რეიკიავიკი

რეიკიავიკი

რეიკიავიკი – საოცარი ქალაქია. პატარა და მწვანეში ჩაფლული, ღამის მდიდარი ცხოვრებითა და არანაკლებ მდიდარი ისტორიის მქონე, საოცრად სუფთ ჰაერითა და უამრავი ღირშესანიშნაობებით, იგი არაერთხელ იქნა აღიარებული „ყველაზე და ყველაზე…“. მსოფლიოში ყველაზე ჩრდილოეთის დედაქალაქი, ყველაზე სუფთ და ყველაზე მდიდარი ქალაქი, ერთერთი ყველაზე კულტურული დედაქალაქი, ლიტერატურის ქალაქი – ყოველივე ეს „ზღვის კვამლიან უბეზე“, რეიკიავიკზე – ისლანდიის დედაქალაქზეა თქმული.

დაწვრილებით
კიოტო იაპონია

კიოტო

კიოტო იყო იაპონიის დედაქალქი ათას წელიწადზე მეტი ხნის განმავლობაში, იქცა რა ამასობაში იაპონური ხელოვნების, კულტურის, რელიგიისა და აზრის საუკეთესო მიღწევათა საცავად. შემოღუნული სახურავების მქონე პავილიონები აირეკლება აქ გუბურების წყნარი ზედაპირიდან, ფიჭვნარი წესიერად ხარობს, თითქოს პირდაპირ კლდეზე იზრდებაო, ხოლო ღირშესანიშნაობები საკმარისი იქნება არა ერთი აღმოსავლური ქვეყნისათვის. ამას გარდა, კიოტო – გამორჩეულად ურბანისტული, ცოცხალი და ახალგაზრდული ქალაქია გასართობების სიმრავლით.

დაწვრილებით
კოპენჰაგენი

კოპენჰაგენი

მთელ მსოფლიოში, კოპენჰაგენი ცნობილია, როგორც ჰანს ქრისტიან ანდერსენის ქალაქი, ამიტომ დანიის დედაქალაქის მთავარი სიმბოლო – ქალთევზას ქანდაკებაა. ეს არის არა მხოლოდ დანიის, არამედ მთელი სკანდინავიის ყველაზე მონახულებადი ქალაქი. იგი ყურეზე მდებარეობს, საიდანაც მარტივია მგზავრობა სტოკჰოლმში, ოსლოში, ისევე როგორც გერმანიაში, ნიდერლანდებსა და პოლონეთში.

დაწვრილებით

კატოვიცე

პოლონეთი – მდიდარი და ხანგრძლივი ისტორიის მქონე  ქვეყანაა. აქ ერთ ქალაქსაც კი ვერ იპოვით, რომელსაც თავისი უძველესი წარსულის შესახებ მრავალსაუკუნოვანი ლეგენდები და მართალი ამბები არ გააჩდნეს. მე-19 საუკუნის დასაწყისში დაარსებული შედარებით ახალგაზრდა ქალაქი კატოვიცეც (Katowice) კი, თავის ოფიციალურ ასაკთან შედარებით უფრო ძველი მოგეჩვენებათ, რადგან ამ ადგილებში დასახლება ჯერ კიდევ მე-14 საუკუნიდან არსებობდა და უკვე მე-18 საუკუნეში აქ პირველი ქვანახშირის შახტი გაიხსნა. დღეს კატოვიცე მნიშვნელოვნად გაფართოვდა და კვლავაც ქვანახშირის ინდუსტრიის ცენტრად რჩება, ხოლო მის მიერ დაგროვილი ისტორიული გამოცდილება ტურისტებს არანაკლებ აინტერესებთ, ვიდრე მჩქეფარე თანამედროვეობა.

დაწვრილებით

პოზნანი

პოზნანი – ისტორიაში ჩაფლული ქალაქია. იგი პოლონეთის პირველი დედაქალაქი იყო და ერის ჩამოყალიბებაში მრავალი დრამატული მოვლენის მოწმეა. დღეს ეს მრავალფეროვანი და სიცოცხლით სავსე დიდი ქალაქია ქვეყნის დასავლეთით, რომელსაც მოგზაურისთვის მრავალი გასართობისა და ღონისძიების შეთავაზება შეუძლია. აქტიური ღამის ცხოვრება, ძალიან კარგი მუზეუმები, საინტერესო ადგილები არემარეში – მხოლოდ პოზნანის ცენტრალური მოედანიც კი ღირს სანახავად. ამასთან, მოსახერხებელიცაა: პოზნანი მოსკოვი-ბერლინის სარკინიგზო ხაზზე და ავტობუსების კომპანიების ბევრ სხვა ანალოგიურ მარშრუტზე მდებარეობს. სხვათა შორის, რკინიგზის რომანტიკის მოყვარულებს აქ ნამდვილად მოეწონებათ: პოზნანი ევროპის ერთ-ერთი ბოლო ქალაქია, სადაც შემორჩენილია სამგზავრო მატარებლები ორთქლმავალი ლოკომოტივებით.

დაწვრილებით
კრაკოვი

კრაკოვი

კრაკოვის სრული სახელი ასე ჟღერს: სამეფო დედაქალაქი კრაკოვი. ის მართლაც ამართლებს ამ საზეიმო სახელწოდებას. მიუხედავად იმისა, რომ პოლონეთის სამხრეთით მდებარე ეს დიდი ქალაქი უკვე დიდი ხანია აღარ არის ქვეყნის დედაქალაქი, მას კვლავ შემორჩა ქვეყნის მთავარი დასახლებული პუნქტის ღირსება და სილამაზე, სამეფო პეწი კი აქ ყოველ ნაბიჯზე იგრძნობა.

დაწვრილებით
გდანსკი

გდანსკი

ტურისტულ მოგზაურობაში ყველა რაღაც მისთვის საინეტერსოს ეძებს. ზოგი იმ მიზნით მოგზაურობს, რომ რაც შეიძლება მეტი იხილოს და გაიგოს, ზოგს ძველი ევროპის დროში უცვლელი ქუჩები აინტერესებს, სხვებს კი ზღვის გარდა არაფერი სჭირდებათ. ისინი თანახმა არიან არც კი იბანაონ (თუ ძალიან ცივა), მათ მხოლოდ ნაპირზე სეირნობა და ნაცრისფერი ტალღებით ტკბობა სურთ.  მაგრამ თუ ტურისტებს სურთ, რომ ზღვისპირა ქალაქს  მდიდარი ისტორია, უამრავი საინტერესო ადგილი და უზადო ევროპული სტილი ჰქონდეს, თამამად ვურჩევთ პოლონეთის ქალაქ გდანსკს ეწვიონ.

დაწვრილებით

ვროცლავი

ვროცლავი

ვროცლავი პოლონეთის ერთ-ერთი უძველესი და ულამაზესი  ქალაქია. ყველა ტურისტი აღნიშნავს მის ლამაზ ძველ ქალაქს ბაროკოსა და გოტიკური არქიტექტურის ნაგებობებით, ისევე როგორც მრავალ ხიდსა და არხს, რომელთა რაოდენობა აქ ბრიუგეზე მეტია. ვროცლავი სტუდენტური ქალაქია, ამიტომ მის ქუჩებში  ბევრი ახალგაზრდას შეხვდებით, ხოლო ცენტრში უამრავი ბარი, კლუბი და გასართობი დაწესებულებაა.

დაწვრილებით

ბარსელონა

ბარსელონა, ესპანეთი

ამაყი, საკუთარ თავზე შეყვარებული, ფეთქებადი, უნიჭოებითა და გენიოსებით აღსავსე, რომელიც თავს შეგაყვარებს და თავად შეყვარებულია, რომელიც დამღლელი და დაღლილია… ყველაფერი ეს ბარსელონაა, არა მხოლოდ ევროპის, არამედ მთელი მსოფლიოს ერთ-ერთი ულამაზესი ქალაქი. ბარსელონა – ეს არის დიდი ქალაქი ზღვით, დალის გიჟური ენერგია, გაუდის შეშლილი არქიტექტურა, ლგბტ-საზოგადოების განსაცვიფრებელი ჩაცმულობა, ველოტრაფიკის აქტიური მოძრაობა, საოცარი წვეულებები და ულევი სანგრია. ნამდვილი სიგიჟე იქნებოდა კატალონიის დედაქალაქის შესახებ შესავალში  მისი ღირსშესანიშნაობების თუნდაც ნაწილის ჩამოთვლა დაგვეწყო:  ისინი აქ ყოველ ნაბიჯზე გხვდება, ძველი რომაული ნავსადგური  ისტორიით სუნთქავს, ყოველი ქვა თავის ლეგენდას გიამბობთ, ხოლო  ყველა თანამედროვე ძეგლი კი ჰიმნს და ოდას იმსახურებს. ერთი სიტყვით, ბარსელონა – ხელოვნების ქალაქია. აქ თუ ცუდ ხასიათზე, დაღლილი და დაქანცული ჩამოხვალთ, სიყვარულის ქალაქს  ისეთი შემოქმედებითი ენერგიით, მზით, ძალებითა და კარგი განწყობით აღსავსე დატოვებთ, რომ მესაზღვრეები აეროპორტში ეჭვის თვალით შეგხედავენ. ბარსელონის ბრწყინვალება კიდევ დიდხანს დარჩება თქვენთან და თქვენს მყუდრო საღამოებს ხმელთაშუა ზღვის საიდუმლეობით  გაანათებს.

დაწვრილებით
ათენი

ათენი, საბერძნეთი

ათენი უბრალოდ დედაქალაქი როდია. სწორედ აქ დაიბადა კლასიკური საბერძნეთი, რაც ნიშნავს, რომ აქ ზოგადად დასავლური ცივილიზაციის დასაბამია. პირველი ისტორიამდელი დასახლება აქ დაახლოებით ჩვ.წ.-აღ-მდე 3000 წელს გაჩნდა. მრავალი საუკუნის მანძილზე ათენს ბევრი რამ გადახდა თავს, მათ შორის დაცემის პერიოდები. ძნელი წარმოსადგენია, მაგრამ 1830-იან წლებში, როდესაც  ოსმალთა ბატონობის შემდეგ ქალაქმა, როგორც დამოუკიდებელი საბერძნეთის დედაქალაქმა, აღორძინება დაიწყო, ათენი მხოლოდ პატარა პროვინციული სოფელი იყო. 

დაწვრილებით