2020 წლის დეკემბრის Travel-ჰოროსკოპი

ჩვენ კარგად ვიცით, თუ რამდენად გიყვართ ეს რუბრიკა, ამიტომ 2020 წლის ბოლო თვის ახალ ჰოროსკოპს გთავაზობთ. ვიცით, რომ მიმავალი წლიდან ძნელია მოელოდე სასიხარულო ამბებს, მაგრამ ჩვენი ჰოროსკოპი მხოლოდ კარგს ეხება. სწრაფად შეამოწმეთ თქვენი ზოდიაქოს ნიშანი და პოზიტიურ ტალღაზე განეწყვეთ!

ვერძი

ერთი მხრივ, ვერძს აუჩქარებელი და მოწესრიგებული თვე ექნება, მაგრამ ამ გიჟური წლის ბოლოს შეიძლება წყობიდან გამოგიყვანონ. არ აყვეთ. საკუთარი თავი სრულად გამოავლინეთ და თქვენ მეგობრულ განწყობას ირგვლივ ყველა შეამჩნევს.

ვარსკვლავები მთაში წასვლას გირჩევენ. სუფთა ჰაერი მოგიხდებათ. ცხელი გლინტვეინი კი კარგ გუნებაზე დაგაყენებთ. 😉

კურო

ამ თვეში კუროს „მესამე თვალი“ გაეხსნება, მისი ყველა ჩაკრა დაბალანსდება და დაუცხრომელი ენერგია სხვადასხვა მიმართულებით იბობოქრებს. მაგრამ ზედმეტი არ მოგივიდეთ, რადგან მთელი ამ ძალის მოულოდნელად წარმოქმნილი შესაძლებლობისკენ მიმართვა მოგიწევთ. მიიღეთ სარგებელი იმ ყველაფრიდან, რასაც სიცოცხლე გთავაზობთ და ბედნიერი იქნებით. და არ გაჩერდეთ ერთ ადგილას, სამოგზაუროდ გაემგზავრეთ. თუნდაც ეს გზა უახლოესი სავაჭრო ცენტრისკენ იყოს. ოღონდ ნიღაბი არ დაგავიწყდეთ. 😉

ტყუპები

ბოლოს და ბოლოს მოიკრიბეთ ყურადღება. ამ თვეში ყველა პრობლემა გეტყვით „ნახვამდის“ და გაუჩინარდება. ფინანსურ პრობლემებს, ასეთის არსებობის შემთხვევაში, ადვილად მოაგვარებთ თქვენი ოსტატობითა და მოხერხებულობით. ერთადერთი რასაც გისურვებთ – დაამშვიდეთ თქვენი ემოციების შადრევანი და კრიტიკულად იმსჯელეთ. წელს რაღაც წავა თქვენი ცხოვრებიდან. შეიძლება ზედმეტი კილოგრამები, ან იქნებ ის, რაც მოძველებულია. ნებისმიერ შემთხვევაში, სიმშვიდე შეინარჩუნეთ და გაუშვით. შეგიძლიათ დაიწყოთ მოგზაურობის დაგეგმვა 2021 წლისთვის, რომელიც გვპირდება, რომ უფრო ნათელი იქნება.

კირჩხიბი

ძვირფასო კირჩხიბო. კმარა ფულის დაუფიქრებლად ფლანგვა. მით უმეტეს, რომ წლის ბოლოს ყველა ვალი უნდა დაფაროთ, ყველა შეცდომა გამოასწოროთ და წარსული დაივიწყოთ. დაე, ყველაფერი გიჟურ 2020 წელში დარჩეს.

გამოამჟღავნეთ თქვენი გრძნობები და დეკემბერი შეიძლება ცოტათი უფრო სახალისო გახდეს 😉 და ასევე დაიჭირეთ წარმატების ტალღა პროფესიულ სფეროში. თქვენ ერთი მეორეზე უფრო ზღაპრული პერსპექტივა გაქვთ – არ გაუშვათ ხელიდან. შეგიძლიათ საზღვარგარეთ გაემგზავროთ. სიგიჟის საზღვრებს გარეთ. ამ მოგზაურობისთვის ნამდვილად გექნებათ საკმარისი თანხა.

