airbnb

Airbnb-ის სრული ინსტრუქცია და 2019 წლის პირადი გამოცდილება + 30€ ფასდაკლების კუპონი

ინსტრუქცია, თუ როგორ უნდა გამოვიყენოთ airbnb-ის ვებ-გვერდი და დავზოგოთ თანხა საცხოვრებელზე. 2012 წლიდან მომსახურების გამოყენების პირადი გამოცდილება და აქტუალური ინფორმაცია.

Airbnb (airbnb) არის კერძო საცხოვრებლის ონლაინ სივრცე მთელი მსოფლიოს მასშტაბით. ოთახის, ბინის ან თუნდაც მთელი სახლის ქირაობა შეიძლება უფრო მომგებიანი და კომფორტული იყოს, ვიდრე სასტუმროში განთავსება. დღეისათვის, Airbnb-ის მონაცემთა ბაზაში განთავსებულია 6 მილიონზე მეტი შეთავაზება 191 ქვეყანაში.

ექსპრეს-რჩევები

Airbnb-ის ვებ-გვერდზე წარმატებული დაჯავშნისთვის გარკვეული გამოცდილება უნდა გქონდეთ. უმეტესად შეცდომებს უშვებენ ახალი მომხმარებლები, რომლებიც წესებს არ გაეცნენ. თქვენი დროის დაზოგვის მიზნით ყველაზე მნიშვნელოვანზე მოკლედ გიამბობთ:

  • airbnb-ზე მოწვევით დარეგისტრირდით და მიიღეთ ფასდაკლება თქვენს პირველ ჯავშანზე. ახლავე დაჯავშნა არ არის აუცილებელი – კუპონი ერთი წლის განმავლობაში მოქმედებს.
  • თქვენი მონაცემების შევსებისას, სახელი და გვარი ჩაწერეთ ისე, როგორც საზღვარგარეთის პასპორტშია მითითებული, იმისათვის, რომ ჯავშნის დასტური ვიზის მიღებისთვის იყოს შესაფერისი.
  • დაჯავშნის დაწყებამდე გაიარეთ პროფილის დადასტურების პროცედურა. უნდა ატვირთოთ პასპორტის ფოტო და თქვენი ფოტო.
  • საცხოვრებლის ძიებისას, დააყენეთ ფილტრები და მოხსენით მონიშვნა „მყისიერი დაჯავშნა”, იგი ავტომატურად არის არჩეული და ვარიანტების რაოდენობას ამცირებს.
  • განთავსების სრული ღირებულება ყველა მოსაკრებლის ჩათვლით ნაჩვენებია თარიღისა და სტუმრების რაოდენობის არჩევის შემდეგ.
  • თქვენთვის სასურველი ვარიანტები „სანიშნეებში“ შეინახეთ.
  • არ დაჯავშნოთ მასპინძელთან შეთანხმების გარეშე. დააჭირეთ ღილაკს „დაუკავშირდით მეპატრონეს“ და ჰკითხეთ, თავისუფალია თუ არა თარიღები, წინააღმდეგ შემთხვევაში, თქვენ ჯავშნის თანხას ჩამოგაჭრიან, რომელიც მასპინძელს შემდეგ შეუძლია გააუქმოს. ფული დაგიბრუნდებათ, მაგრამ დროს დაკარგავთ და ინერვიულებთ.
  • რამდენიმე მეპატრონეს ერთდროულად მიწერეთ და თქვენთვის საინტერესო შეკითხვები დაუსვით. მიმოწერა და გადახდა მხოლოდ airbnb-ის ვებ-გვერდის მეშვეობით აწარმოეთ. მხოლოდ ამ შემთხვევაში მიიღებთ გარანტიებს.
  • ყურადღება მიაქციეთ დაჯავშნის პირობებს. მოქნილი ჯავშანი გაუქმების საშუალებას გაძლევთ ჯარიმის გარეშე ჩამოსვლამდე 24 საათით ადრე, ზომიერი – 5 დღით ადრე, დანარჩენი კი – 50-100% ჯარიმით. გრძელვადიან ჯავშანს (28 დღეზე მეტი) თავისი წესები აქვს.
  • ერთი კვირით დაჯავშნა შეიძლება უფრო მომგებიანი იყოს, ვიდრე 5 ან 6 დღით, რადგან მრავალი მეპატრონე 25%-მდე ფასდაკლებას სთავაზობს, რომელიც ავტომატურად გამოიყენება. სხვა ფასდაკლებების შესახებ მიმოწერაში ინდივიდუალურად უნდა გაიგოთ. მეპატრონეს შეუძლია „სპეციალური შეთავაზება“ გაგიკეთოთ.
  • ვარიანტების არჩევისას წაიკითხეთ მიმოხილვები. საუკეთესო ობიექტებს მაღალი რეიტინგი, ხოლო მეპატრონეებს „Superhost“ ნიშანი აქვთ. შემაშფოთებელი ფაქტორი შეიძლება იყოს მეპატრონის მიერ ჯავშნის გაუქმების ჩანაწერი.
  • წარმატებული დაჯავშნის შემთხვევაში თქვენი ბარათიდან ჩამოიჭრება (დაიბლოკება) ჯავშნის სრული თანხა, მეპატრონე კი ფულს მიიღებს თქვენი განთავსებიდან 24 საათის შემდეგ. თუ რაიმე არასწორად წავიდა – დაუყოვნებლივ დაუკავშირდით airbnb-ის მხარდაჭერის სამსახურს.
  • ჯავშანში სტუმრების დასამატებლად, შეიტანეთ მათი გვარი გადახდის შემდეგ, ისინი airbnb-ის ქვითარზე გამოჩნდებიან.
  • პასუხები თქვენს შეკითხვებზე მოიძიეთ airbnb-ის დახმარების ცენტრში საკვანძო სიტყვის მეშვეობით.

Airbnb-ის 30 ევროიანი კუპონი პირველ მგზავრობაზე

თქვენი პირველი მგზავრობისთვის airbnb-ის 30 ევროიანი კუპონის მისაღებად, გადადით ბმულზე ჩემი მოწვევით და დარეგისტრირდით.

კუპონის გამოყენება შეგიძლიათ მინიმუმ 70 ევროს ღირებულების დაჯავშნის შემთხვევაში (გადასახადებისა და მოსაკრებლების გარეშე). ჯავშნის მინიმალური თანხა და ბონუსის ოდენობა შეიძლება შეიცვალოს, წაიკითხეთ რეგისტრაციისა და გადახდის დღეს მოქმედი აქციის წესები. თუ ჯავშანი პირობებს შეესაბამება, airbnb-ის ფასდაკლების კუპონი ავტომატურად გამოჩნდება გადახდის გვერდზე. ბონუსის მოქმედების ვადა 1 წელია. დარეგისტრირდით airbnb-ზე და მიიღეთ ფასდაკლება თქვენს პირველ ჯავშნაზე მანამ, სანამ აქცია მოქმედებს.

დადასტურებულ ჯავშანზე კუპონს ვერ გამოიყენებთ, შეგიძლიათ შემდეგ ჯერზე გამოიყენოთ. თუ მეპატრონე გააუქმებს ჯავშანს, კუპონი დაგიბრუნდებათ, ხოლო თუ თქვენ გააუქმებთ – ბონუსიც გაუქმდება.

Airbnb-ის პროფილი

როგორ შევავსოთ პროფილი

პროფილის შევსება მნიშვნელოვანი მომენტია, რომელზეც დამოკიდებულია, თუ რამდენად ხალისიანად დაგიკავშირდებათ მეპატრონეები და ხელს შეგიწყობთ ფინანსურ საკითხებში. Airbnb-ის მეშვეობით კერძო საცხოვრებელი ქირავდება, ამიტომ მეპატრონეები თავად წყვეტენ თუ ვის სურთ მიაქირავონ თავიანთი ქონება. Airbnb-ზე ანგარიშის შექმნა, დაჯავშნა და სტუმრების მიღება შეუძლიათ 18 წელზე უფროსი ასაკის პირებს.

იმისათვის, რომ კარგი შთაბეჭდილება მოახდინოთ და სასურველი სტუმარი გახდეთ, ცოტა რამ საკუთარ თავზე უნდა დაწეროთ და შესაფერისი ფოტო შეარჩიოთ.

რა ენაზე უნდა შევავსოთ პროფილი

Airbnb-ზე კომუნიკაციის ოფიციალური ენა არის ინგლისური, ამიტომ პროფილის შევსება სასურველია ინგლისურ ენაზე, ხოლო სირთულეების შემთხვევაში გამოიყენეთ თარჯიმანი. სახელი და გვარი ისე დაწერეთ, როგორც თქვენს პასპორტშია მითითებული (გამოგადგებათ ვიზის მისაღებად დოკუმენტაციისთვის). საკუთარ თავზე უფრო კარგად რომ დაწეროთ, სხვა მომხმარებლების პროფილებს გადახედეთ. ზემოთ მოყვანილ მაგალითში ჩემი airbnb-ის პროფილია. მე ვმოგზაურობ როგორც საზღვარგარეთ, ისე საქართველოს ფარგლებში, ამიტომ ტექსტი ორ ენაზეა დაწერილი.

რჩევები პროფილის შევსებისთვის

ფოტოსურათი. თქვენი ფოტო უნდა იყოს რეალური (არა ცხოველის ან პეიზაჟის ფოტო). კარგად გამოიყურება ფოტო ღიმილიანი სახით და არა პასპორტის ფოტო. დაფიქრდით თუ როგორი მობინადრის მიღება სურს ტიპურ მფლობელს: აკურატული, კეთილგანწყობილი და ადეკვატური. მთავარი ფოტოსურათისთვის სასურველია აირჩიოთ ნათელი, დიდი ფოტო მზის სათვალის გარეშე – ეს ხელს შეუწყობს airbnb-ის პროფილის დადასტურებას. შეგიძლიათ დაამატოთ რამდენიმე ფოტო და ჩაწეროთ ვიდეო.

პროფესიის მითითება. სერიოზული პროფესიის მითითება, მაგალითად, ექიმის, კარგ შთაბეჭდილებას ახდენს. მაგრამ არ გირჩევთ რაიმეს შეთხზვას, რადგან სამუშაოს გარდა ყოველ ადამიანს აქვს რაღაც საინტერესო (ოჯახი, ჰობი), ამის შესახებ დაწერეთ. მთავარი პრინციპი -მოკლედ და ოპტიმისტურად.

რეკომენდაციები. საკუთარი პროფილისადმი სანდოობის ამაღლების მიზნით, ახალმა წევრებმა თავიანთ მეგობრებს რეკომენდაციის დაწერა შეიძლება სთხოვონ. მეგობარი, რომელიც თქვენ რეკომენდაციას გაგიწევთ, airbnb-ზე რეგისტრირებული უნდა იყოს. UPD: რეკომენდაციების დამატება აღარ არის შესაძლებელი. თუ უკვე მიიღეთ, ისინი თქვენს პროფილში დარჩება.

18-25 წლის ასაკის ახალგაზრდებმა განსაკუთრებული ყურადღება უნდა მიაპყრონ პროფილის შევსებას. მრავალი მეპატრონე უხალისოდ აქირავებს საკუთარ საცხოვრებელს სტუდენტებსა და ახალგაზრდებზე, არაადეკვატური ქცევის და ზიანის მიყენების შიშის გამო. შეარჩიეთ ფოტო და აღწერა ისე შეადგინეთ, თითქოს სამსახურში მოსაწყობად გასაუბრებისთვის ან პარტნიორის მშობლებთან შეხვედრისთვის ემზადებოდეთ.

პროფილში არ ჩანს ელექტრონული ფოსტის მისამართები, ვებ-გვერდის დასახელებები და ტელეფონის ნომრები, ამიტომ არ ჩაწეროთ ეს თქვენს შესახებ ტექსტში, არამედ რეგისტრაციის დროს საკონტაქტო ინფორმაციის ველები შეავსეთ.

პროფილის დადასტურება

Airbnb-ის მომხმარებლის იდენტიფიკაციის მოთხოვნები მნიშვნელოვნად შეიცვალა მომსახურების შექმნის დღიდან. თუ ადრე airbnb-ის ვებ-გვერდზე რეგისტრაციის დროს საკმარისი იყო ელ. ფოსტის მითითება, ახლა თქვენ უნდა გაიაროთ პროფილის დადასტურების პროცედურა. რისთვის კეთდება ეს? რისკების მინიმიზაციისა და მეპატრონეებსა და სტუმრებს შორის ნდობის ამაღლების მიზნით. შეუძლებელია ჯავშნის გაკეთება პროფილის დადასტურების გარეშე!

თქვენი airbnb პროფილის დასადასტურებლად გახსენით „პროფილის რედაქტირება“ და აირჩიეთ „ნდობა და დადასტურება“. ყველაზე სწრაფად დასტურდება ელ.ფოსტის მისამართი და მობილური ტელეფონი. სოციალური კავშირების შემოწმება შესაძლებელია მხოლოდ Facebook-ის, Google-ის ან LinkedIn-ისთვის.

თქვენი airbnb პროფილის ფოტო უნდა იყოს მკაფიო და ახლახან გადაღებული (რომელსაც დოკუმენტების ფოტოსთან ადარებენ).

