სამოგზაურო ჰოროსკოპი 2020

ჰოროსკოპი-2020: როგორ ავირჩიოთ მოგზაურობა ზოდიაქოს ნიშნების მიხედვით

2020 წელი არა მხოლოდ ახალ ათწლეულს ხსნის, არამედ „ახალ სანსარას“ იწყებს – ასტრონომიულ ციკლს, რომელიც ყოველ თორმეტ წელიწადში იცვლება. ასტროლოგები ამტკიცებენ, რომ ეს შესანიშნავი დროა ახალი წამოწყებისთვის, რომელიც მომავალში აუცილებლად გამოიღებს ნაყოფს. ამიტომ, წელს სხვადასხვა მოგზაურობასთან დაკავშირებითაც გონივრულად მოქცევას გვირჩევენ – ვინ იცის, სანამადე მიგვიყვანს ეს. ჩვენ გადავწყვიტეთ, რომ ვარსკვლავებს უფრო ყურადღებით დავაკვირდეთ და გიამბოთ, თუ რას ჰპირდება მოგზაურებს 2020 წელი.

ვერძი (21 მარტი – 20 აპრილი)

ვერძს კარიერული თვალსაზრისით საკმაოდ რთული წელი ექნება: მისი სამუშაო დღეები იმდენად დაძაბული იქნება, რომ უმჯობესი იქნება თუ შვებულებას მშვიდ ადგილას გაატარებს, სამთო ლაშქრობებსა და სპორტის ექსტრემალურ სახეობებზე ენერგიის დაკარგვის გარეშე. ამასთან, ვერძის ბუნება ისეთია, რომ იგი ახალი რამის შესწავლისკენ მიისწრაფვის, ამიტომ უბრალო საპაკეტო ტურებმა შეიძლება ვერ დააკმაყოფილოს მისი სამოგზაურო ამბიციები. მოკლედ რომ ვთქვათ, პლაჟზე სელაპივით წოლა უმჯობესია შეათავსოთ უცნობი კულტურის გაცნობასთან, მაგრამ ამაშიც მეტისმეტად ნუ გაირჯებით.

რეკომენდებული მიმართულებები: მექსიკა, ბალი, კამბოჯა.

კურო (21 აპრილი – 21 მაისი)

კურო – ამბიციური და შეუპოვარია, რომელსაც ახალი გასართობის პოვნა და მასში სულითა და გულით ჩაფლობა უყვარს. ალბათ, ახლა სწორედ ის დროა, რომ თქვენი გიჟური შრომისუნარიანობა გამოიყენოთ და იფიქროთ თქვენი კომპანიის საზღვარგარეთ მდებარე ოფისში სტაჟირების შესახებ (ან გაიაროთ რამდენიმე პროფესიული ტრენინგი ან სამეცნიერო კონფერენცია შორეულ ქვეყნებში). თეთრი მეტალის ვირთხის წელიწადში კურო ყველაზე კარგად თავს იგრძნობს ქვის ჯუნგლებში – თანამედროვე ქალაქებში ცათამბრჯენებით, კოსმოსური ბარებითა და მოწინავე ტექნოლოგიებით. ერთი სიტყვით, თუ რომელიმე ქვეყანაში გადაღებული ფოტოები დედაქალაქის ან თავისუფლების მოედნის მშობლიურ პეიზაჟებს მოგაგონებთ, დაჯავშნეთ ბილეთი, უბრალოდ შეეცადეთ სამსახურში არ „გადაიწვათ“.

რეკომენდებული მიმართულებები: სინგაპური, მალაიზია, ჰონგ-კონგი.

ტყუპები (22 მაისი – 21 ივნისი)

2020 წელს ტყუპებში გაიღვიძებს ლტოლვა ფუფუნებისკენ და ფულის ხარჯვის სურვილი. თუ თქვენ ჯერ კიდევ არ ხართ კმაყოფილი თქვენი პოზიციით კარიერულ კიბეზე, დროა სამუშაოს შეცვლაზე იფიქროთ. მაგალითად, ყურადღება უნდა მიაქციოთ საზღვარგარეთ არსებულ ვაკანსიებს ან უცხოურ უნივერსიტეტებში სწავლების შესაძლებლობებს. ვინაიდან მომავალი წელი ნებისმიერი წამოწყებისთვის წარმატებას გვპირდება, გაგზავნეთ განაცხადები ყველაზე გაბედულ პროექტებზე და დაელოდეთ დადებით პასუხს! მოკლევადიანი მოგზაურობისთვის უმჯობესია ფული არ დახარჯოთ: გაიცანით ქვეყანა, რომელსაც უახლოეს წლებში სახლს უწოდებთ, შეისწავლეთ მისი ადათ-წესები და დაამყარეთ სასარგებლო კონტაქტები.

რეკომენდებული მიმართულებები: ირლანდია, კანადა, ავსტრალია

კირჩხიბი (22 ივნისი – 22 ივლისი)

ახალ წელს თქვენ წარმავალი აურზაურისგან დასვენებას და სულიერი ზრდისკენ მიბრუნებას მოისურვებთ: დაკავდით იოგით გარიჟრაჟზე, მედიტაციით აშრამაში, იკვებეთ ხილით და სთხოვეთ რჩევა ცნობილ გურუებს. ფრთხილად იყავით, ზედმეტად ნუ შეზღუდავთ თქვენს სხეულს! და არ დაგავიწყდეთ, რომ „განათლებულ“ ქვეყნებში ჰიგიენის მხრივ ყოველთვის არ არის კარგი მდგომარეობა – ყოველ შემთხვევაში, წყლის დალევა უმჯობესია მხოლოდ ბოთლიდან, ხილი ყოველთვის გარეცხილი მიირთვით და, ზოგადად, საქართველოდან გაფრენამდე აქტივირებული ნახშირი მოიმარაგეთ.

რეკომენდებული მიმართულებები: ინდოეთი, ნეპალი, ტაილანდი.

ლომი (23 ივლისი – 23 აგვისტო)

როგორც ჩანს, დროა თქვენს მოწესრიგებულ საოფისე ცხოვრებას ცოტა ელფერი შემატოთ! ახალი წელი წარმატებული იქნება შემოქმედებისთვის: ისწავლეთ ცეკვა, ხატვა, იპოვეთ თქვენს ქალაქში ვოკალის მასწავლებელი ან თეატრალური სტუდია. პარალელურად, რა თქმა უნდა, არ დაგავიწყდეთ გაეცნოთ ხელოვნების ცნობილ ნიმუშებს, რის გამოც უცხოეთში გამგაზვრებაც არ იქნებოდა ურიგო: შვებულების დროს აუცილებლად დაგეგმეთ ვიზიტი მუზეუმებსა და ოპერაში. დარწმუნებული ვართ, რომ დიადი შედევრების ხილვა საკუთარი ხელოვნების ნაწარმოებების შესაქმნელად შთაგაგონებთ!

რეკომენდებული მიმართულებები: საფრანგეთი, ბელგია, ნიდერლანდები.

ქალწული (24 აგვისტო – 23 სექტემბერი)

წელს მცირე ფინანსური კრიზისი გელით. იმის გათვალისწინებით, რომ ქალწულებს კომფორტული დასვენება უყვართ, მათთვის რთული იქნება შეზღუდული ბიუჯეტით რაიმე თავიანთი გემოვნებით შეარჩიონ. ამიტომ ყურადღება მიაქციეთ შიდა ტურიზმს და ტურებს მეზობელ ქვეყნებში, ხოლო მოგზაურობას გირჩევთ მეგობრებთან ან ოჯახთან ერთად: საყვარელი ადამიანების გარემოცვა კი შეალამაზებს იმედგაცრუებას იმის მიმართ, რომ სასტუმროს აუზში წყალი არ არის საკმარისად ლურჯი. ნაკლებად სავარაუდოა, რომ დახვეწილმა ქალწულმა მყინვარწვერზე ასვლა გაბედოს, მაგრამ ჯანმრთელობის გაუმჯობესება ადგილობრივი კურორტების სანატორიუმებში ნამდვილად სასარგებლო იქნება. და კიდევ, ყურადღება მიაქციეთ რეგიონებს, რომლებიც განთქმულია თავიანთი ღვინით, ჩვენ ვიცით, თუ როგორ გიყვართ იგი.

რეკომენდებული მიმართულებები: საქართველო, თურქეთი, სომხეთი, აზერბაიჯანი.

სასწორი (24 სექტემბერი – 23 ოქტომბერი)

ეს წელი ახალ თავს ხსნის თქვენს ცხოვრებაში. 2020 წელს სწორედ სასწორს სწყალობს ბედი – იგი აუცილებლად შეხვდება თავის სიყვარულს და ნანატრ დაწინაურებასაც მიიღებს. ამგვარი იღბლიანობის წყალობით სასწორი ახალ ჰორიზონტებსაც აღმოაჩენს: თუ მთელი ცხოვრება შვებულებას ევროპაში ატარებდით, ამჯერად შეცვალეთ კონტინენტი ერთ-ერთ ადრე შეუსწავლელ ადგილზე და არ შეგეშინდეთ ხანგრძლივი ფრენის. შესაძლებელია სწორედ იქ შეხვდეთ თქვენს გულის სწორს და არაინაირი მნიშვნელობა არ აქვს თუ ვინ იქნება იგი – ისეთივე მოგზაური, როგორც თქვენ თუ ეგზოტიკური ლამაზმანი.

რეკომენდებული მიმართულებები: მაროკო, ტანზანია, ჩილე.

მორიელი (24 ოქტომბერი – 22 ნოემბერი)

თუ მორიელი ბრძანდებით, მაშინ, სავარაუდოდ, მთელი ცხოვრება თქვენ კონფორმისტის სახელი გაქვთ. შესანიშნავი სწავლა, პრესტიჟული უნივერსიტეტი, კარგი თანამდებობა – თუ ეს ყველაფერი თქვენს შესახებაა, ალბათ ის დრო დადგა, როდესაც თქვენს ცხოვრებაში ცოტა სიგიჟე უნდა შემოიტანოთ. სცადეთ იმოგზაუროთ უჩვეულო გზებით – ავტოსტოპი, ქოუჩსერფინგი, ჰაიკინგი; ღამე კარავში გაატარეთ, დაიბანეთ პირი მთის ნაკადულებში და საკვები კოცონზე მოამზადეთ. შეიყვარეთ კემპინგ-პარკები. იარეთ დღეში 30 კილომეტრი. შესაძლოა თავიდან მოგეჩვენოთ, რომ ეს ზედმეტად გაბედული გამოსვლაა კომფორტის ზონიდან, მაგრამ შემდეგ ასეთი მოგზაურობა ყველაზე ძვირფას მოგონებად იქცევა.

რეკომენდებული მიმართულებები: ყაზახეთი, მონღოლეთი, ბალკანეთის ნახევარკუნძულის ქვეყნები.

მშვილდოსანი (23 ნოემბერი – 21 დეკემბერი)

ბოლო დროს მეტისმეტი მოგზაურობისგან გადაიღალეთ. აღარ გახარებთ არც თბილი ზღვა, არც მსოფლიოს ყველაზე ცნობილი მუზეუმები და არც ბრენდული მაღაზიებით სავსე ქუჩები. გამოსავალია იხილოთ არა ადამიანის, არამედ ბუნების მიერ შექმნილი შედევრები. იქირავეთ ავტომობილი და იმოგზაურეთ ულამაზეს ლანდშაფტებსა და ეროვნულ პარკებში, თუმცა ნუ აჩქარდებით: ყველაფერი კარგად დაათვალიერეთ. მაგრამ ყოველთვის კარგად დააკვირდით სად ადგამთ ფეხს და შეეცადეთ არ მოხვდეთ დათვის კლანჭებში, არ გადავარდეთ მთიდან და არ დაადგათ ფეხი ვულკანურ ლავას.

რეკომენდებული მიმართულებები: აშშ, ისლანდია, კაპადოკია.

თხის რქა (22 დეკემბერი – 20 იანვარი)

მომავალ წელს თქვენ ნოსტალგია შეგიპყრობთ: ხშირად დაიწყებთ ფიქრს იმ ბავშვურ და ჭაბუკურ ოცნებებზე, რომლებიც არ ასრულებულა, თქვენ ინანებთ იმის შესახებ, რაც ადრე არ გააკეთეთ. ეს ნოსტალგია თქვენს სასარგებლოდ მოაბრუნეთ: აჩუქეთ საკუთარ თავს ცოდაოდენი ზღაპარი, გაიხსენეთ თქვენი სასკოლო წლების საყვარელი მოთხრობები, იქნება ეს რომანები ჰარი პოტერის თუ ზღაპრები მუმინების შესახებ. შეგიძლიათ დაიწყოთ უახლოესი საახალწლო დღესასწაულებით: ეწვიეთ თოვლის პაპას სამშობლოს – გინდ ველიკი-უსტიუგს, გინდ ლაპლანდიას.

რეკომენდებული მიმართულებები: დიდი ბრიტანეთი, ფინეთი, ახალი ზელანდია.

მერწყული (21 იანვარი – 19 თებერვალი)

ვირთხის წელიწადში მერწყულს მარტოობისკენ მიუწევს გული, იგი უპირატესობას უფრო სოლო-მოგზაურობას მიანიჭებს, ვიდრე მეგობრებთან ერთად დასვენებას; ამ ნიშნის წარმომადგენლები ოჯახურ დასვენებზეც კი უარის თქმას შეეცდებიან. შვებულების დროს დამოუკიდებლობისადმი მისწრაფების სრულად დასაკმაყოფილებლად, გირჩევთ გაემგზავროთ კუნძულებზე, რომლებიც ჯერ კიდევ არ არის ტურისტების ნაკადებით სავსე: შეგიძლიათ დატკბეთ მარტოობით ხმაურიანი ოკეანისა და თითქმის ხელუხლებელი ბუნების გარემოცვაში.

რეკომენდებული მიმართულებები: აზორის კუნძულები, არანის კუნძულები, საფრანგეთის პოლინეზია.

თევზები (20 თებერვალი – 20 მარტი)

2020 წელს თევზებისთვის რეკომენდებულია წარსულთან ჰარმონიაში მოსვლა: გაიგონ მათი წარმოშობის შესახებ, მოაწესრიგონ ურთიერთობა საკუთარი ოჯახის უფროს თაობასთან. ეს ალბათ ისტორიის შესწავლისადმი მისწრაფებას გააღვიძებს, ამიტომ თქვენ დაგაინტერესებთ ის ქვეყნები, რომელთა შესახებაც სასკოლო სახელმძღვანელოებში წაგიკითხავთ. რა თქმა უნდა, სირიაში გამგზავრება ჯერ არ ღირს, მაგრამ დადგა დრო, რომ შეეხოთ სპარსეთის იმპერიის სათავეებს ან ძველი აკროპოლისის ქვებს.

რეკომენდებული მიმართულებები: საბერძნეთი, იტალია, ირანი.

Posted in ბლოგი, იდეები მოგზაურობისთვის and tagged , , .