ლომი

თქვენთვის დეკემბერი ზედმეტად ატომური იქნება. ამ სიტყვის კარგი მნიშვნელობით. შეიძლება ისეთი შეგრძნებაც კი გქონდეთ, რომ გარშემო ყველა გაგიჟდა და სამყარო თავდაყირა დადგა (თუ რამე, ეს დიდი ხნის წინ მოხდა), მაგრამ ამ გზით ცხოვრება ახალ შესაძლებლობებს გაძლევთ. ეძებეთ ჰარმონია საკუთარ თავში და აკონტროლეთ ის მომენტი, როდესაც დროულად უნდა გაჩუმდეთ.

შეგიძლიათ სანატორიუმში გაემგზავროთ. ესაუბრეთ ბრძენ ბებიებს, რომლებიც თავიანთ ცხოვრებისეულ გამოცდილებას გაგიზიარებენ. დალიეთ წყალი, აღიდგინეთ ძალა და გააცნობიერეთ, რომ ცხოვრებაში ყველაფერი შეგიძლიათ შეცვალოთ. თუ ძალაინ მოინდომებთ. 😉

ქალწული

ეს თქვენი ვარსკვლავური საათია! უბრალოდ და ზედმეტი სიტყვების გარეშე. მოუსმინეთ რას ამბობს თქვენი შინაგანი ცენზორი. ის ცუდს არ გირჩევთ. ასევე მოუსმინეთ რას გეუბნებიან და გირჩევენ მეგობრები და ახლობელი ადამიანები, ჭორიკნებს კი უთხარით, როგორც არია სტარკმა – „დღეს არა“. ემოციური კარუსელიც შეგხვდებათ, მაგრამ შეეცადეთ იგი ყვავილებით დაამშვენოთ და სიამოვნებით იტრიალოთ. ამას უფრო მეტი აზრი ექნება. სხვათა შორის, კარუსელზე ტრიალი კარპატებშიც შეგიძლიათ. იქ ახლა ძალიან ლამაზია!

სასწორი

ყველა საიდუმლო ადრე თუ გვიან რაღაც მოულოდნელობად იქცევა. მაგალითად, რომელიმე ახლობელი თავის ფარულ მხარეს გიჩვენებთ. კარგია თუ ცუდი – თქვენ გადასაწყვეტია. ვარსკვლავები გირჩევენ, თქვენც არაფერი დამალოთ. არაფერი კარგი არ გამოვა. დეკემბრის მეორე ნახევარი – პერსპექტიული ნაცნობობის გაბმის შანსია.

ეს შეიძლება მოხდეს ყველაზე მოულოდნელ ადგილებშიც კი. მაგალითად, ლვოვის კაფეში ან საშობაო ბაზრობაზე (თუ, რა თქმა უნდა, იქნება). მოკლედ, იმოგზაურეთ, მაგრამ გახსოვდეთ სოციალური დისტანციის შესახებ.

მორიელი

ნუ უგულებელყოფთ ახლობლების რჩევას და დახმარებას. ისინი თქვენ მხოლოდ საუკეთესოს გისურვებენ. და შეწყვიტეთ თქვენი მეორე ნახევრისთვის შეკითხვის დასმა „ვინ არის „დედა“ შენს ტელეფონში“. მეტი ნდობა და თავდაჯერებულობა. ახლა თქვენთვის საუკეთესო დრო არ არის მოგზაურობისთვის. შეგიძლიათ უბრალოდ დაგეგმოთ მოგზაურობა 2021 წლისთვის. დაისვენეთ, სავაჭრო ცენტრში შეიძინეთ ახალი წლისთვის საჭირო ყველა ნივთი და აღჭურვილობა და სახლი მეფურად მორთეთ. რაც მთავარია, სხვა „კორონა“ არ შეგეყაროთ. თავს გაუფრთხილდით.

მშვილდოსანი

მოთმინება იქონიეთ, ეს ცხელი თვე იქნება. თქვენ შეძლებთ მოაგვაროთ დიდ ხნის პრობლემები და ყველა ბოლო გადაჭრათ. უბრალოდ უნდა იცოდეთ რომელი ბოლო უნდა გადაჭრათ, და რომელი გაიზროთ და აპატიოთ. ახლა თქვენთვის მთავარია – საკუთარ თავზე სულიერი მუშაობა. ტაძარში გაქცევა და ლოტოსის პოზაში ჯდომა არ არის აუცლებელი. საკმარისია დაიწყოთ ხატვა, სიმღერა, ცეკვა, ბოლოს და ბოლოს ორცხობილის ცხობა და ბედნიერება გეწვევათ. ახალი წლის დღესასწაულებზე შეგიძლიათ ქვეყნის გარშემო ავტომოგზაურობით გაემგზავროთ. უმჯობესია იმ ადამიანებთან ერთად, ვისთანაც ერთ ტალღაზე იმყოფებით.

თხის რქა

ვიღაც მიდის, ვიღაც მოდის – ეს ნორმაა. განსაკუთრებით ამ წელს, როდესაც გსურს ყველაფერი რაც შეიძლება სწრაფად დასრულდეს. შეაჯამეთ ეს წელიწადი, მაგრამ არაფერი ახალი არ დაიწყოთ. მოდუნდით, აიღე ერთი ჭიქა ღვინო ერთ ხელში, მეორეში შეგიძლიათ სამუშაო რვეული დაიტოვოთ და ყველა დაგროვილი საკითხი მშვიდად გადაწყვიტოთ.

საახალწლოდ შეგიძლიათ გახსნათ სურვილების სია და თამამად გადაწეროთ მსოფლიოს ყველა ქვეყანა „must-visit“ გრაფაში. 2021 წელი მოგზაურობის მხრივ თქვენთვის სუპერ-გულუხვი იქნება.

მერწყული

მოემზადეთ. ახლა ყველანაირი „ოპოსუმი“ ელემენტარული წვრილმანების ახსნის თხოვნით აგეკიდებათ. არ გააკეთოთ რეაგირება ამ ყველაფერზე, უფრო ჯანმრთელი იქნებით. თქვენთვის დეკემბერი – ყველაფერი ძველისგან და უსარგებლოსგან განთავისუფლების თვეა.

წესრიგში მოიყვანეთ თქვენი შინაგანი სამყარო: თაროებზე განათავსეთ ყველა კრედო და სტერეოტიპი. რაღაც გადააგდეთ, რაღაც შეგიძლიათ განაახლოთ. მთავარია, კავშირების გაწყვეტის მცდელობისას ზედმეტი არ მოგივიდეთ. ზოგიერთი ადამიანი დაგჭირდებათ იმისათვის, რომ ერთად იმოგზაუროთ. სხვათა შორის, ამ მხრივ, დეკემბერი ყველა კარს გიხსნით.

თევზები

გადადევით ყველა თქვენი სამუშაო დავალება და გაიქეცით საწოლისკენ. ახლა უფრო მეტი დასვენება გჭირდებათ. ორგანიზმი შესაძლოა ცოტათი დასუსტდეს და ახლა სწორედ იმის დროა, რომ მას გამადიდებელი შუშის ქვეშ გულდასმით დააკვირდეთ. ამ თვეში ძველი პრობლემების მოგვარებასა და 2021 წელში ორკესტრითა და ფეიერვერკით შესვლას შეძლებთ.

მოგზაურობიდან ახლა თქვენ მხოლოდ ერთი გზა გელით – ოთახიდან სამზარეულოსკენ და უკან. შეგიძლიათ მოაწყოთ ფრანგული ან იტალიური კინოს საღამო. ვარსკვლავები ღვინის მირთმევის ნებასაც გრთავენ. ეს არასდროს გავნებთ 😉

Posted in ბლოგი and tagged , , .