გერმანიაში ბავშვებთან ერთად: რა შეიძლება დაათვალიეროთ ბერლინში, მიუნხენში და მათ მიდამოებში

სად შეიძლება წავიდეთ ისე, რომ უფროსებისთვისაც საინტერესო იყოს და ბავშვებიც არ აწუწუნდნენ მოწყენილობისგან? ჩვენ ბერლინისა და მიუნხენის ყველაზე საინტერესო ადგილები შევარჩიეთ ოჯახთან ერთად მოგზაურობისთვის და ასევე გავარკვიეთ, თუ გერმანული სამზარეულოს რომელი კერძებია ბავშვთა კვებისთვის შესაფერისი. მივიღეთ ერთგვარი „შპარგალკა“ მათთვის, ვინც გერმანიაში მოგზაურობას  გეგმავს, გამოიყენეთ!

მიუნხენი და მიდამოები

„ევროპა-პარკი“

ყველაზე დიდი გასართობი პარკი გერმანიაში და მეორე ყველაზე პოპულარული პარკი ევროპაში პარიზის დისნეილენდის  შემდეგ. პარკს ყოველწლიურად 5 მილიონზე მეტი ადამიანი სტუმრობს.

პარკი თემატურ ზონებადაა დაყოფილი, რომელთაგან 15 ზონას სხვადასხვა ქვეყნის საპატივცემულოდ ეწოდა სახელი და მათ სტილშია გაფორმებული. მოკლე დროში შეგიძლიათ მოინახულოთ გერმანია, საფრანგეთი, ავსტრია, ინგლისი, ისლანდია და სხვა წარმოდგენილი სახელმწიფოები მატარებელით გასეირნების გზით.

აქ ასობით ატრაქციონია: ბავშვებისა და მოზრდილებისთვის, მშვიდი გართობის მოყვარულთათვის და მათთვის, ვისაც საკუთარი ნერვების გამოცდა სურს. ატრაქციონებზე ბავშვები სიმაღლის მიხედვით დაიშვებიან: რამდენიმე სანტიმეტრიც რომ გაკლდეთ,  ჯერ შესვლა ადრეა.

გაითვალისწინეთ, რომ შაბათ-კვირას და დასვენების დღეებში თითოეულ მოთხოვნად ატრაქციონზე შესაძლებელია 30-40 წუთი ლოდინი მოგიწიოთ, ამიტომ უმჯობესია თუ ამ ადგილს 2 დღით ესტუმრებით (ამ შემთხვევაშიც კი შეიძლება ყველაფერი ვერ მოასწროთ) და ღამისთევას პარკში ან ქალაქ რუსტში დაგეგმავთ.

ტერიტორიაზე განთავსებულია კაფეები, რესტორნები, ტკბილეულის ჯიხურები, სუვენირების მაღაზიები, კემპინგი და სასტუმროები. თითქმის ყველგან იღებენ ბარათებს, მაგრამ არ იქნებოდა ურიგო თუ თან ცოტაოდენ ნაღდ ევროს იქონიებთ.

კათოლიკური შობის წინ „რუსეთის“ თემატურ ზონაში ხელოვნური თოვლი ჩნდება და წმინდა ნიკოლოზის რეზიდენცია იწყებს მუშაობას. ბავშვებისთვის იმართება კონკურსები პრიზებით, აწყობენ ბაზრობებს ტრადიციული გამასპინძლებით.

მისამართი: Europa Park Straße 2, Rust. მიუნხენიდან მატარებლით მხოლოდ გადაჯდომით შეძლებთ მგზავრობას (4.5-5 საათის გზა), უფრო მოხერხებულია მანქანის დაქირავება.

სამუშაო განრიგი: ზაფხულის სეზონი (2017 წლის 5 ნოემბრამდე): 9:00-დან 18:00 საათამდე, ზამთრის სეზონი (2017 წლის 25 ნოემბრიდან 2018 წლის 7 იანვრის ჩათვლით): 11:00-დან 19:00 საათამდე. როდესაც ბევრი ვიზიტორია, პარკი უფრო დიდხანს არის ღიაა, ზოგჯერ 20:00-21:00 საათამდეც კი. დეტალური განრიგი და წარმოდგენეთა სია შეგიძლიათ ოფიციალურ ვებგვერდზე იხილოთ.

ღირებულება: საბავშვო ბილეთი (4-11 წლის ბავშვებისთვის) ერთი დღით – €34.5-40.5, მოზრდილთათვის – €41-47. ორი დღის აბონემენტის საფასურია €58-76 და €69-88.5 შესაბამისად. ფასში შედის პარკის ყველა ატრაქციონი და ასევე წარმოდგენაზე შესვლა.

თერმული კომპლექსი Galaxy

ბავშვებს აქ პირველ რიგში დახურული აკვაპარი აინტერესებთ (ყველაზე დიდი ევროპაში), მოზრდილთათვის კი საუნა და აბანოები ფუნქციონირებს. ახალგაზრდა სტუმრებს  20 სხვადასხვა დონის  სასრიალო სლაიდი ელოდებათ: დამრეცი და ფართო, რომლებზეც ბავშვებს მშობლებთან ერთად შეუძლიათ ჩამოსრიალება, და ისეთებიც კი, რომლებზეც თავგამოდებულ ექსტრემალებსაც კი სუნთქვა შეეკრებათ. მათ შორისაა ყველაზე გრძელი დასაშვები ევროპაში (365 მეტრი) და პარკის ყველაზე სწრაფი სასრიალო თითქმის 20 მეტრის სიმაღლეზე.

მისამართი: Thermenallee 1, Erding. მიუნხენიდან ქალაქის ელექტრომატარებლით შეგიძლიათ მგზავრობა (S2 ხაზი) Altenerding გაჩერებამდე და შემდეგ კი უფასო ავტობუსით ან ფეხით (დაახლოებით 15 წუთი).

სამუშაო განრიგი: 9:00-დან 21:00 საათამდე (23:00), კვირის დღეების მიხედვით.

ღირებულება: €18 – 2 საათი, €24 – 4 საათი, €33 – მთელი დღის განმავლობაში. 3 წლამდე ასაკის ბავშვებისთვის შესვლა უფასოა.

ზოოპარკი Hellabrunn

ყველაზე დიდი ზოოპარკი ევროპაში (39 ჰექტარი) და პირველი  მსოფლიოში, სადაც პირობები მაქსიმალურადაა მიახლოებული ბუნებრივთან. იგი „კონტინენტებადაა“ დაყოფილი, სადაც ცხოველები მათი წარმოშობის მიხედვითაა განთავსებული.

ზოოპარკში დაახლოებით 650 სახეობის 14 500 მკვიდრი ბინადრობს, რომელთაგან ყველაზე დიდი სპილოები და ჟირაფებია. ბავშვები ასევე კონტაქტური ზოოპარკით დაინტერესდებიან, სადაც შინაურ ცხოველებთან კონტაქტი და მათი გამოკვებაა შესაძლებელი (საკვები ტერიტორიაზე განთავსებულ ავტომატურ აპარატებში იყიდება).

მისამართი: Tierparkstr 30.  თქვენ მეტროთი უნდა იმგზავროთ Thalkirchen გაჩერებამდე, შემდეგ კი მინიშნებებს მიჰყევით.

სამუშაო განრიგი: 9:00-დან 16:00 საათამდე (18:00), სეზონის მიხედვით.

ღირებულება: საბავშვო ბილეთი (4-14 წლის ბავშვებისთვის) – €6, მოზრდილთათვის – €15.

Legoland

უამრავი ბავშვისა და მათი მშობლების  ახდენილი ოცნება – უზარმაზარი პარკი, სადაც ყველაფერი პლანეტის ყველაზე ცნობილი კონსტრუქტორის კუბებიდანაა შექმნილი. რამდენად დიდია? გამოთვალეს, რომ იმისათვის, რომ ყველა ატრაქციონზე გაერთოთ, წარმოდგენასა და 4D ფილმებს უყუროთ, და ასევე მასტერ-კლასში მიიღოთ მონაწილეობა 12 საათი დაგჭირდებათ! თუ თქვენს  ბავშვს მტკიცედ აქვს გადაწყვეტილი, მოგზაურობა რამდენიმე დღით დაგეგმეთ – თქვენ შეგიძლიათ დაჯავშნოთ ოთახი სასტუმროში ან ტერიტორიაზე თემატურად გაფორმებული კოტეჯი დაიქირავოთ.

