ალიკანტე – კოსტა-ბლანკას სანაპიროს ერთ-ერთი მთავარი კურორტი, დასაბამს კართაგენელთა ფორტიფიცირებული დასახლებიდან იღებს. მავრთა დროს იგი აქტიური სავაჭრო ქალაქი გახდა, მოგვიანებით კი – მთავარი საზღვაო ნავსადგური. 1970-იანი წლების ტურისტულმა ბუმმა ალიკანტე პოპულარულ კურორტად აქცია ლამაზი სანაპიროებითა და თანამედროვე ინფრასტრუქტურით. მისი სიმბოლო და მთავარი ისტორიული ღირსშესანიშნაობა – შუა საუკუნეების სანტა-ბარბარას ციხესიმაგრე ბენაკანტილის მთაზე, რომელსაც უცნაური მოხაზულობის გამო „მავრის სახეს“ უწოდებენ. კიდევ ერთი მავრიტანული კვალია – კვარტალი სანტა-კრუსი ვიწრო ქუჩებით, ფერადი ყვავილებითა და არაბული მეჩეთის ადგილზე აშენებული გოთიკური სანტა-მარიას ეკლესიით.
როგორ ჩავიდეთ ალიკანტეში
ალიკანტეს აეროპორტი ქალაქიდან 12 კმ-ში მდებარეობს და ქვეყნის სიდიდით მესამე აეროპორტია. კურორტზე მოსახვედრად ყველაზე მოსახერხებელი გზა თვითმფრინავით მგზავრობაა. გარდა ამისა, აქ შეგიძლიათ იმგზავროთ მატარებლით ან ავტობუსით მადრიდიდან, ბარსელონიდან და ესპანეთის სხვა ქალაქებიდან, ასევე ავტომობილით შეგიძლიათ ჩამოხვიდეთ პირდაპირ საქართველოდან. ალიკანტეში გასამგზავრებელი ყველაზე იაფი ავიაბილეთები კი შეგიძლიათ ჩვენთან იყიდოთ.
ყველაზე იაფი ავიაბილეთები თბილისიდან ალიკანტე, შემდეგი 1წლის განმავლობაში
| გამგზავრება | დაბრუნება | გაჩერება | ავიაკომპანია | ფასი |
|---|---|---|---|---|
| 11 თებ 2025 | 19 თებ 2025 | 2 Გაჩერება |  | 860 -დან |
| 7 აპრ 2025 | 22 აპრ 2025 | 2 Გაჩერება |  | 1 076 -დან |
| 17 ივნ 2025 | 28 ივნ 2025 | 1 Გაჩერება |  | 1 020 -დან |
| 19 აგვ 2025 | 29 აგვ 2025 | 1 Გაჩერება | | 1 068 -დან |
| 10 სექ 2025 | 26 სექ 2025 | 1 Გაჩერება | | 938 -დან |
იაფი ფრენები თბილისი -დან ალიკანტე-მდე
| გამგზავრება | დაბრუნება | გაჩერება | ავიაკომპანია | ფასი |
|---|---|---|---|---|
| 11 თებ 2025 | 19 თებ 2025 | 2 Გაჩერება | | 860 -დან |
| 7 აპრ 2025 | 22 აპრ 2025 | 2 Გაჩერება | | 1 076 -დან |
| 17 ივნ 2025 | 28 ივნ 2025 | 1 Გაჩერება | | 1 020 -დან |
| 2 აგვ 2025 | 14 აგვ 2025 | 1 Გაჩერება | | 1 568 -დან |
| 7 აგვ 2025 | 19 აგვ 2025 | 1 Გაჩერება | | 1 232 -დან |
| 9 აგვ 2025 | 21 აგვ 2025 | 1 Გაჩერება | | 1 597 -დან |
| 10 აგვ 2025 | 20 აგვ 2025 | 1 Გაჩერება |  | 1 359 -დან |
| 14 აგვ 2025 | 26 აგვ 2025 | 2 Გაჩერება | | 1 262 -დან |
| 15 აგვ 2025 | 25 აგვ 2025 | 2 Გაჩერება | | 1 454 -დან |
