იტალია განთქმულია იმით, რომ მისი ქალაქები ღია ცის ქვეშ მუზეუმების მსგავსია და ფლორენცია არ არის გამონაკლისი. დღეს ჩვენ გიამბობთ თუ რომელი ყველაზე საინტერესო ადგილი უნდა იხილოს თითოეულმა ტურისტმა ფლორენციაში.

ფლორენციას უმჯობესია გაეცნოთ გამოცდილ ადგილობრივ გიდთან ერთად, რომლებიც ქალაქის ყველაზე საინტერესო ადგილებს გიჩვენებთ და მათ ისტორიას გიამბობთ. ჩვენ კი მოკლედ გიამბობთ ზოგიერთი მათგანის შესახებ.

1. სანტა-მარია-დელ-ფიორე

წმინდა მარიამის საკათედრო ტაძარი, რომლის გუმბათიც ტურისტებისთვის კარგად ცნობილია ღია ბარათებსა და გზამკველევებში განთავსებული ფოტოებიდან, უკვე დიდი ხანია ფლორენციის სავიზიტო ბარათია. იტალიის სხვა მრავალი ეკლესიისა და ტაძრის მსგავსად, სანტა-მარია-დელ-ფიორე – ნამდვილი საგანძურია. შენობის შესანიშნავი არქიტექტურა თავისი სიდიადიათა და სიმდიდრით არ ჩამოუვარდება როგორც ტაძრის შიდა მორთულობას, ისე მხატვრულ მარგალიტებს – მიქელანჯელოს „პიეტას“ (ქრისტეს დატირება) და დონატელოს „მარიამ მაგდალინელის“ ტილოებს. ტაძრის გუმბათზე განთავსებული სათვალთვალო მოედნიდან კი ქალაქის ულამაზესი ხედი იშლება.

მისამართი: ტაძარი მდებარეობს Piazza del Duomo, 17.

სამუშაო საათებია: ორშაბათი – ოთხშაბათი, პარასკევი 10 საათიდან 17:00 საათამდე; ხუთშაბათი – 10:00 საათიდან 15:30 საათამდე, შაბათი 10:00 საათიდან – 16:45 საათამდე (15:30 საათამდე ყოველი თვის პირველ შაბათს); კვირა – 13:30-16:45.

ტაძარში შესვლა უფასოა.

გუმბათი ღიაა ყოველდღე 08:30 საათიდან 19:00 საათამდე, შაბათს – 08:30 საათიდან 16:40 საათამდე (15:30 საათამდე ყოველი თვის პირველ შაბათს); ტაძარში არსებული მუზეუმი მუშაობს ყოველდღე (09:00 საათიდან 19:30 საათამდე, კვირას 09:00 საათიდან 13:45 საათამდე).

მუზეუმსა და კრიპტში შესვლა – €10.

შეამოწმეთ >>> ავიაბილეთები ფლორენციის მიმართულებით

2. პონტე ვეკიო

სავარაუდოდ ფლორენციის ყველაზე ცნობადი ხიდი, რომელიც ასევე უნდა შეიტანოთ ფლორენციაში აუცილებლად მოსანახულებელი ადგილების სიაში. ხიდი მდინარე არნოზეა აგებული და საღამოობით მოციმციმე სინათლის ფონზე გაცოცხლებული ზღაპარივით გამოიყურება.

მდებარეობა: პონტე ვეკიო მდებარეობს ერთ სანაპიროზე პალაცო ვეკიოსა და გალილეოს მუზეუმის, ხოლო მეორე სანაპიროზე – Piazza Santa Felicita-ს მახლობლად.

3. პალაცო ვეკიო

ხიდი ვეკიოს რომანტიკით ტკბობის შემდეგ, იმავე სახელწოდების სასახლეს ეწვიეთ, ან, როგორც ფლორენციელები ამბობენ, „პალაცოს“. თავდაპირველად ჩაფიქრებული იყო როგორც ციხესიმაგრე, მაგრამ შემდგომში მედიჩების რეზიდენციად იქცა. დღეს დამთვალიერებლებს შეუძლიათ სასახლის მდიდრული მორთულობითა და იტალიელი დიდგვაროვნებისთვის დამახასიათებელი დიდებული ინტერიერით დატკბნენ.

მისამართი: პალაცო მდებარეობს Piazza Signoria, 1.

ფასი: შესასვლელი ბილეთის ღირებულებაა €6.

4. გალერეა უფიცი

დანაშაულია ფლორენციაში ჩახვიდეთ და მსოფლიოში ცნობილ გალერეა უფიცის არ ეწვიოთ. იგი მართლაც იმსახურებს ფლორენციის საგანძურის წოდებას: სწორედ აქ ინახება მსოფლიოს ხელოვნების შედევრები, როგორიცაა ბოტიჩელის „ვენერას დაბადება“, მიქელანჯელოს „წმიდა ოჯახი“, ასევე ჯოტოს, კარავაჯოს, ტიციანის, რუბენსისა და ლეონარდო და ვინჩის ნამუშევრები.

გალერეა უფიცი იტალიური რენესანსის გაცნობის საუკეთესო ადგილია, ამიტომ თუ ხელოვნებით ხართ დაინტერესებული, გირჩევთ ცალკე დრო გამონახოთ ამ ადგილის დასათვალიერებლად.

გალერეის მისამართია: Piazzale degli Uffizi.

სამუშაო საათებია: სამშაბათი – შაბათი 08:15 საათიდან 18:50 საათამდე. დასვენების დღეებია: ორშაბათი, 25 დეკემბერი, 31 დეკემბერი და 1 მაისი.

ბილეთის ღირებულება – €26. >> შესასვლელი ბილეთები აქ

5. სინიორიის მოედანი

ფლორენციის ნებისმიერი კუთხის მსგავსად, ეს მოედანიც ისტორიის ცოცხალი განსახიერებაა: ძველ დროში აქ ფლორენციის რესპუბლიკის მთავრობა (სინიორია) მდებარეობდა, საიდანაც ეს სახელწოდება მიიღო.

აქვე წყდებოდა სახელმწიფო საქმეები და აღესრულებოდა განაჩენი. დღეს აქ შესანიშნავი ქანდაკებების სანახავად მოდიან: მიქელანჯელოს „დავითის“ ასლის, დონატელოს „ჰერკულესისა“ და „იუდითის“, და ასევე „ნეპტუნის“ შადრევანში მონეტის ჩასაგდებად მოდიან – კიდევ ერთხელ დაბრუნების მიზნით.

როგორ მივიდეთ: სანტა-მარია-ნოველას სადგურიდან მოედნამდე 15 წუთში ფეხით შეგიძლიათ მიხვიდეთ.

6. მიქელანჯელოს მოედანი

თუ ფლორენციის საუკეთესო პანორამის ხილვა გსურთ, ეს ადგილი აუცილებელი სანახავია: მიქელანჯელოს მოედანზე იგი 10+-ითაა!

განსაკუთრებით ლამაზი ხედია მზის ჩასვლისას და საღამო ხანს, როდესაც ქვემოთ გადაშლილ ქალაქში ათასობით შუქი ინთება.

7. ბობოლის ბაღები

აღორძინების ეპოქის ხელოვნების ბაღისა და პარკის უნიკალური ნიმუში – ბობოლის ბაღები. გაისეირნეთ მიხვეულ-მოხვეულ ბილიკებზე, შეისწავლეთ საიდუმლო მღვიმეები ან პარკის სილამაზით დატკბით ერთ-ერთ ტალავერში ან შადრევანთან… პარკის სათვალთვალო მოედნიდან კი ფლორენციის ულამაზესი ხედი იშლება.

მდებარეობა: ბობოლის ბაღები პიტის პიაცაზე მდებარეობს (უშუალოდ პიტის პალაცოს აკრავს).

სამუშაო საათებია: ნოემბერი-თებერვალი – 8:15-16:30; მარტი – 8:15-17:30; აპრილი, მაისი, სექტემბერი, ოქტომბერი – 8:15-18:30; ივნისი-აგვისტო – 8:15-19:30.

ფასი: ბილეთი 40 ევრო ღირს (გაძლევთ უფლებას შეხვიდეთ ვერცხლის მუზეუმში, ფაიფურის მუზეუმში, ბარდინის ბაღში და კოსტიუმების გალერეაში). დაჯავშნეთ ბილეთები პარკში შესასვლელი ბილეთი + აუდიო გიდი

პირდაპირი ფრენა ქუთაისიდან მილანი-ში

გამგზავრება	დაბრუნება	ფასი
25 იან 2025	28 იან 2025	ფასი 489
13 თებ 2025	20 თებ 2025	ფასი 306
13 მარ 2025	20 მარ 2025	ფასი 339
14 აპრ 2025	23 აპრ 2025	ფასი 383

8. სან ლორენცოს ბაზილიკა

სან ლორენცოს ეკლესიის სამლოცველო უდავოდ მიქელანჯელოს ერთ-ერთი ყველაზე განთქმული შემოქმედებაა. აქ ყველაფერი, მათ შორის მორთულობა და უამრავი ქანდაკება, წარუშლელ შთაბეჭდილებას ახდენს. განსაკუთრებულ ყურადღებას იმსახურებს დღე-ღამის ალეგორიული ფიგურები – დღის, ღამის, საღამოსი და დილის, რომლებითაც სარკოფაგებია მორთული, და ასევე შესანიშნავი ქანდაკება მადონა ჩვილით.

როგორ ვიმგზავროთ: სან-ლორენცოს ეკლესიაში # C1 ავტობუსით შეგიძლიათ იმგზავროთ (იმავე სახელწოდების გაჩერებაზე უნდა ჩამოხვიდეთ).

სამუშაო საათებია: კაპელა ღიაა ყოველდღე 08:15 საათიდან 16:50 საათამდე, გარდა დასვენების დღეებისა (25 დეკემბერი, 1 იანვარი და 1 მაისი).

ფასი: ბილეთის ღირებულებაა €15. დაჯავშნე წინასწარ და აცდი რიგებს სალაროებთან > შეიძინეთ შესასვლელი ბილეთები აქ

9. პალაცო მედიჩი-რიკარდი

ოდესღაც მედიჩის ოჯახის რეზიდენცია, დღეს კი სასახლე ქალაქის პრეფექტურის რეზიდენციაა და ნაწილობრივ ღიაა დამთვალიერებლებისთვის. ტურისტები უთუოდ დაინტერესდებიან მოგვთა კაპელით, რომელიც ბენოცო გოცოლის ფრესკითაა მორთული, ისევე როგორც სასახლის ზოგიერთი აპარტამენტებით.

მისამართი: Via Camillo Cavour, 3.

სამუშაო საათებია: პალაცო ღიაა ყოველდღე (ოთხშაბათის გარდა) 09:00 საათიდან 19:00 საათამდე.

ფასი: ბილეთის ღირებულებაა €25. სურათების გადაღება აკრძალულია.
ბილეთები: დაჯავშნეთ წინასწარ ბილეთები და გამოტოვეთ რიგები ადგილზე > შეძენა

10. ლანცის ლოჯია

ნამდვილი მუზეუმი ღია ცის ქვეშ, სინიორის მოედანზე მდებარე გალერეა ნამდვილად ღირს დასათვალიერებლად!

ლოჯია საუკეთესო ადგილია გალერეის თაღედის ქვეშ ნელი სეირნობისთვის, საუკეთესო იტალიელი ოსტატების ნამუშევრების ანტიკური გმირების ქანდაკებების დათვალიერებითა და ყოველი ნაბიჯით უძველესი ფლორენციის უნიკალურ ატმოსფეროში ჩაფლობით. მით უმეტეს, რომ ამისთვის არაფრის გადახდა არ მოგიწევთ!

11. ბარდინის ბაღი

კიდევ ერთი მწვანე ოაზისი ფლორენციის ქუჩების ქვის ლაბირინთებს შორის მდებარე ბარდინის ბაღია, რომელიც შემდეგ მისამართზე მდებარეობს: Costa San Giorgio, 2. ეს მწვანე კუთხე ჯერ კიდევ არ არის ფართოდ ცნობილი ტურისტებს შორის, ამიტომ შეძლო შუა საუკუნეების ფლორენციის უნიკალური სულისკვეთების შენარჩუნება, გარდა ამისა, ბაღიდან ქალაქის შესანიშნავი ხედი იშლება.

ფასი: ბარდინის ბაღში იგივე ბილეთი მოქმედებს, რაც ბობოლის ბაღებში (ფასი – €10).

სამუშაო საათებია: ბაღი ღიაა ზამთარში ყოველდღე 08:15 საათიდან 16:30 საათამდე, მარტში – 08:15 საათიდან 17:30 საათამდე – აპრილ-მაისში და სექტემბერ-ოქტომბერში – 08:15 საათიდან 18:30 საათამდე, ზაფხულში კი – 08:15 საათიდან 19:30 საათამდე.

12. სანტო სპირიტოს ბაზილიკა

სულიწმინდის ეკლესია, რომელიც ამავე სახელწოდების მოედანზე Piazza Santo Spirito მდებარეობს, ცნობილი არქიტექტორის ბრუნელესკის ერთ-ერთი საუკეთესო ნამუშევარია. არ მოტყუვდეთ ტაძრის მოკრძალებული გარეგნობით – იგი გაგაოცებთ აღორძინების საუკეთესო ტრადიციებით შესრულებული შიდა მორთულობის სიდიადით. ეკლესიაში შუასაუკუნეების ხელოვნების მუზეუმი ფუნქციონირებს, სადაც სტუმრებს შეუძლიათ იხილონ დონატელოს ორი ნამუშევრის ბარელიეფი, აგრეთვე ანდრეა ორკანიას „საიდუმლო სერობა“ და „ჯვარცმა“.

შესასვლელი ბილეთის ფასია €5 (მოზრდილთათვის) და €3 (ფასდაკლებით). მუზეუმში შესვლის საფასურია €2.20 და €1.70 შესაბამისად.

სამუშაო გრაფიკი: ზაფხულში – 09:00 საათიდან 17:00 საათამდე, ზამთარში – 10:30 საათიდან 13:30 საათამდე, ყოველდღე ორშაბათის გარდა.

13. სტიბერტის მუზეუმი

თუ შუასაუკუნეების ისტორიით ხართ დაინტერესებული, სტიბერტის მუზეუმი თქვენი ტურისტული მარშრუტის შესანიშნავი პუნქტია. მუზეუმში წარმოდგენილია ევროპისა და აღმოსავლეთის შეიარაღებისა და ამუნიციის უმსხვილესი კოლექცია, ასევე იმ ეპოქის კოსტიუმებისა და ხელოვნების ნიმუშების ექსპოზიცია.

სამუშაო საათებია: ორშაბათი – ოთხშაბათი – 10:00 საათიდან – 14:00 საათამდე, პარასკევი – კვირა – 10:00 საათიდან 18:00 საათამდე. დასვენების დღე – ხუთშაბათი.

ფასები: შესვლის საფასურია €8 (სრული) და €6 ფასდაკლებით (შეზღუდული შესაძლებლობების მქონე პირებისთვის, 12 წლამდე ასაკის ბავშვებისთვის, პენსიონრებისთვის).

მუზეუმის მისამართი: Via Federigo Stibbert, 26

მუზეუმში შესასვლელი ბილეთები: დაჯავშნა

14. პეტრაიას ვილა

ფლორენცია ძვირფასეულობის ზარდახშის მსგავსად, ყოველთვის შეძლებს თქვენს გაოცებას: აქ ყოველთვის აღმოაჩენთ რაღაც მოულოდნელსა და საინტერესოს. მაგალითად, პეტრაიას საოცარი ვილა, რომელიც ადრე მედიჩების ოჯახის მფლობელობაში იყო (Via della Petraia, 40).

აქ თქვენ შეგიძლიათ იმ აპარტამენტებში გაისეირნოთ, სადაც განთქმული ოჯახის წევრები ცხოვრობდნენ, ან შეგიძლიათ საკუთარი თავი ფლორენციელ დიდგვაროვნად წარმოიდგინოთ და ბაღში მშვენიერი პიკნიკი მოიწყოთ. დამატებითი პლუსია – ვილასა და ბაღში შესვლა უფასოა.

მდებარეობა: ვილა მდებარეობს ამერიგო ვესპუჩის სახელობის აეროპორტის მახლობლად.

როგორ ვიმგზავროთ: თქვენ შეგიძლიათ #5 ავტობუსით იმგზავროთ, რომელიც Rifredi Fs Vasco de Gama-ს მიმართულებით მოძრაობს და ჩამოხვიდეთ გაჩერებაზე Rigutini; აქედან ვილამდე 20 წუთის სავალია.

სამუშაო განრიგი: იანვარი, თებერვალი, ნოემბერი, დეკემბერი ორშაბათიდან პარასკევის ჩათვლით – 08:15 საათიდან 16:30 საათამდე. აპრილი, მაისი, სექტემბერი ნებისმიერ დღეს – 08:15 საათიდან 18:30 საათამდე, მარტში – 08:15 საათიდან 17:30 საათამდე. ზაფხულში – 08:15 საათიდან 19:30 საათამდე.

15. ნეპტუნის შადრევანი

როდესაც სინიორიის მოედანზე აღმოჩნდებით, აუცილებლად ეწვიეთ ბარტოლომეო ამანატის ნამუშევარს – ნეპტუნის შადრევანს.

თეთრი მარმარილოს შთამბეჭდავი სკულპტურული ჯგუფი ზღვის მბრძანებელს გამოსახავს სხვადასხვა მითიური არსებების – მაგალითად ნიმფების, სატირებისა და ქალთევზების მსგავსი არსებების გარემოცვაში. განსაკუთრებულ ყურადღებას იმსახურებს თავად ნეპტუნის ეტლი, რომელსაც ზღვის ცხენები ამოძრავებს და რომელიც ოსტატურად მორთულია ლამაზი ნიჟარებით.

16. გალილეოს მუზეუმი

ყველა ჩვენგანს ახსოვს სკოლის მერხიდან დიდი მეცნიერის ცნობილი ფრაზა, რომელიც ფრთიანი გახდა: „ის მაინც ბრუნავს“. ხოლო გალილეოსა და მისი აღმოჩენების შესახებ უფრო მეტის გაგებას შეძლებთ, თუ იმავე სახელწოდების მუზეუმს ეწვევით.

აქ თქვენ გიამბობენ (იტალიურ ან ინგლისურ ენებზე) თუ რითი იყო ცნობილი ეს იტალიელი ასტრონომიის გარდა. მუზეუმის მდიდარი და მრავალფეროვანი კოლექცია გულგრილს არ დატოვებს იმათაც კი, ვისაც სკოლაში ზუსტი მეცნიერებები არ უყვარდა.

მისამართი: Piazza dei Guidici, 1, პონტე ვეკიოსა და სინიორიის მოედნიდან ფეხით სავალ მანძილზე.

სამუშაო საათებია: მუზეუმი ღიაა ყოველდღე 09:30 საათიდან 18:00 საათამდე (სამშაბათი 09:30 საათიდან 13:00 საათამდე).

ფასები: ბილეთის ფასია 16 ევრო, 6-18 წლის ასაკის ბავშვებისთვის – €7.50, საოჯახო ბილეთი (2 მოზრდილი + 18 წლამდე ასაკის 2 ბავშვი) – €22. 6 წლამდე ასაკის ბავშვებისთვის უფასოა.

ბილეთების დაჯავშნა

17. სანტა-მარია-დელ-ფიორეს ტაძრის მუზეუმი

ხშირად ტურისტები, რომლებმაც ფლორენციის ერთ-ერთი მთავარი ტაძარი სანტა-მარია-დელ-ფიორე მოინახულეს, შეცდომით მიიჩნევენ, რომ ყველაზე საინტერესო უკვე იხილეს. მაგრამ ეს ასე არ არის! საკათედრო ტაძართან ფუნქციონირებს მუზეუმი და გირჩევთ აუცილბლად ეწვიოთ მას. სწორედ აქ იხილავთ ტაძრის ყველა საგანძურს, როგორიცაა მიქელანჯელოს „პიეტა“, დონატელოს მარიამ მაგდალინელის ხის ქანდაკება, გიბერტის „სამოთხის კარიბჭის“ მოოქროვილი ფილები და მრავალი სხვა.

მისამართი: მუზეუმი მდებარეობს მოედანზე Piazza del Duomo, 9.

ფასები: შესვლა უფასოა.
სამუშაო საათებია:
ორშაბათიდან შაბათის ჩათვლით 09:00 საათიდან 19:30 საათამდე,
კვირაობით 09:30 საათიდან 13:40 საათამდე.

18. ფლორენციის ისტორიული ცენტრი

იმ შემთხვევაში თუ თქვენ ფლორენციაში გავლით მოხვდით, მაგრამ მაინც გსურთ ქალაქის ლამაზი ადგილები დაათვალიეროთ, გირჩევთ ისტორიულ ცენტრს ეწვიოთ, რომელიც ტყუილად როდია შეტანილი იუნესკოს მსოფლიო მემკვიდრეობის სიაში.

სანტა-მარია-დელ-ფიორეს ტაძარი, წმინდა იოანეს ბაპტისტერია, მედიჩების სასახლე, სან-ლორენცოს ბაზილიკა, სან მარკოს მუზეუმი, აკადემიის გალერეა – ეს არ არის სრული სია იმ განძეულისა, რომელიც აქ შეგიძლიათ იხილოთ. თუმცა ნახევარი მაინც რომ მოინახულოთ, სამგზავრო ბილეთი უნდა შეიძინოთ – უბანი საკმაოდ დიდია. ამოსავალ წერტილად სანტა-მარია-ნოველას სადგური შეგიძლიათ გამოიყენოთ.

19. ფლორენციული ბაპტისტერია

ბაპტისტერია დუომოს ტაძრის მახლობლად მდებარეობს და ცნობილია, როგორც ფლორენციის უძველესი შენობა (იგი უკვე მე-9 საუკუნიდანაა ნახსენები). რა უნდა მოვინახულოთ აქ? განსაცვიფრებელად ლამაზი ინტერიერი, რომელიც თავისი სიდიადით გაგაოცებთ, XIII საუკუნის ჭერის ბიზანტიური მოზაიკა და პიზანოსა და გიბერტის ნამუშევრების ცნობილი მოოქროვილი პანელი, რომლითაც კარია მორთული. შესასვლელი ბილეთები აქ

სამუშაო საათბია: ბაპტისტერია ღიაა ორშაბათიდან შაბათის ჩათვლით 08:30 საათიდან 19:00 საათამდე, კვირაობით 08:30 საათიდან 14:00 საათამდე.

ფასები: ბილეთის ღირებულებაა €5, თუ სასაფლაო გსურთ მოინახულოთ – იგივე თანხა უნდა გადაიხადოთ. შეგიძლიათ საერთო ბილეთი შეიძინოთ (ბაპტისტერია, სასაფლაო, დუომო, მუზეუმი) 8 ევროდ.

20. მუზეუმის კომპლექსი პალაცო პიტში

მუზეუმი პიტის სასახლის შენობაში მდებარეობს და ცნობილია ხელოვნების ნიმუშების ვრცელი კოლექციით, რომლის შეგროვება ჯერ კიდევ „დიდებულად“ წოდებულმა ლორენცო მედიჩიმ დაიწყო. აქ იხილავთ არა მხოლოდ ვერცხლისა და ოქროს სამკაულს, არამედ უძველეს ამფორებსა და ვაზებს, სპილოს ძვლისა და ХIV საუკუნის ვენეციელი ოსტატების ცნობილ საიუველირო ნაკეთობებს. არ გამოგრჩეთ ექსპოზიციის მთავარი საგანძური – სინიორიის მოედნის მინიატურა, რომელიც ოქროთი და ძვირფასი ქვებითაა მორთული.

მისამართი: Piazza Pitti, 1.

სამუშაო საათებია: ნოემბერი-დეკემბერი – 08:15 საათიდან 16:30 საათამდე; მარტი – 08:15 საათიდან 17:30 საათამდე; აპრილი-მაისი და სექტემბერი-ოქტომბერი – 08:15 საათიდან 18:30 საათამდე; ზაფხულში 08:15 საათიდან 19:30 საათამდე.

მინიშნება: შეგიძლიათ თანხა დაზოგოთ და საერთო ბილეთი შეიძინოთ (ვერცხლის მუზეუმი + ბობოლის ბაღები + კოსტიუმების მუზეუმი) 6 ევროდ. კიდევ ერთი ვარიანტია – 3 დღის განმავლობაში მოქმედი ბილეთი. ამ ბილეთით შეგიძლიათ იხილოთ არა მხოლოდ ვერცხლის მუზეუმი, არამედ პალატინის გალერეა (პიტი), ბობოლის ბაღები, კოსტიუმების მუზეუმი და თანამედროვე ხელოვნების გალერეა – მხოლოდ 11.50 ევროდ.

მისამართი: Piazza Pitti, 1.