პარკის ერთ-ერთი ყველაზე საინტერესო ზონაა Miniland, სადაც ევროპის ქვეყნების, ქალაქებისა და ცნობილი ღირსშესანიშნაობების Lego კონსტრუქტორისგან აგებული მინიატურებია წარმოდგენილი 1:20-ის მასშტაბით.

აქ შეძლებთ იხილოთ მინიატურული ბავარიული  ნოიშვანშტაინის სასახლე, ვენეცია, ბერლინი, ფრანკფურტი, ნიდერლანდები და მრავალი სხვა საინტერესო რამ. სათამაშო სახლებში ლეგო-ადამიანები ცხოვრობენ,  ქუჩებში მანქანები მოძრაობენ, მდინარეებზე გემები დაცურავენ… შორიდან ვერც კი იტყვით, რომ ეს ყველაფერი სათამაშოა.

მისამართი: Legoland Allee, Günzburg. ქალაქი მდებარეობს მიუნხენიდან მატარებლით ერთი საათის მგზავრობის მანძილზე.

სამუშაო განრიგი: პარკი ღიაა 2018 წლის 5 ნოემბრამდე 10:00-დან 18:00 საათამდე (19:00), სათამაშო მოედნები და ატრაქციონები – 10:00-დან 17:00 საათამდე (18:00). 2019 წელს პარკი  24 მარტს პირველად მიიღებს სტუმრებს, აქტუალური განრიგი ვებგვერდზე შეგიძლიათ იხილოთ.

ღირებულება: €35 მთელი დღის განმავლობაში. 3 წლამდე ასაკის ბავშვებისთვის შესვლა უფასოა.

ცირკი „კრონე“

იგი 1870 წელს დაარსდა, როგორც მოძრავი სამხეცე, ხოლო 1919 წელს  მიუნხენში დამკვიდრდა და სტაციონარულ ცირკად იქცა. დღეს ცირკი  ქვეყნის ფარგლებს მიღმაც კარგადაა ცნობილი და წარმატებულად გასტროლირებს ევროპაში.

საჰაერო ტანმოვარჯიშეები, ეკვილიბრისტები, ილუზიონისტები, ჯამბაზები, ცხენოსნები – პროგრამა ისეა შედგენილი, რომ არც ერთი მაყურებელი, მოზრდილი თუ ბავშვი, არ დარჩეს გულგრილი. პატარა სტუმრებს განსაკუთრებით ის ნომრები მოწონთ, რომლებშიც ცხოველები მონაწილეობენ, მაგალითად გაწვრთნილი სპილოების გამოსვლა.

მისამართი: Zirkus-Krone-Straße 1-6. შეგიძლიათ ქალაქის S-Bahn ელექტრომატარებლით ან #16, 17 ტრამვაით იმგზავროთ (Hackerbrücke გაჩერებაზე ჩამოდით).

სამუშაო განრიგი: სამუშაო დღეებში წარმოდგენები  20:00 საათზე იწყება, შაბათ-კვირას და დღესასწაულებზე კი – 14:30 და 18:30 საათზე.

ღირებულება: €15-დან €40-მდე.

სათამაშოების მუზეუმი

სავარაუდოდ ეს არის ყველაზე ხელმისაწვდომი საბავშვო მუზეუმი ძვირადღირებულ მიუნხენში. იგი ქალაქის ცენტრში მდებარეობს, ძველი რატუშას კოშკში და წარმატებით შეგიძლიათ ჩაამატოთ ქალაქის დათვალიერების მარშრუტში.

სათამაშოები  ჩეხი მწერლისა და სცენარისტის ივან შტაიგერის მიერაა შეგროვებული,  კოლექციის ნაწილი პრაღის ანალოგიურ მუზეუმში ინახება. ექსპონატები სხვადასხვა დროს შეიქმნა – XVIII საუკუნიდან დღემდე, ევროპელი და ამერიკელი ოსტატების მიერ.

