ბარსელონა

ბარსელონა: 8 ადგილი, რომელიც მხოლოდ ადგილობრივმა მოსახლეობამ იცის

ბარსელონა – ეს არის ქალაქი, რომელიც ყოველთვის შთააგონებდა ცნობილ მხატვრებს, მოქანდაკეებს, კომპოზიტორებსა და მსახიობებს, და რომელიც დღეს თავის ქუჩებში მომავალი გენიოსების „აღზრდას“ უწყობს ხელს. ბარსელონაში სეირნობისას მოგესურვებათ უბრალოდ დაიკარგოთ და ინტუიციას მიენდოთ ისე, რომ წარმოდგენაც არ გქონდეთ თუ სად აღმოჩნდებით. Aviabiletebi.org-მა თქვენთვის რამდენიმე „ორიენტირი“ მოამზადა, სადაც არავინ შეგიშლით ხელს დატკბეთ თქვენი დასვენებით.

CCCB — Centre de Cultura Contemporània de Barcelona

ადგილობრივი მოსახლეობა CCCB კულტურის ცენტრს  ხელოვნების ისეთ „ელექტროსადგურს“ უწოდებს, რომელიც მთელ ქალაქს მუხტავს. სწორედ აქ იმართება უამრავი მნიშვნელოვანი ღონისძიება ბარსელონის ცხოვრებაში: გამოფენები, კონცერტები, კინოჩვენებები, შემოქმედებითი შეხვედრები, ლექციები, მასტერკლასები და ა.შ. აქ უპირატესად  წარმოდგენილია თანამედროვე ხელოვნება.

მოგზაურებისთვის ერთადერთი მინუსი ის არის, რომ ცენტრში ღონისძიებების უმრავლესობა ესპანურ ან კატალონიურ ენებზე იმართება, მაგრამ უბრალოდ ნახვაც არავის აწყენდა. ცენტრს ასევე დიდი მაღაზია აქვს, სადაც წარმოდგენილია  ხელოვნების შესახებ წიგნების შთამბეჭდავი კოლექცია, ასევე ქვეყნისა და მსოფლიოს ცნობილ მხატვართა ნამუშევრების ალბომები.

პატარა რჩევა: ბარსელონაში არის ბარათი ArTicket, რომლის შეძენის შემთხვევაში შთამბეჭდავ ფასდაკლებას მიიღებთ CCCB-ში და ქალაქის კიდევ 5 მუზეუმში.

მისამართი: Avinguda Marquès de Comillas, 13.

სამუშაო საათებია: სამშაბათი-კვირა 11:00 საათიდან 20:30 საათამდე.

La Candela

ბარსელონაში იპოვოთ წყნარი ადგილი ვახშმისთვის პოპულარული ტურისტული ადგილებიდან მოშორებით და თან ხელმისაწვდომი ფასებით – არ არის ადვილი ამოცანა. მაგრამ ერთი ასეთი „წერტილის“ შესახებ ახლავე გიამბობთ. La Candela – მყუდრო საოჯახო რესტორანია ტრადიციული ევროპული და ესპანური სამზარეულოთი.

La Candela შესანიშნავია ოჯახთან ან მეგობრებთან შეხვედრებისთვის. მენიუში მრავალი ხორცის კერძი, სალათი და სხვადასხვა საუზმეულია, ასევე არ დაგავიწყდეთ, რომ ეს ყველაფერი კარგ ესპანურ ღვინოსთან ერთად უნდა მიირთვათ.

მისამართი. Plaça de Sant Pere, 12.

სამუშაო საათებია: ყოველდღე 12:00 საათიდან 00:00 საათამდე.

პირდაპირი ფრენა ქუთაისიდან ბარსელონა-ში

გამგზავრებადაბრუნებაავიაკომპანიაფასი
12 აპრ 202419 აპრ 2024Wizz Airფასი 823
8 მაი 202413 მაი 2024Wizz Airფასი 611
12 ივნ 202419 ივნ 2024Wizz Airფასი 777

გალერეა სტუდია Galería Maxó

Maxó Rennella – თანამედროვე მხატვარი და ფოტოგრაფია. ცნობილმა და არცთუ ისე თავმდაბალმა მხატვარმა ერთხელ გადაწყვიტა საკუთარი გალერეა გაეხსნა ბარსელონაში, რომელიც საზოგადოებისთვის ღია იქნებოდა და ვიზიტორებს საშუალებას მისცემდა მხატვრის სამყარო გაეცნოთ. აქ იხილავთ არა მხოლოდ მის ნამუშევრებს, ნახატებს, ფოტოებს, არამედ  მაქსოს სამუშაო სტუდიას.

ასობით ფერი, ათობით ფოტოაპარატი, ბალონი, ჩარჩო, ფუნჯი, დაუსრულებელი ესკიზი – მხატვარს არ ეუხერხულება, რომ ეს ყველაფერი საზოგადოებას წარუდგინოს. პირიქით – იგი ხალისით გიამბობთ თავისი ახალი ნამუშევრების, ჩანაფიქრების შესახებ, ყოველთვის მხიარულად ეგებება სტუმრებს, თუ, რა თქმა უნდა, ამ დროს სტუდიაშია.

მისამართი. Portal Nou 29.

სამუშაო საათებია: ყოველდღე 11:00 საათიდან 21:30 საათამდე.

Cosmo Bar

ბარსელონა – ეს არის ქალაქი, სადაც ხელოვნებას ვერსად გაექცევით. ვერც მაღაზიებში, ვერც ჯიხურებში, ვერც კაფეებსა და რესტორნებში – ამიტომაც უყვართ ისინი! ამგვარად, ადგილობრივ მოსახლეობაში ერთ-ერთი ყველაზე პოპულარულია არტ-კაფეა „Cosmo Bar“. იგი თავის სტუმრებს არა მხოლოდ გემრიელი და მრავალფეროვანი კერძებით, არამედ დასვენებისა და შემოქმედებისთვის ძალიან სასიამოვნო ატმოსფეროთი ასიამოვნებს.

ხშირად გაიგონებთ, რომ ეს არის „იდეალური ადგილი დასვენებისა და განტვირთვისთვის“, „დაწესებულება ყველაზე დიდი გულით“, „სასიამოვნო ატმოსფერო“ … და კიდევ რა არის საჭირო სასიამოვნო საღამოსთვის? რა თქმა უნდა, საკვები. აქ აქცენტი ჯანსაღ და სასარგებლო კვებაზეა. სალათები, ახალგამოწურული წვენები, ღვეზელები, სენდვიჩები, მსუბუქი დესერტი და ყავის რამდენიმე საინტერესო რეცეპტი.

Cosmo Bar-ის დარბაზში რეგულარულად ეწყობა ადგილობრივი მხატვრების გამოფენები, და ბარის სტუმრებისთვის აბსოლუტურად ჩვეულებრივი ამბავია  გვერდით მაგიდასთან იხილოს რომელიღაც ცნობილი  მოღვაწე ხელოვნების სფეროში.

მისამართი. C/ Enric Granados 3.

სამუშაო საათებია: ყოველდღე 10:00 საათიდან 23:00 საათამდე.

Discos Paradiso

Discos Paradiso სამართლიანად ითვლება საუკეთესო მუსიკალურ მაღაზიად ბარსელონაში. სწორედ აქ არის ვინილის ფირფიტების უდიდესი კოლექცია ქალაქში სხვადასხვა დროს, სხვადასხვა ქვეყანაში გამოშვებული. ნამდვილი მელომანი აქედან ხელცარიელი ვერ გავა. შეგიძლიათ შეიძინოთ არა მხოლოდ ფირფიტები, არამედ სხვადასხვა მუსიკალური აქსესუარი და სუვენირი.

Discos Paradiso ასევე ის ადგილია, სადაც ქალაქის ყველაზე მგზნებარე მუსიკალური წვეულებები იმართება. და ზოგადად, აქ ყოველთვის შეძლებთ გაიგოთ სიახლეები ქალაქის მუსიკალური ცხოვრების შესახებ და ყოველთვის სიამოვნებით გიამბობენ თუ როდის და სად წახვიდეთ და რას მოუსმინოთ.

მისამართი. C/ de Ferlandina 39.

Elias Forner

ეს ადგილი კი მათთვისაა, ვინც ვერ უძლებს ახალგამომცხვარი ცხელი ფუნთუშეულის არომატს, მაგრამ არ ღელავს თავის ფიგურაზე. Elias Forner ერთ-ერთი საუკეთესო ადგილობრივი საფუნთუშეა, რომელიც პირველ რიგში სპეციალიზირებულია ბაგეტებსა და ფუნთუშებზე. აქ მათი წარმოუდგენელი რაოდენობაა: სხვადასხვა ჯიშის ხორბლისგან, სხვადასხვა მარცვლოვანით და ყველა სახის შიგთავსით. აქვეა ღვეზელი, სენდვიჩი და ესპანური foccacias და boccadillos.

აქ ყოველთვის უამრავი სტუმარია. შეგიძლიათ არა მხოლოდ შეიძინოთ ახალი პური, არამედ ჩაი და ყავაც კი მიირთვათ, ლანჩ-მენიუც კი აქვთ.

ქალაქში ამ ქსელის 5 მაღაზიამდეა, მათ პოვნას ვებ-გვერდზე შეძლებთ და იმ მაღაზიის მისამართს გაიგებთ, რომელში მისვლაც თქვენთვის უფრო მოსახერხებელი იქნება.

მისამართი. Avinguda d’Icària, 151.

სამუშაო საათებია: ყოველდღე 8:00 საათიდან 21:00 საათამდე.

Nevermind

კიდევ ერთი მუსიკალური ადგილი ბარსელონის რუკაზე – ბარი Nevermind, სადაც ქალაქის სხვადასხვა თაობის მაცხოვრებლები იკრიბება იმისათვის, რომ ჭიქა/სირჩა/ბოკალი კარგი სასმელი მიირთვან და მგზნებარე როკ-ენ-როლით დატკბნენ.

საღამოობით აქ რაღაც ფანტასტიკური ხდება: ირევა ჟანრები და შემსრულებლები 70-იანი წლების როკიდან ორიათასიანი წლების ალტერნატივამდე, ამ ყველაფერს კი კედლებზე არაჩვეულებრივი ვიდეოპროექცია ემატება. ასევე ძალიან მოსახერხებელია ბარის ადგილმდებარეობა – ქალაქის ერთ-ერთი პოპულარული ნაწილის  Plaça Reial მახლობლად. ბარის მენიუში საუზმეული და სასმელების დიდი არჩევანია. და არ უნდა დაგავიწყდეთ, რომ მიმტანთან დღის სასმელი დააზუსტოთ – ყველაზე საინტერესო შეიძლება „უცხო თვალისგან“ დაფარული იყოს.

მისამართი. C / Escudellers Blancs 3.

სამუშაო საათებია: ყოველდღე 19:00 საათიდან 03:00 საათამდე.

Taller Creativo Bencini

ბარსელონა – ეს არის ქალაქი, სადაც არა მარტო უნდა დატკბეთ ხელოვნებით, არამედ თავადაც შექმნათ, თუნდაც ფიქრობდეთ, რომ ამის უნარი არ გაქვთ. მის გამოვლენას ყოველთვის შეძლებთ Taller Creativo Bencini-ში. ეს არის ორი მხატვრის ფრედერიკო ბენჩინისა და რაულ პერნის პატარა სტუდია, სადაც შეგიძლიათ არა მარტო იხილოთ მათი ნამუშევრები, რომლებიც მოზაიკის მსგავსადაა გალერეის კედლებზე აწყობილი, არამედ თავადაც რაღაც შექმნათ.

Taller Creativo Bencini-ს ყველა ვიზიტორი ურთიერთობისთვის, მხატვრებთან კონსულტაციებისთვის და უბრალოდ დასვენებისთვის, მოდუნებისთვის და ფუნჯითა და საღებავებით აღჭურვილი „არტ-თერაპიისთვის“ სტუმრობს. ხოლო თქვენთვის სასურველი ფრედერიკოს ან რაულის ნამუშევრები შეგიძლიათ სახლისთვის ან მეგობრებისთვის სუვენირის სახით შეიძინოთ.

მისამართი. SEMOLERES, 10.

სამუშაო საათებია: ყოველდღე 11:00 საათიდან 20:00 საათამდე.

ყველაზე იაფი ავიაბილეთები თბილისიდან ბარსელონა, შემდეგი 1წლის განმავლობაში

გამგზავრებადაბრუნებაგაჩერებაავიაკომპანიაფასი
29 მარ 20243 აპრ 20241 ᲒაჩერებაPegasus Airlines884 -დან
28 აპრ 202410 მაი 20241 ᲒაჩერებაLufthansa510 -დან
3 მაი 202410 მაი 20241 ᲒაჩერებაLufthansa511 -დან
5 ივნ 202410 ივნ 20241 ᲒაჩერებაPegasus Airlines832 -დან
12 ივლ 202425 ივლ 20241 ᲒაჩერებაLOT Polish Airlines851 -დან
2 აგვ 20249 აგვ 20241 ᲒაჩერებაLOT Polish Airlines835 -დან
18 ოქტ 202423 ოქტ 20241 ᲒაჩერებაLufthansa714 -დან
17 ნოე 202421 ნოე 20241 ᲒაჩერებაLufthansa805 -დან
25 დეკ 202410 იან 20251 ᲒაჩერებაLOT Polish Airlines710 -დან
3 იან 202510 იან 20251 ᲒაჩერებაLOT Polish Airlines757 -დან
7 თებ 202513 თებ 20251 ᲒაჩერებაLOT Polish Airlines834 -დან
8 მარ 202514 მარ 20251 ᲒაჩერებაAegean Airlines636 -დან

ასევე წაიკითხეთ:

მოძებნე ავიაბილეთი

შენთვის სასურველი მიმართულებით საუკეთესო ფასად

Leave a Comment

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა