მივფრინავთ გადაჯდომით: სასარგებლო რჩევები

ხშირად ხდება ხოლმე, როცა რაიმე მიზეზების გამო გვიხდება რეისის შერჩევა გადაჯდომით. მათთვის, ვინც ამგვარად პირველად მგზავრობს შეიძლება წამოიჭრას უამრავი შეკითხვა ამ სახეობის გადაფრენის ნიუანსებთან დაკავშირებით. პასუხებსა და რჩევებს ქვემოთ იხილავთ

რეისებს გადაჯდომით ყველაზე ხშირად ირჩევენ მათი ბიუჯეტიანობის გამო პრინციპითაჯობებს აეროპორტში დავიცადო 2 საათი, ვიდრე ზედმეტი გადავიხადოდა თუ გამოცდილი მოგზაურებისათვის ამგვარი გადაფრენა ჩვეული რამ არის, გადაფრენის გადაჯდომით პირველად განმახორციელებელთა შორის უცებ ჩნდება უამრავი შეკითხვა. სწორედ მათზე შევეცადეთ პასუხების გაცემას ქვემოთ.

მაშ ასე

რა სახის გადაჯდომა მაქვს?

ისინი სხვადასხვაგვარია. მაგალითად შეიძლება გქონდეთ ერთიანი ბილეთი, როცა მთელ გადაფრენას (მათ შორის გადაჯდომას) ერთი ავიაკომპანია ემსახურება. ეს ყველაზე მოხერხებული ვარიანტია, ვინაიდან გადამზიდავს ამ შემთხვევაში მგზავრი დანიშნულების ადგილამდე მიჰყავს. თუ, მაგალითად რეისი შეფერხდა, ვალდებული იქნებიან დაგსვან ამ ავიაკომპანიის სხვა თვითმფრინავზე. თუ გადაჯდომის დრო 8 საათს აღემატება, ზოგიერთი გადამზიდავი (მაგალითისათვის Emirates) სასტუმროს ადგილებს სთავაზობს მგზავრებს. ბარგსაც დაარეგისტრირებენ და მიიტანენ მარშრუტის საბოლოო პუნქტში. ასეთი ბილეთით დამატებითი რეგისტრაცია აღარ დაგჭირდებათ

მეორე ვარიანტია . . „კოდშერინგი“, როცა ერთიან ბილეთს ყიდულობთ ერთ გადამზიდავთან, თუმცა გზის ნაწილს მგზავრობთ პარტნიორი კომპანიის თვითმფრინავით. ამ შემთხვევაში თქვენ ასევე დარეგისტრირებული იქნებით ბარგით დანიშნულების ადგილამდე და მოგიწყობენ გადაჯდომას. განსხვავება მხოლოდ ის გხლავთ, რომ გაუთვალისწინებელი შემთხვევების დროს (ბარგის გაფუჭება თუ დაკარგა და მისთანანი) ყველა პრეტენზია უნდა წაუყენოთ პარტნიორ კომპანიას. შენიშვნა: ამგვარი გადაფრენის შემთხვევაში დამატებითი გადამზიდავის სახელწოდება ბილეთში შეიძლება არც იყოს მითითებული.

შემდეგი ვარიანტიინტერლაინშეთანხმებაავიაკომპანიებს შორის შეთანხმება, რომლის დროსაც ერთი გადამზიდავის კომპანია აღიარებს მეორის ბილეთებს. ანუ, ერთ კომპანიას შეუძლია მოგყიდოთ მეორე კომპანიის ბილეთი. მთავარი არსი იმაშია, რომ ეს ხერხი იძლევა ერთიანი ბილეთის უფრო მომგებიან ფასში შეძენის საშუალებას, ვიდრე რამოდენიმე ცალცალკე ბილეთის ყიდვის შემთხვევაში. ხშირად ამგვარ რეისებზე მოქმედებს სპეციალური ტარიფები.

მნიშვნელოვანია! ამსახის ბილეთებში ყოველთვის მითითებულია ყველა გადამზიდავი კომპანია. ბარგის რეგისტრაციას ასევე გაგიკეთებენ რეისის ბოლომდე, მაგრამ ამის შესახებ ცალკე უნდა განაცხადოთ. ზოგჯერ გადაჯდომის დროს საჭირო ხდება რეგისტრაციის ხელახლა გავლა გზის მეორე ნაწილისათვისესეც გასათვალისწინებელი გაქვთ.

