შემოდგომა კვიპროსზე: 7 მიზეზი შვებულების აქ გასატებლად

ტურისტებს შორის არსებობს აზრი, რომ საუკეთესო დასვენება –  ტრადიციულად ზაფხულში დასვენებაა. მაგრამ რამდენიმე ადამიანმა თუ იცის, რომ არსებობს ადგილები, სადაც შემოდგომის თვეებშიც არანაკლებ შეძლებთ დაისვენოთ (და შესაძლოა უკეთესადაც კი!). ერთ-ერთი მათგანი კვიპროსის კუნძულია. დღეს ჩვენ გიამბობთ თუ რატომ ღირს აქ ჩამოსვლა შემოდგომაზე.

  1. ხელსაყრელი ფასები და მოხერხებული ფრენა

კვიპროსი იდეალურია მათთვის, ვინც შემოდგომაზე გადაწყვიტა დასვენება. პირველ რიგში, მანძილის გამო (კუნძული შედარებით ახლოს მდებარეობს საქართველოსთან და ფრენას 2 საათზე ცოტა მეტი სჭირდება), მეორეც, შემოდგომაზე კუნძულზე ფასები გაცილებით დაბალია, ვიდრე ზაფხულში „მაღალ“ სეზონზე.

კვიპროსი

Wizz Air-ის პირდაპირ რეისებზე ქუთაისიდან ლარნაკაში  შემოდგომის პერიოდში ორივე გზის ბილეთის შეძენას 100 ევროდ შეძლებთ.

პირდაპირი ფრენები Kutaisi-დან Larnaca-მდე

გაფრენის თარიღიდაბრუნების თარიღიავიაკომპანიაბილეთების მოძებნა

22.10.2019

26.10.2019

ფასი 562

16.11.2019

30.11.2019

ფასი 197

03.12.2019

07.12.2019

ფასი 127

21.01.2020

25.01.2020

ფასი 174

  1. გამარტივებული სავიზო რეჟიმი

ბიომეტრიული პასპორტების მფლობელ საქართველოს მოქალაქეებს კვიპროსში გასამგზავრებლად ვიზა არ ესაჭიროებათ. ვიზის გარეშე გამგზავრება შესაძლებელი იქნება მხოლოდ მოკლევადიანი ვიზიტით – ნებისმიერი 180 დღის განმავლობაში 90 დღით.

არაბიომეტრიული პასპორტის მფლობელებს ვიზა კვლავ ესაჭიროებათ, მაგრამ მისი მიღება საკმაოდ მარტივია.

  1. შესანიშნავი კლიმატი

ძირითადი მიზეზი, რისთვისაც  კვიპროსზე ჩამოსვლა ღირს შემოდგომაზე, არის კლიმატი. ცხელი და საკმაოდ მშრალი ზაფხულისაგან განსხვავებით, შემოდგომაზე კუნძულზე შესანიშნავი ტემპერატურა +25-28 გრადუსია (ოქტომბერში), საღამოობით კი სასიამოვნო სიგრილით ისიამოვნებთ.  მათ, ვისაც „უფრო ცხელი“ უყვარს, თამამად შეუძლია კუნძულის სამხრეთ ნაწილში გაემგზავროს (ლიმასოლის ოლქში) – აქ ტემპერატურა ადვილად აღწევს 30-32 ან მეტ გრადუსს.

larnaka

იგივე შეილძება ითქვას ნალექებზე: ოქტომბერში კვიპროსზე თითქმის არ წვიმს, ხოლო თუ მაინც გაწვიმდა, იგი ხანმოკლე და იშვიათია. ცურვის მოყვარულებიც ნასიამოვნები დარჩებიან, რადგან სანაპირო ზოლში წყალი ნოემბრის შუა რიცხვებამდე თბილი იქნება (საშუალოდ +25 გრადუსი), ზღვა კი სუფთა და მშვიდი!

ნოემბერში დღის ტემპერატურა ჩვეულებრივ რამდენიმე გრადუსით იკლებს და ამინდიც უფრო შემოდგომას მოგაგონებთ: შესაძლოა იწვიმოს, საშუალო ტემპერატურა +21-23 გრადუსია, წყლის ტემპერატურაც იკლებს (+20-22 გრადუსი). საღამოობით საკმაოდ გრილა (+10-12 გრადუსი), ამიტომ თან თბილი ტანსაცმელი იქონიეთ. ამ დროს ყველაზე მეტად მთებში ცივა, სადაც ჰაერის ტემპერატურა +13 გრადუსს არ აღემატება, ასე რომ გაითვალისწინეთ, თუ  „მწვერვალების დაპყრობას“ აპირებთ.

  1. საუკეთესო დრო ექსკურსიებისთვის

შემოდგომა საუკეთესო დროა იმისათვის, რომ კვიპროსი დეტალურად შეისწავლოთ. ტურისტების კონცენტრაცია კვადრატულ მეტრზე მნიშვნელოვნად მცირდება, ამინდი ზომიერი ტემპერატურით, ხოლო  მომსახურების სფერო – ადეკვატური ფასებით გასიამოვნებთ. ეს იდეალური პირობებია იმისათვის, რომ კუნძული მშვიდად შეისწავლოთ, მაგალითად, მთავარი კულტურული ღირსშესანიშნაობების სანახავად ექსკურსია მოიწყოთ. შეგიძლიათ უძველეს  თეატრ „ოდეონს“, სამეფო სამარხებს ეწვიოთ, წმინდა ნეოფიტოს (პაფოსი) მონასტრის ულამაზესი ფრესკებით აღფრთოვანდეთ,  ან წარსულის მშვენიერებას ეზიაროთ კიტიონ, კურიონსა და ამატუს დასახლებებში.

