ცვლილება ძალაში მაისიდან შევა. მის მთავარ მიზანს ტერიტორიის მცხოვრებლებისთვის „უხერხულობის შემცირების“ სურვილი ჰქვია.
ამსტერდამი მსოფლიოში ცნობილია კანაფის კაფეებით, რომლებსაც მილიონობით ტურისტი სტუმრობს. მაგრამ თავად ამსტერდამის მაცხოვრებლები მუდმივად ჩივიან, რომ ტურისტები ამ ტერიტორიას ეპყრობიან “როგორც გასართობ პარკს და არა საცხოვრებელ ზონას“, ქმნიან უამრავ ხმაურს და ნარჩენებს და ხდიან მას “არაკომფორტულს საცხოვრებლად”. ამიტომ, ბევრმა ადგილობრივმა დეპუტატმა მხარი დაუჭირა ზომებს. ხელისუფლება იმედოვნებს, რომ ეს გააუმჯობესებს მოსახლეობის საცხოვრებელ პირობებს.
გარდა ამისა, დაგეგმილია სხვა შეზღუდვები: მაგალითად, ამსტერდამის საკრებულომ გამოაცხადა, რომ რესტორნები და ბარები პარასკევს და შაბათს დილის ორ საათამდე უნდა დაიხუროს, პირველი საათის შემდეგ კი ახალ ვიზიტორებს ქალაქის ძველ ნაწილში არ შეუშვებენ. სექსმუშაკებს ასევე მოეთხოვებათ დახურონ თავიანთი დაწესებულებები დილის 3 საათამდე.
ახლა წითელი ფარნების რაიონში ალკოჰოლური სასმელები იყიდება მხოლოდ მაღაზიებში და კაფეებში. ახლა საკრებულო გამყიდველებს სთხოვს საერთოდ ამოიღონ ალკოჰოლური სასმელები ვიტრინებიდან.