იტალია ხსნის საზღვრებს ტურისტებისთვის

იტალიის მთავრობა 1 აპრილიდან გეგმავს საკარანტინო შეზღუდვებისა და ქვეყანაში შესვლის პირობების მოხსნას.

საზღვრების გადაკვეთის ახალი წესები ჯერ უცნობია. საჭირო იქნება თუ არა ვაქცინაციის სერთიფიკატი? – ასევე უცნობია. ხელისუფლებამ განაცხადა, რომ თუ COVID-19-ით ვითარება არ გაუარესდება, კარანტინი და ტესტირება აუცილებლად გაუქმდება.

გარდა ამისა, 1 აპრილიდან ქვეყანა გააუქმებს „მწვანე სერთიფიკატებს“ დაწესებულებების, ღონისძიებების, ბაზრობების, სასტუმროების და სხვა საზოგადოებრივი ადგილების ღია ტერიტორიებზე მოსანახულებლად.

ახლა იტალიაში პანდემიის მდგომარეობა უმჯობესდება – ყოველდღიური ინფექციების რიცხვი მცირდება.

ასევე შეგახსენებთ, რომ ავსტრიისა და შვეიცარიის ხელისუფლებამ თითქმის ყველა საკარანტინო შეზღუდვის გაუქმება გამოაცხადა.