| 19 აგვ 2025 | 29 აგვ 2025 | 1 Გაჩერება | | 1 068 -დან |
| 20 აგვ 2025 | 1 სექ 2025 | 1 Გაჩერება | | 1 206 -დან |
| 10 სექ 2025 | 26 სექ 2025 | 1 Გაჩერება | | 938 -დან |
| 20 სექ 2025 | 4 ოქტ 2025 | 2 Გაჩერება |  | 1 304 -დან |
ალიკანტეს რაიონები
ალიკანტეს ისტორიული ცენტრი სანტა ბარბარას ციხესიმაგრით დაფარული ბენაკანტილის მთის დასავლეთით მდებარეობს. მოვლილი ქუჩები, უძველესი ტაძრები, მუზეუმები, თვალწარმტაცი საზღვაო ნავსადგური, ბუტიკები, ძვირადღირებული სასტუმროები, მოდური რესტორნები, ბარები და კაფეები – აქ დღისითაც იპოვით გასართობს და ღამესაც მხიარულად გაატარებთ. საკურორტო ცხოვრების ეპიცენტრი – ესპლანადაა, მდიდრული სანაპირო პალმების ხეივნითა და 6 მილიონი ნაირფერი მარმარილოს ფილებიდან მოწყობილი მოზაიკური ქვაფენილით. მთის ძირას სანტა-კრუსის კვარტალი მდებარეობს – ძველი, ჯერ კიდევ მავრიტანული ალიკანტეს მშვიდი და თითქმის უკაცრიელი ნაწილი დაბალი სახლებით, ნაჭედი აივნებითა და ვიწრო ციცაბო ქუჩებით.
ისტორიული ცენტრიდან ჩრდილო-აღმოსავლეთით 5 კმ-ში მდებარე ალბუფერეტას რაიონში უამრავი საცხოვრებელი კომპლექსია საკუთარი საცურაო აუზებით, მწვანე ზონებითა და სათამაშო მოედნებით. შესანიშნავი სატრანსპორტო მიმოსვლა, ამ რაიონში მდებარე სუპერმარკეტები, პრესტიჟული კერძო სკოლები, სუფთა პლაჟები, თანამედროვე სპორტული და სამედიცინო ცენტრები მაღალი შემოსავლების მქონე ადამიანებს იზიდავს.
ალბუფერეტეს აღმოსავლეთით ესაზღვრება რაიონი პლაია სან-ხუანი მრავალსართულიანი შენობების მწკრივით, რომელიც კილომეტრის სიგრძის საუცხოო ქვიშიანი პლაჟის გასწვრივ მდებარეობს.
ტრანსპორტი
ალიკანტეს საზოგადოებრივი ტრანსპორტის სისტემაში 50 საავტობუსო მარშრუტი და 4 ტრამვაის ხაზი მოქმედებს. მოძრაობა 6:00-6:30 საათზე იწყება და 22:30-23:00 საათზე მთავრდება.
ავტობუსები
ქალაქის ავტობუსები წითლადაა შეღებილი, საგარეუბნო – ლურჯად. გაჩერებებზე ხელმისაწვდომია ყველა მარშრუტის რუკები. შესვლა – წინა კარიდან, გასვლა – ყველა სხვა დანარჩენიდან.
ყურადღებით წეისწავლეთ და მარშრუტის სქემა დაიმახსოვრეთ. ავტობუსის მძღოლი გაჩერებებს არ აცხადებს.
ტრამვაი
თანამედროვე, მოხერხებული სატრანსპორტო საშუალება ალიკანტეს ცენტრს სან-ვისენტე-დელ-რასპეჩთან, პლაია-სან-ხუანთან, ელ-კამპეიოსთან, ასევე 40 კმ-ში მდებარე ბენიდორმის კურორტთან აკავშირებს. ქალაქის ძველი უბნებში ტრამვაის ხაზები მეტროს მსგავსად მიწისქვეშ გადის.
მგზავრობის გადახდა
ქალაქის ფარგლებში მგზავრობის გადახდა ერთჯერადი ბილეთით შეგიძლიათ (1,35 ევრო), რომელიც სპეციალურ ავტომატებში ან ავტობუსის მძღოლთან იყიდება. გაითვალისწინეთ, რომ 20 ევროს ნომინალის კუპიურაზე მეტი არ მიიღება. გაცილებით უფრო მოსახერხებელია Bono 10 და Bono 30 სამგზავრო ბარათების გამოყენება, რომლებიც შესაბამისად გათვლილია 10 და 30 მგზავრობაზე. ამ შემთხვევაში ერთი მგზავრობის ღირებულება 1,45 ევროა. ავტობუსში ან ტრამვაიში ჩასხდომისას ბარათი წამკითხველ აპარატს უნდა შეახოთ, ამ დროს აპარატი დამახასიათებელ ხმას გამოსცემს და ეკრანზე დარჩენილი მგზავრობის რაოდენობა გამოჩნდება. ბარათები თამბაქოს ჯიხურებში და ბოლო გაჩერებების სალაროებში იყიდება. ბალანსის შევსება გაყიდვის პუნქტებში და ბილეთების ავტომატებში შეგიძლიათ.
ბილეთის მოქმედების ვადა 1 საათი 30 წუთია. ამ დროის განმავლობაში უფასოდ შეგიძლიათ გადაჯდეთ საზოგადოებრივი ტრანსპორტის სხვა მარშრუტებზე.
ტაქსი
თავისუფალი ტაქსი მგზავრებს სპეციალურ ავტოსადგომზე ელოდება მთელი ქალაქის მასშტაბით; ასევე შეგიძლიათ ტელეფონით გამოიძახოთ. მგზავრობის ღირებულებაა 2 ევრო/კმ, მინიმალური ღირებულება კი – 5 ევრო. გადახდა საკრედიტო ბარათებითაც შეგიძლიათ. ღამის ტარიფი, 22:00 საათიდან 6:30 საათამდე, 20%-ით უფრო ძვირია.
ველოსიპედის ქირაობა
აქტიური დასვენების მოყვარულებს, რომლებსაც ქალაქის მიდამოებში ველოსიპედით გასეირნება სურთ, შეუძლიათ მიმართონ კომპანიას Sport Bike (12 ევრო დღე-ღამე, 60 ევრო – ერთ კვირა) ან Blue Bike rental & tours (12 ევრო დღე-ღამე, 54 ევრო – ერთ კვირა).
ალიკანტეს პლაჟები
ალიკანტეს პლაჟები ათწლეულების მანძილზე იზიდავს ტურისტებს მთელი ევროპის მასშტაბით. ყოველ მათგანზე მაშველები მორიგეობენ, მუშაობს ბარები, კაფეები და რესტორნები, არის საშხაპეები, საპირფარეშოები, პლაჟის ინვენტარის გაქირავების პუნქტები და საბავშვო მოედნები.
