EXPO 2020: რატომ ღირს წლის მთავარი მსოფლიო გამოფენის მონახულება?

2020 წელს დუბაიში უნდა გამართულიყო გრანდიოზული მასშტაბის ღონისძიება – მსოფლიო გამოფენა Expo 2020. თუმცა Covid-19-ის პანდემიის გამო მისი გახსნა 2021 წლის შემოდგომისთვის გადაიდო. რატომ ღირს გამოფენაზე ვიზიტი და რატომ არის ეს ღონისძიება ასეთი ღირსშესანიშნავი – გიამბობთ სტატიაში.

დავიწყოთ იმით, რომ EXPO 2020 – ყველაზე დიდი ღონისძიებაა არაბული სამყაროს ისტორიაში, რომელშიც მონაწილეობას მიიღებს 192 ქვეყანა, ისევე როგორც კომერციული საწარმოები, საერთაშორისო ორგანიზაციები და საგანმანათლებლო დაწესებულებები. საგამოფენო ტერიტორიის ფართობი 40 საფეხბურთო მოედნის ტოლია. შთამბეჭდავია, არა?

ზედმეტია იმის თქმა, რომ ამ ღონისძიების საპატივცემულოდ დუბაიში მეტროს ახალი ხაზი გაიხსნა – 15 კილომეტრიანი „მარშრუტი 2020“ აკავშირებს „Jabal Ali“-ს მეტროსადგურსა და „EXPO-2020“-ის ქალაქს. ვარაუდობენ, რომ საერთაშორისო გამოფენის ჩატარების პერიოდში Expo Station სადგურის დატვირთვა დღეში დაახლოებით 35 000 – 47 000 მგზავრი იქნება. მაშასადამე ინფრასტრუქტურის ასეთი გაუმჯობესება უდავოდ გაუადვილებს ცხოვრებას ღონისძიების მონაწილეებსა და ვიზიტორებს, რომელთა ოდენობა, პროგნოზების მიხედვით, ნახევარ წელიწადში 25 მილიონი იქნება.

„EXPO 2020”-ის ისტორია

EXPO-ს ისტორია XIX საუკუნის შუა პერიოდში იწყება. 1851 წელს ლონდონში გაიმართა პირველი სამრეწველო ბაზრობა, რომელმაც საზოგადოების გნსაკუთრებული ყურადღება მიიპყრო. დროთა განმავლობაში იდეა გაფართოვდა და მსგავსი ღონისძიებების ჩატარება მთელ მსოფლიოში დაიწყეს – საფრანგეთში, კანადაში, იტალიაში, ესპანეთსა და სხვა ქვეყნებში.

თითოეული გამოფენა ეძღვნება გარკვეულ თემას, მაგალითად, Expo 2015, რომელიც მილანში ჩატარდა, გაიმართა ლოზუნგით „გამოვკვებოთ პლანეტა, შევქმნათ სიცოცხლის ენერგია“. განიხილებოდა ისეთი საკითხები, რომლებიც ეხებოდა სოფლის მეურნეობას, აგრარულ სექტორსა და სასურსათო უზრუნველყოფას.

საერთაშორისო გამოფენა ყოველ 5 წელიწადში ერთხელ ტარდება და 2020 წელს იგი დუბაიში უნდა გამართულიყო, მაგრამ Covid-19 პანდემიის გამო მისი გახსნა 2021 წლისთვის გადაიდო. EXPO 2020-ის მთავარი თემაა „იდეების გაერთიანება, მომავლის შექმნა“. ადგილობრივი მოსახლეობის რეკორდების მიმართ სიყვარულის გათვალისწინებით, ეჭვგარეშეა, რომ ეს იქნება წარმოუდგენელი მასშტაბისა და აზრთა მრავალფეროვნების ღონისძიება.

რატომ ღირს გამოფენის მონახულება?

მსოფლიო გამოფენა, პირველ რიგში, აღსანიშნავია იმით, რომ ყოველ ჯერზე იგი ხდება კაცობრიობის განვითარების ახალი ეტაპის ამოსავალი წერტილი. უბრალოდ წარმოიდგინეთ: ისეთი ჩვეულებრივი ნივთები, როგორიცაა მობილური ტელეფონი, საკონსერვო ქილა, კომპიუტერი, ლიფტი, ელექტროგანათება, მაცივარი, ატომური ელექტროსადგური, ტელევიზია და კეტჩუპიც კი მსოფლიომ სწორედ EXPO-ზე იხილა.

დროთა განმავლობაში EXPO გახდა მოედანი კაცობრიობის გლობალური პრობლემებისა და გამოწვევების განხილვისთვის. ამ დისკუსიების ფარგლებში, გაჩნდა ასობით პატენტი სხვადასხვა დარგში გამოგონებებზე: განათლებაში, კვებაში, ეკოლოგიაში, დამტკიცდა საავტორო უფლებები ლიტერატურაში.

გამოგონებების გარდა, EXPO ბიძგს აძლევდა ხელოვნებასა და არქიტექტურას. კერძოდ, საფრანგეთის დედაქალაქის მთავარი ღირსშესანიშნაობა, ეიფელის კოშკი, 1889 წელს გაჩნდა, როგორც პარიზში გამართულ EXPO-ს გამოფენაზე სტუმრების შეხვედრის თაღი. ანალოგიურ როლს ასრულებდა ატომიუმი ბრიუსელში, მონჟუიკის ეროვნული სასახლე ბარსელონაში და „მზის კოშკი“ ოსაკაში.

გამოფენის გახსნა დუბაიში ასევე აღინიშნა ახალი ღირსშესანიშნაობის შექმნით – EXPO-ს საპატივცემულოდ მსოფლიოში ყველაზე დიდი სათვალთვალო ბორბლის „Ain Dubai“-ის გახსნა შედგება. მისი სიმაღლე 210 მეტრია. წარმოგიდგენიათ რა გამაოგნებელი ხედი იშლება ამ სიმაღლიდან? თავად არაბეთის გაერთიანებული საამიროების პავილიონი EXPO-ს ფარგლებში ხელოვნების ნიმუშს წარმოადგენს – შენობა დაპროექტებულია სახელმწიფოს სიმბოლოს – შევარდენის ფორმით.

EXPO 2020-ის თემატური ზონები

Dubai Expo 2020-ის ტერიტორია დაყოფილი იქნება სამ თემატურ ზონად – „შესაძლებლობები“, „მობილურობა“ და „მდგრადი განვითარება“. „მობილურობა“-ში განიხილავენ მოგზაურობას დროსა და სივრცეში და კაცობრიობის შესაძლებლობებს ამ მიმართულებით. სრული სურათის წარმოჩენისთვის აქ, ადგილობრივი რეკორდების საუკეთესო ტრადიციებისამებრ, დამონტაჟდა მსოფლიოში ყველაზე დიდი ლიფტი 500 ადამიანზე, რომელიც ვიზიტორებს არაბეთის გაერთიანებული საამიროების წარსულისადმი მიძღვნილი ზონიდან გადაიყვანს დრონებითა და რობოტებით სავსე თანამედროვე ციფრულ სამყაროში. სხვათა შორის, ამ ზონაზე მუშაობდა გუნდი, რომელმაც შექმნა დეკორაციები კინემატოგრაფიული პროექტებისთვის „ჰარი პოტერი“ და „სატახტოთა თამაში“.

უკრაინა გამოფენაზე წარმოდგენილი იქნება „შესაძლებლობების“ პავილიონში, რომელიც დამზადებულია ხისგან და ქვისგან და დაფარულია სპირალური ნახევრად გამჭვირვალე ფარდულით. აქ ასევე წარადგენენ თავიანთ პროექტებს მეზობლად განთავსებული შვეიცარია, მონაკო, დიდი ბრიტანეთი და მალავის რესპუბლიკა. ამ თემატურ ზონაში განხილული იქნება ინდივიდუუმის როლი გლობალურ დადებით ცვლილებებში. საინტერესოდ ჟღერს!

EXPO 2020-ის კიდევ ერთი ზონაა „მდგრადი განვითარება“. აქ განიხილავენ ინოვაციებს, რომლებიც ხელს უწყობს ჩვენი პლანეტის გადარჩენას ადამიანის საქმიანობის დამღუპველი გავლენისგან. ასე, მაგალითად, აქ გიამბობენ სპეციალურად მსოფლიო ოკეანეების პლასტმასისგან გასაწმენდად შექმნილი თევზის შესახებ. ასევე ამ ზონაში განთავსებული იქნება ბუნების კუთხე ტროპიკული ტყით, სადაც შეგიძლიათ გაიგოთ თუ როგორ ურთიერთობენ ხეები ერთმანეთთან.

