მალდივის კუნძულები 8 რჩევა

მალდივები: 8 „ლაიფჰაკი“: როგორ დავისვენოთ ბიუჯეტურად სამოთხეში

ბიუჯეტური ტურიზმის ტენდენცია სწრაფად ვითარდება და წარმატებით ვრცელდება ჩვენი პლანეტის იმ ადგილებშიც კი, რომლებიც ბიუჯეტური ტურისტისთვის აქამდე მიუწვდომელი იყო. დღეს მალდივები არა მხოლოდ მდიდრული კურორტია 6-ნიშნა ფასითა და ინდოეთის ოკეანეში გამავალი ბუნგალოთი, არამედ ქათქათა ქვიშის პლაჟები, სადაც ბიუჯეტურმა ტურისტმა არაერთხელ დაადგა ფეხი. ამ სტატიაში გიამბობთ თუ როგორ უნდა მოხვდეთ ამ ბედნიერ ადამიანთა სიაში.

1. იცხოვრეთ ადგილობრივი მკვიდრებისთვის განკუთვნილ კუნძულზე

მალდივის რესპუბლიკა მხოლოდ კურორტებით მდიდარი როდია. აქ დაახლოებით 200 კუნძულია, რომელთა ნაწილზე ადგილობრივი მოსახლეობა ცხოვრობს. ცოტა ხნის წინ ამ კუნძულებზე სასტუმრო სახლების გახსნის ნებართვით, ხელისუფლებამ არა მარტო ტურისტების ნაკადი გაზარდა, არამედ ადგილობრივ მოსახლეობას ცხოვრების დონის ამაღლების შესაძლებლობა მისცა.

მალდიველები, რომლებიც 10 წლის წინ პატარა ქოხებში ცხოვრობდნენ და წვიმის წყალს აგროვებდნენ, დღეს ტურისტებისათვის მინი-სასტუმროებს აშენებენ ყველა საჭირო პირობებით. სასტუმრო სახლის ფასები იწყება ერთ ადამიანზე 17 დოლარიდან, რაც ევროპის კურორტებს მნიშვნელოვან კონკურენციას უწევს და მოგზაურებს მალდივის სამოთხის აღმოჩენის საშუალებას აძლევს .

2. მოძებნეთ ბოსტანი და იყიდეთ ხილი

მალდივების ბაზრებზე ყოველთვის იპოვით ეგზოტიკურ ხილს: პაპაია, მანგო, ანანასი და სხვ., მაგრამ ფასნამატით. ამიტომ გირჩევთ ადგილობრივი მაცხოვრებლების ბოსტნები მოძებნოთ და ხილი პირდაპირ მათგან შეიძინოთ. თანხის დაზოგვა გარანტირებულია! და თუ გაგიმართლებთ, კეთილგანწყობის ნიშნად შესაძლოა გაჩუქონ კიდეც.

3. იმგვზავრეთ საბორნე მიმოსვლით

ხარჯების მნიშვნელოვან ნაწილს ხშირად აეროპორტიდან ტრანსფერი შეადგენს, განსაკუთრებით მაშინ, როდესაც საუბარია ოკეანში ასობით კილომეტრით მიმოფანტულ კუნძულებზე. ეს საკითხი მოგვარებადი გახდა მათთვის, ვისაც თანხის დაზოგვა სურს – უბრალოდ საბორნე მიმოსვლით უნდა ისარგებლოთ. საბორნე მიმოსვლის მიზანია ტვირთის გადაზიდვა: სასმელი წყლის, ხილის, ასევე კუნძულების ღარიბი ადგილობრივი მოსახლეობის გადაყვანა.

ბილეთების სიიაფე ხანგრძლივი მგზავრობითა და ზოგჯერ მგზავრობის არაკომფორტული პირობებით აიხსნება. მაგრამ რამდენიმე დამატებითი საათის მგზავრობა დაზოგილი თანხით ნაზღაურდება. აეროპორტიდან ტრანფერის ღირებულება: ერთ ადამიანზე ჰიდროპლანი ~ 500$, კატერი ~ 30-90$, ბორანი ~ 2-5$.

4. აირჩიეთ კარგი რიფის მქონე კუნძული

ეს დაგეხმარებათ თანხა დაზოგოთ სნორკელინგზე, რომლის ექსკურსიის ღირებულება დამოკიდებულია თუ რამდენად შორს მდებარეობს თქვენი კუნძულის სანაპირო მარჯნის რიფიდან (ექსკურსიის ღირებულება 15 დოლარიდან).

კარგი რიფი – კუნძულების მონახულებიდან დაუვიწყარი შთაბეჭდილების მიღების საწინდარია, რადგან მალდივები – ეს არის ოკეანის ლაჟვარდოვან წყალში უსასრულო ბანაობა, ხოლო ნაპირის გასწვრივ მოცურავე კუები და ცისარტყელას ფერების თევზების გუნდები – დაუვიწყარი ემოციები, რომლებიც მთელი სიცოცხლის მანძილზე გაგყვებათ.

5. დილა ნავმისადგომზე ვაჭრობით დაიწყეთ

როდესაც საცხოვრებელისა და ტრანსფერის საკითხი მოგვარებულია და, ფიქრობთ, რომ უკვე ჩემოდნის ჩალაგება შეგიძლიათ, კვების საკითხი გახსენდებათ. რა უნდა მიირთვათ კუნძულზე, რომელსაც ირგვლივ ოკეანე აკრავს? მარტივად! გახდით ადგილობრივი მაცხოვრებელი! დილით ადრე ადექით და ნავმისადგომზე გაემართეთ, სწორედ აქ იწყება ყველაზე საინტერესო. დილით ადრე მეთევზეები ნათევზავებით ბრუნდებიან და ვაჭრობას აწყობენ: აქ იპოვით დორადოს, თინუსსა და რვაფეხას. ნამდვილი ადგილობრივი კოლორიტი! ერთეულის ფასი 3-5 დოლარიდან იწყება და ოთხ პერსონაზე ვახშამი მზად გექნებათ. თევზს სიმბოლურ ფასად შეგიწვავენ კიდეც, ზოგჯერ უფასოდაც კი თქვენს სასტუმრო სახლში ან კუნძულის ნებისმიერ კაფეში.

6. შეიძინეთ იაფი, მაგრამ უნიკალური საჩუქრები

ალბათ თქვენი მეგობრები და ახლობლები კუნძულიდან ჩამოტანილ საჩუქრებს ელოდებიან. რა თქმა უნდა თქვენ შეგიძლიათ შეიძინოთ ადგილობრივი ხელოსნების ავთენტური ნამუშევრები ნახატებისა და ქანდაკებების სახით და იმაზე მეტი დახარჯოთ, ვიდრე თავად მოგზაურობა დაგიჯდათ. მაგრამ ამ შემთხვევისთვის მალდივებმა ორიგინალური საჩუქარი მოგიმზადათ, რომელიც გულგრილს არავის დატოვებს. ბონდი! ეს არის მალდივური ტკბილეული, რომელიც თქვენს მიერ ნანახ არცერთ დესერტს არ ჰგავს. ბონდი ეს არის პალმის ფოთოლში მოთავსებული დაფქული ქოქოსი, რომლის გემო და შესახედაობა ყველას გააოცებს. ამ უცნაურობის ფასი მხოლოდ 1 დოლარია. ასე რომ იგი ყველა კოლეგას ან ნათესავს შეგიძლიათ აჩუქოთ ისე, რომ საჩუქრის გარეშე არავინ დაგრჩეთ.

7. ადგილობრივ მოსახლეობას დაუმეგობრდით

ეს მთავარი წესია, რადგან მათზე უკეთესად არავინ გიამბობთ თუ სად უნდა დააგემოვნოთ ნამდვილი მალდივური საუზმე იაფად, ვის მოჰყავს საუკეთესო გუავა, სად შეძლებთ ქოქოსი უფასოდ დაკრიფოთ და სად უნდა წახვიდეთ ღამით, რომ მანათობელი პლანქტონი იხილოთ. რატომ უნდა გადაიხადოთ მეტი, როდესაც სიამოვნებით გირჩევენ და სანაცვლოდ არაფერს მოგთხოვენ. და ეს ყველაფერი იმიტომ, რომ სტუმართმოყვარეობა მალდიველებს სისხლში აქვთ.

ადგილობრივები ჯერ არიან ტურისტებით განებივრებული, არ ცდილობენ თქვენზე ფული იშოვონ, მაგრამ მხოლოდ სურთ აჩვენონ, რომ ადგილობრივი კუნძულები ღიაა მსოფლიოსთვის და არსებობის უფლება აქვთ მსოფლიოს მაღალი სერვისის მქონე კურორტებს შორის.

8. კუნძულებზე საცხოვრებლად დარჩით და თან ფული იშოვეთ

ამჟამად ადგილობრივი კუნძულები მხოლოდ ვითარდება და ადგილობრივ მოსახლეობას ენების ცოდნის დიდი საჭიროება აქვს, რადგან ეს არის უმთავრესი, რაც აუცილებელია ტურისტებთან კომუნიკაციისთვის. და თუ მზად ხართ ყველა თქვენი საქმე დატოვოთ და თქვენი დრო აუჩქარებელ მალდივურ ცხოვრებას დაუთმოთ – აქ უნდა დარჩეთ.

უამრავი ადგილობრივი სასტუმრო სახლი მზად იქნება უფასოდ შემოგთავაზოთ ცხოვრება თქვენი მომსახურების გადახდით, თუ ადგილობრივ ბავშვებს თქვენს ენას ასწავლით, სასტუმროს სტუმრებთან გექნებათ კავშირი, ექსკურსიებს მოაწყობთ. რესპუბლიკის ხელისუფლება, ისევე როგორც ადგილობრივი მაცხოვრებლები, უზარმაზარ პოტენციალს ხედავენ ადგილობრივ კუნძულებში, რაც მოგცემთ უნიკალურ შესაძლებლობას, რომ ამ სამოთხის კუთხის ნაწილი გახდეთ.

და ბოლოს ბონუსი…

დაზოგეთ თანხა ავიაბილეთებში

ყველაზე იაფიანი ბილეთები მოგეხსენებათ ჩვენს ვებ გვერდზე Aviabiletebi.org-ზე შეგიძლიათ შეიძინოთ. გადადით ამ მისამართზე და იხილეთ ყველაზე დაბალ ფასიანი ავიაბილეთები და სასტუმროები მალდივის კუნძულებზე. იაფი ავიაბილეთები მალდივის კუნძულებზე

თეგები: , , ,

მოძებნე ავიაბილეთი

შენთვის სასურველი მიმართულებით საუკეთესო ფასად

Leave a Comment

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა