საქართველოს ბაზარს იტალიური ავიაკომპანია ALITALIA ტოვებს

იტალიის ნაციონალური ავიახაზები Alitalia ქართულ ავიაბაზარს ტოვებს. კომპანია საქართველოში აქამდე რეისებს მხოლოდ სეზონურად ასრულებდა, 2016 წლის აპრილიდან კი რეისები აღარ განახლდება. კომპანიის მიერ ქართული ბაზრის დატოვება ტაბულას Alitalia -ს წარმომადგენლობის ხელმძღვანელმა, გიორგი ლიპარტელიანმა დაუდასტურა. ლიპარტელიანი კომპანიის მიერ ქართული ბაზრის დატოვებას მგზავრთა ნაკადის სიმცირეს არ უკავშირებს, რადგანაც გასული წლების მანძილზე ნაკადის ზრდის ტენდენცია შეინიშნებოდა.

Alitalia რეისებს რომის მიმართულებით ასრულებდა, კომპანიის ცენტრალური ბაზა სწორედ რომის ლეონარდო და ვინჩის სახელობის საერთაშორისო აეროპორტია. Alitalia -ს 2014 წელს საკმაოდ მძიმე ფინანსური სირთულეები ჰქონდა, რის გამოც კომპანიის 49%-იანი წილი არაბთა გაერთიანებული საამიროების ავიახაზებმა Etihad Airways-მა შეიძინა. Alitalia -ს აქციების ნაწილი კომპანიის გადასარჩენად იტალიის მთავრობამ შეიძინა.

Alitalia -ს ფლოტი ამ დროისთვის 109 თვითმფრინავისგან შედგება.

მოძებნე ავიაბილეთი

შენთვის სასურველი მიმართულებით საუკეთესო ფასად

Leave a Comment

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა