ისრაელი ხსნის საზღვრებს ყველა ტურისტისთვის

ისრაელის მთავრობა ხსნის საზღვრებს ყველა უცხოელი ტურისტისთვის. 1 მარტიდან ქვეყანაში შესვლა როგორც აცრილი, ისე არავაქცინირებული მოგზაურები შეძლებენ.

ქვეყანაში შესასვლელად უნდა გაიაროთ ორი PCR ტესტი: ერთი გამგზავრებამდე, მეორე ჩასვლისას. თუ ორივე შედეგი უარყოფითია, მაშინ შეგიძლიათ თავისუფლად გადაადგილდეთ ქვეყნის მასშტაბით.

გარდა ამისა, ისრაელში საკარანტინო შეზღუდვების უმეტესობა უკვე მოხსნილია, დარჩენილი აკრძალვები კი უახლოეს მომავალში მოიხსნება. შესაძლებელი იქნება დაწესებულებების, ტურისტული ატრაქციონებისა და საზოგადოებრივი ადგილების უსაფრთხოდ დათვალიერება.

”დადგა დრო, თანდათან გავხსნათ ის, რაც ჩვენ პირველებმა დავხურეთ მსოფლიოში”, – თქვა ქვეყნის პრემიერმა.

მან ასევე დასძინა, რომ თუ COVID-19-ით ვითარება გაუარესდება, შეზღუდვები შეიძლება კვლავ დაბრუნდეს.

Timesofisrael.com-ის ცნობით.

ასევე შეგახსენებთ, რომ 1 აპრილიდან იტალიის მთავრობა ხსნის საზღვრებს ტურისტებისთვის.