თოჯინები და მათი სახლები მინიატურული ავეჯით, მანქანები, ცხოველთა ფიგურები, კალის ჯარისკაცები, სადგური, რომლის ბაქანზე მატარებლები დგება, რანჩო, სადაც კოვბოები ცხოვრობენ – თქვენს შვილს აქ ნამდვილად მოეწონება  სქესისა და გემოვნების მიუხედავად. მასთან ერთად კი თქვენც ბავშვობაში  დაბრუნდებით.

მისამართი: Marienplatz 15.

სამუშაო განრიგი: 10:00-17:30.

ღირებულება: საბავშვო ბილეთი – €1, მოზრდილთათვის – €4.

ბერლინი და მიდამოები

ზოოპარკი

უძველესი ზოოპარკი, რომელიც საზოგადოებისთვის 1844 წელს გაიხსნა, მსოფლიოში ყველაზე მრავალფეროვნადაა მიჩნეული: აქ დაახლოებით 1 400 სახეობის  20 000 ცხოველი ბინადრობს. პროგრამის მშვენებაა  გიგანტური პანდები, რომლებსაც გერმანიის სხვა ქალაქებში ვერ იპოვით.

შავ-თეთრი დათუნიების გარდა, აქ ჟირაფები, სპილოები, გორილები, ნიანგები, ზღვის კატები ბინადრობენ… კონტაქტური ზოოპარკიც აქვე მდებარეობს, სადაც ცხოველების პატარა მოყვარულებს შეუძლიათ  თხებსა და ცხვრებს სპეციალური საკვებით გაუმასპინძლდნენ, რომელიც ავტომატურ აპარატებში იყიდება.

მისამართი: Hardenbergplatz 8. შეგიძლიათ ქალაქის S-Bahn ელექტრომატარებლით, მეტროთი ან ავტობუსით იმგზავროთ (გამოგადგებათ №100 ტურისტული მარშრუტი).

სამუშაო განრიგი: 9:00-დან 16:30 საათამდე (18:30).

ღირებულება: საბავშვო ბილეთი (4-15 წლის ბავშვებისთვის) – €8, მოზრდილთათვის – € 15.5.

Legoland

გასართობ ცენტრში  მოზრდილებს უშვებენ მხოლოდ 17 წლამდე ასაკის ბავშვებთან ერთად (გამონაკლისია Adult Night).

აქ შეგიძლიათ ლეგოსგან დინოზავრების კუნძული ააგოთ Dino Explorer-ის  ზონაში, გაიგოთ თუ როგორ აწარმოებენ თქვენს საყვარელ კონსტრუქტორს LEGO Factory-ს მონახულებით და იხილოთ ბერლინის მინიატურული ასლი, რომლის შესაქმნელად 2 მილიონი დეტალი დასჭირდათ.

2-5 წლის ბავშვებს  DUPLO Village-ში მოეწონებათ, სადაც ლეგოს აწყობა მშობლებთან ერთად არის შესაძლებელი. უფრო მოზრდილი ბავშვები აღფრთოვანებული დარჩებიან ლეგოს ფიგურების აწყობის მასტერ-კლასში მონაწილეობის მიღებით. მასტერ-კლასებს სწორედ ის ადამიანები ატარებენ, რომლებმაც ცენტრი გააფორმეს.

დამატებითი ქვესტი მშობლებისთვის: სცადეთ ისე წახვიდეთ, რომ საფირმო მაღაზიაში კონსტრუქტორის კიდევ ერთი ნაკრები არ შეიძინოთ.

მისამართი: Potsdamer Straße 4. შეგიძლიათ ავტობუსით (Varian-Fry-Straße გაჩერებამდე) ან მატარებლით (Potsdamer Platz გაჩერებამდე) იმგზავროთ.

სამუშაო განრიგი: 10:00-19:00.

ღირებულება: €11-22.5. 3 წლამდე ასაკის ბავშვებისთვის შესვლა უფასოა.

ინტერაქტიული მუზეუმი MACHmit!