ბოლო ვარიანტი კირამოდენიმე ცალკეული ბილეთი. ბევრს იგი ყველაზე მოუხერხებლად მიაჩნია, ვინაიდან ასეთ შემთხვევაში მოგიწევთ ბარგის წაღება და ხელმეორედ მისი დარეგისტრირება გადაჯდომის პუნქტში, ასევე რეგისტრაციის ხელახლა გავლა გზის შემდგომ მონაკვეთზე. რეისზე დაგვიანების შემთხვევაში, სავარაუდოდ მოგიწევთ ახალი ბილეთის შეძენა. ასეთი კომბინირებული გადაფრენის ფასიც ხშირად უფრო მაღალია სხვა ვარიანტებთან შედარებით. ამიტომ, თუ გადაწყვეტთ ამ ვარიანტით სარგებლობას იზრუნეთ გადაჯდომისათვის საკმარისი დროის გამოყოფის შესახებ (კარგი იქნება, რომ დაიზღვიოთ თავი და გადასაჯდომი პუნქტიდან შემდეგ დღეს გაემგზავროთ).           

მჭირდება თუ არა სატრანზიტო ვიზის გაფორმება გადაჯდომის დროს?

თავშივე აღვნიშნავთ, რომ ეს საკითხი დასაზუსტებელია ჯერ კიდევ ბილეთის შეძენამდე. ჩვეულებისამებრ სატრანზიტო ვიზა საჭირო არ არის, თუ თქვენი შემდგომი რეისი მიემართება იმავე აეროპორტიდან და ტერმინალიდან, რომელშიც ჩახვედით და ამავე დროს, არც ბარგის აღება გჭირდებათ. ამ შემთხვევაში უბრალოდ ელოდებით შემდეგ თვითმფრინავს აეროპორტის სატრანზიტო ზონაში საემიგრაციო კონტროლის გავლის გარეშე

ხოლო სატრანზიტო ვიზა გაიცემა, თუკი:

  • მიფრინავთ გადაჯდომით და გჭირდებათ აეროპორტის შეცვლა.
  • გადაჯდომის შემთხვევაში გიხდებათ ტერმინალის შეცვლა, ამისათვის კი ქალაქში გასვლა (მაგალითად, გამგზავრების ტერმინალი მდებარეობს სხვა რაიონში).
  • გჭირდებათ ორი ან მეტი გადაჯდომის განხორციელება. ამ შემთხვევაში სატრანზიტო ვიზა უნდა გაფორმდეს პირველი ქვეყნის საელჩოში.
  • თქვენი გადაჯდომა მოხდება დიდ ბრიტანეთში (იმ პირობით, რომ მისი ხანგრძლივობა შეადგენს 24 – 48 სთ). ასეთ შემთხვევაში წინასწარ უნდა გააფორმოთ Visitor in transit Visa. ხოლო, თუკი გადაჯდომა გაგრძელდება 48 სთზე მეტ ხანს, დაგჭირდებათ ჩვეულებრივი Transit Visa.
  • მგზავრობთ ორი სხვადასხვა ბილეთით (მაგალითად, კიევიდან ლონდონში და ლონდონიდან ბერლინში). მაშინ დაჭირდებათ ვიზა ბარგის მისაღებად და შემდგომ რეისზე დასარეგისტრირებლად.

მნიშვნელოვანია. ზოგიერთი ქვეყანა (მაგალითად აშშ, ავსტრალია და კანადა) მოითხოვს სატრანზიტო ვიზის არსებობას თუნდაც მხოლოდ აეროპორტის ტერიტორიაზე სატრანზიტო ზონაში ყოფნისათვის. ტვირთთან დაკავშირების ცალკე ისტორიაა, ვინაიდან მას ღებულობენ უკვე საემიგრაციო კონტროლის გავლის შემდეგ. ამიტომაც დარწმუნდით, რომ თქვენი ბარგი დარეგისტრირებულია მგზავრობის ბოლომდე, ხოლო თავად შეგიძლიათ გადაჯდომის ქვეყანაში ვიზის გარეშე ყოფნა.

კიდევ ერთი არც თუ ისე მცირე ნიუანსი ეხება თვით სატრანსფერო ზონებს. ჯერერთი, ისინი ყველა აეროპორტში როდია. მეორეც, ბევრი მათგანი როდი მუშაობს 24/7 რეჟიმში, თუ მოფრინავთ გვიან საღამოს და მიემგზავრებით დილით, ხოლო აეროპორტი ღამით არ მუშაობს, მოგიწევთ ღამის გასათევი ადგილის შესახებ ზრუნვა და წინასწარ ტრანზიტის გაფორმება.  

რა უნდა მოვიმოქმედო გადაჯდომის აეროპორტში ჩასვლის შემდეგ?

თუკი გადაჯდომით პირველად მგზავრობთ, მთავარი წესიაარავითარი ღელვა და ამაოება. შეწყვიტეთ ნერვიულობა, თქვენი გეიტი და თვითმფრინავი არსად გაგექცევათ და მშვიდად გააგრძელებთ ფრენას, ეჭვიც არ შეგეპაროთ ამაში!

მაშ ასე, თქვენ ჩაფრინდით გადაჯდომის პუნქტში. რა მოიმოქმედოთ? ჯერერთი, თქვენი ბილეთები და საბუთები მუდამ თქვენთან უნდა იყოს ნაბისმიერ დროს მათში მონაცემების შესამოწმებლად (რეისის გამგზავრების დრო, გეიტი, ტერმინალი და ასე შემდეგ) აეროპორტის საინფორმაციო ტაბლოსთან და შეყოვნების გარეშე წარადგინოთ ისინი ჩასხდომის წინ.

თუ მგზავრობთ ერთიანი ბილეთით, გადაჯდომის აეროპორტში ჩასვლისთანავე იმოქმედეთ წარწერა «Transfer» / «Transit» – ით აღნიშნული მაჩვენებლებითმათ მეშვეობით ადვილად გაიკვლევთ გზას სატრანზიტო ზონისაკენ, სადაც გელოდებათ თქვენი შემდგომი რეისი. უმალვე მოძებნეთ თქვენი რეისი საინფორმაციო ტაბლოზე და დააზუსტეთ აფრენის დრო, გეიტის ნომერი და სხვა ინფორმაცია (ზოგჯერ იგი შეიძლება შეიცვალოს). ასევე, გირჩევთ მაშინვე იპოვოთ თქვენი გეითი, რათა იცოდეთ სად უნდა გაემართოთ ჩასასხდომად, მხოლოდ ამის შემდეგ გაემართეთ აეროპორტის ტერიტორიაზე სასეირნოდ.

ანმალოგიური პროცედურის გავლა მოუწევს მათაც, ვინც მგზავრობს ორი ცალკეული ბილეთით, ვინაიდან ასეთ შემთხვევაში არ მიეკუთვნებით ტრანზიტული მგზავრების რიცხვს. ჩაფრენისთანავე დაგჭირდებათ ბარგის აღება, მიმართოთ სარეგისტრაციო დახლებს (მაჩვენებლები გზის გაკვლევაში დაგეხმარებათ!) და ხელმეორედ დარეგისტრირდეთ ბარგის ჩაბარებით.    

საჭიროა თუ არა ბარგის გამოტანა გადაჯდომის დროს?

ეს დამოკიდებული ბილეთის ტიპზე. თუ ერთიანი ბილეთით მგზავრობთ, შეგიძლიათ ბარგის დარეგისტრირება საბოლოო პუნქტამდე და შეწყვიტოთ ყველანაირი ღელვა ამ საკითხთდ დაკავშირებით საერთოდ. მაგრამ, თუ გადაჯდომის პროცესში გიწევთ აეროპორტის გამოცვლა, მაშინ ბარგი გამოსატანია და მისი ხელახალი რეგისტრაციის გავლა არ აგცდებათ ერთიანი ბილეთის ფლობის შემთხვევაშიაც.

ხანგრძლივი გადაჯდომა. რით გავირთო თავი?

თუ თქვენი გადაჯდომა გრძელდება 3 – 4 სთ. შეგიძლიათ თამამად გამოტოვოთ ეს პუნქტი. მაგრამ ხდება ისედაც, რომ მომდევნო რეისის ცდა საკმაოდ დიდ ხანს გიწევთ (ზოგჯერ ნახევარ დღესაც კი). მაშინ შესაძლოა ლაუნჯზონა დაგეხმაროთ.

ლაუნჯიიგივე, დასვენების ოთახი, ოღონდ მომატებული კომფორტით. იქ არის მოსახერხებელი სავარძლები და დივნები, სადაც შეიძლება დასვენებაც და ახალი ჟურნალგაზეთების დათვალიერება, ასევე, საძინებელი ზონა რბილი შეზლონგებით იმ შემთხვევისთვის, თუ მოგინდებათ ძილი, ამას დამატებული უფასო Wi-Fi, საკვები და სასმელები.

ამიტომ, თუ იცით, რომ მომდევნო რეისის ცდა დიდ ხანს მოგიწევთ და იმის გათვალისწინებით, რომ წესისამებრ აეროპორტებში საკვები უძვირფასესი და დაძინებაც (ძილი იქით იყოს და უბრალოდ წათვლემაც კი) საეჭვოა შეძლოთ. ლაუნჯი ყველაზე ოპტიმალური ვარიანტია 12 საათიანი მოცდისთვის

ჩვეულებრივად, სამსაათიანი ლაუნჯ ზონა დაგიჯდებათ დაახლოებით €30-40, ამასთან, რაც უფრო მეტ დროს ატარებთ მანდ, მით უფრო ხელმისაწვდომი ხდება იგი. საშვის ინტერნეტის მეშვეობით შეძენისას შესაძლოა კიდევ უფრო ეკონომნიურად გამოგივიდეთ

არსებობს კიდევ ერთი ლაიფჰაკი, რომლის შესახებაც ცოტამ თუ იცის. ევროპის ზოგიერთი მსხვილი აეროპორტი პრემიალური ბარათების World Elite MasterCard – ის მფლობელებს სთავაზობს ბიზნესდარბაზში უფასო წვდომას. კერძოდ, ასეთ მომსახურებას სთავაზობენ ბუდაპეშტის ფერენც ლისტის სახელობის აეროპორტში, ანრი კოანდას სახელობის ბუქარესტის აეროპორტში, ასევე ვენის აეროპორტ შვეხატში, ვაცლავ ჰაველის სახელობის აეროპორტში (პრაღის 1–ლი ტერმინალი) და შერემეტევოში (ტერმინალიЕ ). ბიზნეს დარბაზში მოსახვედრად საჭიროა ასეთი ბარათის ფლობის შესახებ პერსონალის საქმის კურსში ჩაყენება. სამაგიეროდ ღებულობთ უსადენო ინტერნეტს, საკვებსა და სასმელებს, ჟურნალგაზეთებს, სამუშაო ადგილს, პრინტერს ტელევიზორთან ერთად და საშხაპესაც კი! ყოველივე ეს სრულიად უფასოდ.

როგორც ვარიანტი, სატრანზიტო ქვეყნის ვიზის არსებობის შემთხვევაში შეგიძლიათ გახვიდეთ აეროპორტის შენობიდან და დაათვალიეროთ ქალაქი ზერელედ. ასეთ შემთხვევაში წინასწარ (ჯერ კიდევ სახლში) უნდა შეადგინოთ გასვლის გეგმა ადგილების ჩამონათვალით, რომელთ გაცნობაც გსურთ და დაიანგარიშოთ, რამდენი დრო დაგჭირდებათ აეროპორტიდან ქალაქში გასასვლელად და უკან დასაბრუნებლად, ამას დამატებული ქალაქში ყოფნის დრო და სიმშვიდისათვის კიდევ ნახევარი საათი დაამატეთ

თუ გადაჯდომ იკავებს 10 სთზე მეტ ხანს, ზოგიერთი კომპანია უფასოდ ათავსებს თავის მგზავრებს სასტუმროში ან სთავაზობს კუპონებს, რომელთა მეშვეობით შესაძლებელი წახემსება სპეციალურ დარბაზში. ნებისმიერ შემთხვევაში შეისწავლეთ ყველა შესაძლო ოფცია ხანგრძლივი გადაჯდომის შემთხვევაში გადამზიდავის ვებ გვერდზე

  • დაგეგმეთ თქვენი მარშრუტი დროის მარაგით. გადაჯდომაზე გამოყავით, სულ მცირე, 3 – 4 სთ. აეროპორტში მშვიდად ორიენტირებისათვის, გეიტის მოსაძებნად და . . თუკი ამასთან ბარგის გამოტანაც/ რეგისტრაციაც მოგიხდებათ, დაგჭირდებათ არანაკლებ 4 სთ.
  • ზოგჯერ ხდება ისე, რომ ბილეთში მითითებული არ არის გეიტის ნომერი. ნუ მიეცემით პანიკას, უბრალოდ მოძებნეთ თქვენი რეისი მოფრენისა და გაფრენის ტაბლოზეიქ გეიტიც იქნება მითითებული
  • თუკი გადაფრენის დროს გიხდებათ დროის სხვადასხვა სარტყლის გადაკვეთა, აუცილებლად გადაიყვანეთ დრო, ბილეთებში დრო ხომ ადგილობრივი დროით მიეთითება!
  • გამგზავრების წინ ღირს აეროპორტის (აეროპორტების) გეგმასთან გაცნობა, რომლებშიც მოგიწევთ ყოფნა. მეტიც, შეგიძლიათ ამობეჭდოთ ისინი და თან წაიღოთ. შედეგად, ბევრ დროს დაზოგავთ, გვერწმუნეთ!
  • თუ გვიან საღამოს ჩამოფრინდებით, ხოლო მომდევნო რეისი მხოლოდ დილითაა, წინასწარ გაიგეთ არის თუ არა გადაჯდომის აეროპორტის სატრანზიტო ზონაში სასტუმრო და საერთოდ,მუშაობს თუ არა აეროპორტი ღამით. სავსებით შესაძლებელია, რომ მოგიხდებათ ღამის გასათევის ძებნა ქალაქში, ხოლო ამისათვის შეიძლება დაგჭირდეთ ვიზა.

სასიამოვნო ფრენას გისურვებთ!

sastumroebi
Posted in ბლოგი.

მალხაზ კევლიშვილი