სანამ გვიანი არ არის: 8 ადგილი, რომელსაც უმჯობესია ზამთარში ეწვიოთ

ბილეთების შეძენა, სასტუმროს დაჯავშნა, დოკუმენტების შეგროვება, მოგზაურობის გეგმის შედგენა, დასვენებისთვის ყველა საჭირო ნივთის ყიდვა… რამდენი რამ უნდა გააკეთდეს იმისათვის, რომ მოგზაურობა ისეთი იყოს, როგორზეც ოცნებობდით. მაგრამ ზოგჯერ ყველა ცდა და ძალისხმევა შეიძლება გაანადგუროს ერთმა არაპროგნოზირებადმა ქალბატონმა – ამინდმა. თქვენთვის ის ადგილები შევარჩიეთ, სადაც სწორედ ზამთარში შესანიშნავი ამინდია წვიმების, მუსონების, ქარიშხლებისა და მაღალი ტალღების გარეშე.

ფილიპინები

ფილიპინები – ეს არის 7000-ზე მეტი კუნძული, რომლებსაც სამი ზღვა აკრავს გარს, ისევე როგორც ვულკანები, ტროპიკული ტყეები, ჩანჩქერები, მთები, ეგზოტიკური სამზარეულო და, რა თქმა უნდა, საოცარი პლაჟები. ბორაკაი, მალაპასკუა, ბანტაიანი, მაკტანი, პალავანი, მინდორო, კატანდუანესი თოვლივით თეთრი ქვიშითა და კრისტალურად სუფთა წყლით გაგანებივრებთ. თამამად შეგიძლიათ გაემგზავროთ რომელიმე მათგანზე ზამთარში – დეკემბერში, იანვარსა და თებერვალში ქვეყნის თითქმის მთელ ტერიტორიაზე „მშრალი სეზონია“.

ამ დროს ძლიერი ტალღები არ არის და მზე აღარ არის ისეთი აგრესიული, როგორც ზაფხულში. საშუალოდ, ჰაერის ტემპერატურა +30 გრადუსამდე თბება, წყალი კი – 26 გრადუსამდე. ფილიპინებზე ამინდი იდეალურია როგორც პლაჟზე დასვენებისთვის, ისე ღირსშესანიშნაობების მონახულებისთვის. ეს მხარე ასევე ნამდვილი სამოთხეა დაივერებისთვის. წყალქვეშა სამყაროს გასაცნობად საუკეთესო ადგილებია ბორაკაიში, ბატანგასში, მინდოროსა და პალავანში.

ფილიპინებზე ხელსაყრელია ვილის ან ბინის ქირაობა. მაგალითად, პანაგსამას პლაჟის (სებუ) მახლობლად ან პანგლაოს კუნძულზე მდებარე სახლი თვეში დაახლოებით 270 ევრო დაგიჯდებათ. ბორაკაიში 5-ვარსკვლავიანი სასტუმროს ორადგილიანი ნომერი დღეში 90 ევროდან ეღირება. უფრო ზუსტი ფასების სანახავად ეწვიეთ ჩვენს ონლაინ კატალოგს www.hotellist.ge .

ფილიპინებზე ტურისტებისთვის განკუთვნილ რესტორანში შეგიძლიათ 5-6 ევროდ მიირთვათ და ყავა 0,36 ევროდ დალიოთ, ხოლო იმ კაფეებში სადაც ადგილობრივი დადიან ფასები კიდევ უფრო დაბალია.

ყველაზე იაფი ავიაბილეთები Tbilisi-დან Manila-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

15.12.2019

22.12.2019

1 stop

ფასი 3 683

15.03.2020

25.03.2020

3

ფასი 2 322

დომინიკის რესპუბლიკა

ზამთარი იდალური დროა დომინიკის კურორტებზე დასასვენებლად – ბაიაიბე, ლა რომანა, სამანა, ლას-ტერენასი, პუერტო-პლატა, პლაია-დორადა და კაბარეტე. აქ არის უნაკლო ზღვა, იდეალური პლაჟები და შესანიშნავი მომსახურება.

ლა რომანაში, სამანას კურორტებზე, სოფელ ბაიაიბეში ბავშვებთან ერთად მოგზაურ წყვილებს უყვართ დასვენება. კომფორტული, მშვიდი დასვენების ყველა მოყვარული ამ ადგილებს უნდა ეწვიოს.