ძველი Elias ეკლესიის კედლებში, დღეს მდებარეობს რაღაც სამეცნიერო ცენტრსა და დახურულ სათამაშო მოედანს შორის არსებული. აქ საცოცავი კედელია განთავსებული მათთვის, ვისაც  აქტიური გართობა უყვარს. ხოლო იმ ბავშვებს, რომლებიც ცოდნისკენ მიისწრაფვიან, შეუძლიათ გეზი პირდაპირ ტიფოგრაფიისკენ, სამხატვრო სახელოსნოსკენ, საპნის მწარმოებელი ქარხნისკენ ან ლაბორატორიისკენ აიღონ.

აქ დროდადრო საინტერესო ლექციები და ორგანზე დაკვრის მასტერ-კლასები იმართება. მშობლებს შეუძლიათ კაფეში დასხდნენ და  ბავშვებს თვალყური ადევნონ.

ძირითადი აქტივობები 4-12 წლის ასაკის ბავშვებისთვისაა  განკუთვნილი, უფრო პატარა ასაკის ბავშვებისთვის კი უსაფრთხო სათამაშო მოედანია მოწყობილი.

მისამართი: Senefelderstraße 5. შეგიძლიათ ქალაქის S-Bahn ელექტრომატარებლით (Prenzlauer Allee გაჩერებამდე) ან  მეტროთი (Eberswalder Straße გაჩერებამდე) იმგზავროთ

სამუშაო განრიგი: ყოველდღე, ორშაბათის გარდა, 10:00-დან 18:00 საათამდე.

ღირებულება: ორ წლამდე ასაკის ბავშვებისთვის შესვლა უფასოა. საბავშვო ბილეთის ღირებულებაა €3.5, მოზრდილთათვის კი – €7.

წყლის პარკი Tropical Island Resort

ევროპის უმსხვილესი დახურული ტროპიკული კურორტი (ფართობი – 66,000 მ²). თუ გარეთ წვიმს ან ყინავს, შეგიძლიათ პალმის ხეების ქვეშ ქვიშაზე ბერლინის მახლობლად დაისვენოთ.

ბავშვებისთვის მოქმედებს Tropino Club, სადაც  განთავსებულია მთასვლელთა ზონა, სოფტბოლის სათამაშო მოედანი, Lego კონსტრუქტორები, მაგიდის ჰოკეი და სარბოლო ბილიკი. მძაფრი შეგრძნებების მოყვარულებს მოეწონებათ გერმანიაში ყველაზე მაღალი წყლის სასრიალო (27 მეტრი). დაშვებისას თქვენ  70 კმ/სთ-მდე სიჩქარის განვითარებას შეძლებთ.

კომპლექსის სხვა ზონებიდან აღსანიშნავია წვიმის ტყე სახურავის ქვეშ (600-ზე მეტი სახეობის 50 000 მცენარე) და ტროპიკული სოფელი, სადაც ტრადიციული შენობების ნიმუშებია თავმოყრილი (აქ კაფეებისა და რესტორნების უმრავლესობა მდებარეობს). თუ მოგეწყინებათ, შეგიძლიათ საჰაერო ბუშტის კალათით აფრინდეთ 15 ან 60 მეტრის სიმაღლეზე.

მისამართი: Tropical-Islands-Allee 1, Krausnick. ბერლინიდან შეგიძლიათ მატარებელით ჩამოხვიდეთ, Brand Tropical Islands სადგურამდე.

სამუშაო განრიგი: 24 საათი, 7 დღე კვირაში (შობის გარდა).

ღირებულება: საბავშვო ბილეთი (5-14 წლის ბავშვებისთვის) დღეში – €33-39.5, მოზრდილთათვის – €42-49.

ბავშვები ასევე ტექნიკური მუზეუმისა და  საბუნებისმეტყველო მუზეუმის კოლექციებით შეიძლება დაინტერესდნენ, რომელთა შესახებ ჩვენ ცოტა ხნის წინ დავწერეთ.

ბავშვთა კვება გერმანიაში

ტრადიციული გერმანული სამზარეულო უპირატესად ცხიმიანი ხორციანი კერძებისგან შედგება, რომლებიც საეჭვოა, რომ ბავშვებისთვის იყოს შესაფერისი.  თუ საჭმლის კეთება არ გსურთ, მაშინ რესტორნის მენიუში შემდეგ პუნქტებს მიაქციეთ ყურადღება:

  • kartoffelsalat – კარტოფილის სალათი, რომელიც ძირითად ინგრედიენტთან ერთად შეიძლება შეიცავდეს მოხარშულ კვერცხს, ქათმის მკერდს ან ქაშაყს, კიტრის მწნილს, ვაშლს, ნიახურს;
  • leberkäse – ხორცის პური;
  • ბრეცელი – კრენდელი შაქრით, ყველით ან მარილით (კლასიკური ვარიანტი, რომელიც ჩვეულებრივ ლუდთან მიაქვთ ხოლმე);
  • obatzter – პურზე „წასასმელი“ ყველისგან, კარაქისგან, მწვანილისა და სანელებლებისგან. ასევე არსებობს სხვა ინგრედიენტების შემცველი ვარიანტები: ხაჭო, თხილი, სოკო და სხვ.
  • kartoffelklöße – კარტოფილის გუფთა;
  • მოშუშული მჟავე კომბოსტო;
  • წვნიანი, მაგალითად, eintopf – სქელი და ნოყიერი, „სალიანკის“ მსგავსი, ან pfannkuchensuppe – ბულიონი ბლინებით;
  • gaisburger marsch – მოშუშული ხორცი ქოთანში;
  • klopse – ხბოს ხორცის გუფთა;
  • kartofelpuffer – კარტოფილის ოლადები;
  • kartoffel möhren pfanne – კარტოფილისა და სტაფილოს ბლინები;
  • zwiebelrostbraten – შემწვარი ხბოს ხორცი.

 

პირდაპირი ფრენები Kutaisi-დან Berlin-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

16.11.2018

23.11.2018

ფასი 548

07.12.2018

14.12.2018

ფასი 397

11.01.2019

16.01.2019

ფასი 334

პირდაპირი ფრენები Kutaisi-დან Memmingen-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

17.11.2018

20.11.2018

ფასი 363

01.12.2018

08.12.2018

ფასი 315

ავიაბილეთები ამ თვეში Tbilisi-დან Munich-მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

08.11.2018

12.11.2018

1 stop

ფასი 767

11.11.2018

17.11.2018

1 stop

ფასი 932

12.11.2018

19.11.2018

1 stop

ფასი 941

13.11.2018

20.11.2018

1 stop

ფასი 923

14.11.2018

21.11.2018

1 stop

ფასი 884

15.11.2018

22.11.2018

1 stop

ფასი 773

16.11.2018

21.11.2018

1 stop

ფასი 867

17.11.2018

24.11.2018

1 stop

ფასი 763

21.11.2018

30.11.2018

1 stop

ფასი 702

22.11.2018

28.11.2018

1 stop

ფასი 730

23.11.2018

27.11.2018

1 stop

ფასი 674

24.11.2018

25.11.2018

1 stop

ფასი 825

27.11.2018

08.12.2018

1 stop

ფასი 766

29.11.2018

02.12.2018

1 stop

ფასი 664

ავიაბილეთები ამ თვეში Tbilisi-დან Berlin-მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

08.11.2018

11.11.2018

2 stops

ფასი 924

09.11.2018

03.12.2018

1 stop

ფასი 856

10.11.2018

19.11.2018

1 stop

ფასი 787

12.11.2018

15.12.2018

1 stop

ფასი 842

13.11.2018

28.02.2019

1 stop

ფასი 841

14.11.2018

21.11.2018

1 stop

ფასი 805

15.11.2018

22.11.2018

1 stop

ფასი 803

19.11.2018

17.02.2019

1 stop

ფასი 699

20.11.2018

05.12.2018

1 stop

ფასი 762

21.11.2018

28.11.2018

1 stop

ფასი 715

22.11.2018

07.12.2018

1 stop

ფასი 676

23.11.2018

27.11.2018

1 stop

ფასი 792

30.11.2018

28.02.2019

1 stop

ფასი 646

sastumroebi
Posted in ბლოგი and tagged , , , , , , , .

მალხაზ კევლიშვილი