გასტრონომიის მცოდნეებს ნამდვილად მოეწონებათ გასტრო-მომავლისადმი მიძღვნილი ნაწილი – აქ შეგიძლიათ მიიღოთ ინფორმაცია იმ კერძების შესახებ, რომლებიც გაჩნდება ჩვენს ცხოვრებაში უახლოეს ათწლეულებში, ასევე იმოგზაუროთ „სანელებლების გზაზე“, სადაც გიამბობენ გემოებისა და არომატების შესახებ, რომლებიც შთაგონების წყაროდ იქცა ამ და სხვა რეგიონების კერძების შესაქმნელად.

აღსანიშნავია, რომ პავილიონი „მდგრადი განვითარება“ (The Sustainability Pavilion – ავტორის შენიშვნა) უკვე ნაწილობრივ ღიაა წინასწარი გაცნობისთვის. იგი ეძღვნება ადამიანის ჰარმონიული ურთიერთქმედების თემას გარე სამყაროსთან, ბუნებასთან და გონივრული მოხმარების საკითხებთან. დანარჩენი პავილიონები ეტაპობრივად გაიხსნება.

მნიშვნელოვანი სამეცნიერო მიღწევების განხილვის გარდა, EXPO 2020-ზე წარმოდგენილი იქნება უამრავი გასართობი საშუალება ნებისმიერი გემოვნების ადამიანისთვის. ასობით პავილიონში გაიმართება ფესტივალები, შოუები, კონცერტები, თანამედროვე მხატვრების გამოფენები, მონაწილე ქვეყნების დღეების აღნიშვნა და ეს დაგეგმილი ღონისძიებების მხოლოდ მცირე ნაწილია. ზღაპრული სანახაობა იქნება, ეჭვიც კი არ შეგეპაროთ.

ოდის?

2021 წლის 1 ოქტომბერი – 2022 წლის 31 მარტი.

EXPO 2020-ის ბილეთები

მდგრადი განვითარების“ პავილიონში მოზრდილთათვის ბილეთის ღირებულება შეადგენს 25 AED ($7). დანარჩენ პავილიონებში შესასვლელი ბილეთების ღირებულება იქნება 120 AED ($33). 6-17 წლის ასაკის ბავშვებისთვის და სტუდენტებისთვის ფასი ორჯერ ნაკლები იქნება – 60 AED ($16). 5 წლამდე ასაკის ბავშვებსა და 65 წელზე უფროსი ასაკის პირებს გამოფენის დათვალიერება უფასოდ შეუძლიათ.

ასევე იყიდება 3-დღიანი აბონემენტი 260 AED-ად ($71). გამოფენა იმუშავებს ყოველდღე 10:00-დან 1:00 საათამდე, შაბათ-კვირას – 2:00 საათამდე.

Aviabiletebi.org-ში შეგიძლიათ შეიძინოთ EXPO 2020-ის ბილეთები ფასდაკლებით და ასევ ეიმგზავროთ იაფად დუბაიმდე ან აბუ-დაბიმდე

EXPO 2020-ზე ვიტიზი ნიშნავს გახდე საზოგადოების ნაწილი, რომელიც პასუხისმგებელია ჩვენი პლანეტის განვითარებასა და იმ ყველაზე ინოვაციურ გამოგონებებზე, რომლებიც ჩვენს სამყაროს უკეთეს ადგილად აქცევს. EXPO 2020 – ჩვენი მომავალია, რომელზეც შეხების შესაძლებლობა თქვენ ახლა გაქვთ. არ გამოტოვოთ ეს შესაძლებლობა, რომელიც 5 წელიწადში ერთხელ გეძლევათ!

პირდაპირი ფრენა ქუთაისიდან აბუ დაბი-ში

გამგზავრებადაბრუნებაავიაკომპანიაფასი
26 ივნ 202228 ივნ 2022ფასი 792
5 ივლ 202219 ივლ 2022ფასი 582
11 აგვ 202230 აგვ 2022ფასი 603
18 სექ 202225 სექ 2022ფასი 430

პირდაპირი ფრენა თბილისიდან დუბაი-ში

გამგზავრებადაბრუნებაავიაკომპანიაფასი
26 ივნ 202228 ივნ 2022ფასი 1 431
19 ივლ 202221 ივლ 2022ფასი 1 423
13 აგვ 202217 აგვ 2022ფასი 1 423
6 სექ 202211 სექ 2022ფასი 1 431
Posted in ბლოგი, იდეები მოგზაურობისთვის and tagged , , .