ესპანეთის ტურიზმის მინისტრმა რეიეს მაროტომ განაცხადა, რომ ვაქცინაციის პასპორტები ივნისიდან ამოქმედდება, რაც ქვეყნის უცხოელი ტურისტებისთვის გახსნის შესაძლებლობას იძლევა.
როგორც მინისტრი ამბობს, ესპანეთში ტურისტების მასობრივი დაშვებისთვის აუცილებელია ესპანეთის მოქალაქეების ვაქცინაცია – მოსახლეობის არანაკლებ 70%-ისა. ვაქცინაციის ტემპების შენელების გამო, ხელისუფლებამ ზაფხულის დასასრულზე, როგორც ყველაზე რეალისტურ თარიღზე დაიწყო საუბარი.
„პროგნოზის თანახმად, ვაქცინაციის პასპორტების სისტემა ივნისისთვის იქნება მზად“, – განაცხადა მაროტომ ტურისტული ბაზრის წარმომადგენლებთან შეხვედრაზე.
მინისტრის თანახმად, ვაქცინაციის პასპორტი უფრო სამგზავრო ბარათის მსგავსი იქნება და, სავარაუდოდ, QR კოდის ფორმა ექნება. მან ასევე განაცხადა, რომ PCR ტესტირების მოთხოვნა ისეც ძალაში რჩება.
tourprom-ის ინფორმაციის მიხედვით.
ასევე შეგახსენებთ, რომ ევროკავშირმა ვაქცინაციის პასპორტების ამოქმედების ზუსტი თარიღი დაასახელა: როგორც ვაქცინაციაზე პასუხისმგებელმა ევროკომისარმა ტიერი ბრეტონმა განაცხადა, ვაქცინაციის პასპორტების ამოქმედება 2021 წლის 15 ივნისს იგეგმება.