იდენტიფიკაციის ბოლო ეტაპია ოფიციალური დოკუმენტის ჩატვირთვა. შესაფერისი დოკუმენტია: პასპორტი ან მართვის მოწმობა. დოკუმენტის ფოტო წინასწარ გადაიღეთ, დაამუშავეთ და თქვენს კომპიუტერში შეინახეთ. ფოტოს გადაღება ასევე შესაძლებელია კომპიუტერის ან ტელეფონის კამერით მობილური აპლიკაციის მეშვეობით.

ოფიციალური დოკუმენტის ფოტოს ატვირთვის შემდეგ, შეიძლება სელფის გადაღება მოითხოვონ და მას დოკუმენტის ფოტოსთან შეადარებენ.

ყველა ეტაპის წარმატებით გავლის შემდეგ, ჩნდება მწვანე ნიშანი „შემოწმებულია“.

რატომ არის საჭირო პროფილის დადასტურება? იმისათვის, რომ გამოიყენოთ airbnb-ის ვებ-გვერდი – საცხოვრებლის დაჯავშნის მსოფლიოში ყველაზე დიდი სისტემა და თან თანხა დაზოგოთ. იდენტიფიკაციის გავლას მეპატრონეებსაც სთხოვენ. როდესაც ადამიანი ხედავს, რომ თქვენი პროფილი დადასტურებულია, მისთვის ადვილია გადაწყვეტილების მიღება, არჩევანის გაკეთება თქვენს სასარგებლოდ, ფასდაკლების შეთავაზება.

ვინაიდან პროფილის დადასტურებისას პრობლემები ხშირად იქმნება, გირჩევთ იგი წინასწარ გაიაროთ.

როგორ დაჯავშნოთ airbnb-ის ვებ-გვერდზე

Airbnb-ის ვებ-გვერდის გამოყენება მარტივია, ხელმისაწვდომია ქართული ვერსია და airbnb-ის მობილური აპლიკაცია. განთავსების ვარიანტების ნახვა რეგისტრაციის გარეშეც შეგიძლიათ – შეიყვანეთ ქალაქის სახელი, თარიღები და სტუმრების რაოდენობა, მაგრამ უმჯობესია ჩემი მოწვევით დარეგისტრირდეთ, რათა თქვენს პირველ ჯავშნაზე ფასდაკლება მიიღოთ (მოქმედებს ერთი წლის განმავლობაში) და პროფილის დადასტურების პროცედურა გაიარეთ.

პარამეტრების მიხედვით ძიება

საცხოვრებლის გაქირავების მრავალი განცხადება არსებობს, ამიტომ თავიდანვე დააკონკრეტეთ ძიება პარამეტრების მიხედვით: საცხოვრებლის ტიპი, ფასი, რაიონი, კეთილმოწყობა. ყველაზე პოპულარული განთავსების ტიპია – ცალკე ბინა (აპარტამენტი). შერჩევის მნიშვნელოვანი კრიტერიუმი შეიძლება იყოს ოთახებისა და საწოლების რაოდენობა, სამზარეულო, ინტერნეტი, სარეცხი მანქანა, კონდიციონერი, გათბობა, ლიფტი…

ვარიანტების შერჩევა და „wish list“-ის შედგენა

  • კომენტარები. სტუმრები განთავსების ობიექტს აფასებენ, სადაც გაჩერდნენ და მიმოხილვას წერენ, პირველ რიგში სწორედ ამ ინფორმაციას უნდა მიაქციოთ ყურადღება. კომენტარებიდან შეგიძლიათ გაიგოთ უამრავი მნიშვნელოვანი დეტალი, მაგალითად: თბილია თუ არა ბინა ზამთარში, როგორ მუშაობს საშხაპე, რა ხედი გექნებათ საძინებლის ფანჯრებიდან. საუკეთესო ვარიანტებს აქვთ „5 ვარსკვლავიანი“ რეიტინგი, ხოლო მათ მეპატრონეებს – Superhost-ის ნიშანი (მედალი).
  • აღწერა და პირობები. კონკრეტული განცხადების გახსნით, შეგიძლიათ წაიკითხოთ დეტალური ინფორმაცია ამ საცხოვრებლის შესახებ. ფასის მნიშვნელოვანი კომპონენტებია: დამატებითი სტუმრის საფასური, დასუფთავების საფასური, ჯავშნის გაუქმების პირობები. გრაფაში „კეთილმოწყობა“ აღინიშნება ყველაფერი, რაც შენობაშია ხელმისაწვდომი. თავიანთ მოთხოვნებს სტუმრებისადმი მეპატრონეები აღწერენ „სახლის წესების“ განყოფილებაში.
  • ფოტოები. ყურადღებით დაათვალიერეთ ყველა ფოტო, რაც უფრო მეტი ფოტოა, მით უკეთესი. Airbnb-ის ფოტოგრაფების მიერ გადაღებულ ფოტოებს აქვთ წარწერა „შემოწმებული ფოტო“, რაც გაზრდის ნდობას მოწოდებული ინფორმაციის მიმართ.
  • რაიონი. განთავსების ობიექტის ზუსტი მისამართი განცხადებაში მითითებული არ არის, მას დაჯავშნის შემდეგ მიიღებთ, მაგრამ შეგიძლიათ იხილოთ რაიონი Google რუკაზე.
  • კალენდარი. მეპატრონეები ავსებენ თავისუფალი და დაკავებული თარიღების კალენდარს, რომელიც ყოველთვის არ არის აქტუალური (თითოეული მფლობელის პროფილი შეიცავს ინფორმაციას იმის თაობაზე, თუ რამდენად სწრაფად პასუხობს იგი და რამდენად ხშირად აახლებს კალენდარს). კალენდრის დათვალიერებისას შეგიძლიათ დაასკვნათ, თუ რამდენად პოპულარულია თქვენთვის საინტერესო საცხოვრებელი ობიექტი. თუ თქვენ გაგზავნით მოთხოვნას იმ თარიღებზე, რომლებიც დაკავებული თარიღების ზღვართანაა, ეს მეპატრონისთვის ხელსაყრელია და დიდი ვარაუდით იგი დაადასტურებს ჯავშანს და ფასდაკლებასაც შემოგთავაზებთ.
  • ღირებულება. შეიყვანეთ თქვენი ჩამოსვლისა და გასვლის თარიღი და სტუმრების რაოდენობა. ჯავშნისას ჩვილები (2 წლამდე ასაკის ბავშვები) არ ზრდიან სტუმრების რაოდენობას, ამიტომ მათი განთავსებისთვის დამატებითი გადასახადი არ არის დაწესებული. ჩნდება საბოლოო ღირებულება და გაანგარიშება მოცემულია მისი ყველა კომპონენტის გათვალისწინებით: airbnb-ის მომსახურებითა და დამატებითი გადასახადებით.
  • სანიშნები. შეინახეთ თქვენს მიერ მოწონებული ნებისმიერი ვარიანტი სანიშნებში, რათა ისინი მარტივად იპოვოთ. შერჩეულ ვარიანტებს ქალაქის სახელი დაარქვით, მაგალითად, „პრაღა“. ობიექტებს შეგიძლიათ დაამატოთ ჩანაწერები, დადებითი და უარყოფითი მხარეების, საბოლოო ფასისა და იმ ყველაფრის მითითებით, რაც თქვენს ყურადღებას იპყრობს ან კითხვებს იწვევს. ასეთი სიიდან შემდეგ ძალიან ადვილად გაიხსენებთ თითოეულ განხილულ ვარიანტს და საბოლოო არჩევანს გააკეთებთ. ნაჩვენები განცხადებები არ ნიშნავს, რომ ყველა ეს ვარიანტი 100%-ით ხელმისაწვდომია თქვენთვის საჭირო თარიღებში. დეტალური ინფორმაციის მისაღებად, მეპატრონეს უნდა დაუკავშირდეთ.

წერილი ბინის მეპატრონეს

airbnb-ის განცხადების შერჩევის შემდეგ მეპატრონეს უნდა მიწეროთ და პირობები განიხილოთ. არ დააჭიროთ ღილაკს „დაჯავშნა“ პასუხის მიღებამდე! დაუყოვნებლივი დაჯავშნა შესაძლებელია მხოლოდ „ელვით“ აღნიშნული განცხადებებისთვის.

მიმოწერის ნაგულისხმევი ენა ინგლისურია (თუ რომელ ენებზე საუბრობს მეპატრონე მის პროფილშია მითითებული), airbnb-ის ვებ-გვერდი ავტომატურ თარგმანს გთავაზობთ. თუ ქართულ ენაზე კომუნიკაცია თქვენთვის მნიშვნელოვანი კრიტერიუმია, ფილტრებში აირჩიეთ მეპატრონის ენა, მაგრამ ეს მნიშვნელოვნად შეამცირებს ვარიანტების რაოდენობას. აღმოსავლეთ ევროპის ქვეყნებში შეგიძლიათ იპოვოთ რუსულენოვანი მეპატრონეები. თუ ჯავშანს საქართველოში აკეთებთ, რა თქმა უნდა, მიმოწერა ქართულად ხორციელდება.

მეპატრონეს შეგიძლიათ მიწეროთ განცხადებაში განთავსებული ბმულით „დაუკავშირდით მეპატრონეს“. შეტყობინებაში მიწერეთ თქვენი გეგმების შესახებ (როდის და ვისთან ერთად მოგზაურობთ) და დასვით თქვენთვის საინტერესო ყველა შეკითხვა. განსაკუთრებით მნიშვნელოვანია დაჯავშნამდე თქვენი ჩამოსვლისა და გამგზავრების დროის შეთანხმება, თუ არასტანდარტულ დროს გეგმავთ.

გაგზავნეთ წერილი ერთდროულად რამდენიმე მეპატრონესთან. პასუხების უმეტესობა რამდენიმე საათში ან მეორე დღეს მოდის. ბევრი უცხოელი მეპატრონე შაბათ-კვირას არ პასუხობს, უბრალოდ გაითვალისწინეთ ეს და ცოტა დაელოდეთ. გადმოტვირთეთ airbnb-ის მობილური აპლიკაცია და ყველა შეტყობინებას რეალურ დროში მიიღებთ.

სპეციალური შეთავაზება. თუ არ არის მაღალი სეზონი და თქვენ დიდხანს რჩებით, შესაძლოა ფასდაკლებაზე შეთანხმდეთ. დაასახელეთ თქვენი ფასი ან შემხვედრ შეთავაზებას დაელოდეთ. ყველა მეპატრონე არ მიდის დათმობაზე, ეს დამოკიდებულია კონკრეტული საცხოვრებლის მოთხოვნაზე და მისი მფლობელის სურვილზე. ერთ კვირაზე მეტი პერიოდით დაჯავშნის შემთხვევაში ფასდაკლება, როგორც წესი, უკვე მითითებულია. თუ მეპატრონე ფასდაკლებას გთავაზობთ, მაშინ თქვენი კორესპონდენციის გვერდზე გაჩნდება „სპეციალური შეთავაზება“ ახალი ფასით, რომლის მიხედვითაც ჯავშნის გაკეთებას შეძლებთ. გადაწყვეტილების მიღებისას, მეპატრონეები ათვალიერებენ თქვენს პროფილს, ძალიან კარგია, თუ უკვე გაქვთ დადებითი კომენტარები, მაგრამ ისინი მხოლოდ airbnb-ით პირველი მოგზაურობის შემდეგ გამოჩნდება.

ჯავშნის წინასწარი დადასტურება. თუ თქვენთვის სასურველი თარიღები თავისუფალია, მეპატრონე აგზავნის „ჯავშნის წინასწარ დადასტურებას“. მიიღეთ გადაწყვეტილება და დააჭირეთ ღილაკს „დაჯავშნა“. აუცილებლად აცნობეთ ყველა მოთხოვნილი ბინის მეპატრონეს, რომ არჩევანი უკვე გააკეთეთ.

დაჯავშნილი ბინის მეპატრონესთან მიმოწერა უნდა გააგრძელოთ: აცნობეთ ჩასვლის დრო, გაიგეთ თუ როგორ არის უმჯოებისი ადგილზე მისვლა. თუ ჯავშანი წინასწარ გააკეთეთ, აუცილებლად კიდევ ერთხელ მიწერეთ მეპატრონეს ჩამოსვლის წინა დღეს (airbnb შეგახსენებთ მოახლოებული მოგზაურობის შესახებ).

არ ღირს airbnb-ის მოტყუება და უშუალოდ მეპატრონესთან შეთანხმება. ჯავშნის გადახდამდე თქვენი საკონტაქტო მონაცემები დაფარულია, ხოლო მიმოწერაში არ იქნება ნაჩვენები თქვენი ელ. ფოსტა, ტელეფონის ნომერი და ვებ-გვერდის სახელი, გარდა ამისა, მეპატრონეს შეუძლია გიჩივლოთ. შესაძლოა პირიქით მოხდეს, როდესაც მეპატრონე თავად შემოგვთავაზებთ ფულის გადახდას, airbnb-ის გვერდის ავლით, მაგრამ გაითვალისწინეთ, რომ ასეთი „დანაზოგი“ მოტყუებულად დარჩენის რისკს ზრდის. Airbnb-ით დაჯავშნა ორივე მხარისთვის ხელსაყრელია.

გადახდა

გადახდის მეთოდები. თუ ჯავშანი დადასტურებულია, თქვენ იხდით საცხოვრებლისა და მომსახურების საფასურის 100%. საქართველოში შეგიძლიათ გადაიხადოთ საბანკო ბარათით ან PayPal-ით.

ინფორმაცია გადახდის შესახებ. შეიყვანეთ თქვენი საბანკო ბარათის მონაცემები და შეავსეთ ანგარიშსწორების მისამართი. საბანკო ბარათი შეიძლება იყოს სადებეტო, საკრედიტო, თქვენი ან სხვა პირის, რომელიც ჯავშნის თანხას იხდის. ანგარიშსწორების მისამართი – თქვენი სახლის მისამართი საფოსტო ინდექსით.

ნაწილობრივი წინასწარი გადახდა. უმეტესი განცხადებისთვის ხელმისაწვდომია ნაწილობრივი წინასწარი გადახდის ფუნქცია. მისი გამოყენებისას, ჯავშნის ღირებულების ნაწილს (ჩვეულებრივ 50%) დაუყოვნებლივ იხდით, ხოლო დანარჩენი თანხა უფრო მოგვიანებით ავტომატურად ჩამოიჭრება. მეორე გადახდამდე 3 დღით ადრე Airbnb ელ. წერილს აგზავნის შეხსენებით. შეგიძლიათ ჯავშანი დაუყოვნებლივ სრულად გადაიხადოთ, ამ ვარიანტის გადახდის ეტაპზე არჩევით.

გრძელვადიანი ჯავშნის (28 დღეზე მეტი) გადახდა ნაწილ-ნაწილ ხორციელდება. დაჯავშნის დროს თქვენ პირველი თვის საფასური წინასწარ უნდა გადაიხადოთ, დანარჩენი თანხა კი ყოველთვიურად იმავე გზით ჩამოგეჭრებათ.

კონვერტაცია. Airbnb-ის ვებ-გვერდით კონვერტაციის თავიდან აცილების მიზნით, გადაიხადეთ თქვენი მეპატრონის ვალუტაში. ყველაზე ხშირად, მეპატრონის ვალუტა ევრო ან დოლარია. უფრო მომგებიანია გადახდა ბარათით იმავე ვალუტაში, მაგრამ თუ მხოლოდ ლარის ანგარიშიანი ბარათები გაქვთ, ბანკის კურსი მაინც უფრო მომგებიანი იქნება.

გადახდის შემდეგ, თქვენ ელ. ფოსტაზე დადასტურებას მიიღებთ ჯავშნის დეტალების მითითებით: ბინის მისამართი, ტელეფონის ნომერი და მეპატრონის ელ. ფოსტა. შეინახეთ ეს ინფორმაცია. თქვენი ჯავშნის დადასტურების გარდა, airbnb გამოგიგზავნით გადახდის ელექტრონულ ქვითარს.

მეპატრონე ფულს იღებს სტუმრის ჩამოსვლიდან 24 საათის შემდეგ. ამიტომ, თუ განთავსების დროს რაიმე არასწორად წავიდა – დაუყოვნებლივ დაუკავშირდით airbnb-ის მხარდაჭერის სამსახურს, მანამ, სანამ თანხის გადარიცხვა განხორციელდება!

კომპენსაცია ან თანხის დაბრუნება. კომპენსაციის ან თანხის დაბრუნებისთვის მნიშვნელოვანი ფაქტორებია ვებ-გვერდზე აღწერილი განთავსების ობიექტის შეუსაბამობა (არ არსებობს მითითებული ავეჯი ან კეთილმოწყობა, არ არის დალაგებული, არ არის უსაფრთხო). ეს ყველაფერი უნდა დაასურათოთ და დაასაბუთოთ. თანხის დაბრუნების მიზეზი ასევე შეიძლება იყოს მეპატრონის მიერ ჯავშნის გაუქმება, ამ შემთხვევაში სტანდარტული პროცედურა გამოიყენება.

Airbnb-ის ჯავშნის დადასტურება ვიზისთვის

Airbnb-ის დადასტურებული ჯავშანი შესაფერისია ვიზის დამოუკიდებლად მიღებისთვის უმეტეს საკონსულოში. ყველა სტუმრის სახელი შეიყვანეთ ისე, როგორც საზღვარგარეთის პასპორტშია ჩაწერილი, მაშინ ისინი ქვითარში გამოჩნდება, რომელიც პირდაპირ ვებ-გვერდიდან იბეჭდება და ელექტრონული ფოსტით იგზავნება.

Airbnb-ის ქვითარი

Airbnb-ის ქვითარი შეიცავს ყველა საჭირო ინფორმაციას: სტუმრების სახელებს, საცხოვრებელი ადგილის მისამართს, ჩამოსვლის-გამგზავრების თარიღს, ინფორმაციას 100% გადახდის შესახებ. თუ airbnb-ის ქვითრის გარდა საჭიროა ბანკიდან ამონაწერი თანხის გადახდის დასტურით, მაშინ აუცილებელია მკაცრი პირობებით დაჯავშნა ისე, რომ თანხა ანგარიშიდან დაუყოვნებლივ ჩამოგეჭრათ (ასეთი ჯავშანი არ უქმდება).

როგორ დავამატოთ სტუმრები

თქვენ თავად შეგიძლიათ შეიყვანოთ ქვითარში ყველა სტუმრის სახელი და კომპანიის დასახელება გამგზავების თარიღის ჩათვლით. სტუმრების სახელების დამატება უმჯობესია დაჯავშნის დროს. გადახდის შემდეგ შეავსეთ საკონტაქტო ინფორმაცია: თითოეული სტუმრის სახელი, გვარი და ელ. ფოსტის მისამართი, ეს ინფორმაცია ქვითარზე გამოჩნდება. თუ თქვენი სტუმარი რეგისტრირებულია airbnb-ზე, გამოიყენეთ იგივე ელ.ფოსტა, მაშინ ეს მოგზაურობა მის პროფილთან სინქრონიზდება.

ჯავშნის გაუქმება

Airbnb-ის ჯავშნის გაუქმება შეიძლება მოხდეს სტუმრის ან ბინის მეპატრონის ინიციატივით. ჯავშნის მოხსნა – იშვიათი შემთხვევაა, რადგან იგი არავისთვისაა ხელსაყრელი, მაგრამ თუ ეს მაინც მოხდა, პირობები უნდა იცოდეთ. ჯავშნის გაუქმების პოლიტიკა საშუალებას გაძლევთ შეცვალოთ ჯავშანი შეკვეთის განთავსებამდე ან მის დროს.

ჯავშნის გაუქმება სტუმრის მიერ

თუ თქვენი გეგმები შეიცვალა და არ შეგიძლიათ გამოიყენოთ airbnb-ით დაჯავშნილი საცხოვრებელი, გახსენით თქვენი ჯავშანი და დააჭირეთ ღილაკს „გაუქმება“. სანამ ვებ-გვერდზე მოქმედებას დაადასტურებთ, წაიკითხეთ ინფორმაცია ჯავშის გაუქმების პირობებისა და ჯარიმების შესახებ.

დასაბრუნებელი თანხის ოდენობა დამოკიდებულია მეპატრონის მიერ დადგენილ გაუქმების წესებზე. Airbnb-ის მომსახურების საფასური ბრუნდება წელიწადში 3-ჯერ, თუ სტუმარი ჯავშანს გამგზავრებამდე აუქმებს. მეპატრონეს შეუძლია ნახოს სტუმრის მიერ 12 თვის განმავლობაში გაუქმებული ჯავშნების რაოდენობა და შებამისი დასკვნები გამოიტანოს.

ჯავშნის გაუქმების წესები

  • მოქნილი პირობები საშუალებას გაძლევთ თქვენი ჯავშანი ჩამოსვლამდე 24 საათით ადრე გააუქმოთ, ამიტომ უმჯობესია საცხოვრებელი ამ პირობებით შეარჩიოთ
  • ზომიერი პირობებიც საკმაოდ რბილია, რომლებიც ჯარიმის გარეშე ჯავშნის გაუქმების საშუალებას იძლევა ჩამოსვლამდე 5 დღით ადრე
  • მკაცრი პირობები გადავადებით გულისხმობს უფასოდ გაუქმების შესაძლებლობას ჯავშნის გაფორმებიდან 48 საათის განმავლობაში და ჩამოსვლამდე არა უგვიანეს 14 დღით ადრე. შემგომში თუ გაუქმება ჩამოსვლამდე არა უგვიანეს ერთი კვირით ადრე მოხდება, თქვენ თანხის 50%-ს დაკარგავთ
  • მკაცრი პირობებით დაუყოვნებლივ გეკისრებათ 50% ჯარიმა ჯავშნის გაუქმების შემთხვევაში, მაგრამ თუ იგი ჩამოსვლამდე არაუგვიანეს 7 დღით ადრე განხორციელდა
  • განსაკუთრებულ შემთხვევებში გამოიყენება სუპერ მკაცრი პირობები 30 ან 60 დღე. ასეთი ჯავშნის გაუქმება შესაძლებელია ჩამოსვლამდე 30 ან 60 დღით ადრე, თანხის 50%-ის დაბრუნებით
  • გრძელვადიანი პირობები ვრცელდება 28 ან მეტი დღით დაჯავშნის შემთხვევაში. გაუქმების შემთხვევაში პირველი გადახდა არ ბრუნდება

Airbnb-ის შეუძლია გაითვალისწინოს საპატიო გარემოებები, რომლებმაც სტუმრის მიერ ჯავშნის გაუქმება გამოიწვია. ხარჯების ანაზღაურების საკითხი დოკუმენტების წარდგენისას ინდივიდუალურად განიხილება. „შვებულება გადამიტანეს“ არგუმენტი არ არის.

ჯავშნის შეცვლა

თუ ჯავშანი უკვე გადაიხადეთ, მაგრამ ჩამოსვლამდე მასში ცვლილებების შეტანა გსურთ (შეცვალოთ სტუმრების რაოდენობა, თარიღები), გაუგზავნეთ მოთხოვნა მეპატრონეს ღილაკის მეშვეობით „ჯავშნის შეცვლა ან გაუქმება“. მეპატრონეს შეუძლია ცვლილებების დადასტურება, უარყოფა ან უგულებელყოფა.

თუ ბინაში განთავსდით, მაგრამ ადრე წასვლა გადაწყვიტეთ, თანხა ჯავშნის პირობების შესაბამისად დაგიბრუნდებათ:

  • მოქნილი – საცხოვრებლის საფასური სრულად დაგიბრუნდებათ იმ დღეებისთვის, რომლებიც ოფიციალური უარის დღიდან 24 საათის შემდეგ დარჩა.
  • ზომიერი – დაგიბრუნდებათ გამოუყენებელი დღეებისთვის განთავსების ღირებულების 50%.
  • მკაცრი – თანხა გამოუყენებელი დღეებისთვის არ ბრუნდება.

ჯავშნის გაუქმება მეპატრონის მიერ

ეს არის სიტუაცია, რომელიც არანაირად არ არის დამოკიდებული თქვენზე. Airbnb უბრუნებს სტუმარს ჯავშნის სრულ ოდენობას, მომსახურების საფასურის ჩათვლით. რა თქმა უნდა, ჯავშნის გაუქმება ყოველთვის მოულოდნელი და უსიამოვნოა, მაგრამ ეს იშვიათად ხდება. კარგი მფლობელები უფრთხილდებიან თავიანთ რეპუტაციას, ამასთან მრავალგვარი ცხოვრებისეული ვითარება და გარემოება არსებობს.

ჯავშანი მეპატრონემ გააუქმა

2012 წლიდან მთელი დროის განმავლობაში ჩვენი ჯავშნები 2 ჯერ გაუქმდა, ორივე შემთხვევაში ჩამოსვლამდე ერთი თვით ადრე. ინფორმაცია დაუყოვნებლივ ელექტრონულ ფოსტაზე მოდის, airbnb-ის შეტყობინების ტექსტით: „ნუ იდარდებთ! ჩვენ უკვე გავაფორმეთ თანხის სრულად დაბრუნება … ოდენობით. ჩვენი მხრიდან დაბრუნება დაუყოვნებლივ ხორციელდება, მაგრამ ამ თანხის თქვენს ანგარიშზე დარიცხვამდე ხუთ საბანკო დღემდე დასჭირდება. დაჯავშნეთ სხვა საცხოვრებელი ადგილი”. ერთხელ airbnb–იმ ფასდაკლების კუპონი გამოგვიგზავნა, რომელიც ახალი დაჯავშნის დროს გამოვიყენეთ.

არასდროს გააუქმოთ თქვენი ჯავშანი მეპატრონის თხოვნით! არის შემთხვევები, როდესაც მეპატრონე პირად შეტყობინებაში წერს, რომ ვერ მიგიღებთ და გაუქმებას გთხოვთ. თუ ეს მისი ინიციატივაა, მაშინ მანვე უნდა გააუქმოს ჯავშანი ვებ-გვერდზე, მხოლოდ ამ შემთხვევაში დაგიბრუნდებათ სრული თანხა. როგორ უნდა გაიგოთ, რომ მეპატრონე ჯავშანს აუქმებს? წაიკითხეთ მიმოხილვები, ჩნდება ჩანაწერი „ეს ავტომატური შეტყობინებაა. ჯავშანი გაუქმებულია მეპატრონის მიერ ჩამოსვლამდე … დღით ადრე“.

როდის აბრუნებს თანხას airbnb?

დაბრუნების პროცესი იწყება გაუქმებისთანავე ან ცვლილებების მიღებისთანავე. ჩვეულებრივ თანხის დაბრუნებას 3-5 დღე სჭირდება, მაგრამ ეს ასევე შეიძლება იყოს დამოკიდებული თქვენი ბანკის გადახდის მეთოდზე. თანხის დაბრუნების შესახებ ინფორმაცია შეიძლება აისახოს თანხის ჩამოჭრის თარიღით (როდესაც ჯავშანი გაკეთდა).

ჩამოსვლა/გამგზავრება

ვინაიდაინ airbnb-ით დაჯავშნილი საცხოვრებელი არ არის სასტუმრო 24-საათიანი მისაღებით, შეხვედრის შესახებ მეპატრონესთან უნდა შეთანხმდეთ. თუ მეპატრონემ ჩამოსვლისა და გამგზავრების ფიქსირებული დრო დაადგინა, ეს ინფორმაცია შერჩეული ობიექტის აღწერაში იქნება მითითებული, თუ არა – დრო ჯავშნის გაკეთებამდე შეათანხმეთ. განსაკუთრებით მნიშვნელოვანია მეპატრონის თანხმობის მიღება, თუ ადრე ან გვიან ჩამოდიხართ.

ჩამოსვლა/გამგზავრება airbnb-ზე

ჩამოსვლა

მფლობელების უმეტესობას ურჩევნია სტუმარს თავად შეხვდეს, გადასცეს გასაღები და საცხოვრებელი ადგილი აჩვენოს. ასევე შეიძლება შეგხვდეთ ნათესავი ან სანდო პირი, რომელიც მესაკუთრის სახელით საცხოვრებელ ადგილს მართავს. შეათანხმეთ შეხვედრის ყველა დეტალი, მიუთითეთ თქვენი რეისის ჩამოფრენის დრო, გაიგეთ თუ როგორ არის უმჯობესი ადგილზე მისვლა, სადარბაზოს ნომერი, შესასვლელი კარის კოდი. შესაძლოა მოგთხოვონ ჩამოსვლამდე ერთი საათით ადრე დაკავშირება (შეტყობინების გაგზავნა, მესინჯერით მიწერა ან დარეკვა). ჩვეულებრივ, ადგილზე ჩვენ თავად მივდივართ, რამდენჯერმე სადგურზე დაგვხვდნენ, ასევე ბინაში შევსულვართ ინსტრუქციის თანახმად, გასაღების ხალიჩის ქვეშ ან საფოსტო ყუთებში პოვნით.

აუცილებლად ამობეჭდეთ თქვენი მოგზაურობის გეგმა თქვენი საცხოვრებელი ადგილის მისამართითა და კონტაქტებით. მეპატრონესთან მიმოწერა airbnb-ის მეშვეობით აწარმოეთ, რათა მხარდაჭერის სამსახურმა შეძლოს დახმარების გაწევა სადავო ვითარების შემთხვევაში. airbnb-ით დაჯავშნილ ბინაში შესაძლოა მისასალმებელი საჩუქრები დაგხვდეთ: ბოთლი ღვინო, ხილი, ტკბილეული… თქვენც შეგიძლიათ მეპატრონეს მცირე სუვენირი ჩამოუტანოთ – ეს ყოველთვის ხელს უწყობს ურთიერთობების დამყარებას.

გამგზავრება

ბინიდან გასვლა ასევე შეიძლება განხორციელდეს მეპატრონის თანდასწრებით ან დამოუკიდებლად. პირველ შემთხვევაში, მეპატრონეები ან მინდობილი პირები დანიშნულ დროს მოდიან და გასაღები მიაქვთ, მეორე შემთხვევაში – თქვენ გასაღებს უბრალოდ შიგნით დატოვებთ და კარს გაიხურავთ ან გასაღებს საფოსტო ყუთში ჩააგდებთ (წინასწარი შეთანხმებით). თითქმის ყოველთვის არის შესაძლებელი მეპატრონეებთან მოსახერხებელი გამგზავრების დროის შეთანხმება, ბევრი ხელს უწყობს და გვიან გასვლის ნებას აძლევს ზედმეტი გადასახადის გარეშე. მეპარტრონეთა გადაწყვეტილება დამოკიდებულია ჯავშნების კალენდარზე. თუ საჭიროა საცხოვრებლის სხვა სტუმრების ჩამოსვლისთვის მომზადება, გამგზავრება 12:00 საათისთვის ან უფრო ადრე მოგიწევთ, როგორც ეს სახლის წესებშია მითითებული. ჩვენ რამდენჯერმე დაგვრთეს ნება გვიანობამდე დავრჩენილიყავით ზედმეტი გადასახადის გარეშე. იქონიეთ კავშირი მეპატრონეებთან, ისინი დაინტერესებული არიან სტუმრების მიღებასა და კარგი გამოხმაურების მიღებაში.

დახმარება და airbnb-ის კონტაქტები

Airbnb უსაფრთხოების გარანტიას იძლევა და მომხმარებელთა მომსახურებას უზრუნველყოფს (მხარდაჭერის სამსახური 24/7, თანხის დაბრუნება, დოკუმენტების მიწოდება).

იმისათვის, რომ Airbnb-ის მხარდაჭერის სამსახურს კონკრეტულ ჯავშანთან წარმოქმნილ პრობლემასთან დაკავშირებით მიმართოთ, უნდა შეხვიდეთ დახმარების ცენტრში airbnb-ის ვებ-გვერდზე. მენიუს მეშვეობით შეგიძლიათ დახმარებისთვის მიმართოთ მეპატრონეს ან პრობლემების გადაწყვეტის ცენტრში შეხვიდეთ. თქვენი ჯავშნის ნომრის მიხედვით მოთხოვნა იქმნება, პასუხი რეგისტრაციის დროს მითითებულ ელექტრონულ ფოსტაზე მოდის. საერთო კითხვებზე პასუხები საკვანძო სიტყვების შეყვანით იძებნება.

საგანგებო შემთხვევებში (განთავსებასთან და ცხოვრებასთან დაკავშირებული პრობლემების შემთხვევაში) საჭიროა დარეკვა.

Airbnb-ის კონტაქტები

  • Airbnb-ის ტელეფონია +1 855 4247262 (24-საათის განმავლობაში ინგლისურ ენაზე)
  • Airbnb-ის მხარდაჭერის სამსახური რუსეთში +7 495 4658090 09:00 საათიდან 23:00 საათამდე
  • შეტყობინების გაგზავნა საკონტაქტო ფორმის მეშვეობით შეგიძლიათ

Airbnb-ის დადებითი მხარეები

  • შეთავაზებებისა და საცხოვრებლის ტიპის დიდი არჩევანი. Airbnb-ის საცხოვრებლის მრავალი ვარიანტი აქვს: დაწყებული ოთახით ბინაში მეპატრონეებთან ერთად, დამთავრებული ფართო აპარტამენტებით ან სახლით. პატარა დასახლებულ პუნქტშიც კი შესაძლებელია airbnb-ის განცხადებების პოვნა.
  • ეკონომია. დაბალი ფასების წყალობით, თქვენ შეგიძლიათ თავს მისცეთ უფლება უფრო ძვირიან რაიონში დარჩეთ, გაზარდოთ დასვენების დღეების რაოდენობა. როგორც წესი, ბინები აღჭურვილია სამზარეულოთი, რაც საკვებზე თანხის დაზოგვის საშუალებას იძლევა. განსაკუთრებით ხელსაყრელია airbnb-ზე საცხოვრებლის ქირაობა ბავშვებთან ერთად მოგზაური ოჯახებისთვის, ასევე ერთად მოგზური ნათესავებისთვის – მათთვის, ვისთვისაც სასტუმროს სტანდარტული ნომერი არ არის შესაფერისი. მეგობრებთან ერთად დიდ ბინაში განთავსებისას, თქვენ ხარჯებს ინაწილებთ.
  • ცხოვრების პირობები. სასტუმროს სტანდარტული ნომრის ზომაა 10 მ2, airbnb-ზე განთავსებულ ბინებს კი დიდი ფართობი აქვთ. შეგიძლიათ აირჩიოთ ბინა აივნით ან ტერასით, მაღალი ჭერით, პანორამული ფანჯრებით, სტუდიო-ბინა ან იზოლირებული ოთახებით განლაგება. Airbnb-ზე განთავსებული საცხოვრებელი შეიძლება გაფორმებული იყოს სხვადასხვა სტილში, შესაძლებელია ბინების ძალიან ორიგინალური და ლამაზი დიზაინი შეგხვდეთ.
  • მეპატრონესთან კომუნიკაცია. თქვენ ბინას (ოთახს, სახლს) კონკრეტული პირისგან ქირაობთ, რომელთანაც პირობების განხილვა დაჯავშნამდე შეგიძლიათ. Airbnb-ის მეპატრონე არის თქვენი მეგობარი უცნობ ქალაქში, იგი კითხვებზე გიპასუხებთ და სასარგებლო რჩევებს მოგცემთ. იპოვეთ საცხოვრებელი Airbnb-ის მეშვეობით და იგრძენით თავი ისე როგორც ადგილობრივი მცხოვრები.

როგორ გავხდეთ მასპინძელი

Airbnb-ის ვებ-გვერდის მეშვეობით შესაძლებელია არა მხოლოდ კერძო საცხოვრებლის დაჯავშნა მთელ მსოფლიოში, არამედ თავად გახდეთ მფლობელი და გააქირავოთ თქვენი ბინა, ოთახი, სახლი მუდმივ ან დროებით საფუძველზე.

როგორ გავხდეთ მასპინძელი airbnb-ზე

airbnb-ის მეშვეობით საცხოვრებლის გაქირავება მოსახერხებელია, რადგან თქვენ თავად აწესებთ ქირავნობის ვადას, ფასებსა და პირობებს, არჩევთ სტუმრებს. „მე არაფერი მაქვს გასაქირავებელი, მე თავად ვცხოვრობ ჩემს ბინაში”, – იტყვით თქვენ, მაგრამ შესაძლოა გქონდეთ თავისუფალი ოთახი და მისი გაქირავება ფულის გამომუშავებაში და სხვადასხვა ქვეყანაში მცხოვრებ ადამიანებთან შეხვედრაში დაგეხმარებათ. მთელი ზაფხული ქალაქგარეთ მიდიხართ საცხოვრებლად ან ხშირად მოგზაურობთ? თქვენი უძრავი ქონება შემოსავალს მოგიტანთ, შვებულებისა და კომუნალურ ხარჯებს გადაგიხდით. თუ დამატებითი საცხოვრებელი გაქვთ, მაშინ airbnb-ის საშუალებით მისი გაქირავება შეიძლება უფრო მომგებიანი იყოს, ვიდრე გრძელვადიანი იჯარა. Airbnb უზრუნველყოფს გარანტიებს მეპატრონეებისთვის, შეგიძლიათ საკუთარი წესები დააწესოთ და ქონების დაცულობის მიზნით გირაოს შეტანა მოითხოვოთ.

განცხადების განთავსება airbnb-ზე

მასპინძელი რომ გახდეთ, დარეგისტრირდით airbnb-ის ვებ-გვერდზე და მისასალმებელ ბონუსს მაშინვე მიიღებთ. თქვენი განცხადების განთავსებისთვის, უნდა დააჭიროთ ღილაკს „გახდი მასპინძელი“ მენიუს ზედა ნაწილში და შეავსოთ მონაცემები უძრავი ქონებისა და საკუთარი თავის შესახებ. თქვენს მიერ მოწოდებული კონტაქტები სტუმრებს მხოლოდ ჯავშნის დასრულების შემდეგ მიეწოდებათ.

შექმენით თქვენი განცხადება რაც შეიძლება მიმზიდველი, შეარჩიეთ შესაფერისი სახელი, შეადგინეთ დეტალური აღწერა და გადაიღეთ კარგი ფოტოები. Airbnb გთავაზობთ პროფესიონალური ფოტოგადაღების მომსახურებას (თუ თქვენს რეგიონში არის ხელმისაწვდომი, განცხადებასთან გვერდის ქვედა ნაწილში გამოჩნდება ღილაკი „მოთხოვნა“). ისარგებლეთ ამ შესაძლებლობით და გარდა მომგებიანი კადრებისა მიიღებთ ნიშანს „შემოწმებული ფოტო“, რაც სტუმრების ნდობას გაზრდის.

ვარიანტების არჩევისას შეგიძლიათ მონიშნოთ შეიძლება/არ შეიძლება მოწევა, დაიშვება/აკრძალულია ცხოველები, შესაფერისია ბავშვებთან ერთად ცხოვრებისთვის და ა.შ. რეგისტრაციის შემდეგ განცხადების შეცვლა ნებისმიერ დროს შეგიძლიათ. წაიკითხეთ airbnb-ის რეკომენდაციები „რატომ ღირს სტუმრების მიღება“, „სტუმართმოყვარეობა“, „როგორ გავხდეთ პასუხისმგებელი მასპინძელი“. ვიდეო-რჩევები მეპატრონეებისთვის თუ როგორ უნდა გააქირავონ ბინა airbnb-ზე (ინგლისურად).

ამჟამად airbnb-ის სისტემაში რეგისტრირებულია 375 000 მეპატრონე მსოფლიოს 191 ქვეყანაში, შემოგვიერთდით!

თეგები: , , , , ,

მოძებნე ავიაბილეთი

შენთვის სასურველი მიმართულებით საუკეთესო ფასად

Leave a Comment

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა