გლობალურ ტურისტულ ინდუსტრიას 2024 წელს მრავალი აღმასვლა და დაღმასვლა ჰქონდა. ჩვენ გავაანალიზეთ მასალები ინდუსტრიის ექსპერტებისგან და მოვამზადეთ თქვენთვის გასული წლის ტურიზმის განვითარების მოკლე მიმოხილვა.
2024 წლის შედეგები ტურიზმის ინდუსტრიაში:
გლობალური ტურისტული ინდუსტრია იზრდება
პანდემიის გამო რამდენიმეწლიანი შეზღუდვის შემდეგ, საერთაშორისო ტურიზმი დაუბრუნდა კოვიდამდელ დონეს. ზოგიერთი სექტორი, როგორიცაა ავიაკომპანიები, ზრდასაც კი ხედავს. ქვეყნები აქტიურად აადვილებენ სავიზო პროცედურებს, შენგენის ზონას რუმინეთი და ბულგარეთი დაემატა.
მხარდაჭერა გრძელვადიანი მოგზაურებისთვის.
digital nomads (ციფრულად მუმშავე ადამიანები) პროგრამების რაოდენობა – ადამიანები, რომლებიც მუშაობენ დისტანციურად და ერთდროულად მოგზაურობენ – იზრდება. ქართველებს სთავაზობენ ლეგალიზაციისა და ადაპტაციის სპეციალურ პროგრამებს მსოფლიოს მრავალ ქვეყანაში, რაც ხსნის ახალ შესაძლებლობებს გრძელვადიანი ყოფნისთვის.
მგზავრობის ხარჯების ზრდა.
ტურისტული ბაზრის აღდგენას თან ახლავს საცხოვრებლის, ტრანსპორტის და მასთან დაკავშირებული სერვისების ფასების თანდათანობითი ზრდა.
ოვერტურიზმთან ბრძოლა.
ქვეყნების მზარდი რაოდენობა აწესებს შეზღუდვებს კულტურული მემკვიდრეობისა და ეკოსისტემების დასაცავად (იტალია, ჩეხეთი და ა.შ.). მომავალ წელს ტურისტული გადასახადები და მოსაკრებლები მნიშვნელოვნად გაიზრდება
სასაზღვრო კონტროლის აღდგენა.
ევროკავშირის ზოგიერთმა ქვეყანამ განაახლა კონტროლი საზღვრებზე, რამაც შესაძლოა გაართულოს მოძრაობა ქვეყნებს შორის შენგენის ფარგლებშიც კი (ნიდერლანდები, დანია და შვედეთი, საფრანგეთი და გერმანია).
მთლიანობაში, 2024 წლის ტურისტული ინდუსტრია წარმოადგენს ახალ შესაძლებლობებს და გამოწვევებს, რაც მოითხოვს საკმაოდ სწრაფ ადაპტაციას როგორც მოგზაურებისგან, ასევე ინდუსტრიის ოპერატორებისგან.