wow air

ისლანდიური „ლოუკოსტ“ კომპანია WOW AIR ფრენებს წყვეტს

ისლანდიური „ლოუკოსტ“ კომპანია WOW AIR, რომელიც რეიკიავიკიდან ევროპის ქვეყნებში, ამერიკის შეერთებულ შტატებსა და კანადაში ახორციელებდა ფრენებს, დაიხურა. მგზავრებს სხვა კომპანიების მომსახურებით სარგებლობა ურჩიეს.

WOW Air-ის პრეს-სამსახურმა მიუთითა, რომ სხვა გადამზიდავ კომპანიებს ფასდაკლების შემოთავაზება შეუძლიათ წარმოქმილი ფორს-მაჟორის გამო.  კომპანიების ჩამონათვალის გამოქვეყნებას მოგვიანებით  დაჰპირდნენ. გაუქმებული რეისების მგზავრებს ავიაკომპანიამ შესთავაზა თავად მიემართათ ბანკებისთვის ან ტურისტული სააგენტოებისთვის ბილეთის საფასურის დაბრუნების გაფორმების ან ბილეთის გადაფორმების მიზნით.

WizzAir-მა უკვე გამოაცხადა სპეციალური ფასდაკლებები WOW Air-ის მომხმარებლებისთვის, რომლებიც რეიკიავიკიდან ლონდონში და ვარშავაში ან პირიქით მიეგზავრებოდნენ.

WOW Air მოლაპარაკებებს აწარმოებდა ისლანდიის ნაციონალურ გადამზიდავთან Icelandair-თან შერწყმის თაობაზე, მაგრამ საბოლოო ჯამში გარიგება არ შედგა. გარდა ამისა, მოლაპარაკებები მიმდინარეობდა ამერიკის პირდაპირი ინვესტიციების კერძო  ფონდთან Indigo Partners-თან, თუმცა უშედეგოდ.

WOW Air ცდილობდა  ხარჯების ოპტიმიზაცია მოეხდინა, შეამცირა ფლოტი და პერსონალი, მაგრამ ესეც უშედეგო აღმოჩნდა. ამჟამად კომპანიის წარმომადგენლები ინვესტორთა ჯგუფთან აწარმოებენ მოლაპარაკებებს  დამატებითი კაპიტალის ჩადების თაობაზე.

WOW Air 2012 წლიდან ფუნქციონირებდა. ავიაკომპანიის ფლოტი (2019 წლის მარტის მდგომარეობით) თერთმეტი Airbus A320 და ერთი ფართოფიუზელაჟის A330-300 თვითმფრინავისგან  შედგებოდა.

Posted in ბლოგი, სიახლეები and tagged , .