ბენაკანტილის მთის ძირში მდებარეობს პლაჟი „პოსტიგეტი“ ლამაზი სანაპიროთი და სუფთა წვრილი ქვიშით. ჩვეულებრივ აქ ყოველთვის ხალხმრავლობაა ტურისტების სიუხვის გამო, რომლებიც საცხოვრებელს ალიკანტეს ცენტრში ქირაობენ. ცენტრიდან ჩრდილო-აღმოსავლეთით მყუდრო პლაჟი „ალბუფერეტა“ მდებარეობს, ხოლო უფრო აღმოსავლეთით – პოპულარული პლაჟი „სან-ხუანი“ ოქროს ქვიშით, რომელიც ქალაქის ყველაზე გრძელი (2900 მ) და ფართო (60 მ) პლაჟია. გარუჯვის მსურველების გარდა აქ უამრავ წყლის სპორტის სახეობების მოყვარულს ნახავთ. პლაჟი „სალადარი“ მშვიდ საცხოვრებელ უბანში „ურბანოვა“ აეროპორტის მახლობლად, ისევე, როგორც წინა სამი, ლურჯი დროშით არის დაჯილდოვებული – სისუფთავის, ხარისხისა და უსაფრთხოების გარანტიით. ბავშვებთან ერთად მოგზაური ოჯახებისთვის შესაფერისია „ალმადრაბას“ პლაჟი ზღვის დამრეცი ნაპირით, სადაც თითქმის არ არის მაღალი ტალღები და ყურეში მდგომი პატარა ნავებით შეგიძლიათ დატკბეთ.
პლაჟები უფასოა, მაგრამ ქოლგის ან შეზლონგის ქირაობისთვის 4-6 ევრო უნდა გადაიხადოთ.
კაბო-დე-უერტასის პატარა ქვიანი ყურეები – შესანიშნავი პოლიგონია მათთვის, ვისაც წყალქვეშა სამყაროს შესწავლა უყვარს სასუნთქი მილაკითა და ნიღბით, თუ რა თქმა უნდა, თავს უხერხულად არ იგრძნობს ნუდისტებთან მეზობლობით, რადგან ეს ადგილი მათაც ძალიან უყვართ.
ალიკანტეს სასტუმროები
ალიკანტეს საუკეთესო სასტუმროები საზღვაო ნავსადგურისა და პლაჟი „პოსტიგეტის“ მახლობლად უდა ეძებოთ. არცერთ სასტუმროს, ყველაზე ძვირადღირებულსაც კი, არ აქვს საკუთარი პლაჟი, და მათ სტუმრებს უბრალო მოკვდავებთან საზოგადოებრივი პლაჟების გაზიარება უხდებათ. ქალაქის უდავო უპირატესობა – შედარებით დაბალი ფასებია. სეზონის პიკზე 4-5* სასტუმროში ნომრის ღირებულება 160-220 ევროაა, სან-ხუანის პლაჟის პირველ ზოლში მდებარე 3* სასტუმროში -135 ევრო.
სასტუმროები Alicante: Sea view
| სასტუმრო | ვარსკვლავები | ფასდაკლება | ფასი ფასდაკლებამდე | შეარჩიეთ თარიღები |
|---|---|---|---|---|
| Melia Alicante | ★★★★ | - | - | იხილეთ სასტუმრო |
| Hotel Spa Porta Maris by Melia | ★★★★ | - | - | იხილეთ სასტუმრო |
| Eurostars Centrum Alicante | ★★★★ | -18% | 408 334 | იხილეთ სასტუმრო |
| Hotel Maya Alicante | ★★★ | - | - | იხილეთ სასტუმრო |
| Eurostars Lucentum | ★★★★ | -13% | 336 294 | იხილეთ სასტუმრო |
| Hospes Amérigo | ★★★★★ | - | - | იხილეთ სასტუმრო |
| NH Alicante | ★★★★ | -7% | 331 309 | იხილეთ სასტუმრო |
| Hotel La Milagrosa | ★ | -15% | 382 323 | იხილეთ სასტუმრო |
| Estudiotel Alicante | ★★ | - | - | იხილეთ სასტუმრო |
| Hotel Alicante Gran Sol, affiliated by Meliá | ★★★★ | - | - | იხილეთ სასტუმრო |
| La City Mercado | ★★★ | -19% | 254 206 | იხილეთ სასტუმრო |
| AC Hotel by Marriott Alicante | ★★★★ | - | - | იხილეთ სასტუმრო |
| La City Estación | ★★★ | -7% | 268 249 | იხილეთ სასტუმრო |
| Pensión Alicante San Nicolás | ★★★ | - | - | იხილეთ სასტუმრო |
| El Plantío Golf Resort | ★★★★ | -39% | 325 199 | იხილეთ სასტუმრო |
| Hotel Albahia Alicante | ★★★ | - | - | იხილეთ სასტუმრო |
| Apartamentos Tito San Nicolas | - | - | იხილეთ სასტუმრო | |
| Ibis Hotel Alicante | ★ | - | - | იხილეთ სასტუმრო |
| Color Suites Alicante | - | - | იხილეთ სასტუმრო | |
| Mendez Nuñez Alicante | ★★ | -8% | 285 262 | იხილეთ სასტუმრო |
სასტუმროებისა და აპარტამენტების ვარსკვლავების რაოდენობისა და სხვა უპირატესობების მიუხედავად, ფასწარმოქნაში მთავარ როლს პლაჟთან სიახლოვე თამაშობს.
აპარტამენტები და აპარტ-სასტუმროები – საცხოვრებლის ყველაზე მრავალრიცხოვან და მოთხოვნად კატეგორიას წარმოადგენს, რაც კურორტს მიმზიდველს ხდის საშუალო შემოსავლის მქონე ტურისტებისთვის. ისინი მდებარეობს როგორც ქალაქის ცენტრში, ისე პლაჟებთან უშუალო სიახლოვეში. არსებითად, ეს არის ბინები, სადაც შეგიძლიათ საკვები მოამზადოთ, ტანსაცმელი გარეცხოთ და საოჯახო კომფორტით იცხოვროთ. დიდი არჩევანი საშუალებას მოგცემთ შესაფერისი ვარიანტი იპოვოთ ახალგაზრდა წყვილისთვის და 4-6 წევრისგან შემდგარი დიდი ოჯახისთვის. სეზონის პიკზე აპარტამენტებში ერთი კვირით განთავსების ღირებულება 300-დან 1500 ევრომდეა, დაბალ სეზონზე კი ფასები ორ-სამჯერ მცირდება.
სასტუმროები Alicante: 3 stars
| სასტუმრო | ვარსკვლავები | ფასდაკლება | ფასი ფასდაკლებამდე | შეარჩიეთ თარიღები |
|---|---|---|---|---|
| Les Monges Palace Boutique | ★★★ | -11% | 302 270 | იხილეთ სასტუმრო |
| La City Estación | ★★★ | -7% | 268 249 | იხილეთ სასტუმრო |
| La City Mercado | ★★★ | -19% | 254 206 | იხილეთ სასტუმრო |
| Daniya Alicante | ★★★ | -34% | 211 140 | იხილეთ სასტუმრო |
| Dormirdcine Alicante | ★★★ | -24% | 405 308 | იხილეთ სასტუმრო |
| Hotel BH San Francisco Alicante | ★★★ | -9% | 405 368 | იხილეთ სასტუმრო |
რა დავაგემოვნოთ
ადგილობრივი სამზარეულოს უდავო ფავორიტია – პაელია, ტრადიციული ბრინჯის კერძი. ალიკანტეში იგი ყველა იპოსტასით არის წარმოდგენილი – საქონლის, კურდღლის, ქათმის ხორცით, ლოკოკინებით, კრევეტებით, მიდიებითა და სხვ. პაელიას წარმატებით უწევს კონკურენციას მისი უახლოესი „ნათესავი“ – „ფიდეუა“, რომელშიც ბრინჯი ჩანაცვლებულია თევზის ბულიონში მოხარშული წვრილი ვერმიშელით. სხვა დანარჩენი ინგრედიენტი მზარეულის ნება-სურვილზეა დამოკიდებული, ამიტომაც მისი მომზადების უამრავი რეცეპტი არსებობს.
გარდა პაელიასი და „ფიდეუასი“, ნებისმიერ დაწესებულებაში არის „კალდერას“ კატეგორიის კერძები. მათ ამზადებენ მოშუშული ზღვის პროდუქტებისგან, თევზისგან, ხორცისგან ბოსტნეულით ან კარტოფილით და ზეითუნის ზეთში შემწვარ პურთან ერთად მოგართმევენ. თუ სიცხისგან მადა დაკარგეთ, გახეხილი პომიდვრისგან დამზადებული ცივი სქელი წვნიანი – გასპაჩო შეუკვეთეთ.
ადგილობრივო ღვინოებიდან ყველაზე ცნობილია „ფონდილიონ დე ალიკანტე“ – ტკბილი, ზეთოვანი და კონიაკის არომატით, რომელსაც „სამეფოს“ უწოდებენ. ალბათ იმიტომ, რომ იგი ლუი XIV-ის სუფრაზე მიჰქონდათ.
ტაპასი – ღვინოსა და ლუდთან მისაყოლებელი საუზმეულის საერთო სახელწოდებაა, რომელსაც პურის ნაჭრებზე ან პატარა თეფშებზე მოგართმევენ. მათი მრავალფეროვნება მხოლოდ მზარეულის ფანტაზიით შემოიფარგლება. ტაპასს ამზადებენ ზღვის პროდუქტებისგან, ფარშით დატენილი პომიდვრისგან, ყველისგან, ხორცისგან, შაშხისგან, ერთი სიტყვით – რაც გაქვთ ყველაფრისგან.
ალიკანტეს კაფეები და რესტორნები
ნაკლებად სავარაუდოა, რომ ალიკანტეში ვინმე მშიერი დარჩეს. ყველაზე რთული – შესაფერისი დაწესებულების არჩევაა ასობით რესტორანს, ტავერნას, ტაპას-ბარსა და კაფეს შორის.
არსებობს რესტორნები, სადაც პრინციპულად მხოლოდ ადგილობრივ კერძებს ამზადებენ და მხოლოდ ადგილობრივ ღვინოს შემოგთავაზებენ. ზოგიერთ მათგანში ინგლისურ ენაზე შედგენილი მენიუც კი არ არის – და ეს მხოლოდ მოქალაქეებს შორის მათ პოპულარობას უსვამს ხაზს. ულუფაც აქ, როგორც წესი, უფრო დიდია, ვიდრე ტურისტებზე ორიენტირებულ ადგილებში. ზღვის პროდუქტებზე სპეციალიზებულ რესტორნებს იცნობთ ვიტრინაში ყინულზე დადებული თევზით, კიბორჩხალებით, კრევეტებითა და ზღვის სხვა ბინადრებით.
ტაპასს ყველგან და დღე-ღამის ნებისმიერ დროს მოგართმევენ, მაგრამ მისი მრავალფეროვნების შეგრძნება შესაძლებელია მხოლოდ სპეციალიზებულ ტაპას-ბარებში, რომელთა მენიუში ასობით ცხელი და ცივი საუზმეულია. სწრაფი კვების ფუნქციას ალიკანტეში „ფუდ-თრაქი“ ასრულებს – ქუჩის ფურგონები პლაჟის ხშირი სტუმრებისა და მასობრივი ღონისძიებების აუცილებელი მონაწილეა.
საკონდიტროები, რომლებსაც არომატით ადვილად მიაგნებთ, ტკბილის მოყვარულებს კექსით, ვაფლით, ნამცხვრებითა და კარგი ყავით ასიამოვნებს.
გასართობის საშუალებები და ღირსშესანიშნაობები
ადგილობრივი არქიტექტურა ბერძნულ, მავრიტანულ, რომანულ და გოთიკურ სტილს აერთიანებს, ამ პალიტრას კი ჰარმონიულად ავსებს მოდერნისა და ბაროკოს სტილის შენობები. თითოეული სტილის ნაგებობები ქალაქის ისტორიის გარკვეულ ეტაპს სიმბოლურად გამოსახავს.
აუცილებლად ეწვიეთ სანტა-მარიას ბაზილიკის შენობას, რომელიც თავდაპირველად გოთიკურ სტილში აშენდა, მოგვიანებით კი ბაროკოს სტილის ფასადი დაემატა. მოპირდაპირე მხარეს ლა-ასეგურადას მუზეუმი მდებარეობს, რომელშიც მე-20 საუკუნის ესპანელი ოსტატების ნამუშევრებია წარმოდგენილი – ხუან გრისის, ხულიო გონსალესისა და მუზეუმის დამფუძნებლის, ეუსებიო სემპერესი.
შორიახლოს ქალაქის მთავარი და ყველაზე პოპულარული ღირსშესანიშნაობა – სანტა-ბარბარას ციხესიმაგრე მდებარეობს. იგი ბენაკანტილის მთაზე დგას (ზღვის დონიდან 166 მ), საიდანაც ალიკანტესა და მეზობელი დასახლებების საოცრად ლამაზი ხედი იშლება. მეორე მხრიდან გორაკზე კიდევ ერთი ციხესიმაგრე – სან-ფერნანდო მდებარეობს, რომელიც დამოუკიდებლობისთვის ომის წლებში აშენდა (1808-1814).
ალიკანტედან 11 საზღვაო მილში მდებარეობს პატარა კუნძული ტაბარკა, რომლის სანაპირო წყლები კრისტალური სისუფთავისთვის ნაკრძალად გამოცხადდა.
ფეხით სეირნობისთვის შესანიშნავია ბულვარი Explanada de Espaсa, რომლის ქვაფენილი 6 მილიონი ნაირფერი მარმარილოს ფილებიდან მოზაიკის სახით არის მოწყობილი. მის გასწვრივ პალმის ხეების რიგებია გადაჭიმული. ბულვართან ახლოს მოედანი Plaza del Portal de Elche მდებარეობს, რომლის მეშვეობითაც ვიწრო ქუჩების გავლით ძველ ქალაქში მოხვდებით.
დღესასწაულები და ღონისძიებები
ალიკანტე სწორედ იმით არის კარგი, რომ ჩამოსვლისთანავე რაიმე ხმაურიანი და მხიარული დღესასწაულის ან ფესტივალის მონაწილე გახდებით, რომლებიც ქალაქში მუდმივად იმართება.
თებერვალში ყველაზე წარმოუდგენელ კოსტიუმებში გამოწყობილი ქალაქის მაცხოვრებლები კარნავალს აწყობენ ყოველდღიური მსვლელობით, მუსიკითა და გართობით. დიდი მარხვის წინა კვირის ბოლო დღეს ყველა შავებშია შემოსილი და „სარდინის გრანდიოზულ დაკრძალვას“ ესწრება – თევზისა, რომელიც ყველა მათ ცოდვასა და ბიწიერებას განასახიერებს.
კვირაცხოვლობიდან მეორე ხუთშაბათს 300 ათასი მომლოცველის მსგავსად ლამაზი მსვლელობის მონაწილე შეგიძლიათ გახდეთ, რომელიც წმ. ნიკოლოზის ტაძრიდან სანტა-ფასის მონასტრისკენ მიემართება, რათა იქ დაცულ წმინდა რელიკვიას მიაგოს პატივი.
მხიარული კოსტიუმირებული დღესასწაული „მავრები და ქრისტიანები“ 9-დან 12 ივნისის ჩათვლით ქალაქს შუა საუკუნეების ხანაში აბრუნებს და „რეკონკისტას“ ბრძოლების შესახებ შეგახსენებთ.
20-24 ივნისს ქალაქის მთავარი დღესასწაული იმართება – „წმინდა იოანეს კოცონი“: მასობრივი მსვლელობა ეროვნულ კოსტიუმებში, არტისტების წარმოდგენები, შუასაუკუნეების ბაზრობები, ხარების ბრძოლები, პირველი ლამაზმანის არჩევა და ღამის ფეიერვერკები, რომლებიც ადამიანის ცხოვრებაში ყველაფერი ცუდის სიმბოლურად გამომსახველი უზარმაზარი ფიგურების დაწვით სრულდება.
