კრაკოვი

მოგზაურობა კრაკოვში: რჩევები ტურისტებს

ჯადოსნური, ზღაპრული, განუმეორებელიკრაკოვი ჭრელ კალეიდოსკოპს ჰგავს. თუ მისი ყველა თავისებურების ხილვა და ამავდროულად თანხის დაზოგვა გსურთ – იმ მარტივ რეკომენდაციებს მიჰყევით, რომლებსაც ჩვენი დღევანდელი პოსტი გთავაზობთ.

როგორ ვიმგზავროთ

კრაკოვ-ბალიცეს აეროპორტიდან (რომელიც ასევე ცნობილია, როგორც იოანე პავლე II სახელობის აეროპორტი) ქალაქამდე მგზავრობა # 292, 208 და 902 (ღამის) ავტობუსებით შეგიძლიათ. მოგზაურობის ხანგრძლივობა დაახლოებით 40 წუთს შეადგენს. განრიგი  აქ შეგიძლიათ იხილოთ.

ერთი მგზავრობის ღირებულება 4 ზლოტია. ბილეთების შეძენა შეგიძლიათ აეროპორტის ტერმინალის ავტომატში (ჩამოფრენის დარბაზი, ნულოვანი დონე), ავტობუსის გაჩერებაზე არსებულ ავტომატში, ან მძღოლთან.

აეროპორტს ქალაქთან რკინიგზაც აკავშირებს. მატარებელი ყოველ ნახევარ საათში გადის 04:00 საათიდან 00:00 საათამდე, მგზავრობის ხანგრძლივობა 15 წუთს შეადგენს. ბილეთების შეძენას კონდუქტორთან შეძლებთ და მისი  ღირებულება 3,80 ზლოტს შეადგენს.

როგორც ბევრ სხვა ევროპულ ქალაქში, კრაკოვში შეგიძლიათ ბევრად გაიმარტივოთ ცხოვრება თუ ტურისტულ ბარათს შეიძენთ – Krakоw Card. ამ ბარათით საგრძნობი უპირატესობის მიიღებას შეძლებთ: კრაკოვის 40-ზე მეტი ღირშესანიშნაობის უფასო ვიზიტი, უფასო მგზავრობა საზოგადოებრივ ტრანსპორტში, ფასდაკლება აეროპორტიდან/აეროპორტში ტრანსფერზე  და უამრავი სხვა რამ. არსებობს 2 ან 3 დღიანი ბარათები, ასევე სპეციალური სტუდენტური სამდღიანი ბარათები.

ყველაზე იაფი ავიაბილეთები Tbilisi-დან Krakow-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

26.04.2019

03.05.2019

1 stop

ფასი 717

15.05.2019

18.05.2019

1 stop

ფასი 513

15.06.2019

25.06.2019

1 stop

ფასი 550

ბარათების შეძენა აქ  ან აეროპორტში შეგიძლიათ, თავად ქალაქში კი, შემდეგ მისამართებზე:

  • ul. Pawia, 8, Kraków
  • Rynek Główny, 30, Kraków
  • ul. Św. Jana, 2, Kraków
  • ul. Grodzka, 18, Kraków
  • Dworzec Główny Kolejowy ul. Pawia, 5A, Kraków
  • ul. Floriańska, 6, Kraków
  • ul. Józefa, 7, Kraków

თუ თქვენ გადახდის დასტურის ამონაბეჭდს იქონიებთ თან, ბარათის აღებას შემდეგ მისამართებზე შეძლებთ 2 Św. Jana Street, 30 Rynek Główny ან აეროპორტში (Infokraków Tourist Information Centre).

