berlin

21 ადგილი, რომელთა მონახულება ღირს ბერლინში

ბერლინი  რთული ისტორიის მქონე ქალაქია, რომელმაც, მიუხედავად ყველაფრისა, შეძლო წარსული თავის სასარგებლოდ შემოებრუნებინა. დღეს აქ ათასობით ტურისტი ჩამოდის, რათა მუზეუმებს ეწვიოს და მონუმენტური არქიტექტურული ძეგლები დაათვალიეროს. Aviabiletebi.org-მა იმ ყველაზე საინტერესო ადგილების სია შეადგინა, რომელთა მონახულება ღირს ბერლინში.

1. ბრანდენბურგის კარიბჭე

ქალაქის ნამდვილი სავიზიტო ბარათი, ასევე დასავლეთ და აღმოსავლეთ ბერლინის გაერთიანების ერთ-ერთი სიმბოლოა. XVIII საუკუნის დასაწყისში აშენებული ბრანდენბურგის კარიბჭე გერმანული კლასიციზმის საუკეთესო მაგალითია. თუ ბერლინში საახალწლო დღესასწაულებზე  ჩამოხვალთ, აუცილებლად ეწვიეთ კარიბჭეს 1 იანვარს ღამით. სწორედ აქ იკრიბება ადგილობრივი მოსახლეობა, რათა ახალი წლის დადგომა აღნიშნოს.

მისამართი: Pariser platz

2. გალერეა ისტ-საიდი

ეს ის ადგილია, სადაც ბრეჟნევისა და ჰონეკერის კოცნის ამსახველი ცნობილი ქუჩის გრაფიტი მდებარეობს.   მსოფლიოში ყველაზე დიდი გალერეა ღია ცის ქვეშ, რომლის საერთო სიგრძე 1.3 კილომეტრია. იგი შემორჩენილი ბერლინის კედლის ნაწილზეა განთავსებული. 1989 წელს მისი დაცემის შემდეგ 21 ქვეყნიდან 100-ზე მეტი მხატვარი შეიკრიბა, რომ კედელი მშვიდობისა და სიყვარულისადმი მიძღვნილი ნახატებით  მოეხატათ.

მისამართი: Mühlenstraße 3-100.

3. მემორიალური კომპლექსი „ბერლინის კედელი“

East Side Gallery-ს დათვალიერების შემდეგ აუცილებლად  ეწვიეთ მემორიალურ კომპლექსს, რომელიც ქალაქის რთული ისტორიისა და მის გაერთიანების შესახებ გიამბობთ. ასევე შეგიძლიათ გაიაროთ სევდიანად ცნობილი სასაზღვრო ზონის გადარჩენილ ნაწილთან, რომელსაც „სიკვდილის ხაზი“ ეწოდება. ხოლო თუ ცივი ომის დროის ორი სისტემის დაპირისპირების ისტორია თქვენთვის ნამდვილად საინტერესოა, გირჩევთ ყურადღება მიაპყროთ ექსკურსიას „კედლის გასწვრივ და… ოდნავ განივ“ – გპირდებით, რომ ბევრ სიახლეს გაიგებთ.

მისამართი: Friedrichstraße 43-45

სამუშაო საათებია: 9:00 – 22:00

4. რაიხსტაგი

ოდესღაც ეს შენობა იყო ნაციზმის, შემდეგ მეორე მსოფლიო ომში კი მასზე გამარჯვების სიმბოლო. დღეს რაიხსტაგი გერმანიის პარლამენტის მოქმედი შენობა და ბერლინის ყველაზე ცნობილი ორიენტირია. აუცილებლად ონლაინ დარეგისტრირდით, რომ შენობის ცნობილი შუშის გუმბათზე ახვიდეთ – აქედან ქალაქის საოცარი ხედი იშლება.

მისამართი: Platz der Republik 1

სამუშაო საათებია: ყოველდღე 8:00 საათიდან 12:00 საათამდე.

5. სამუზეუმო კუნძული

ბერლინში არის მთელი კუნძული, სადაც  მსოფლიოში ცნობილი ხუთი მუზეუმია განთავსებული – პერგამონის, ბოდეს მუზეუმი, ახალი მუზეუმი, ძველი ეროვნული გალერეა და ძველი მუზეუმი. მეორე მსოფლიო ომის დროს კუნძული თითქმის განადგურდა, მაგრამ ახლა აღდგენილია და აღიარებულია იუნესკოს მსოფლიო მემკვიდრეობის ობიექტად. ბილეთები აქ შეგიძლიათ შეიძინოთ (ფასი დამოკიდებულია არჩეულ მუზეუმსა და გამოფენაზე). თუ გსურთ გაეცნოთ პერგამონის მუზეუმის ყველაზე არაჩვეულებრივ ექსპონატებს, გირჩევთ წინასწარ ჩაეწეროთ ექსკურსიაზე, მსგავსი ექსკურსია ახალ მუზეუმშიც არის ხელმისაწვდომი.

მისამართი: Am Lustgarten

სამუშაო საათებია: სამშაბათიდან კვირის ჩათვლით 10:00 საათიდან 18:00 საათამდე, ხუთშაბათს – 10:00 საათიდან 20:00 საათამდე, ორშაბათობით მუზეუმი დაკეტილია.

შესასვლელი ბილეთის საფასურია: სრული ფასი – €18, შეღავათიანი ბილეთი – €9, 18 წლამდე ასაკის ბავშვებისათვის – უფასოა.

6. ბერლინის ტაძარი

ბერლინის ყველაზე დიდი და  ცნობილი ეკლესია, რომელსაც აუცილებლად უნდა ეწვიოთ. 7 ევროს საფასურად  გუმბათზეც შეძლებთ ასვლას და სამუზეუმო კუნძულს ჩიტის ფრენის სიმაღლიდან გადახედავთ. თუ ბერლინში წელიწადის თბილ დროში იმყოფებით, ტაძრის წინ მდებარე სკვერში მინი-პიკნიკი შეგიძლიათ მოიწყოთ, სწორედ აქ  ისვენებს ხშირად ადგილობრივი მოსახელობა.

მისამართი: Am Lustgarten

7. ჰოლოკოსტის მსხვერპლთა მემორიალი

ბრანდენბურგის კარიბჭის მახლობლად უჩვეულო ძეგლი  მდებარეობს – 2000-ზე მეტი ბეტონის ფილისგან აგებული უზარმაზარი ლაბირინთი. ადგილი შთამბეჭდავია არა მხოლოდ გამორჩეული დიზაინით, არამედ  მნიშვნელობითაც – იგი  ჰოლოკოსტის დროს დაღუპული ებრაელების ხსოვნისადმია მიძღვნილი. აქვე მდებარეობს პატარა საინფორმაციო ცენტრი, სადაც ჩვენი საერთო ისტორიის ამ შავი გვერდის შესახებ უფრო მეტის გაგებას შეძლებთ.

მისამართი: Cora-Berliner-Straße 1

სამუშაო საათებია: ყოველდღე 10:00 საათიდან 20:00 საათამდე, ორშაბათობით მემორიალი დაკეტილია.

8. ებრაული მუზეუმი

კიდევ ერთი ჰოლოკოსტის თემისადმი მიძღვნილი ღირსშესანიშნაობა. თუნდაც ექსკურსიაზე წასვლა არ მოინდომოთ, მუზეუმი გარედან დაათვალიერეთ –  სავარაუდოდ ეს არის თანამედროვე ბერლინის ყველაზე შთამბეჭდავი არქიტექტურული ნაგებობა. გამოცდილი გიდის ხელმძღვანელობით ასევე შესაძლებელია უფრო მეტი გაიგოთ მე-19 და მე-20 საუკუნეების ბერლინის ისტორიის ებრაული გვერდების შესახებ.

ამერიკელმა არქიტექტორმა დანიელ ლიბესკინდმა ხაზებიანი შენობა იმგვარად დააპროექტა, რომ დავითის უზარმაზარი ნახევრად  განადგურებული ვარსკვლავი მოგაგონოთ – ძველი ებრაული სიმბოლო.

მისამართი: Lindenstraße 9-14

სამუშაო საათებია: ყოველდღე 10:00 საათიდან 20:00 საათამდე.

9. ბერლინის სატელევიზიო ანძა

ადგილობრივი მოსახლეობა მას ბერლინის ეიფელის კოშკს უწოდებს. და მართლაც – იგი ქალაქის თანამედროვე სიმბოლო გახდა და ფაქტობრივად ყველა უბნიდან ჩანს. სატელევიზიო ანძა ასევე ყველაზე პოპულარული ღირსშესანიშნაობა გახლავთ, რომელსაც ყოველწლიურად მილიონზე მეტი ადამიანი სტუმრობს. გასაკვირი არ არის – ვის არ სურს იხილოს ბერლინი 203 მეტრის სიმაღლიდან.

ზემოთ სათვალთვალო მოედანი მდებარეობს, შესვლის საფასური – 13 ევროდან. ბერლინის სატელევიზიო ანძაზე ასასვლელი ბილეთების შეძენა აქ შეგიძლიათ.

მისამართი: Panoramastraße 1A

სამუშაო საათებია: ყოველდღე 9:00 საათიდან 12:00 საათამდე, ხუთშაბათობით სათვალთვალო მოედანი არ მუშაობს.

10. შარლოტენბურგის სასახლე

მე-18 საუკუნეში აშენებული პრუსიის მმართველთა საზაფხულო რეზიდენცია დღეს ბაროკოს სტილის ერთ-ერთი სიმბოლოს წარმოადგენს. აუცილებლად ეწვიეთ სასახლის უკან მდებარე ბაღს – ერთ-ერთ ყველაზე ლამაზ ბაღს ევროპაში.

მისამართი: Spandauer Damm 20-24

სამუშაო საათებია: ყოველდღე 10:00 საათიდან 18:00 საათამდე, ორშაბათობით დაკეტილია. 

ბილეთის ფასი – 12 ევროდან.

11. ტირგარტენი

ტირგარტენი ბერლინელებისთვის იგივეა, რაც ჰაიდ-პარკი ლონდოლენებისთვის ან ცენტრალ-პარკი  ნიუ-იორკელებისთვის. ეს არის უზარმაზარი აყვავებული პარკი ქალაქის ცენტრში, სადაც ყველა ადგილობრივ მოსახლეს უყვარს სეირნობა. აქვე მდებარეობს გამარჯვების კოლონა და გერმანიის პრეზიდენტის ოფიციალური რეზიდენცია – სასახლე ბელვიუ.

მისამართი: Str. des 17. Juni 31

12. ჟანდარმენმარკტის მოედანი

ეს მოედანიც ბერლინის აუცილებლად მოსანახულებელი ადგილების სიაში შედის. ადგილობრივი მოსახლეობის უმრავლესობა მიიჩნევს, რომ ეს მოედანი ქალაქის (მთელი ევროპის თუ არა) ყველაზე ლამაზი ადგილია.  იგი მე-17 საუკუნის ბოლოს აშენდა და სამი ულამაზესი შენობითაა  გარშემორტყმული: საფრანგეთის ტაძრით, გერმანიის ტაძრითა და ბერლინის დრამატული თეატრით. შობის დღესასწაულებზე აქ სადღესასწაულო ბაზრობა ეწყობა – ერთ-ერთი ყველაზე ცნობილი ევროპაში.

მისამართი: Gendarmenmarkt

13. შერიგების ეკლესია (The Chapel of Reconciliation)

მოქმედი ეკლესია, რომელიც შერიგებისა და მშვიდობის ერთგვარი სიმბოლოა. ტაძრის კომლექსში შედის ომის დროს ნახევრად განადგურებული ძველი ეკლესია, აგრეთვე ახალი ნაგებობები – გერმანიის ხალხის გარდარქმნის სიმბოლო.

მისამართი: Bernauer Str. 4

14. გდრ-ის მუზეუმი

ძალიან უჩვეულო და თვალსაჩინო მუზეუმი. რეალურად როგორი იყო ყოველდღიური ცხოვრება აღმოსავლეთ ბერლინში კომუნისტური მმართველობის დროს? გდრ-ის მუზეუმი ინტერაქტიული ფორმით დაგეხმარებათ ამ ეპოქის ფარდის მიღმა შეიხედოთ.

მისამართი: Karl-Liebknecht-Str. 1

შესასვლელი ბილეთის საფასურია – €5. ბილეთების შეძენა აქ  შეგიძლიათ.

სამუშაო საათე ბია: ყოველდღე 10:00 საათიდან 20:00 საათამდე, შაბათობით 10:00 საათიდან 22:00 საათამდე.

15. პოტსდამერ პლაცი

ქალაქის ბიზნეს-ცენტრი, სადაც ცხოვრება მუდამ დუღს. აქ თავმოყრილია ყველა ძვირადღირებული ბუტიკი და რესტორანი. მოედანზე გასეირნებით  შეგიძლიათ შეიგრძნოთ თუ რითი ცხოვრობს და სუნთქავს თანამედროვე ბერლინი. ხოლო თუ გნებავთ ეს ქალაქი  სხვადასხვა მხრიდან გაიცნოთ და რეალურად შეიგრძნოთ ის, რითაც იგი სუნთქავს, გირჩევთ წახვიდეთ ექსკურსიაზე „ბერლინის ხასიათი“.

მისამართი: Potsdamer Platz

16. AquaDom

უზარმაზარი ცილინდრული ფორმის აკვარიუმი 1,000,000 (!) ლიტრი წყლის მოცულობით მდებარეობს Radisson SAS Berlin სასტუმროს ფოიეში. უზარმაზარი კოლბა ეგზოტიკური თევზებითა და წყალმცენარეებით, რომელშიც აკვალანგითაც კი შეგიძლიათ  ბანაობა, გულწრფელ აღფრთოვანებას იწვევს. ამ სასწაულის სანახავად  €16 გადახდა მოგიწევთ.

მისამართი: Spandauer Str. 3

შესასვლელი ბილეთის საფასურია: მოზრდილთათვის – €19, 4-დან 14 წლამდე ასაკის ბავშვებისთვის – €15,50.

სამუშაო საათებია: ყოველდღე 10:00 საათიდან 19:00 საათამდე.

17. ბოტანიკური ბაღი

ერთ-ერთი უძველესი და ულამაზესი მთელ ევროპაში. თუკი ბერლინში მოგზაურობა წელიწადის თბილ დროს დაგეგმეთ, ამ  ადგილს აუცილებლად უნდა ეწვიოთ. ეს არის ძალიან დიდი კეთილმოწყობილი ბაღი ათობით ათასი ეგზოტიკური მცენარითა და ყვავილით.

მისამართი: Königin-Luise-Straße 6-8

შესვლის საფასურია: მოზრდილთათვის  – €6, ბავშვებისთვის – €3.

სამუშაო საათებია: ყოველდღე 9:00 საათიდან 20:00 საათამდე.

18. რეტრო-ავტომობილების მუზეუმი Classic Remise

უჩვეულო ღირსშესანიშნაობა, რომელიც, რა თქმა უნდა, შთაბეჭდილებას მამაკაცებზე მოახდენს, მაგრამ სავარაუდოდ მანდილოსნებსაც არ დატოვებს გულგრილს. ამ მუზეუმ-გამოფენაში შეკრებილია ათეულობით რარიტეტული ავტომობილი, დაწყებული სხვადასხვა მარკის ძველი ავტომობილებიდან, დამთავრებული ექსპერიმენტული სუპერავტომობილებით.

აქვე მდებარეობს ლუდის ბაღი. Remise-ში მოხვედრას მხოლოდ ჯგუფური ექსკურსიით შეძლებთ, მაგრამ ისინი სამ ენაზე ეწყობა – გერმანულ, ინგლისურ და რუსულ.

მისამართი: Wiebestraße 36 – 37

სამუშაო საათებია: ყოველდღე 8:00 საათიდან 20:00 საათამდე, კვირაობით – 10:00 საათიდან 20:00 საათამდე.

19. Designpanoptikum

ახალი და ძალიან ორიგინალური მუზეუმი, რომელიც ფაქტობრივად ორიგინალური ნივთებისა და დიზაინერული ჩანაფიქრების კოლექციას წარმოადგენს, რომელთაგან თითოეულს თავისი უჩვეულო ისტორია აქვს. მუზეუმის მფლობელი პირადად გაუძღვება ექსკურსიას და თითოეული ექსპონატის შესახებ მახვილგონივრული ხუმრობების თანხლებით გიამბობთ.

მისამართი: Poststraße 7

სამუშაო საათებია: ყოველდღე 11:00 საათიდან 18:00 საათამდე, გარდა კვირისა.

შესვლის საფასურია – €10.

20. სავაჭრო ცენტრი KaDeWe

როგორ შეიძლება ბერლინს ეწვიოთ და შოპინგზე არ წახვიდეთ? ეს დიდი დაუდევრობაა! გირჩევთ აუცილებლად წახვიდეთ KaDeWe-ში – ევროპის ყველაზე ცნობილ და დიდ სავაჭრო კომპლექსში. ამბობენ, რომ ცენტრის ტერიტორია ცხრა ფეხბურთის მოედნის ტოლია. აქ ათასობით ბრენდი და დიზაინერია თავმოყრილი, რომლებიც შესაძლოა თქვენ არც კი იცოდეთ, მაგრამ მსოფლიოში ძალიან პოპულარული იყოს.

მისამართი: Tauentzienstraße 21-24

სამუშაო საათებია: ყოველდღე კვირის გარდა 10:00 საათიდან 20:00 საათამდე, პარასკევს – 10:00 საათიდან 21:00 საათამდე, შაბათს – 9:30 საათიდან 20 საათამდე.

21. Hackesche Höfe

ეს არის ევროპის უდიდესი დახურული ეზოების კომპლექსი. აქ 8 ეზოა განთავსებული, რომელთა  ტერიტორიაზე გალერეები და კაფეები მდებარეობს. ალტერნატიული კულტურის მოყვარულებს ვურჩევთ Haus Schwarzenberg ეზოს ეწვიონ, რომელიც  Hackesche Höfe ეზოების მახლობლად მდებარეობს. ეს არის ბერლინის „ანდერგრაუნდის“ ნამდვილი აკვანი, სადაც იპოვით სტრიტ-არტს, კულტურის ცენტრს „შვარცენბერგის სახლი“, უცხოპლანეტელთა ბარს Eschschloraque, მაღაზიას ახალგაზრდა მხატვართა ნამუშევრებით და სადაც რამდენიმე საათს მაინც გაატარებთ.

ასევე წაიკითხეთ:

ბარსელონა

ბარსელონა: 8 ადგილი, რომელიც მხოლოდ ადგილობრივმა მოსახლეობამ იცის

ბარსელონა – ეს არის ქალაქი, რომელიც ყოველთვის შთააგონებდა ცნობილ მხატვრებს, მოქანდაკეებს, კომპოზიტორებსა და მსახიობებს, და რომელიც დღეს თავის ქუჩებში მომავალი გენიოსების „აღზრდას“ უწყობს ხელს. ბარსელონაში სეირნობისას მოგესურვებათ უბრალოდ დაიკარგოთ და ინტუიციას მიენდოთ ისე, რომ წარმოდგენაც არ გქონდეთ თუ სად აღმოჩნდებით. Aviabiletebi.org-მა თქვენთვის რამდენიმე „ორიენტირი“ მოამზადა, სადაც არავინ შეგიშლით ხელს დატკბეთ თქვენი დასვენებით.

დაწვრილებით
aia napa

ევროპის TOP-9 კურორტი მათთვის, ვისაც გართობა უყვარს

ევროპის ყველაზე გასართობი კურორტები – უბრალოდ ოცნებაა მათთვის, ვისაც უყვარს ცეკვა, გართობა და მხიარულება მთელი ღამის განმავლობაში. უგემრიელესი კოქტეილები, ყველაზე ცხელი წვეულებები, ყველაზე საინტერესო ადამიანების გაცნობა – და უბრალოდ საუკეთესო დასვენება!

აღმოჩნდა, რომ იბიცა ყველაზე პოპულარული, მაგრამ არა ერთადერთი კურორტია ხმაურიანი დასვენების მოყვარულთათვის. საბოლოო სიაში ცხრა მათგანი მოხვდა – თქვენ რომელ კურორტს ირჩევთ?

დაწვრილებით
მარბელა

ესპანეთის 10 საუკეთესო კურორტი: კოსტა ბრავადან კოსტა დელ სოლიმდე

კოსტა ბრავა, კოსტა დორადა, კოსტა ბლანკა, კოსტა დელ სოლი … სად არის უმჯობესი  დიდი ხნის ნანატრი ზაფხულის ან შემოდგომის შვებულების გატარება? Aviabiletebi.org-მა იცის პასუხი!

ჩვენ  10 ქალაქი შევარჩიეთ, რომელიც დასმახურებული პოპულარობით სარგებლობს ტურისტებსა და ადგილობრივ მაცხოვრებლებს შორის.

დაწვრილებით
ფლორენცია

TOP-20 საინტერესო ადგილი, რომელიც ფლორენციაში შეიძლება მოინახულოთ

იტალია განთქმულია იმით, რომ მისი ქალაქები ღია ცის ქვეშ მუზეუმების მსგავსია და ფლორენცია არ არის გამონაკლისი. დღეს ჩვენ გიამბობთ თუ რომელი ყველაზე საინტერესო ადგილი უნდა იხილოს თითოეულმა ტურისტმა ფლორენციაში.

ფლორენციას უმჯობესია გაეცნოთ გამოცდილ ადგილობრივ გიდთან ერთად, რომლებიც ქალაქის ყველაზე საინტერესო ადგილებს გიჩვენებთ და მათ ისტორიას გიამბობთ. ჩვენ კი მოკლედ გიამბობთ ზოგიერთი მათგანის შესახებ.

დაწვრილებით

TOP-6 ადგილი, სადაც მაისში პლაჟის სეზონი შეგიძლიათ გახსნათ

თუ გსურთ მზითა და თბილი ზღვით რაც შეიძლება სწრაფად დატკბეთ, ჩვენ გიამბობთ, თუ სად შეიძლება გახსნათ პლაჟის სეზონი მაისში. გთავაზობთ ხმელთაშუა ზღვის სანაპიროსთან გაზაფხულზე დასვენების საუკეთესო ვარიანტებს.

დაწვრილებით
კრეტა

მოგზაურობა კრეტაზე: 10 ადგილი, რომელიც აუცილებლად უნდა იხილოთ

კონტინენტალური საბერძნეთი უკვე დეტალურად  შეისწავლეთ? გეპატიჟებით კრეტაზე – იგი უმსხვილესია საბერძნეთის კუნძულებს შორის და იდეალურია პლაჟზე დასვენებისა და  ექსკურსიების მოწყობისთვის!

კრეტა – საბერძნეთის ყველაზე პოპულარული კუნძულია პლაჟზე დასასვენებლად, სადაც სეზონი მაისიდან ოქტომბრის ჩათვლით გრძელდება. საოცარი ბუნება, თვალწარმტაცი ყურეები, თბილი ზღვა, ნებისმიერი გემოვნების შესანიშნავი პლაჟები, გულუხვი ბერძნული სამზარეულო – ეს ყველაფერი მთელი მსოფლიოდან უამრავ ტურისტს იზიდავს. მაგრამ კრეტაზე დასვენება საინტერესოც შეიძლება იყოს! ჩვენ 10 ღირსშესანიშნაობა შევარჩიეთ, რომელთა მონახულებით კრეტას მრავალმხრივ გაიცნობთ!

დაწვრილებით
ლონდონი

20 ყველაზე საინტერესო ადგილი, რომელიც ლონდონში უნდა იხილოთ

London is the capital of Great Britain“ – ამ ფრაზის გამეორებისას რამდენჯერ წარმოგედგინათ თავი ამ ქალაქში? როგორც ჩანს, ბიგ ბენი და ბუკინგემის სასახლე ჩვენს ფანტაზიებში სრულად შესწავლილი გვაქვს. მაგრამ თუ ლონდონში მოხვდით, რა შეიძლება დაათვალიეროთ მათ გარდა? Aviabiletebi.org 20 ყველაზე საინტერესო ადგილის შესახებ გიამბობთ, რომელიც აუცილებლად უნდა იხილოთ ლონდონში!

დაწვრილებით

იაპონიის 10 საინტერესო ადგილი, რომელთა მონახულება ღირს

იაპონია – უძველესი ტრადიციების, სალოცავებისა და ყველაზე მოწინავე ტექნოლოგიების საოცარი ნაზავია. ქვეყანა, რომელიც თავის წარსულს უსაზღვრო პატივს სცემს და ამავდროულად, გამალებით მიემართება მომავლისკენ, თავის არსენალში არსებული უნიკალური ბუნების საოცრებებისა და შემოქმედებითი მემკვიდრეობის წყალობით.

Aviabiletebi.org -მა თქვენთვის იაპონიის 10 საინტერესო ადგილი შეარჩია, რომლებიც აუცილებლად უნდა მოინახულოთ. დარწმუნებული ვართ, რომ თქვენი გაცნობა ამ საოცარ ქვეყანასთან სასიამოვნო იქნება.

დაწვრილებით

10 საინტერესო ადგილი, რომელიც ტალინში უნდა მოინახულოთ

ესტონეთის დედაქალაქი – ძველი დროისა და თანამედროვეობის საოცრად კოლორიტული და ნათელი ჰარმონიული შეთანხმებაა. გთავაზობთ ტალინის 10 ყველაზე საინტერესო ადგილისა და ღირშესანიშნაობის სიას.

დაწვრილებით