ევროკავშირმა ვაქცინაციის პასპორტების ამოქმედების ზუსტი თარიღი დაასახელა

როგორც ვაქცინაციაზე პასუხისმგებელმა ევროკომისარმა ტიერი ბრეტონმა განაცხადა, ვაქცინაციის პასპორტების ამოქმედება 2021 წლის 15 ივნისს იგეგმება.

როგორც გვატყობინებენ, ვაქცინაციის პასპორტები ხელმისაწვდომი იქნება ევროკავშირის 27 ქვეყნის მაცხოვრებლებისთვის. შესაძლებელი იქნება სერტიფიკატის როგორც დაბეჭდვა, ისე სმარტფონზე ელექტრონული ფორმით ჩამოტვირთვა.

დოკუმენტში მითითებული იქნება QR კოდი, რომელიც შეიცავს:

• მფლობელის გვარს;
• პასპორტის ნომერს;
• სქესს;
• დაბადების თარიღს;
• მონაცემებს ვაქცინაციის შესახებ, თუ ადამიანი უკვე აცრილია;
• პრეპარატის დასახელებას;

ასევე, თუ ადამიანმა უკვე გადაიტანა დაავადება, დოკუმენტში მითითებული იქნება ანტისხეულების არსებობა. ხოლო მათთვის, ვინც ჯერ არ არის აცრილი – PCR ტესტის შედეგები.

ევროკავშირი ხაზს უსვამს, რომ ვაქცინაციის პასპორტების შემოღება არის ღონისძიება, რომელიც აუცილებელია ევროკავშირის ფარგლებში გადაადგილების შესაძლებლობის აღდგენის მიზნით, საკუთარი თავისა და სხვების რისკის ქვეშ დაყენების გარეშე.

შეგახსენებთ, რომ საქართველოში შესასვლელად საჭიროა PCR ტესტირება – ეს მოთხოვნა ვრცელდება როგორც უცხო ქვეყნის მოქალაქეებზე, ისე ქართველებზეც.

• 

•