კურორტი ბოკა-ჩიკა უფრო შესაფერისია აქტიური ტურისტებისთვის, სპორტსმენებისთვის, დაივინგის ფანატებისთვის, აფროსნობისა და ცხენოსნობის მოყვარულებისთვის. წვეულებების მოყვარულებისთვის განკუთვნილი ადგილი ნამდვილად ლას-ტერენასია, სადაც უამრავი ბარი, დისკოთეკა და ღამის კლუბია.

დომინიკის რესპუბლიკა საუკეთესო ადგილია თაფლობის თვის გასატარებლად. ახალდაქორწინებულებ წყვილებს მაგნიტივით იზიდავს პუნტა-კანა. ამ კურორტის უპირატესობებს შორისაა – ქათქათა პლაჟები და ბუნებრივი ნაკრძალების სიახლოვე საინტერესო გასეირნებისთვის. ზამთარი დომინიკის რესპუბლიკაში ზოგადად შესანიშნავი დროა კუნძულზე შემეცნებითი სეირნობისთვის. ექსკურსიების ფასები საკმაოდ განსხვავებულია, ექსკურსიაზე შეგიძლიათ წახვიდეთ როგორც 30 ევროდ, ისე 300 ევროდ.

რაც შეეხება ამინდს, დღისით ჰაერი +29 გრადუსამდე თბება, წყალი კი – +27-მდე. გასაკვირი არ არის, რომ დომინიკის რესპუბლიკაში ტურებზე გაზრდილი მოთხოვნაა. იანვარსა და თებერვალში აქ საკმაოდ ხმაურიანია და მოგზაურობის ფასებიც ძალიან მატულობს.

ტაილანდი

ტაილანდი ძირითადად ზამთარში დასვენებისთვის შესაფერისი ადგილია, რადგან გაზაფხულის დადგომასთან ერთად, უფრო სწორად კი მარტის შუა რიცხვებიდან-აპრილის დასაწყისიდან აქ კოკისპირული წვიმები იწყება. ზამთარში კი წარმოუდგენლად კარგია კრაბიში, კაო-ლაკში, ლანტაში, ფუკეტში, ფი-ფის კუნძულზე, ლიპეში, პატაიასა და ჩანგის კუნძულზე.

ტაილანდის სამხრეთ და ცენტრალურ ნაწილებში, ტემპერატურა იშვიათად ეცემა +25-30°C-ზე დაბლა, ჩრდილოეთით ნოემბრიდან თებერვლის ჩათვლით გაცილებით უფრო სიგრილეა. ღამით ტემპერატურა შეიძლება დაეცეს +10-15°C-მდე, ასე რომ, თან იქონიეთ თბილი ნივთები და საცხოვრებლის არჩევის დროსაც გაითვალისწინეთ.

ტაილანდში მოხვედრის ერთ-ერთი ყველაზე მომგებიანი გზა არის ბანგკოკში ჩაფრენა, რამდენიმე დღის აქ გატარება, შემდეგ კი პლაჟების მიმართულებით მოგზაურობა. ამის გაკეთება შეგიძლიათ შიდა ფრენების მეშვეობით, ისევე როგორც ავტობუსით ან ავტობუსითა და ბორნით.

ადგილობრივი კულტურის სულისკვეთების შეგრძნებას პატაიაში შეძლებთ. ეწვიეთ დიდებულ, მოჩუქურთმებულ „ჭეშმარიტების ტაძარს“, შეიგრძენით ტაილანდელების ატმოსფერო და ყოფა ადგილობრივ მცურავ ბაზარზე – თუნდაც არაფრის შეძენას არ აპირებდეთ, ამ კოლორიტულ ადგილას უბრალო გასეირნებაც კი უამრავ შთაბეჭდილებას მოგიტანთ.

ფუკეტზე აუცილებლად ეწვიეთ პარკს „ფუკეტი-ფანტაზია“. აქ ტაილანდის მთელ ისტორიას არა მხოლოდ გიამბობენ, არამედ გაჩვენებენ კიდეც: პარკში განთავსებულია ტაილანდის ისტორიის სხვადასხვა ეპოქის სახლები, სასახლეები და ტაძრები. ფუკეტი ტაილანდის ყველაზე პოპულარულ მიმართულებებს შორისაა. ორი ადამიანისთვის აქ დასვენების საშუალო ბიუჯეტი 450 ევროდან იწყება კვირაში (კვება + განთავსება). ჩვეულებრივი სადილი ან საუზმე კაფეში 2-4 ევროდან ეღირება, საზოგადოებრივი ტრანსპორტით მგზავრობა 1-4 ევროდ შეგიძლიათ, მოპედის ქირაობა – 60 ევროდან (კვირაში). რაც შეეხება დასვენებას, სერფინგის ან დაივინგის გაკვეთილის ღირებულებაა – 35 ევროდან, ხოლო 20 ევროდ შეგიძლიათ სხვადასხვა სახის სპა-პროცედურა ჩაიტაროთ.

ყველაზე იაფი ავიაბილეთები Tbilisi-დან Phuket-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

16.12.2019

08.01.2020

2 stops

ფასი 2 385

24.01.2020

04.02.2020

2 stops

ფასი 2 227

16.02.2020

23.02.2020

2 stops

ფასი 2 173

15.03.2020

15.03.2020

1 stop

ფასი 11 632

05.07.2020

12.07.2020

2 stops

ფასი 2 076

03.08.2020

09.08.2020

2 stops

ფასი 2 080

ვიეტნამი

უძველესი ტაძრები, საოცარი ბაღები და პარკები, ბრინჯის მინდვრები და ჩანჩქერები, ვულკანები და ტაძრების კომპლექსები – ბუნების ეს ყველა სასწაული ათასობით ტურისტს „აიძულებს“ შეიძინოს ავიაბილეთები ვიეტნამის მიმართულებით. სამხრეთ ნაწილში ზამთარში ამინდი ძალიან ცხელია, ჰაერის ტემპერატურა +30°C-მდე თბება. აქ სიმშრალე და მოწმენდილი ცაა, შეგიძლიათ კომფორტულად გაატაროთ დრო როგორც პლაჟზე, ისე ექსკურსიებზე. მაგრამ ჩრდილოეთ ვიეტნამში სიგრილეა, ჰაერის ტემპერატურა მაქსიმუმ + 15°C-მდე აღწევს.

ვიეტნამში დასვენებისთვის საუკეთესო ადგილი – ფუკუოკია. გარდა კარგი პლაჟის ზონებისა და ზღვის დასასვენებელი ცენტრებისა, იგი განთქმულია თავისი წარმოუდგენელი ბუნებრივი ღირსშესანიშნაობებითა და უძველესი სალოცავებით.

ფუკუოკი მრავალი მოგზაურისთვის ხელმისაწვდომია, რადგან ფასები აქ ერთ-ერთი ყველაზე იაფია აზიის მიმართულებებს შორის. 3* სასტუმროებში ან მოკრძალებულ ბინებში ცხოვრება კვირაში 95 ევროდან დაგიჯდებათ, თუმცა უფრო იაფადაც შეგიძლიათ იპოვოთ. კვების ფასებიც სასიამოვნოდ გაგახარებთ, რადგან კაფეში შეგიძლიათ სულ რაღაც 1-3 ევროდ ისადილოთ, ხოლო მოტოციკლეტი დღეში 5-10 ევროდ იქირაოთ. ფუკუოკის კუნძულზე ორი ადამიანის დასვენებისთვის საჭირო საშუალო ბიუჯეტია – კვირაში 350 ევროდან (კვება + განთავსება).

თუ ვიეტნამში იანვარში მოხვდებით, შეგიძლიათ მონაწილეობა მიიღოთ ადგილობრივი ახალი წლის – ტეტის აღნიშვნაში. ისიამოვნეთ მასშტაბური მსვლელობებით და სანახაობრივი ფეიერვერკებით, რომლებსაც აქ ოთხი სადღესასწაულო დღის განმავლობაში მართავენ.

ყველაზე იაფი ავიაბილეთები Tbilisi-დან Manila-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

15.12.2019

22.12.2019

1 stop

ფასი 3 683

15.03.2020

25.03.2020

3

ფასი 2 322

ტანზანია

ტანზანია არცთუ ისე პოპულარული ქვეყანაა ზღვის კურორტებზე დამსვენებელ მოგზაურთა შორის, პირველ რიგში მისი ძალიან შორეული მდებარეობის გამო. მაგრამ განმარტოებული დასვენების მოყვარულები დროს არ იშურებენ ზანზიბარში მოსახვედრად. და სწორადაც იქცევიან! აქ ზღაპრულად სუფთა პლაჟები, ლამაზი პეიზაჟები, სასიამოვნო, მშვიდი ინდოეთის ოკეანე და არარეალურად გემრიელი ეგზოტიკური სამზარეულოა. შეგიძლიათ მიირთვათ ან 4 ევროდ, ან 24 ევროდ, იმის მიხედვით, თუ ზანზიბარის რომელ ნაწილში სადილობთ. ძირითადად, ფასები მაღალია სასტუმროებსა და ცენტრალურ რესტორნებში.

წაიკითხეთ: ზანზიბარი: რა უნდა იცოდეთ „აფრიკულ მალდივებზე“ დასვენების შესახებ

ზანზიბარი ვერ დაიკვეხნის უამრავი ღირსშესანიშნაობით, ამიტომაც აქ მოთხოვნით სარგებლობს დაივინგი და სერფინგი. და თუ სერფინგი უფრო შესაფერისია დამწყებთათვის (მაღალი ტალღები აქ იშვიათადაა), დაივინგით დაკავება აქ ნებისმიერს შეუძლია. ჩაყვინთვის ღირებულებაა – 40 ევროდან, ღამით ჩაყვინთვის – 50 ევროდან.

ზანზიბარზე ორი ადამიანის დასვენებისთვის საჭირო საშუალო ბიუჯეტია კვირაში 500 ევრო (კვება + განთავსება).

ყველაზე იაფი ავიაბილეთები Tbilisi-დან Hanoi-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

20.12.2019

27.12.2019

1 stop

ფასი 3 282

შრი-ლანკა

ტურისტები, რომლებიც ზამთარში შრი-ლანკაზე ისვენებდნენ, ერთხმად აცხადებენ, რომ ამ კუნძულის კურორტები „ფასისა და ხარისხის შესანიშნავი თანაფარდობაა”. ამაში ადვილად დარწმუნდებით თუ მსოფლიოში ერთ-ერთ ყველაზე პოპულარულ კურორტს – ჰიკადუვას ეწვევით.

კუნძულ ჰიკადუვაზე დასვენების საშუალო ბიუჯეტი ორი ადამიანსთვის – კვირაში 500 ევროდან (კვება + განთავსება). კურორტზე როგორც ბიუჯეტური ჰოსტელების, ისე 2-3* სასტუმროების და იაფი ბინების დიდი არჩევანია ხელმისაწვდომი ფასებითა და კარგი მომსახურებით. კვების ფასები, რა თქმა უნდა, დამოკიდებული იქნება იმაზე, მიირთმევთ თუ არა ტურისტულ ადგილებში. ადგილობრივებისთვის განკუთვნილ იაფ კაფეებში შეგიძლიათ გემრიელად ისადილოთ ადგილობრივი სამზარეულოს კერძებით 1-4 ევროდ, რესტორნებში, რა თქმა უნდა, უფრო ძვირი იქნება – 3-10 ევროდან. მაგრამ ყველაზე ეკონომიური ვარიანტია შეიძინოთ პროდუქტები ადგილობრივ ბაზრებზე და თავად მოამზადოთ, რადგან ეს არამარტო ეკონომიური, არამედ ძალიან საინტერესოა.

ყველაზე იაფი ავიაბილეთები Tbilisi-დან Colombo-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

16.12.2019

16.01.2020

1 stop

ფასი 1 606

12.01.2020

11.02.2020

1 stop

ფასი 1 391

08.02.2020

18.02.2020

1 stop

ფასი 1 387

გამოცდილმა დაივერებმა იციან, რომ ჰიკადუვა მსოფლიოში ერთ-ერთი საუკეთესო ადგილია წყალქვეშა ყვინთვისთვის. პოპულარული კურორტის ნაპირთან შეგიძლიათ იპოვოთ მრავალი ჩაძირული გემი, სადაც ასევე ორგანიზებას უწევენ „წყალქვეშა ექსკურსიებს“. ამგვარი საზღვაო მოგზაურობის ღირებულება 45 ევროდან იწყება.

ინდოეთი

ჩრდილოეთ გოა – სამოთხის ადგილია ყველა ახალგაზრდა და აქტიური ადამიანისთვის. ინდოეთის ამ კოლორიტულ კუთხეში კულტურისა და ტრადიციების არნახული ნაზავი შეგიძლიათ იხილოთ. ზამთარში გამოცდილი მოგზაურები გვირჩევენ ვეწვიოთ კანანგუტს – ტიპიურ ნათელ ქალაქს, რომელსაც ადრე „ჰიპის დედაქალაქს“ უწოდებდნენ.

ეგზოტიკური და ხმაურიანი წვეულებების გარდა, კალანგუტი ახალგაზრდებს ხელმისაწვდომი ფასებით იზიდავს. მაგალითად, არაბეთის ზღვის სანაპიროზე განთავსებულ ბუნგალუშო შეგიძლიათ 10 ევროდ იცხოვროთ (ორ ადამიანზე), ამდენივეს ეკონომიური დამსვენებლები კვებაზე ხარჯავენ. ზოგადად, თუ თავს არაფრით შეიზღუდავთ, კალანგუტში კარგად დასვენებას 350 ევროდან შეძლებთ.

ზამთარში ჰაერის ტემპერატურა ჩვეულებრივ დაახლოებით +30 გრადუსია, ღამით კი ზოგჯერ +18 გრადუსამდე ეცემა. წყლის ტემპერატურა 27 გრადუსია, ამიტომ ბანაობა ბავშვებისთვისაც კი კომფორტული იქნება.

ყველაზე იაფი ავიაბილეთები Tbilisi-დან Goa-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

23.12.2019

27.12.2019

2 stops

ფასი 2 792

23.01.2020

31.01.2020

2 stops

ფასი 2 199

17.02.2020

06.03.2020

2 stops

ფასი 1 637

07.03.2020

21.03.2020

3

ფასი 1 622

01.04.2020

30.04.2020

2 stops

ფასი 1 959

01.09.2020

10.09.2020

2 stops

ფასი 1 973

ეგვიპტე

დასვენებისთვის ყველაზე მომგებიანი ადგილი – ყველასთვის ნაცნობი ეგვიპტეა. თქვენ ძალიან კმაყოფილი დარჩებით, თუ ქვეყნის სხვა კურორტებისგან განსხავებულ დაჰაბს ეწვევით.

აქ ტიპიური სასტუმრო კომპლექსების გარდა შეგიძლიათ იპოვოთ განთავსების მრავალი ბიუჯეტური ვარიანტი – კემპინგებიდან დაწყებული (დღეში 1 ევროდ), 5* სასტუმროებით დასრულებული, რომლებიც ასევე გაგაოცებთ თავისი ფასებით. დაჰაბის კურორტზე ორისთვის დასვენების საშუალო ბიუჯეტია – კვირაში 300 ევროდან (კვება + განთავსება).

დაჰაბი მსოფლიოში ერთ-ერთი საუკეთესო პლაჟის კურორტია და იგი ასევე შედის პლანეტის ათი ყველაზე საუკეთესო ადგილის სიაში დაივინგისა და ვინდსერფინგისთვის. დაივინგის გაკვეთილი აღჭურვილობით 25 ევროდან ღირს, ხოლო სერტიფიკატი 10 ჩაყვინთვისთვის 220 ევროდ შეგიძლიათ შეიძინოთ. ვინდსერფინგის გაკვეთილი ღირს 20 ევრო საათში, დაფის ერთი კვირით ქირაობა 85 ევროდ შეგიძლიათ.

დაჰაბი შესაფერისია ბუნებრივი სილამაზის, ისტორიისა და აქტიური დასვენების მოყვარულთათვის. აქ შეგიძლიათ გაისეირნოთ კვადროციკლით, აქლემით, ცხენით, იხილოთ ლამაზი მთები, კანიონი, ბედუინთა დასახლებები დაჰაბთან ახლოს. ასევე შეგიძლიათ ექსკურსიით ეწვიოთ მოსეს მთას (სინის მთას), წმინდა ეკატერინეს მონასტერს, იერუსალიმს, ქალაქ-მოჩვენებას პეტრას იორდანიაში. ზოგადად, დატვირთული შემეცნებითი პროგრამა გარანტირებულია.

ყველაზე იაფი ავიაბილეთები Tbilisi-დან Sharm el-Sheikh-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

17.12.2019

31.12.2019

1 stop

ფასი 819

07.01.2020

14.01.2020

Direct

ფასი 832

18.02.2020

25.02.2020

1 stop

ფასი 819

24.03.2020

31.03.2020

1 stop

ფასი 836

26.04.2020

05.05.2020

1 stop

ფასი 933

01.05.2020

08.05.2020

1 stop

ფასი 933

01.10.2020

07.10.2020

1 stop

ფასი 975

ასევე წაიკითხეთ:

Posted in ბლოგი, იდეები მოგზაურობისთვის and tagged , , , , , , , .