ალიკანტე ბავშვებისთვის
ალიკანტეს მიდამოებში ბევრი ადგილია საოჯახო დასვენებისთვის. მეზობელ ქალაქ სანტა პოლაში მდებარე აკვარიუმი საშუალებას მოგცემთ ხმელთაშუა ზღვის წყალქვეშა ბინადრებს ეწვიოთ. მოზრდილთათვის ბილეთის ღირებულება 2,50 ევროა, ბაშვებისთვის – 1,25 ევრო. იქვე პატარა პოლა-პარკი ფუქნციონირებს სამი ათეული ატრაქციონით. ბილეთები მხოლოდ იმ პირებმა უნდა შეიძინონ, რომლებსაც ატრაქციონებზე სურთ გასეირნება (12-18 ევრო ასაკის მიხედვით). თანმხლებ პირებს პარკში სეირნობა უფასოდ შეუძლიათ.
ელჩში მდებარე საფარი-პარკი განთქმულია თავისი შოუ-პროგრამებით თუთიყუშების, სპილოებისა და ზღვის ლომების მონაწილეობით (ვებ-გვერდი ინგლისურ ენაზე), ასევე იმ ფაქტით, რომ ვოლიერებს შორის მინი-მატარებლით უნდა გადაადგილდეთ. ბილეთები: მოზრდილთათვის (12-65 წლის) – 22,50 ევრო, ბავშვებისა და პენსიონრებისთვის – 17 ევრო.
ქალაქ იბიში მდებარე სათამაშოების მუზეუმის ექსპონატებია – თოჯინები, მანქანები, რკინიგზა, დათვები, ცხენები, რომელთა უმეტესობის ასაკი ას წელზე მეტს ითვლის (ვებ-გვერდი ინგლისურ ენაზე). სავარაუდოდ მოზრდილებიც დაინტერესდებიან თუ რითი თამაშობდნენ მათი ბებიები და ბაბუები. მოზრდილთათვის ბილეთის ღირებულება 2 ევროა.
იბიდან დასავლეთით 7 კმ-ში პატარა ქალაქ ონილში თოჯინების მუზეუმი მდებარეობს, რომლის ექსპოზიციაში მე-18-20 საუკუნეებში დამზადებული 1200-ზე მეტი ლამაზმანია. ბილეთის ღირებულება 8 ევროა.
ატრაქციონების პარკი „ტერა მიტიკა“ (ვებ-გვერდი ინგლისურ ენაზე, ბილეთების ღირებულება მოზრდილთათვის/ბავშვებისთვის – 34/25 ევრო) და ბენიდორმში მდებარე აკვაპარკი „აკვალანდია“ (ვებ-გვერდი ინგლისურ ენაზე, ბილეთის ღირებულება – 21/24 ევრო) განსაკუთრებულ წარმოდგენას არ საჭიროებს. ალიკანტედან ბენიდორმში L1 ხაზის ტრამვაით შეგიძლიათ იმგზავროთ (მგზავრობის ხანგრძლივობა – 72 წუთი, ორივე გზის ბილეთის ღირებულება – 6,05 ევრო).
ყველაზე „გემრიელი“ – შოკოლადის ქარხანასთან არსებული შოკოლადის მუზეუმი შესანიშნავ ქალაქ ვილაჰოიოსაში მდებარეობს. შესვლა უფასოა. შეგიძლიათ უფასოდ დააგემოვნოთ და შეიძინოთ ყველაფერი, რაც მოგეწონებათ (გაჩერება Creueta L1 ხაზზე, მგზავრობის ხანგრძლივობა – 50 წუთი, ორივე გზის ბილეთის ღირებულება – 4,25 ევრო).
ასევე წაიკითხეთ:
