ბალის საქანელები

ბალის საუკეთესო საქანელების ოფიციალური გზამკვლევი

გიყვართ საქანელაზე ქანაობა? აღმოაჩინეთ ბალის საუკეთესო საქანელები! ბალის საქანელებმა ყურადღება მიიპყრო მას შემდეგ, რაც ბალის ბრინჯის მინდვრების მონახულება გახდა პოპულარული. გავრცელებული ინფორმაციით, ბალის პირველი ოფიციალური საქანელა გაიხსნა უბუდის ჩრდილოეთით, Zen Hideaway Villa-ში.

მალე Instagram-ის აპლიკაციამ ბალის საქანელების პოპულარობა ახალ დონეზე გადაიყვანა. Zen Hideaway Villa-ს სტუმრები სელფის იღებდნენ, სხვა ვიზიტორებმა კი 35.00 დოლარის გადახდა დაიწყეს ამ გამოცდილებისთვის. დღეს ამ პრივილეგიით სარგებლობა მხოლოდ სტუმრებს შეუძლიათ.

ზოგიერთი წყაროს ინფორმაციით, ვილის მფლობელი სხვა ადგილობრივ მეწარმეებთან ერთად გაერთიანდა და ახლომდებარე ბალის საქანელების პარკი დააარსა. პარკი საგანგებოდ ბალის საქანელებს ეძღვნება. თუ თქვენ ბალიზე მიემგზავრებით და გსურთ საქანელებზე გართობის გამოცდილება მიიღოთ, გაეცანით ბალის საქანელების ოფიციალურ გზამკვლევს, სადაც მიიღებთ ინფორმაციას სამუშაო საათების, ფასების და სხვათა შესახებ.

Wanagiri Hidden Hills Swings

Wanagiri Hidden Hills-ის მაცხოვრებლებმა საქანელების ტენდენცია სწრაფად აიტაცეს. მათ აქვთ უამრავი განსხვავებული ხედის მქონე ბუდე და საქანელა, რომლებიც ხელმისაწვდომია ვიზიტორებისთვის. დანაუ ბუიანის ტბის ხედი ულამაზესადაა მიჩნეული.

აქ საქანელები ხშირად ესთეტიკურ სიამოვნებასაც მოგგვრით. ასევე შეგიძლიათ ისიამოვნოთ ბამბუკის პლატფორმების ხედებით. საქანელები მდებარეობს ბედუგულიდან მომავალი გზის მარცხენა მხარეს.

გამოცდილი ვიზიტორები ადასტურებენ, რომ ამ ბიზნესში ადგილობრივებს საკმაოდ აგრესიული კონკურენციის გაწევა შეუძლიათ. მათ ყველას სურთ, რომ მხოლოდ მათი პლატფორმები და საქანელები გამოიყენოთ. გასაოცარია, თუ რამდენად სწრაფად შეძლეს მათ ფულის შოვნა ტურისტებისთვის საქანელების, ბუდეებისა და პლატფორმების მიწოდების მოთხოვნის მზარდი ტენდენციის წყალობით. ვინც ამ საქმეში ერკვევა, გვირჩევს ავირჩიოთ მარშრუტი დიდი წარწერით: „ამ გზით 1 კმ“. ეს მარშრუტი მიემართება ამ რეგიონში ყველაზე დიდი ადგილისკენ, სადაც საქანელებია მოწყობილი. აქ არის რეგიონის ყველაზე დიდი საქანელები, პლატფორმები, ბუდეები და ზიპ-ლაინებიც კი.

აქ განსხვავებული და მერყევი ფასებია. მიუხედავად იმისა, რომ თითოეულ საქანელასა თუ ხედში 10.50 დოლარის გადახდა უჩვეულო სულაც არ არის, ზოგიერთ მკვიდრთან მოლაპარაკებაც შესაძლებელია. ყოფილა შემთხვევები, როდესაც ვიზიტორებმა ერთ საქანელაში სულ რაღაც 1.18 დოლარი გადაიხადეს.

მდებარეობა: Jalan Munduk – Wanagiri, Sukasada Kabupaten Buleleng
სამუშაო საათები: მთელი კვირა დილის 9 საათიდან 17 საათამდე (ზოგადად)
შესვლის საფასური: შეთანხმებით/მერყევი

Terrace River Pool Swing

არ აგერიოთ Terrace River Pool– საქანელები Tegalalang Rice Terraces-ის საქანელებში. Terrace River Pool-ში საქანელებიანი პარკი სულ უფრო მზარდი პოპულარობით სარგებლობს.

პარკს აქვს სხვადასხვა სიმაღლეზე მოწყობილი რამდენიმე საქანელა, Instagram-ზე განსათავსებელი ბუდე და კიდევ რამდენიმე საქანელა, რომელთა ფასი 21.20 დოლარიდან იწყება.

მდებარეობა: Jalan Raya Tegallalang, Gianyar
სამუშაო საათები: მთელი კვირა დილის 9 საათიდან საღამოს 6
შესვლის საფასური: 10.60 დოლარი

Tegalalang Rice Terrace Swing

ბალის ყველაზე ცნობილ საქანელებს სწორედ აქ, Tegalalang Rice Terrace-ზე იპოვით. სინამდვილეში, თავად ტეგალალანგიც საკმაოდ პოპულარულია მოგზაურებს შორის. მისი მრავალწლიანი პოპულარობა ნაწილობრივ განპირობებულია ბრინჯის ტერასული მინდვრებით. იგი მოიცავს ხეობას, რომელიც სემინიაკიდან 25 მილის და უბუდის ჩრდილოეთით ექვსი მილის დაშორებით მდებარეობს.

ბალის ყველაზე ხელმისაწვდომი საქანელების პოვნა მარტივია. უბრალოდ გაემართეთ სოფელ ტეგალალანგში და დადექით ისე, რომ კაფეები ხეობის სამხრეთ მხარეს, ხოლო სხვადასხვა მაღაზია თქვენგან მარცხნივ მდებარეობდეს. იქიდან ეს ადგილი რამდენიმე წუთის სავალ მანძილზე გზის დაყოლებით მდებარეობს. მას თითქმის მაშინვე შეამჩნევთ, როდესაც ბრინჯის ტერასებს დაინახავთ.

გასული წლის ბოლოს საქანელებზე გართობა ამ ხეობაში შესაძლებელი იყო დაახლოებით 17.63 დოლარად. იქმნება სულ უფრო მეტი ახალი საქანელა და ფასები კიდევ უფრო კონკურენტუნარიანი ხდება, თუმცა მოთხოვნაც იზრდება. ხეობის მოპირდაპირე მხარეს კიდევ ორი ​​საქანელა მდებარეობს, რომლებიც სტუმრებს სხვა გამოცდილებას სთავაზობს. ისინი ამ ხეობის გაცილებით ციცაბო მონაკვეთზე მდებარეობს. აქ Instagram-ისთვის საოცარი სელფების გადაღება შეგიძლიათ.

გაითვალისწინეთ, რომ მათ მისაღწევად, მოგიწევთ ფეხით სიარული ცნობილი ბრინჯის ტერასებსა და ციცაბო ფერდობებზეც კი. სტუმრებს ურჩევენ განსაკუთრებით ფრთხილად იყვნენ წვიმის დროს, რადგან ზემოხსენებული ფერდობები დასველებისას ძალიან სრიალა ხდება. მოლაშქრეებმა უნდა ჩაიცვან შესაბამისი სალაშქრო ფეხსაცმელი და იყვნენ კარგ ფიზიკურ მდგომარეობაში, რათა თავიდან აიცილონ კოჭის ღრძობა თუ სხვა ტრავმა.

თუმცა ლაშქრობა ნადმვილად ღირს ძალისხმევად. ვინც აქ ნამყოფია, ირწმუნება, რომ აქედან წარმოუდგენელი სილამაზის ხედი იშლება. სინამდვილეში, საქანელების მოწყობამდე ამ ადგილას ლაშქრობა რეგიონის მთავარ ღირსშესანიშნაობას წარმოადგენდა. როგორც კი საქანელებს მიაღწევთ, თქვენ საგანგებოდ შექმნილი ღვედის მეშვეობით იქნებით დაცული. ეს ადგილი არ არის რეკომენდებული მათთვის, ვისაც ოდნავ მაინც ეშინია სიმაღლის, რადგან ადამიანები, რომლებიც ხეობაში გაგიყვანთ, დიდი ენთუზიაზმით ეკიდებიან იმას, რომ მაქსიმალურად გაამძაფრონ როგორც სიამოვნების, ისე შიშის შეგრძნება.

მდებარეობა: Jl. Raya Tegallalang, Tegallalang, Kabupaten Gianyar
სამუშაო საათები: მთელი კვირა 8-დან 17 საათამდე.
შესვლის საფასური: 17.66 დოლარი

Bali Swing Park

ქვეყნის ყველაზე პოპულარული ადგილი საქანელებით ქანაობისთვის არის Bali Swing Park. უბუდიდან 10 მილის მანძილზე მდებარე Bali Swing Park-ს აქვს 15 საქანელა ერთ ადამიანზე. პარკს ასევე აქვს სამი საქანელა ორ ადამიანზე, ასე რომ შეგიძლიათ მეგობრებთან და ოჯახის წევრებთან ერთად გაერთოთ.

ფოტოების გადაღება ასევე შეგიძლიათ ოთხი უზარმაზარი ლოდიდან ერთ-ერთზე (აქ პოზირება აუცილებლად გასაკეთებელი რამ გახდა)

აქვე მდებარეობს ექვსიოდე მხატვრულად გაფორმებული ბუდე, სადაც ასევე შეგიძლიათ პოზირება. ისინი შექმნილია ბუნებრივი ელემენტებისგან, როგორიცაა მაგალითად, ფოთლები და ტოტები, თუმცა ძირითადად, ისეა გაკეთებული, რომ უფრო მოხერხებული ადგილი იყოს ფოტოს გადაღებისთვის (დიახ, ბუდეებში ფოტოს გადაღებაც აუცილებელად გასაკეთებელი რამაა. როგორც იტყვიან, „სადაც მიხვიდე, იქაური ქუდი დაიხურეო“).

პარკი უბუდიდან უფასო შატლის სერვისსაც სთავაზობს. ასევე ხელმისაწვდომია საპაკეტო ტურები (რომლებიც მოიცავს სხვა აქტივობებს, როგორიცაა სპილოებით სეირნობა, ჩანჩქერზე ხტომა და ჯომარდობა). ჩვეულებრივ საკუთარი მარშრუტის შექმნა და მძღოლის დაქირავება უფრო იაფია.

შესვლის საფასური: 28.24 დოლარი.
მდებარეობა: Jl. Dewi Saraswati No.7, Bongkasa Pertiwi, Abiansemal, Kabupaten Badung
სამუშაო საათები: მთელი კვირა დილის 8 საათიდან 17 საათამდე.

გაფრთხილება!

ყველა ეს აქტივობა ყველასთვის შესაფერისი არ არის. გაითვალისწინეთ, რომ ბალის საქანელებზე მზარდმა მოთხოვნილებამ განაპირობა ისეთი საქანელების შექმნა, რომელთა უსაფრთხოებაც არ კონტროლდება. გასულ ზაფხულს ტეგალალანგში მამაკაცი დაიღუპა, როდესაც მან სცადა საქანელაზე მყოფი შვილისთვის ებიძგა, მაგრამ ხელი არ გაუშვა. იგი საქანელამ ჩაითრია, დაეცა და სასიკვდილოდ დაშავდა.

(ყველა ფოტო განთავსებულია მფლობელთა ნებართვით).

ყველაზე იაფი ავიაბილეთები Tbilisi-დან Denpasar Bali-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

26.02.2020

04.03.2020

2 stops

ფასი 2 611

26.03.2020

29.03.2020

2 stops

ფასი 2 558

09.04.2020

17.04.2020

3

ფასი 2 632

10.06.2020

23.06.2020

2 stops

ფასი 2 556

14.07.2020

17.08.2020

3

ფასი 2 855

09.10.2020

16.10.2020

3

ფასი 2 631

09.11.2020

30.11.2020

3

ფასი 2 574

Posted in ბლოგი, კრებულები and tagged , , .