ლონდონი

20 ყველაზე საინტერესო ადგილი, რომელიც ლონდონში უნდა იხილოთ

London is the capital of Great Britain“ – ამ ფრაზის გამეორებისას რამდენჯერ წარმოგედგინათ თავი ამ ქალაქში? როგორც ჩანს, ბიგ ბენი და ბუკინგემის სასახლე ჩვენს ფანტაზიებში სრულად შესწავლილი გვაქვს. მაგრამ თუ ლონდონში მოხვდით, რა შეიძლება დაათვალიეროთ მათ გარდა? Aviabiletebi.org 20 ყველაზე საინტერესო ადგილის შესახებ გიამბობთ, რომელიც აუცილებლად უნდა იხილოთ ლონდონში!

1. ბიგ-ბენი

ყველაზე საინტერესო ადგილებთან გაცნობა უმჯობესია კლასიკით დაიწყოთ – ლონდონის სიმბოლოთი, რომელსაც ადგილობრივი მოსახლეობა  ხუმრობით ხშირად დიდ სამრეკლოს უწოდებს, ხოლო  2012 წლიდან ოფიციალურად ეწოდა ელისაბედის კოშკი. ლონდონის ეს ღირსშესანიშნაობა ნამდვილად არ გამოგრჩებათ მხედველობიდან – ბიგ-ბენი ქალაქის მთავარი ორიენტირია.

2. პარლამენტი

მდინარე ტემზას სანაპიროზე მდებარე პომპეზურ ნაგებობას ლონდონის მკვიდრნი უბრალოდ პარლამენტის შენობას უწოდებენ. თუ დიდი ბრიტანეთის პოლიტიკის შესახებ უფრო მეტი გსურთ გაიგოთ, შეგიძლიათ ექსკურსია შეუკვეთოთ (სტანდარტული ექსკურსია გიდით ღირს 30 ევრო მოზრდილთათვის და 12 ევრო ბავშვებისთვის), მაგრამ უმრავლესობა მიიჩნევს, რომ ეს ზედმეტია დ სასახლის გარედან დათვალიერებით შემოიფარგლება გვერდით მდგომი ბიგ-ბენის ჩათვლით.

როგორ მოვხვდე?

3. ბუკინგემის სასახლე

უესტმინსტერის სასახლის მსგავსად, დიდი ბრიტანეთის დედოფლის რეზიდენცია ღიაა საზოგადოებისთვის, მაგრამ ბევრი მის ხილვას კარიბჭის მიღმა ამჯობინებს. მაგრამ თუ თქვენ მაინც გსურთ იცოდეთ, თუ როგორ ცხოვრობენ მონარქები, შეგიძლიათ  ექსკურსიას შეუერთდეთ. 40 ევროს საფასურად თქვენ იხილავთ საზეიმო დარბაზებს, გალერეასა და საჯინიბოს, ასევე სასახლის გარშემო გაშენებულ ბაღებშიც გაისეირნებთ. ასევე ხელმისაწვდომია უფრო იაფფასიანი ექსკურისები. ბუკინგემის სასახლის ვიზიტის საათებისა და ექსკურსიების ღირებულების შესახებ ინფორმაციას ოფიციალურ ვებ-გვერდზე გაეცნობით.

4. სათვალთვალო ბორბალი

ის, რაშიც ნამდვილად ღირს ფულის დახარჯვა, სათვალთვალო ბორბლის – „ლონდონის თვალის“ ვიზიტია. იგი  2000 წელს აიგო და მსოფლიოში ყველაზე მაღალ ეშმაკის ბორბლად ითვლება. იგი უდავოდ ლონდონის საუკეთესო სათვალთვალო მოედანია, ამგვარად 23 ევროს გადახდა –  არაფერია იმასთან შედარებით, რასაც 30 წუთიანი ბრუნვის დროს იხილავთ. გირჩევთ „ლონდონის თვალზე“ ბილეთები წინასწარ ონლაინ დაჯავშნოთ. ეს დროისა (სალაროში გრძელი რიგებია ხოლმე) და თანხის (შესვლის დროს  15%-ით მეტის გადახდა მოგიწევთ) დაზოგვის საშუალებას მოგცემთ.

როგორ ჩავფრინდე ლონდონში იაფად?

დაჯავშნეთ ავიაბილეთი ქუთაისიდან

პირდაპირი ფრენები Kutaisi-დან London-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

25.04.2019

28.04.2019

ფასი 345

13.06.2019

20.06.2019

ფასი 342

18.07.2019

25.07.2019

ფასი 912

5. ტრაფალგარის მოედანი

ეს არის ქალაქის ერთ-ერთი ცენტრალური მოედანი, რომლის ცენტრში მდებარეობს ცნობილი ნელსონის სვეტი. დღეს მოედანი  საზოგადოებრივ ზონად იქცა, სადაც ხალხი დასასვენებლად და შადრევნების სანახავად მოდის. ხოლო საახალწლო დღესასწაულების დროს  სწორედ აქ დგამენ უზარმაზარ ნაძვის ხეს და ტრაფალგარის მოედანი საშობაო ბაზრობად იქცევა ხოლმე.

6. ბუნებისმეტყველების მუზეუმი

თუნდაც თქვენ არ იყოთ დაინტერესებული საბუნებისმეტყველო ისტორიით,  სამხრეთ კენსინგტონში წასვლა და მუზეუმის შენობის დათვალიერება ნამდვილად ღირს. ხოლო თუ შიგნით შესვლას გადაწყვეტთ, ძალიან გაოცებული დარჩებით ექსპოზიციის სიდიდითა და გამოფენების რაოდენობით. სხვათა შორის, თუ იმაზე ფიქრობთ, თუ რა შეიძლება მოინახულოთ ლონდონში ბავშვებთან ერთად, მაშინ ეს მუზეუმი თავისი დინოზავრებისადმი მიძღვნილი კოლექციებით  ნამდვილი მიგნებაა პატარა მოუსვენარი სტუმრებისთვის. თავგადასავლების მაძიებლებს  აქ მზის ჩასვლის შემდეგაც შეუძლიათ მოსვლა – ე.წ. „ღამის საფარიზე“. ექსკურსიები და ბილეთების ფასები შეგიძლიათ  ოფიციალურ ვებ-გვერდზე იხილოთ.

7. წმინდა პავლეს ტაძარი

ეს ტაძარი ლონდონის ქალაქის ერთ-ერთი მნიშვნელოვანი ადგილი და სავიზიტო ბარათია. მისი მშენებლობა XVII საუკუნის დასაწყისში დაიწყო, მაგრამ 1666 წლის ლონდონის დიდი ხანძრის შემდეგ ტაძრის მშენებლობა ხელახლა გახდა საჭირო. ღირსშესანიშნაობების შესანიშნავი ხედი ათასწლეულის ხიდიდან იშლება, რომელიც აქვე ახლოს მდებარეობს. ტაძარი ღიაა საზოგადოებისათვის 7:30 დან 17:00 საათამდე, ონლაინ შეკვეთის შემთხვევაში ბილეთების ღირებულებაა 18 ევრო მოზრდილთათვის და 9 ევრო ბავშვებისთვის.

8. გალერეა „Tate Modern“

ტემზას სანაპიროებზე მდებარე გალერეის შენობაც კი უნიკალურია, რომ აღარაფერი ვთქვათ იმის შესახებ, რაც შიგნით გელით.  აქ ნახავთ ბრიტანელი და უცხოელი თანამედროვე მხატვრების შედევრებს. სასიამოვნოა, რომ გალერეაში შესვლა უფასოა. სამუშაო საათებია: კვირა – ხუთშაბათი 10:00-18: 00 საათამდე, პარასკევი – შაბათი 10:00-22:00 საათამდე.

9. გლობუსი

Tate Modern-თან ახლოს  ცნობილი „გლობუსი“ მდებარეობს – თეატრი, რომელშიც თავად უილიამ შექსპირი თამაშობდა. რა თქმა უნდა, დღეს თეატრის პირვანდელი სახის  მხოლოდ რეკონსტრუქციის ხილვას შეძლებთ, მაგრამ მის თანამედროვე სახეც კი – ღია ჩალის სახურავი და ხის სცენა – თითქოს XVII საუკუნეში გვაბრუნებს. დღისით აქ ექსკურსიებს აწყობენ (€16 მოზრდილთათვის და €10 ბავშვებისთვის), საღამოს კი წარმოდგენებს მართავენ. თეატრის აფიშა მის ოფიციალურ ვებ-გვერდზე შეგიძლიათ იხილოთ.

10. ტაუერის ხიდი

ლონდონის ერთ-ერთი ყველაზე ნიშანდობლივი ღირსშესანიშნაობა და მსოფლიოში ყველაზე ცნობილი გასახსნელი ხიდი. უახლოესი მეტროს სადგურია Tower Hill. ნუ დაიზარებთ და ეწვიეთ ამ ხიდს, რათა ქალაქის ეს სიმბოლო ტემზას ნაპირიდან  გადაიღოთ.

11. ცათამბჯენი „The Shard“

2012 წელს აშენებული ეს ცათამბჯენი ევროპაში ყველაზე მაღალია. მისი სიმაღლე 309 მეტრია, სართულების რაოდენობა – 73. 68-ე, 69-ე და 72-ე სართულებზე სათვალთვალო მოედნებია მოწყობილი, რომლებიც საზოგადოებისათვის მხოლოდ 2013 წელს გაიხსნა. მზად იყავით იმისათვის, რომ აქედან გადაშლილი ქალაქის ხედი გაგაოცებთ, განსაკუთრებით კი საღამოს გირჩევთ მოსვლას. დღისით ბილეთის საფასურია მოზრდილთათვის €30, ბავშვებისთვის – €24, ღამით კი – €42 და €35.

სად შეიძლება ვიცხოვროთ?


სასტუმროები London-ში: 3 stars

სასტჯუმრო ვარსკვლავი ფასდაკლება ფასი 1 ღამით აირჩიეთ თარიღები

Hampton By Hilton London Stansted Airport

★★★

-9%

267243

სასტუმროს ნახვა

The Cock Inn Hotel

★★★

-11%

316281

სასტუმროს ნახვა

The White Hart Hotel

★★★

-15%

392332

სასტუმროს ნახვა

12. ტაუერის ციხესიმაგრე

იგი ლონდონის ერთ-ერთი უძველესი ძეგლია. ციხესიმაგრე 1066 წელს აშენდა, სადაც 1100 წლიდან 1952 წლამდე ციხე მდებარეობდა, ახლა კი – ქალაქის ისტორიისადმი  მიძღვნილი მუზეუმი. მთავარი ექსპონატი – სამეფო გვირგვინია. თუ ტაუერის ბილეთს წინასწარ ონლაინ შეიძენთ, მისი ღირებულება იქნება 27 ევრო მოზრდილთათვის და 12 ევრო ბავშვებისთვის. ნამდვილად გირჩევთ ამ ადგილს ექსკურსიით ეწვიოთ.

13. მერი ექსის კოშკი

კიტრი“ – ასე უწოდებს ამ 180 მეტრიან ცათამბჯენს ადგილობრივი მოსახლეობა. და მიუხედავად იმისა, რომ იგი არ ითვლება ღირსშესანიშნაობად და აქ არ არის სათვალთვალო მოედანი (მხოლოდ ოფისებია), ეს კოშკი ლონდონის თანამედროვე სიმბოლოდ და ქალაქის კარგ ორიენტირად იქცა.

14. ჰაიდ-პარკი

ეს არის ქალაქის ნამდვილი შუაგული!  ლონდონის ცენტრში მდებარე სამეფო პარკი აუცილებლად უნდა გახდეს თქვენი მარშრუტის შემადგენელი ნაწილი. ნუ დაზარებთ აქ მოსვლას. ცალკე აღნიშვნის ღირსია ლამაზი გუბურა Serpentine, თუ შეძლებთ ნავი იქირავეთ დ კენსინგტონის სასახლისკენ ნავით გაისეირნეთ.

15. პლატფორმა 9¾

თუ ჰარი პოტერის წიგნების სერიის ფანატი ბრძანდებით, არ გაუშვათ ხელიდან შესაძლებლობა ძველი რკინიგზის სადგურს კინგს-კროსს ეწვიოთ.  აქ შეძლებთ გადაიღოთ სურათი გრიფინდორის შარფით და თავი მოაჩვენოთ, თითქოს სვეტში გადადიხართ.

16. ყარაულის შეცვალა ბუკინგემის სასახლესთან

ამ ცერემონიის ხილვა  სურს ყველას, ვინც ლონდონს პირველად ეწვია. მართალია, ამ შემთხვევაში, მოლოდინი  რეალობას აღემატება. მაგრამ თუ თქვენი მოგზაურობა ლონდონში აპრილიდან ივლისის ჩათვლით მიმდინარეობს და ბუკინგემის სასახლის შენობასთან აღმოჩნდებით 11:15 საათიდან 12 საათამდე, გირჩევთ შეყოვნდეთ  და იხილოთ ეს „შოუ“. წელიწადის სხვა დროს ცერემონია ხშირად უქმდება ხოლმე უამინდობის გამო.

17. უაითჰოლი

ეს არის უზარმაზარი პლატფორმა, სადაც ლონდონის აღლუმები იმართება ხოლმე. ყოველდღე ბუკინგემის სასახლესთან ყარაულის შეცვლის ცერემონიის დროს აქ ცხენოსანი გვარდიაც შეგიძლიათ იხილოთ. უაითჰოლზე საცხენოსნო გვარდიის მუზეუმიც მდებარეობს. შესასვლელი ბილეთის საფასურია €8 მოზრდილთათვის და €6 ბავშვებისთვის.

18. დიდი ბრიტანეთის პრემიერ-მინისტრის რეზიდენცია

უაითჰოლთან ახლოს მდებარეობს პატარა შესახვევი დაუნინგი, სადაც 10 ნომერში დიდი ბრიტანეთის პრემიერ-მინისტრის რეზიდენციაა განთავსებული. სამწუხაროდ, ამ საინტერესო ადგილის მონახულება არ არის შესაძლებელი, მაგრამ შეგიძლიათ შორიდან მაინც შეხედოთ. საინტერესო ფაქტი: რეზიდენციაში, რომელიც უკვე 200-ზე მეტი წლისაა, სპეციალური კატები-ვირთხისმჭერები მსახურობენ. დღეს ეს საპატიო თანამდებობა კატა ლარის უკავია.

19. უბანი Covent Garden

ლონდონის ცენტრალური უბანი, სადაც დღე და ღამე სიცოცხლე ჩქეფს. გსურთ აქაური ცხოვრების რიტმი შეიგრძნოთ? მაშინ ამ ადგილს უნდა ეწვიოთ, სადაც თავმოყრილია უამრავი მაღაზია, რესტორანი, ბარი და კაფე.  კოვენტ-გარდენში ასევე მდებარეობს განთქმული  სამეფო საოპერო სახლი.

20. მოედანი პიკადილი

ტაიმზ-სკვერის ლონდონის ვარიანტი – აქაც მრავალი ოფისი, მაღაზია და სარეკლამო პლაკატია. მოედანი  ვესტმინსტერის ცენტრში მდებარეობს, რომელიც მუდამ ძალიან ხმაურიანი და აქტიურია. გირჩევთ ამ ადგილს საღამოს ეწვიოთ, როდესაც ნეონის აბრებია განათებული. და გაფრთხილებთ: ნუ იჩქარებთ მოედანზე განთავსებულ დაწესებულებებში შესვლას, რადგან ადგილობრივ რესტორნებსა და კაფეებში ზედმეტად მაღალი ფასებია.

ავიაბილეთები ამ თვეში Tbilisi-დან London-მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

20.04.2019

24.04.2019

Direct

ფასი 1 633

22.04.2019

23.04.2019

1 stop

ფასი 1 676

25.04.2019

02.05.2019

1 stop

ფასი 1 211

26.04.2019

03.05.2019

1 stop

ფასი 1 089

30.04.2019

01.05.2019

1 stop

ფასი 1 203

ასევე წაიკითხეთ:

Posted in ბლოგი, კრებულები and tagged , , , .