ხანგრძლივი მოლაპარაკებების შედეგად მიღწეული შეთანხმებით, 2025 წლის 12 აპრილიდან, Lufthansa-ს ჯგუფში შემავალი Edelweiss Airlines ციურიხი-თბილისი-ციურიხის მიმართულებით პირდაპირ რეგულარულ რეისებს შეასრულებს, კვირაში ორი სიხშირით.

ეს მნიშვნელოვანია ჩვენი ქვეყნისთვის, რადგან 2025 წლიდან, შვეიცარიის ორი უმსხვილესი საერთაშორისო ავიაკომპანია – EasyJet და Edelweiss – ციურიხისა და ჟენევიდან თბილისისკენ პირდაპირ ფრენებს განახორციელებენ. 2025 წელი გახდება ახალი სტრატეგიული ბაზრების ათვისების, განვითარების შესაძლებლობების გაფართოებისა და წარმატებების წელი ჩვენი ტურიზმის ინდუსტრიისთვის!

ჩვენს პლატფორმაზე აღნიშული ავიაბილეთები უკვე ხელმისაწვდომია

Edelweiss Airlines – შვეიცარიის წამყვანი დასასვენებელი ავიაკომპანიაა, რომელიც 1995 წელს დაარსდა და Lufthansa Group-ის წევრია. მისი ბაზა ციურიხის საერთაშორისო აეროპორტში მდებარეობს. Edelweiss უზრუნველყოფს ფრენებს მსოფლიოს 70-ზე მეტ დასასვენებელ და ტურისტულ მიმართულებით, ძირითადად ევროპაში, ჩრდილოეთ და სამხრეთ ამერიკაში, აფრიკაში და აზიაში. ავიაკომპანია გამოირჩევა მაღალი ხარისხის მომსახურებით და კომფორტით, რაც მას პოპულარულ არჩევანად აქცევს დასასვენებელი მოგზაურობის მსურველთათვის.