ტრანსპორტი კრაკოვში

კრაკოვში შეგიძლიათ შეიძინოთ 1 მგზავრობის ბილეთი გადაჯდომის გარეშე, ან განსაზღვრული დროის განმავლობაში მოქმედი ბილეთი გადაჯდომის რაოდენობის შეზღუდვის გარეშე. თუ რომელი ბილეთის შეძენა სჯობს – დამოკიდებულია დროსა და მარშრუტზე. თუ თქვენ დიდხანს გიწევთ მოგზაურობა გადაჯდომის გარეშე, ჩვეულებრივი ბილეთი შეიძინეთ 3,80 ზლოტად, ხოლო თუ მხოლოდ რამდენიმე გაჩერების  გავლა გიწევთ – 15 წუთის განმავლობაში მოქმედი ბილეთი 2,80 ზლოტად; თუ ერთი საათი  გადაჯდომით გიწევთ მგზავრობა, უმჯობესია შეიძინოთ ბილეთი 5 ზლოტად. ასევე არსებობს მთელი დღის,  სამი დღის და  მთელი კვირის განმავლობაში მოქმედი ბილეთები. დროის ათვლა იწყება უშუალოდ ტრამვაიში ან ავტობუსში ბილეთის კომპოსტირების შემდეგ.

პოლონეთში, ევროკავშირის წევრობის მიუხედავად, მიმოქცევაშია ეროვნული ვალუტა  – ზლოტი, ამიტომ თქვენი ნაღდის ფულის (ევრო, დოლარი თუ ლარი) გადაცვლა მოგიწევთ. ვალუტის გადამცვლელი პუნქტები ყველგანაა: რკინიგზის სადგურებში, მიწისქვეშა გადასასვლელებში, ქალაქის ისტორიულ ცენტრში. მართალია, ფხიზლად უნდა იყოთ, რადგან ამ უკანასკნელში ხშირად საკმაოდ მაღალი საკომისიოა.

რა თქმა უნდა,  კრაკოვში მგზავრობა და გადახდა ევროთიც შეგიძლიათ გადაცვლის გარეშე, მაგრამ „ევროპულ ვალუტას“ ყველგან არ იღებენ და რასაკვირველია, კურსიც არ არის მომგებიანი.

გადახდას შეძლებთ როგორც ნაღდი ფულით, ისე  Visa და MasterCard ბარათებით – ტერმინალები ხელმისაწვდომია ყველა დიდ რესტორანსა და მაღაზიაში. ზლოტი გამოგადგებათ ექსკურსიების გადახდის დროს ან სუვენირებისა და სხვა ნივთების შეძენისას.

როდის არის მგზავრობა უმჯობესი?

ეს დამოკიდებულია იმაზე, თუ რისთვის ჩამოხვედით. ზაფხულის კრაკოვი კარგია მათთვის, ვისაც ციხეებისა და მუზეუმების მონახულების გარდა, უბრალოდ ქალაქით დატკბობა სურს:  ქუჩებში და პარკებში გაისეირნეთ.

ზამთარში კი კათოლიკური საშობაო დღესასწაულების სილამაზის გამო ღირს კრაკოვში ჩამოსვლა – სადღესასწაულო განათება, საშობაო ბაზრობები და სახალხო სეირნობა თქვენს მოგზაურობას განსაკუთრებულ კოლორიტს შესძენს. გარდა ამისა, ზამთარში მგზავრობა უფრო იაფი დაგიჯდებათ  ტურისტების მცირე რაოდენობის გამო.

სეზონთაშუა პერიოდში ჩამოსვლა ღირს მხოლოდ იმ შემთხვევაში, თუ ძალიან გსურთ თანხის დაზოგვა (ბილეთებისა და განთავსების ღირებულება ნამდვილად ეცემა). მაგრამ მზად იყავით გამყინავი ქარისთვის, წვიმისთვის და თოვლჭყაპისთვის.

კრაკოვში დასვენება იმით არის კარგი, რომ, როგორც წესი, უფრო იაფია ვიდრე ევროპის სხვა ძველ ქალაქებში.

განთავსებაზე თანხის დაზოგვას შეძლებთ თუ ჰოსტელში იცხოვრებთ. მითუმეტეს, რომ კრაკოვში დიდი არჩევანია, საკმაოდ კომფორტული და ცალკე ორადგილიანი ნომრებით. ფასი ერთი ადამიანზე €8, ზოგჯერ ფასში საუზმეც შედის.

კვებას იმ ადგილებში გირჩევთ, სადაც ადგილობრივი მოსახლეობა დადის, ეს თითქმის ორჯერ მეტი დანაზოგის გაკეთების საშუალებას მოგცემთ.

სუვენირები არცთუ ისე იაფი სიამოვნებაა, ამიტომ უმჯობესია კარგად დაფიქრდეთ, სანამ რაიმე სამშვენისს შეიძენთ.

ქალაქის ზოგიერთ მუზეუმს შეგიძლიათ უფასოდ ეწვიოთ გარკვეულ დღეებში (როგორც წესი, კვირაობით). გადახდა მხოლოდ იმ შემთხვევაში მოგიწევთ, თუ დროებითი გამოფენების დათვალიერებასაც მოისურვებთ.

და, რა თქმა უნდა, ყველაზე მომგებიანია სამზგავრო  ბილეთის შეძენა, რადგან ბილეთები არ არის იაფი, განსაკუთრებით კი თუ ხშირად გიწევთ მგზავრობა.

კრაკოვში რამდენიმე ადგილს იპოვით, სადაც გემრიელად, და რაც მთავარია – იაფად, მიირთმევთ.

  • Zazie

ამ ბისტროში ფრანგული სამზარეულოს კერძები შეგიძლიათ დააგემოვნოთ  საკმაოდ მისაღებ ფასებად (ორი კერძისგან შემდგარი სადილი ერთ ადამიანზე საშუალოდ 30 ზლოტი).

სამუშაო საათებია: ორშაბათი – 17:00  საათიდან 23:00 საათამდე, სამშაბათი-ხუთშაბათი – 12:00 საათიდან 23:00 საათამდე, პარასკევი-შაბათი – 12:00 საათიდან 00:00 საათამდე, კვირა – 12:00 საათიდან 23:00 საათამდე.

მისამართი: Józefa, 34, 31-056 Kraków.

  • Chimera

სხვადასხვა სალათების ფართო არჩევანი (დაახლოებით 30 სახეობა). 12 ზლოტად შეგიძლიათ 4 სახეობა შეუკვეთოთ.

ბარი ღიაა: ორშაბათი-კვირა – 09:30 საათიდან 22:00 საათამდე.

მისამართი: św. Anny, 3, Kraków.

  • Zapiekanka на Plac Nowy

ტრადიციული და ძალიან გემრიელი პოლონური სწრაფი წასახემსებელი: შუაში გაჭრილი ბაგეტი სხვადასხვა სახის შიგთავსით. ღირებულება –  7 ზლოტიდან.

  • თუ არ იცით პოლონური – არ არის პრობლემა. თქვენ ადვილად ისაუბრებთ ინლისურ, უკრაინულ ან რუსულ ენებზე, რომელიც უფროსი მოსახლეობის უმრავლესობას ესმის.
  • თქვენ ალბათ დაჟინებით შემოგთავაზებენ ავტობუსის საექსკურსიო ტურებს – არ წამოეგოთ. კრაკოვის ცენტრი იმდენად დიდი არ არის,  რომ იგი ავტობუსის ფანჯრებიდან შეისწავლოთ. უმჯობესია ფეხით ისეირნოთ.
  • საზაფხულო არდადეგებზე, მრავალი სტუდენტური საერთო საცხოვრებლები მუშაობს როგორც ჰოსტელი.
  • გაითვალისწინეთ, რომ ბანკები შაბათ-კვირას დაკეტილია. და სამუშაო დღეებშიც კი მხოლოდ 18:00 საათამდე მუშაობენ.
  • რაც შეეხება „ჩაიზე“ გასამრჯელოს, როგორც წესი, იგი არ შედის ქვითარში,  მას  გადახდის შემდეგ ცალკე ტოვებენ. ჩვეულებრივ ეს არის შეკვეთის ღირებულების  10-15%, მაგრამ თუ მომსახურება არ მოგეწონათ, შეგიძლიათ საერთოდ არ დატოვოთ.

ასევე წაიკითხეთ:

Posted in ბლოგი, ლაიფჰაკი and tagged , .