ავიაკომპანიების 7 წესი, რომლებიც მგზავრებს ხშირად ავიწყდებათ

გამოცდილება გვიჩვენებს, რომ ყველა მგზავრი ყურადღებით როდი კითხულობს ან საერთოდ თუ ეცნობა ავიაკომპანიის წესებს ფრენის წინ. შედეგად, მათ ზედმეტი თანხის გადახდა უწევთ და ისეთ პრობლემებს აწყდებიან, რომელთა, ზოგადად, თავიდან აცილებაც შესაძლებელი იქნებოდა.

ჩვენ გადავწყვიტეთ ავიაკომპანიების 7 წესი გამოვაქვეყნოთ, რომლებიც (რასაც ადასტურებს ჩვენი დახმარების სამსახურში დასმული კითხვები) ბევრს ავიწყდება ან რომელთა შესახებ არც კი სმენია.

თუ პირველ რეისზე არ გამოცხადდებით, ყველა სხვა ბილეთი უქმდება

თუ თქვენს რეისზე დააგვიანებთ და შემდეგ უახლოესი რეისით სწრაფად მოხვდებით დანიშნულების (ან გადაჯდომის) ადგილზე, შემდეგი რეისებით ფრენას მაინც ვერ შეძლებთ. ავიაკომპანიის წესების თანახმად, თუ პირველ სეგმენტზე არ გამოცხადდებით, ყველა დანარჩენი ავტომატურად უქმდება. დიახ, თქვენ ვერ გააგრძელებთ გზას თქვენი ბილეთით, უფრო მეტიც, უკანაც ვერ გაფრინდებით, თუ წინასწარ არ აცნობებთ ავიაკომპანიას, რომ პირველ სეგმენტზე გამოცხადებას ვერ ასწრებთ. ამ წესს No Show ეწოდება და იგი თითქმის ყველა ავიაკომპანიაში მოქმედებს.

ბარგის გადაზიდვის ნორმის გადაჭარბების შემთხვევაში დამატებით გადახდა მოგიწევთ

თითქმის ყველა „ლოუკოსტ“ ავიაკომპანია გაძლევთ უფლებას ბორტზე აიტანოთ ხელბარგი, რომლის წონა და ზომა მკაცრად შეზღუდულია. ყველაფრისთვის, რაც მითითებულ ნორმას აღემატება, დამატებით უნდა გადაიხადოთ. თუ იცით, რომ მოგზაურობიდან არა მარტო შთაბეჭდილებებს, არამედ სუვენირებსა და ახალ ტანსაცმელს ჩამოიტანთ, ბარგი წინასწარ, ჯერ კიდევ ბილეთების დაჯავშნისას შეიძინეთ. ამ შემთხვევაში, ფასი გაცილებით დაბალი იქნება, ვიდრე აეროპორტში მოგიწევთ გადახდა.

ბევრ ავიაკომპანიას აეროპორტში რეისზე რეგისტრაცია ფასიანი აქვს

თუ რეისზე წინასწარ ონლაინ არ დარეგისტრირდით, მზად იყავით, რომ რეგისტრაციის საფასურის გადახდა აეროპორტში მოგიწევთ. ამდენად, კომპანიაში Wizz Air ამ მომსახურების ღირებულება 30 ევროა, Ryanair- 50 ევრომდე, UIA – 15 ევრომდე (გარდა ჩარტერული რეისებისა და რეისებისა პეკინსა და კოლუმბიაში).

ასე რომ, ყურადღებით იყავით და ყოველთვის ონლაინ დარეგისტრირდით. უმეტეს ავიაკომპანიაში რეისზე რეგისტრაცია ფრენამდე 24-48 საათით ადრე იწყება და 2 საათით ადრე სრულდება. ამ სტატიაში შეგიძლიათ გაიგოთ თუ როგორ უნდა დარეგისტრირდეთ რეისზე.

ხელბარგით ვერ შეძლებთ 100 მლ-ზე მეტი მოცულობის კონტეინერებით სითხის გადაზიდვას

შამპუნის ლიტრიანი ბოთლი თუ ნახევარლიტრიანი კოლა ბორტზე ვერ მოხვდება, როგორც არ უნდა ეცადოთ. ავიაკომპანიების წესების მიხედვით, სითხეების, მათ შორის კრემის, ზეთის, სუნამოს, სპრეისა და წყლის ტრანსპორტირება შესაძლებელია მხოლოდ 100 მლ-მდე მოცულობის კონტეინერით. პატარა ბოთლები უნდა მოთავსდეს გამჭვირვალე პოლიეთილენის პარკში საკეტით (იდეალურია ხილის გაყინვისთვის განკუთვნილი ზიპ-პაკეტები ან კოსმეტიკის ჩანთა). სითხის საერთო მოცულობა ერთ ლიტრს არ უნდა აღემატებოდეს. დაწვრილებით – აქ იხილეთ.

ეს შეზღუდვები უსაფრთხოების მიზნებისთვისაა. ნებისმიერი სითხის სახით შესაძლებელია ადვილად აალებადი თხევადი ნივთიერებების ან ქიმიური ნივთიერებების გადაზიდვა, რომელთაგანაც ბორტზე აბსოლუტურად რეალურად შესაძლებელია ფეთქებადსაშიში ნარევის შექმნა. თუკი რაიმე მიზეზით დაშვებული თხევადი ნივთიერების 100 მლ აალდება, ბორტგამცილებლები შეძლებენ ოპერატიულად ჩააქრონ ხანძარი ცეცხლმაქრების მეშვეობით. უფრო მეტი მოცულობის ნივთიერების აალების შემთხვევაში, ხანძრის ჩაქრობა უკიდურესად რთული იქნება და სალონში საგანგებო სიტუაცია შეიქმნება.

ხელბარგით ვერ გადაიტანთ იმ ნივთებს, რომელთა მეშვეობით პოტენციურად შესაძლებელია ტრავმის მიყენება

ბორტზე აკრძალულია დანის, მანიკიურის მაკრატლის, პინცეტის, ლითონის ფრჩხილების ქლიბის, სახრახნისის, კორპსაძრობის და სხვა საჩხვლეტ-საჭრელი ნივთების ატანა. შესაძლოა თქვენს ნაცნობებს შორის იპოვოთ ის, ვისთვისაც ფრჩხილების ქლიბი ან კორპსაძრობი არ ჩამოურთმევიათ, მაგრამ ეს უფრო გამონაკლისია.

ლონდონში გადაჯდომის დროს შესაძლოა სატრანზიტო ვიზა დაგჭირდეთ

სატრანზიტო ვიზა საჭიროა, თუ დიდ ბრიტანეთში აეროპორტი უნდა შეიცვალოთ, სასტუმროში ღამის გათევა გიწევთ ან უბრალოდ ლონდონში გასეირნება გსურთ. ვიზა არ გჭირდებათ, თუ:

  • თქვენ მიფრინავთ აშშ-ში, კანადაში, ახალ ზელანდიაში ან ავსტრალიაში ან პირიქით და დანიშნულების ქვეყანაში მოქმედი შესასვლელი ვიზა გაქვთ.
  •  თუ აშშ-დან, კანადიდან, ახალი ზელანდიიდან ან ავსტრალიიდან მოფრინავთ, თქვენს ვიზას მოქმედების ვადა გაუვიდა, მაგრამ თქვენი აშშ-ში/კანადაში შესვლის მომენტიდან 6 თვე ჯერ არ გასულა. (აქ უფრო დაწვრილებით ინფორმაციას იხილავთ, მაგრამ აღსანიშნავია, რომ ეს არ არიას 100% გარანტია) თუ საბაჟო ოფიცერი საეჭვოდ მიგიჩნევთ, მას შეუძლია დიდ ბრიტანეთში შესვლაზე უარი გითხრათ, რასაც მიგრაციის წესების შეუსაბამობით დაასაბუთებს. ზოგადად კი, თქვენი ბედი ამ მომენტში მთლიანად მის გადაწყვეტილებაზეა დამოკიდებული.

თუ მანჩესტერის საერთაშორისო აეროპორტში ან ჰითროუს აეროპორტში მოფრინავთ, ვიზაზე ფიქრი არ გჭირდებათ. ამ აეროპორტების დაგეგმარება საშუალებას გაძლევთ ერთი ტერმინალიდან მეორეში ტრანზიტული ზონის დატოვების გარეშე გადახვიდეთ.

მგზავრები შესაფერისად უნდა იყვნენ ჩაცმულნი

რასაკვირველია, არავინ გაიძულებთ, რომ თვითმფრინავში ჩასასხდომად საქმიან კოსტიუმში მოხვიდეთ, მაგრამ ბევრი ავიაკომპანია მგზავრებისგან სუფთად ჩაცმას მოითხოვს. ამდენად, აშშ-სა და ბრიტანეთის ავიახაზების წესებში მითითებულია, რომ ბორტზე არ დაიშვებიან ის ადამიანები, რომელთა ტანსაცმელმა შესაძლოა სხვა მგზავრების ზიზღი და დისკომფორტი გამოიწვიოს. მაგალითად, Thomas Cook Airlines ეკიპაჟმა 21 წლის ბრიტანელ ემილი ოკონორს თვითმფრინავის დატოვება სთხოვა არასათანადო ჩაცმულობის გამო. გოგონას შარვალი და ტოპი ეცვა.

გარდა ამისა, ავიახაზები კრძალავს სალონში ფეხსაცმლის გარეშე შესვლას. გამონაკლისი 5 წლამდე ასაკის მგზავრებია, მათ ფეხშიშველა მგზავრობის უფლება აქვთ.

Posted in ბლოგი, კრებულები and tagged , , .