთვის მეტი თანხის გადახდა მოგიწევთ.

ცხოვრების გასამარტივებლად გირჩევთ შეიძინოთ Nol Card – ბარათი, რომელიც საშუალებას მოგცემთ გადაიხადოთ მგზავრობის საფასური დუბაის ნებისმიერი სახის ტრანსპორტისთვის (ავტობუსი, მეტრო, ტრამვაი და წყლის ავტობუსები), ისევე როგორც პარკინგისთვის . ბარათის მფლობელებისთვის მგზავრობა უფრო იაფი იქნება, ხოლო გარკვეული კატეგორიის პირებისთვის გათვალისწინებულია შემცირებული ტარიფი (მაგალითად, შეზღუდული შესაძლებლობის მქონე პირთათვის მგზავრობა უფასოა, ხოლო სტუდენტებს 50%-იანი ფასდაკლებით სარგებლობის უფლება აქვთ).

Nol Card-ш ს რამდენიმე ტიპი არსებობს:

Silver Card

ღირს 25 დირჰამი (6.25 ევრო) . მისი შეძენა ბილეთების ნებისმიერ კიოსკში შეგიძლიათ . შევსების მაქსიმალური თანხა 5000 დირჰამია (1250 ევრო) . იგი საშუალებას გაძლევთ გამოიყენოთ ნებისმიერი საზოგადოებრივი ტრანსპორტი, ასევე ერთი ტრანსპორტიდან მეორეზე გადაჯდეთ.

Gold Card

იგივე პირობები და ფასი, როგორც „ვერცხლის“ ბარათის შემთხვევაში, მაგრამ ბონუსით – მეტროს „ოქროს“ ვაგონებით პრემიუმ ფასად სარგებლობის შესაძლებლობით .

პერსონალური ბარათი

ამ ბარათსაც იგივე ფუნქციები აქვს, როგორც წინა ორს (თუმცა მეტროს „ოქროს“ ვაგონებში პრემიუმ მგზავრობის გარეშე) . დამატებით აქვს მოკლეტექსტური შეტყობინებების ფუნქცია ბარათზე განხორციელებულ ოპერაციებთან დაკავშირებით (ანგარიშის შევსება, ბალანსი და ა.შ.), ბარათის დაბლოკვა მისი დაკარგვის/მოპარვის შემთხვევაში, ფასდაკლებები ბარათის შეღავათიანი კატეგორიების მფლობელებისთვის.

ღირებულება 70 დირჰამია (17.50 ევრო).

წითელი ბარათი

მათთვის, ვინც არ გეგმავს ტრანსპორტის ხშირად გამოყენებას . ბარათზე შეგიძლიათ შეიტანოთ მაქსიმუმ 10 მგზავრობის საფასური . ამ ტიპის ბილეთის გამოყენება შეგიძლიათ მხოლოდ ერთი სახის ტრანსპორტით მგზავრობისთვის (მაგალითად, მხოლოდ ავტობუსებზე ან მხოლოდ მეტროზე) .

იგი იყიდება ბილეთების ნებისმიერ ავტომაში და 2 დირჰამი (0.50 €) ღირს.

დამატებითი ინფორმაცია ბარათების შესახებ აქ შეგიძლიათ იხილოთ (ინგლისურენოვანი ვებ-გვერდი).

დუბაიში ორი მობილური ოპერატორია – Du და Etisalat . ქალაქის სტუმრებისთვის ყველაზე ხელსაყრელი ვარიანტია წინასწარ გადახდილი სიმ-ბარათის (Wasel) შეძენა . ეს შეგიძლიათ გააკეთოთ ონლაინ, მიმწოდებლის ოფისებში ან მაღაზიებში Wasel-ის ლოგოტიპით/გაზეთების კიოსკებში/თამბაქოს ჯიხურებში.

შეძენისას უნდა წარმოადგინოთ თქვენი პასპორტის ასლი ვიზით და გადაიხადოთ საწევრო 165 დირჰამი (41 ევრო), რომელთაგან 10 დაუყოვნებლივ თქვენს ანგარიშზე დაირიცხება . უმჯობესია იქვე სთხოვოთ გამყიდველს თქვენი სიმ-ბარათის გააქტიურება, რადგან ეს შეძენიდან ერთი საათის განმავლობაში უნდა გაკეთდეს.

ორივე ოპერატორს განსხვავებული ტარიფები აქვს: Etisalat-ში წუთი დაახლოებით 30 ფილსი ღირს (1 დირჰამი=100 ფილსი) . Du-ს კი წამობრივი გადახდა აქვს . შემომავალი ზარები უფასოა, მაგრამ მხოლოდ იმ შემთხვევაში, თუ ქვეყანაში იმყოფებით . ადგილობრივ ნომრებზე SMS-ის ღირებულება დაახლოებით 18 ფილსია ერთი შეტყობინებისთვის, უცხოურ ნომრებზე – დაახლოებით 60 ფილსი.

Etisalat-ის ანგარიშის შევსება შეგიძლიათ თვითმომსახურების ტერმინალებში ან ოპერატორის ოფისებში . წინასწარ გადახდილი სიმ-ბარათის შევსება შესაძლებელია ელექტრონული ვაუჩერით.

Du-ს ანგარიშის შევსება შესაძლებელია ოპერატორის მაღაზიაში, ტერმინალში ან საბანკო გადარიცხვით . ასევე შეგიძლიათ დაარეგისტრიროთ საკრედიტო ბარათი ოპერატორის სისტემაში ანგარიშიდან თანხის ონლაინ გადარიცხვისთვის.

არაბთა გაერთიანებული საამიროების უძველესი და (ბევრისთვის) დამაბნეველი ტრადიციები უკვე დიდი ხანია ცოცხალ ლეგენდად იქცა მოგზაურებს შორის . რა უნდა იცოდეთ იმისათვის, რომ დუბაიში სტუმრობისას ხათაბალაში არ გაებათ?

თუ სტუმრად მიგიწვიეს, უარის თქმა უხერხულია – ამით თქვენ უპატივცემულობას გამოხატავთ მომწვევი პირის მიმართ.
არ არის მიღებული უარის თქმა, თუ ყავით გიმასპინძლდებიან (მაგალითად, სტუმრად): ადგილობრივებისთვის ერთი ფინჯანი არომატული სასმელის შეთავაზება კარგი ტონისა და სტუმრისადმი კეთილგანწყობის ნიშანია.
მეჩეთში ან სხვის სახლში შესვლისას ფეხსაცმელი უნდა გაიხადოთ.
თუ დასასვენებლად ჩამოჯდომა გადაწყვიტეთ, გახსოვდეთ, რომ თქვენი ფეხსაცმლის ძირები არ უნდა იყოს კონკრეტულად ვინმესკენ მიმართული . იგივე წესი ვრცელდება მეჩეთებზე.
მეჩეთში ყოფნისას დაიცავით სიჩუმე და ზედმეტი ყურადღება არ მიიპყროთ . ასევე გახსოვდეთ, რომ მომლოცველთა წინიდან შემოვლა შეურაცხმყოფელია და არათავაზიანობის გამოხატულებაა.
ასევე არ არის მიღებული ჭამა ფეხზე დგომით ან გზადაგზა, და კიდევ -იმ ადამიანზე დაჟინებული მზერა, რომელიც საკვებს მიირთმევს.
საკვები, ფული ან სხვა ნივთები მხოლოდ მარჯვენა ხელით უნდა გამოართვათ.
ქუჩაში პლაჟის ან სპორტული ტანსაცმლით სეირნობა უხამსობის მწვერვალად ითვლება.

სანაპიროზე მდებარე ულტრათანამედროვე შენობების გასწვრივ ტრადიციული გემით საღამოს გასეირნებას თავისი სიმბოლიკა აქვს . ეს არის შესაძლებლობა ნათლად შეხედოთ სპარსეთის ყურის წარსულსა და აწმყოს, რადგან როდესაც დეტალები ღამის საფარითაა დაფარული, რჩება მხოლოდ ელვარე ნავი გასული საუკუნეებიდან და მბრწყინავი ცათამბრჯენები.

ნუ გაგიკვირდებათ, რომ მდიდრულ დუბაიში საკმაოდ ბიუჯეტური კაფეებისა და რესტორნების პოვნას შეძლებთ, რომლებიც თქვენს ტურისტულ საფულეს არ დააცარიელებს . გთავაზობთ რამდენიმე მათგანს:

Shetty Lunch Home Restaurant

მენიუში შედის ინდური და ჩინური სამზარეულო: მრავალფეროვნებით გაგაკვირვებთ საუზმეული, წვნიანი, მეორე კერძები, დესერტები და სასმელები . შეკვეთა შეგიძიათ თან წაიღოთ . შეკვეთის მინიმალური ღირებულებაა 40 დირჰამია ორ პერსონაზე (10 ევრო) . აქ შეგიძლიათ გადაიხადოთ როგორც ბარათით, ისე ნაღდი ფულით . დაწესებულება მუშაობს 12:00 საათიდან 00:00 საათამდე . მისამართი: ალ კარამა, Talal სუპერმარკეტის მახლობლად.

Baked

სასაუზმე გთავაზობთ როლების, ფუნთუშეულის, პიცისა და სალათების, ასევე დესერტებისა და სასმელების ფართო არჩევანს . მენიუში შედის არაბული, ლიბიური და ცენტრალური აზიის სამზარეულო . ორ ადამიანზე შეკვეთის საშუალო ფასი 50 დირჰამია (12.50 ევრო) . სამუშაო საათებია – 08:00 საათიდან 22:00 საათამდე . მისამართი: Jumeirah Lake Towers, J2 Tower, კლასტერი J.

Mallah

დაწესებულებების ასორტიმენტი ნაციონალური არაბული სამზარეულოს კერძებს მოიცავს . აქ შეგიძლიათ ისაუზმოთ, ისადილოთ და ივახშმოთ . ორ ადამიანზე საშუალო ფასი 50 დირჰამია (12.50 ევრო) . სამუშაო საათებია – 07:00 საათიდან 01:00 საათამდე . მისამართი: Al Majaz 2, Al Wahda street (Sunrise City Super Market-ის პირდაპირ).

დუბაიში გარკვეული წესები მოქმედებს, რომელთა დაცვა ამ საამიროში დასვენებას მნიშვნელოვნად გაგიმარტივებთ.

ალკოჰოლური სასმელები . ჩამოსულ სტუმრებს ალკოჰოლის დალევა არ ეკრძალებათ, მაგრამ მხოლოდ ამისათვის განკუთვნილ ადგილებში (კაფეებში, რესტორნებში და ა.შ.) . არაფხიზელ მდგომარეობაში ქუჩაში გამოსვლა გამოიწვევს ჯარიმას ან დაპატიმრებას და დეპორტაციასაც კი . ასევე იკრძალება ალკოჰოლის გამოტანა და მისი ქუჩაში მირთმევა.
ქალაქში სეირნობისას გირჩევთ თან იქონიოთ დოკუმენტები ან (უმჯობესია) მათი ასლები . ადგილობრივი პოლიცია ტურისტებს საბუთებს ხშირად უმოწმებს, განსაკუთრებით საზოგადოებრივ ადგილებში.
თუ კონკრეტული ბრალი არ წაგიყენეს, სამართალდამცავების პირველივე მოთხოვნით პოლიციის მანქანაში არ უნდა ჩაჯდეთ.
თუ მრიცხველის გარეშე ტაქსით აპირებთ მგზავრობას, მგზავრობის საფასური მძღოლთან წინასწარ შეათანხმეთ .
ქუჩაში დაყრილი ნაგვისთვის ჯარიმა 500 დირჰამია (125 ევრო), მაშინაც კი, თუ თქვენ სანაგვე ყუთს უბრალოდ ააცდინეთ .
ქალის მიმართ ზედმეტმა ყურადღებამ (ან არასწორად მიღებულმა საქციელმა) შეიძლება გამოიწვიოს ჯარიმა 60 000 დირჰამამდე (15 000 ევრო) ან დაპატიმრებაც კი.
საზოგადოებრივ ადგილებში ბილწსიტყვაობა მკაცრად ისჯება (7 წლამდე თავისუფლების აღკვეთით).
ადგილობრივი ქალებისთვის ფოტოს გადაღება აკრძალულია.
რამადანის წმინდა თვის განმავლობაში, დღის ნათელ დროს უმჯობესია თავი შეიკავოთ საზოგადოებრივ ადგილებში ჭამისგან, დალევისგან თუ მოწევისგან.

ასევე იხილეთ ავიაბილეთები დუბაიში

პოსტის ნახვები: 81