კვიპროსის ამფითეატრი

ასევე გირჩევთ მაკრონისოსის კლდოვან სამარხებს  ​​ეწვიოთ აია-ნაპას მახლობლად და კირენიის ციხეები დაათვალიეროთ (ბუფავენტო, წმ. ილარიონის ციხე, კირენიის ციხე).

  1. შესანიშნავი პირობები აქტიური დასვენებისთვის

კვიპროსი შესანიშნავი ადგილია აქტიური დასვენებისა და ბუნების სილამაზის მოყვარულთათვის. შეგიძლიათ, მაგალითად, გრეკოს კონცხს ეწვიოთ, რომ საკუთარი თვალით იხილოთ  ლაჟვარდოვანი ხმელთაშუა ზღვის  საოცარი ხედები, ან ტროოდოსის მთის მასივი დალაშქროთ, საიდანაც არაჩვეულებრივი ხედები იშლება!

გრეკოს კონცხი

ასევე შეგიძლიათ აფროდიტეს კლდე მოინახულოთ, სადაც ლეგენდის თანახმად, სიყვარულის  ქალღმერთი ზღვის ქაფიდან დაიბადა, ან კუნძულზე ყველაზე დიდ ჩანჩქერს მილომერისს ეწვიოთ (15 მეტრი) სოფელ პანო-პლატრესის მახლობლად.

  1. ყველაფერი ექსტრიმის მოყვარულთათვის

არ გიყვართ დიდხანს ერთ ადგილზე ყოფნა? არ იდარდოთ! კვიპროსი ყველაზე მოუსვენარ მოგზაურებსაც კი გააოცებს გასართობი საშუალებებით. ვინდსერფინგი, კაიტინგი და სხვა სახეობები  უამრავ ადგილზეა ხელმისაწვდომი ექსტირიმის მოყვარულთათვის (ლიმასოლი, მაზოტოსი, ავდიმოუ, პროტარასი და ა.შ.), ხოლო დიდი კურორტებისა და ქალაქების კლუბებსა და დისკოთეკებში (აია-ნაპა, ლიმასოლი) გართობა დილამდე გრძელდება.

  1. საშემოდგომო დღესასწაულები

შემოდგომის კვიპროსი ასევე იმით არის კარგი, რომ ამ დროს კუნძულზე ხშირად ფესტივალები და სხვა საინტერესო ღონისძიებები იმართება.

მაგალითად, 28 ოქტომბერს კუნძულის მაცხოვრებლები ოხის დღეს აღნიშნავენ, რომელიც არა მარტო კვიპროსის, არამედ საბერძნეთის ეროვნული დღესასწაულია. იგი  1940 წელს ფაშისტური იტალიის დახმარებაზე საბერძნეთის მთავრობის უარის თქმის საპატივცემულოდ აღინიშნება. სადღესასწაულო ღონისძიებები მოიცავს  აღლუმებს, კონცერტებს, სახალხო სეირნობას და ზეიმებს, ასე რომ სანახავს ნამდვილად  იპოვით.

ლარნაკა რთველი

გარდა ასეთი ოფიციალური, „სერიოზული“ ზეიმებისა, კვიპროსი ცნობილია თავისი ფესტივალებითა და ეროვნული დღესასწაულებით. მაგალითად, აგვისტოდან ოქტომბრის ჩათვლით, მთელ კუნძულზე მოსავლის აღების ფესტივალი იმართება. როგორც წესი, მას პატარა სოფლებში და დასახლებებში (ერთი სიტყვით, პროვინციაში) აღნიშნავენ, რომლებშიც რაღაც მოჰყავთ ან აწარმოებენ. თუ გაგიმართლებთ და ერთ-ერთ მათგანზე მოხვდებით, მაშინ დაუვიწყარ დროს გაატარებთ! ბაზრობები, ადგილობრივი მზარეულების მიერ მომზადებული ეროვნული სამზარეულოს კერძების დაგემოვნება, კონცერტები, ცეკვები – მათ გარეშე აბა როგორ?!

აუცილებლად ეწვიეთ სოფელ აგროსს, რომელიც თავისი ვარდებითაა ცნობილი. მოსავლის ფესტივალზე ყვავილებთან ერთად შეგიძლიათ შეიძინოთ ბრენდი, ლიქიორი და ვარდის ნაყენი, ისევე როგორც პარფიუმერია, ზეთები, ვარდის წყალი და სურნელოვანი სანთლები – შესანიშნავი სუვენირები მეგობრებისა და ახლობლებისთვის.

ბედნიერ მოგზაურობას გისურვებთ!

Posted in ბლოგი, იდეები მოგზაურობისთვის and tagged , , , .