მთავარი » ბლოგი » კამბოჯაში ტაილანდის გავლით: როგორ ჩავიდეთ და რა შეიძლება დავათვალიეროთ

კამბოჯაში ტაილანდის გავლით: როგორ ჩავიდეთ და რა შეიძლება დავათვალიეროთ

თუ კამბოჯის შესახებ სტერეოტიპები არსებობს, შეგიძლიათ დაივიწყოთ. დიქტატორი პოლ პოტი გარდაიცვალა, ქვეყანაში სიმშვიდე სუფევს იმდენად, რამდენადაც ეს პოსტ-ტოტალიტარულ ქვეყანაშია შესაძლებელი. გაკეთდა გზები. ტურისტული ინფრასტრუქტურაც. ეს უკვე დიდი ხანია აღარ არის 1 დოლარის ქვეყანა (ბავშვებმაც კი ისწავლეს ტურისტებს „თუ დოლარს(Two Dollars)“ მოსთხოვონ). ასე რომ, თუ სამოგზაუროდ მაინც კამბოჯა აირჩიეთ – შეეცადეთ და ისიც თქვენ აგირჩევთ. მაშ ასე, მივემგზავრებით!

როგორ ჩავიდეთ

რაც უფრო ადრე დაიწყებთ მოგზაურობის დაგეგმვას, მით უკეთესი. შეგიძლიათ დიდხანს ეძებოთ თუ როგორ ჩახვიდეთ პნომპენში (კამბოჯის დედაქალაქში), მაგრამ საეჭვოა, რომ რაიმე პირდაპირი რეისის და არა მსოფლიოს ყველა ფულის სანაცვლოდ შეძლოთ პოვნა. მაგრამ ნამდვილად შეხვდებით ბანგკოკის მიმართულებით ორი გზის ბილეთის ვარიანტს 650 დოლარად. 2017-2018 წლებში ავიახაზები Qatar AirwaysМАУFlydubaiAir Arabia, თურქეთის ავიახაზები საკმაოდ კარგ ვარიანტებს გვთავაზობდნენ. შემდეგ შეგიძლიათ ფრენა რეისით ბანგკოკი-პნომპენი ან ბანგკოკი-სიემ რიპი ($60-100 ორი გზის ღირებულება), ფასდაკლებები Air Asia-ს გვერდზე იხილეთ.

ვიზა

ტაილანდში ტურისტული ვიზა საქართველოს მოქალაქეებისთვის გაიცემა ანკარაში (თურქეთის რესპუბლიკა) ან ერევანში (სომხეთის რესპუბლიკა) ტაილანდის სამეფოს საელჩოს საკონსულო სამსახურის მიერ. რაც შეეხება კამბოჯის ვიზას, ტურისტული ვიზის გაფორმება შესაძლებელია ჩამოსვლისთანავე პნომპენის, სიემ რიპის აეროპორტებში და ქვეყანაში შესასვლელ საკონტროლო-გამშვებ პუნქტში, ღირებულება – $30/30 დღე. ვიზის გასაფორმებლად  დაგჭირდებათ  1 პასპორტის ფორმატის ფოტო ან $1-3 ჯარიმის გადახდას მოგთხოვენ. ასევე საბაჟო ოფიცრისთვის  100 ბატის გადახდას  გთხოვენ. ისე, უბრალოდ. გირჩევთ არ იდავოთ, რადგან ვერაფერს დაამტკიცებთ, ეს ოფიციალური კორუფციაა.

საქართველოს მოქალაქე, რომელიც მიემგზავრება კამბოჯის სამეფოში შეუძლია ტურსიტული ვიზა მიიღოს შემდეგ ელექტრონულ მისამართზე: www.evisa.gov.kh.

კამბოჯის მთავრობის ვებ-გვერდზე შეგიძლიათ ელექტრონული ვიზა მიიღოთ, რომლის ღირებულებაა 37 დოლარი 30 დღის განმავლობაში. თუმცა, არსებობს შემთხვევები, როდესაც საზღვრის გადაკვეთისას საბაჟო ოფიცრები ვერ პოულობენ ელექტრონულ ვიზას მონაცემთა ბაზაში და  სავიზო მოსაკრებლის ხელახლა გადახდას ითხოვენ, მაშინაც კი, თუ თქვენი ვიზა ამობეჭდილი გაქვთ – რაიმეს დამტკიცება ძალიან რთულია.

თავად ბანგკოკში 3 დღე გავატარეთ, რაც საკმარისი არ აღმოჩნდა. გირჩევთ მინიმუმ 5 დღე დაგეგმოთ ბანგკოკში გასატარებლად – ტაძრები, ბაზრები, სასახლეები და პარკები, უამრავი რამაა სანახავი. ჩვენ არ დავწერთ ბანგკოკის შესახებ, რადგან მის შესახებ მრავალი გზამკვლევლი არსებობს.

გზა სიემ რიპში

ავტობუსის ბილეთი შეიძლება დაჯავშნოთ სასტუმრო სახლში ან ნებისმიერ ტურისტულ კომპანიაში (ბევრ შეთავაზებას ქუჩებში შეხვდებით). შეგიძლიათ ავტოსადგურზე წახვიდეთ და ამავდროულად   მოგზაურობის ყველა დეტალს გაეცნოთ ან ონლაინ შეიძინოთ ისეთ ვებ-გვერდებზე, როგორიცაა:

  • www.siemreapbus.com
  • 12go.asia – გირჩევთ აქ წინასწარ დაჯავშნოთ – 3-5 დღით ადრე.
  • giantibis.com – კომენატარების მიხედვით საუკეთესო კომპანიაა. აქ ჩვენ ვერ შევძელით ბილეთების შეძენა, რადგან გამგზავრებამდე სამი დღით ადრე უკვე გაყიდული იყო.

ბილეთის ფასები მერყეობს 18 დოლარიდან ტურისტულ სააგენტოებში და სასტუმრო სახლებში 32 დოლარამდე Ibis-ში.

ტრანსპორტი კამბოჯაში

ზომით ქვეყანა დაახლოებით ორ-ნახევარჯერ აღემატება საქართველოს, მაგრამ ავტომაგისტრალის ტიპის გზები არ არის. არის  ორ ზოლიანი და ზოგან ოთხზოლიანი სამი ტრასა. ისინი ქვეყანას ტაილანდთან და ვიეტნამთან აკავშირებს. ხარისხი კარგია, მაგრამ ეს, ალბათ, ერთადერთი ნორმალური გზებია ქვეყანაში. აქ უმეტესად გრუნტიანია გზებია.

რკინიგზა აქ არ არის! პოლ პოტი მიიჩნევდა (კამბოჯის დიქტატორი, წითელი ქმერების მოძრაობის ლიდერი), რომ ხალხს არ უნდა ემოძრავა ქვეყნის შიგნით. ახლახან ერთი ხაზი გაიხსნა პნომპენიდან სიანუკვილში. მაგრამ საბჭოთა ტიპის მატარებლები ჯერ კიდევ პოლ პოტის დროინდელია, ასე რომ შეიძლება გზაზე გაფუჭდეს.

საზოგადოებრივი ტრანსპორტი აქ არ არის! მიკროავტობუსიც კი არ დადის. ქალაქებში ჩვეულებრივი ქმერები კერძო ავტომობილებით და პატარა სატვირთო ფურგონებით + ტუკ-ტუკით გადაადგილდებიან. აქ თითქმის ყველას ჰყავს მოპედი, ამიტომ საზოგადოებრივ ტრანსპორტს პატივს არ სცემენ. თუმცა, პნომპენში ერთი სააავტობუსო მარშრუტი გაიხსნა ქალაქის ცენტრალურ ქუჩაზე. აქაც ქვეყანა გარდაიქმნება 🙂

ქალაქებს შორის ადამიანების გადაადგილებას კერძო კომპანიები უზრუნველყოფენ, რომელთა ხარისხიც ხშირ შემთხვევაში მაღალია. ბილეთები შეგიძლიათ ონლაინ შეიძინოთ. არის ძალიან კომფორტული გადამზიდავები – მიემგზავრებით 90 კმ/სთ სიჩქარით, მოგართმევენ წყალს, სველ ხელსახოცებს, ხელმისაწვდომია wi-fi! ასევე არსებობს “Sleeper bus”-ები – ღამის ავტობუსები დასაძინებელი ადგილებით. ისინი, როგორც წესი, პნომპენიდან ბანგკოკში და სხვა დიდ მანძილზე გადაადგილდებიან. ეს მოსახერხებელი სატრანსპორტო საშუალებაა, რომელიც საშუალებას გაძლევთ ღამისთევაზე თანხა დაზოგოთ, მაგრამ ზოგჯერ  შეიძლება თაღლითებს წააწყდეთ.

ფრთხილად იყავით – არ დატოვოთ ძვირფასი ნივთები საბარგულში, თუნდაც ღრმად გქონდეთ მოთავსებული ჩემოდანში თუ ზურგჩანთაში. იყო შემთხვევები, როდესაც თაღლითები საბარგულში იმალებოდნენ და ღამით მოგზაურობის დროს მგზავრთა ნივთების გულდასმით გადაქექვას ახერხებდნენ.

როგორ გავიაროთ ტაილანდის კამბოჯასთან საზღვარი

სწორედ აქ ავტობუსის 18-20 დოლარიანი იაფი ბილეთების საიდუმლოს  ფარდა აეხსნა. ტუროპერატორები საზღვრამდე „წასახემსებლად“ ავტობუსს აჩერებენ, ამ დროს  მგზავრთა დოკუმენტებს აგროვებენ ვიზის დასამზადებლად, რაშიც 45 დოლარს იღებენ, მიუხედავად იმისა, რომ კამბოჯის საზღვარზე ასეთ ვიზაში $30 იხდით. არ მოტყუვდეთ და მოითხოვეთ, რომ საზღვართან მიგიყვანონ ან მინიმუმ გაჩვენონ თუ რომელი მიმართულებით წახვიდეთ. ჩვენ მიგვითითეს მიმართულება და … საზღვართან ფეხით გაგვაგზავნეს.

2 კილომეტრი და თქვენ უკე ტაილანდის საზღვარს გადადიხართ, სადაც შტამპს გირტყამენ (ან, როგორც ჩვენს შემთხვევაში, re-entry permit). ყველაფერი საკმაოდ სწრაფად და ორგანიზებულად ხდება. რამდენიმე წუთი და კამბოჯის ჭიშკართან იმყოფებით. ამ კარიბჭის მარჯვნივ ოთახია, სადაც კამბოჯის ვიზები გაიცემა. 5-10 წუთი, $30 და 100 ბატი – და თქვენ კამბოჯური ვიზა გაქვთ პასპორტში, ხოლო ტუროპერატორები სწავლობენ, რომ არ უნდა მოატყუონ ტურისტები და ნორმალური მომსახურება მიაწოდონ.

შემდეგ თქვენს ავტობუსს დაელოდეთ   (არ შეგეშინდეთ, ის არ დაგტოვებთ, შეგიძლიათ უსაფრთხოდ დატოვოთ ნივთები, მაგრამ მთელი მგზავრობის განმავლობაში შეინახეთ ჩასასხდომი ბარათი) და სიემ რიპში გაემგზავრეთ – რადგან ყველა ტურისტი ანგკორ ვატის სანახავად მიდის და ჩვენც იგივეს გირჩევთ.

სიემ რიპი

თუ ბანგკოკიდან 9:00 საათზე გახვალთ, სიემ რიპში იმავე დღის დაახლოებით 20:00 საათზე იქნებით. ავტობუსი ქალაქის ცენტრში არ მიგიყვანთ. იგი გარეუბანში ჩერდება, თქვენს ნივთებს საბარგულიდან მტევრში და ჭუჭყში ჩამოაგდებენ და თქვენ ადგილობრივი ტუკ-ტუკის მძღოლების წინ ჩამოგსვამენ, რომლებმაც „უფასოდ“ უნდა მიგიყვანონ 2-3 კილომეტრში მდებარე სასტუმროში ან ცენტრში მაინც. მაგრამ, რა თქმა უნდა, მგზავრობა უფასო არ იქნება – ტუკ-ტუკის მძღოლი შეეცდება ნაცნობ მაღაზიებში გაგატაროთ, ანგკორში მოგზაურობა შემოგთავაზოთ, ბოლოს კი მინიმუმ $5 გასამრჯელოს მოითხოვენ. არ წამოეგოთ!

თუმცა შეგიძლიათ  ანგკორ-ვატში ექსკურსიას დათანხმდეთ, მაგრამ მხოლოდ იმ პირობით, თუ თქვენი მძღოლი თანახმაა შეგევაჭროთ. ფორმალურად, ბანგკოკიდან ბილეთის ღირებულებაში  შედის ტრანსფერი სიემ რიპის სასტუმროში. აქედან გამომდინარე, ტუკ-ტუკში გაქვავებული სახით იჯექით (ან უმჯობესია გაიღიმოთ და უარი თქვათ ხოლმე) და იცოდეთ, რომ თქვენ გაქვთ უფლება უფასოდ იმგზავროთ ადგილობრივ ძველ ბაზრამდე, სადაც შეგიძლიათ ლუდი მიირთვათ, წაიხემსოთ და დრო ატაროთ, თუ არ ხართ ძალიან დაღლილი, ან თუნდაც დაღლილი ხართ.

ანგკორ-ვატი

ჩვენ სიღრმისეულად არ განვიხილავთ ფაქტებსა და ისტორიას, ამის შესახებ  ვიკიპედიაში შეგიძლიათ წაიკითხოთ, მაგრამ გიამბობთ თუ როგორ უკეთ დაათვალიეროთ ეს საოცარი კოსმოსური ობიექტი. ამრიგად, ანგკორ ვატი – ეს არის იმ ტაძართაგან ერთ-ერთი, რომლებიც თანამედროვე ქალაქ სიემ-რიპიდან 50 კილომეტრის რადიუსშია განთავსებული. ოდესღაც ეს ტაძრების მთელი აგლომერაცია იყო, რომელთაგან თითოეულს ჰქონდა საკუთარი მიწები, საავადმყოფოები, ჰყავდათ ბერები, მსახურები,  სახალხო რეწვის ოსტატები და სხვ. იმისათვის, რომ წარმოდგენა შეგექმნათ – პირამიდები, ინკებისა და მაიას ტომების ტაძრები ანგკორ-ვატთან ერთ დონეზე დგანან.

გთავაზობთ 5 პუნქტს თუ როგორ დაათვალიეროთ ეს ყველაფერი ერთ დღეში და თან გადარჩეთ.

  1. სანამ გიდის გარეშე ბილეთებს შეიძენდეთ, BBC-ისა და NG-ის ფილმები ნახეთ ამ ადგილის შესახებ. ამგვარად გეცოდნებათ მაინც, თუ რა მნიშვნელობა აქვს ამ ქვებს.
  2. თქვენს სასტუმროში დაჯავშნეთ ტუკ-ტუკი ერთი დღით. ფასი 20 დოლარს არ უნდა აღემატებოდეს. ფასში შედის ადრეული გამგზავრება მზის ამოსვლის სანახავად. გზად თავად მძღოლთან განიხილეთ მარშრუტი. არსებობს ორი სტანდარტული – ტაძრების დიდი და პატარა წრე. დიდი წრის ღირებულება ცოტათი უფრო ძვირია. თქვენი ამოცანაა მარშრუტი ისე შეადგინოთ, რომ ყველაფერ საუკეთესოს მოიცავდეს და 20 დოლარი ღირდეს.
  3. ბილეთები თავად ანგკორში შეიძინეთ, უმჯობესია ვიზიტის წინა დღეს, სალაროები 17.00 საათამდე ღიაა. ერთი დღის ბილეთის ღირებულებაა – $37, 3 დღის – $ 62, 7 დღის – $ 72. სხვათა შორის, თითოეული ბილეთიდან $2 ბავშვთა საავადმყოფოს ანგარიშზე ირიცხება.
  4. მარშრუტი.

05:30 – მზის ამოსვლას შეხვდით ანგკორის მთავარ ტაძარში. შიგნით არ შეხვიდეთ, დაბრუნდით ტუკ-ტუკში. სანამ სხვები მთავარ ტაძარში რჩებიან, თქვენ შესაძლებლობა გაქვთ  სხვა ტაძრები თითქმის მარტოობაში დაათვალიეროთ 🙂 შემდეგ სიაშია:

  • ტაძარი ბაიონი;
  • ანგკორ ტომი;
  • სპილოების ტერასა;
  • კეთროვანი მეფის ტერასა;

შეგიძლიათ კიდევ 2-3 ​​ტაძარი თქვენი არჩევანით დაათვალიეროთ, შემდეგ კი აუცილებლად უნდა ეწვიოთ Preah Khan, Ta Keo, Ta Prohm (სწორედ ის ტაძარი, რომელშიც გადაიღეს ანჯელინა ჯოლის  ფილმი  „ლარა კროფტი: სამარხების მძარცველი“) და სადილის შემდეგ ანგკორში დაბრუნდით. ახლა აქ ყველაფერი შეგიძლიათ დაათვალიეროთ – ყველაზე დიდი ტურისტული ნაკადი უკვე წავიდა.

  1. როდესაც ყველაფერს დაათვალიერებთ, ქოქოსის თხილი შეიძინეთ ($1) და სადმე ჩრდილში დაისვენეთ. შემდეგ ტუკ-ტუკის მძღოლს თხოვეთ პაბ-სტრიტზე მიგიყვანოთ, სადაც შეგიძლიათ წამოწვეთ და ფეხის მასაჟი გაიკეთოთ ($3-5) მთელი საათის განმავლობაში! მაგრამ ფრთხილად იყავით, აქ ხშირად ბავშვთა შრომას იყენებენ, არ დაეთანხმოთ, თავიდანვე იკითხეთ თუ ვინ გაგიკეთებთ მასაჟს. ყოველივე ამის შემდეგ, შეგიძლიათ სურათები დაათვალიეროთ და ცხოვრებით დატკბეთ.

ეს ძვირადღირებული სიამოვნებაა, მაგრამ ამ მასშტაბის ძეგლების მონახულება არ შეიძლება იაფი იყოს. უამრავ ემოციას, ისტორიულ და კულტურულ სიამოვნებას მიიღებთ!

ქმერების საკვები

მრავალფეროვნებით იგი საკმაოდ ჩამოუვარდება ტაილანდურ სამზარეულოს. მაგრამ აქ სიამოვნებით მიირთმევენ ხოჭოებსა და მწერებს (ჩვენც დავაგემოვნეთ). ტაილანდში ეს უფრო ტურისტების გასართობი და არა საკვებია, მაგრამ აქ სხვაგვარადაა – ავტობუსის გაჩერებებზე მწერებს ისე ყიდიან, როგორც მზესუმზირას. აქ ასევე დიდი რაოდენობითაა ბრინჯი და ატრია, რომელსაც თქვენი სურვილისამებრ ნებისმიერ პროდუქტთან ერთად მოგიმზადებენ. გარდა ყველისა – ქმერებს არ აქვთ რძის პროდუქტების დიდი არჩევანი. უამრავი ხილია – ძირითადად მანგო, ქოქოსი, ანანასი, რადგან სეზონია. ფასები საკმაოდ განსხვავდება. ადგილობრივი მკვიდრებისთვის – $1/კგ. სრული იმედგაცრუებაა – მათი ზღვის პროდუქტები! ფაქტიურად არაფერი აქვთ გარდა შემწვარი თევზის და კრევეტებისა (და ისიც ძვირია).

ფასები – 1 დოლარის ქვეყანა

ეს უკვე დიდი ხანია ასე არ არის, ქვეყანა გაძვირდა, შესაძლოა ინფლაციის გამო, მაგრამ სავარაუდოდ ეს ტურისტების დამსახურებაა. მთავარი პუნქტები, რომელთათვისაც ფულის დახარჯვა მოგიწევთ:

საკვები: საშუალო ჩეკი ერთ ადამიანზე + სასმელი – $5-7, თუ კრევეტებიანი კერძი გსურთ  + $1-2.

ევროპული სამზარეულოს ერთი კერძის ფასი 3-4 დოლარიდან იწყება.

პიცა – $7

ქოქოსი – $1-2

ხილის შეიკი – $2

ლუდი – 0.5 დოლარიდან. და თანაც მშვენიერია, ბევრ ჩვენს კონვეიერულზე უკეთესია;

მასაჟი აქ იაფია, ვიდრე ტაილანდში, მაგრამ მართლაც კარგი ოსტატის პოვნა რთულია. მასაჟის ღირებულებაა 4 დოლარიდან 15 დოლარამდე, რაც დამოკიდებულია სალონზე, მასაჟისტზე და ა.შ. ლაიფჰაკი: თუ სიანუკვილში აღმოჩნდით, იპოვეთ Seeing Hands Massage – მასაჟს უსინათლოები აკეთებენ და ისინი ჯერ ჩვენთვის ტოპ ადგილს იკავებენ.

ტუკ-ტუკი ქალაქის ფარგლებში  $2-5 ღირს.

განთავსების  ღირებულება სეზონზე და ადგილზეა დამოკიდებული. პნომპენსა და კამბოჯის ჩრდილოეთ ნაწილში შეგიძლიათ ძალიან კარგი ვარიანტები იპოვოთ დღეში 10 დოლარად. პნომპენში 35 დოლარად შეგიძლიათ ოთახი იქირაოთ 5 ვარსკვლავიან სასტუმროში. სიემ რიპსა და სიანუკვილში ოთახის ან ნომრის ღირებულება დღეში 20-30 დოლარია. გირჩევთ ოთახი წინასწარ დაჯავშნოთ, სიანუკვილში ჩვენ ახალი წლის დღეებში ვიყავით და დღეში 150 დოლარზე ნაკლებ ფასიანი ვერაფერი ვიპოვეთ. კუნძულებზე ფასები ოდნავ უფრო მაღალია, ვიდრე კონტინენტზე.

საცხოვრებელი დაჯავშნეთ:

– booking.com (სხვათა შორის, თუ ამ ბმულით დარეგისტრიდებით – 10% ფასდაკლებას მიიღებთ);

– Airbnb (ამ ბმულით შეგიძლიათ ფასდაკლება მიიღოთ 30 ევროს ოდენობით);

– HomeToGo (საკმაოდ კარგი საძიებო პორტალი).

კიდევ სად შეიძლება წავიდეთ კამბოჯაში?

ტონლესაპის ტბა – ჩვენ აქ არ ვყოფილვართ, მაგრამ ამბობენ, რომ ნამდვილი თაღლითობაა,  თუმცა აქ არაჩვეულებრივი ხედები იშლება და  ღარიბი ქმერების (სინამდვილეში კი ვიეტნამის  გადასახლებულების) ნამდვილი ცხოვრების ხილვას შეძლებთ.

კამპოტი – საკურორტო ქალაქი ბრწყინვალე ფრანგული კოლონიალური არქიტექტურითა და მსოფლიოში საუკეთესო შავი პილპილით;

პნომპენი და მდინარე მეკონგი – გირჩევთ დედაქალაქიც დაათვალიეროთ. აქ  შესანიშნავი ქუჩებია ბარებით, სანაპიროზე მკითხავთა ბაზრობაა, ასევე ეწვიეთ სამეფო სასახლეს და პოლ პოტის მმართველობის მსხვერპლთა ხსოვნისადმი მიძღვნილ მემორიალს;

სიანუკვილი – კურორტი წვეულებების მოყვარულთათვის. გრძელ (საკმაოდ ჭუჭყიან) პლაჟზე უამრავი დისკოთეკა და კლუბია განთავსებული, მაგრამ ყოფილი სსრკ-ის ქვეყნებიდან ჩამოსული ტურისტებისთვის ქალაქი საკმაოდ კომფორტულია – ბევრი სერვისი შეიძლება რუსულ ენაზე იპოვოთ (კაფეებიდან დაწყებული, ექიმებით დამთავრებული). ჩვენ აქ დიდხანს არ დავრჩენილვართ და ახლომდებარე კუნძულებზე გავემგზავრეთ:

  • Koh Rong და Koh Rong Sanloem – შესანიშნავი ბუნება და სუფთა ზღვა. ეს ველური კუნძულებია უამრავი კარგი პლაჟით, რომლებიც ჯუნგლების გამო რთული მისადგომია. ჩვეულებრივ აქ 1-2 ღამე რჩებიან, მაგრამ ლაიფჰაკს გთავაზობთ – ჯერ სიანუკვილში გაემგზავრეთ, ნავში ჩაჯექით და დაგეგმეთ თქვენი დასვენება კუნძულებზე. აქ ჩამოსვლა ერთი კვირითაც კი ღირს, მაგრამ მზად იყავით, რომ აქ გველები, ცუდი კავშირი და ოდნავ უფრო მაღალი ფასებია  მანათობელი პლანქტონის, შესანიშნავი სნორკელინგისა და კუნძულზე ნამდვილი  ცხოვრების მიზეზით.

ყველაზე მთავარი, რისთვისაც კამბოჯაში უნდა გაემგზავროთ – ეს ხალხია. ნათელი, კეთილი, ცოტა მორიდებული, ნამდვილი, უბრალო და თავის მისწრაფებებში შესანიშნავი ხალხია. იცხოვრეთ, იკვებეთ ადგილობრივ მაცხოვრებლებთან ერთად, შეისწავლეთ მათი ცხოვრება. კამბოჯელები საკმაოდ ხმაურიანი ხალხია – შეუძლიათ საათობით ისაუბრონ ტელეფონზე ან მათ საყვარელ შანსონის შემსრულებელს მთელი სალონის გასაგონად უსმინონ. მზად იყავით იმისათვის, რომ თქვენი თანდასწრებით ქმერმა შეიძლება  ცხვირი მოიხოცოს ან  ამოაბოყინოს –  ეს მათთვის ნორმაა.

თუ სადმე მათ კარაოკეს გაიგონებთ – გაიქეცით, ეს უბრალოდ ფარანგების (ადგილობრივები ასე უწოდებენ ტურისტებს) აუდიოგენოციდია. ერთხელ გარეთაც კი გავედით და ვთხოვეთ ღამის კონცერტი ცოტა ჩუმად ჩაეტარებინათ – და თხოვნამ იმოქმედა კიდეც.

კიდევ უნდა გვესმოდეს, რომ ქვეყანა ვითარდება,  ყველგან მშენებლობაა გაჩაღებული. როგორც სიანუკვილში, ისე კუნძულებზე – მინიმუმ  ნავსადგურებთან ახლოს, მშენებლობა მიმდინარეობს. უამრავი ნაგავია, რამაც არ შეიძლება უკმაყოფილება არ გამოიწვიოს. მაგრამ ნეგატივთან ერთად არის უამრავი სილამაზე, უბრალოება და გემრიელი შემწვარი მწერები. დარწმუნებული ვართ, რომ ეს ქვეყანა ნამდვილი გამოცდა, გამოცდილება იქნება თქვენთვის, რომელიც ყველა მოგზაურმა უნდა გამოსცადოს, ამიტომ გირჩევთ ეს გამოცდილება თავადაც მიიღოთ!

ყველაზე იაფი ავიაბილეთები Tbilisi-დან Bangkok-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

15.08.2019

18.09.2019

1 stop

ფასი 2 053

25.09.2019

05.10.2019

1 stop

ფასი 1 890

22.02.2020

06.03.2020

2 stops

ფასი 1 825

09.03.2020

13.03.2020

2 stops

ფასი 1 857

 

Posted in ბლოგი, პირადი გამოცდილება and tagged , , , .

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა