დუბაი

20 საინტერესო ადგილი, რომელთა მონახულება ღირს დუბაიში

დუბაი აგაღელვებთ და აღტაცებაში მოგიყვანთ! ამ საამიროს ტერიტორიაზე სავარაუდოდ თანამედროვეობის ყველა იმ საკვირველებამ მოიყარა თავი, რომლის წარმოდგენაც კი შეგიძლიათ. თუ რა უნდა ნახოთ და სად უნდა წახვიდეთ დუბაიში, რომ ქალაქის შესახებ სრული შთაბეჭდილება შეგექმნათ, ჩვენს სტატიაში გაიგებთ.

სტატიის შემადგენლობა

1. დუბაის ეროვნული მუზეუმი ალ ფაჰიდის ციხესიმაგრეში

დუბაი არ არის მხოლოდ სუპერ თანამედროვე სასტუმროები, პრემიუმ კლასის ბუტიკები და ფუტურისტული არქიტექტურა. ამაში დასარწმუნებლად ეწვიეთ დუბაის ალ ფაჰიდის ძველ ფორტში მდებარე ეროვნულ მუზეუმს. თქვენს წინაშე გადაიშლება საამიროს ისტორია უძველესი დროიდან თანამედროვეობამდე. ექსპოზიცია მოიცავს სავაჭრო გემებს, „დოუ“ და „შაშა“ ნავებს, მარგალიტის მომპოვებელთა ხელსაწყოებს (მათ შორის, ზვიგენებისგან დამცავ მოწყობილობას). გარდა ამისა, აქ ნახავთ საიუველირო ნაკეთობების, ძვირფასი ქსოვილებისა და ჭურჭლის წარმოუდგენელ კოლექციებს. მუზეუმში ექსკურსიას დაახლოებით ერთი საათი სჭირდება, ამიტომ იგი პატარა ბავშვსაც კი არ დაქანცავს.

მისამართი: მუზეუმი მდებარეობს Bur Dubai-ს რაიონში.
სამუშაო საათებია: შაბათიდან ხუთშაბათის ჩათვლით 08:30 საათიდან 20:30 საათამდე, პარასკევს 14:00 საათიდან 20:30 საათამდე.
ფასი: შესვლის საფასური 3 დირჰამია ($0,82).
როგორ მივიდეთ: უახლოესი მეტროსადგურია Al Fahidi, საიდანაც მუზეუმამდე ფეხით 10 წუთში შეგიძლიათ მისვლა.

2. ისტორიული რაიონი ბესტაკია

ძველ დროში ეს რაიონი დასახლებული იყო მდიდარი ვაჭრებითა და მარგალიტის მომპოვებლებით. დღეს აქ ნახავთ XIX-XX საუკუნეების არქიტექტურის სახლებს „ქარის კოშკებით“, თანამედროვე კონდიციონერების წინაპრებს, რომლებიც შენობის გაგრილებას უზრუნველყოფდა. ისტორიული ნაგებობებიდან ბასტაკიაში მდებარეობს ალ ფაჰიდის ციხე, მაჟილისის გალერეა და ბეით-ალ-ვაჰილის პირველი საოფისე შენობა. თუ დუბაის ისტორიული რაიონები უფრო ახლოს გსურთ გაიცნოთ, გირჩევთ ექსკურსიით გაემგზავროთ ბესტაკიაში, ფორტ ალ ფაჰიდიში, ძველ ბაზარსა და სხვა არანაკლებ საინტერესო ადგილებში.

მდებარეობა: ბასტაკია მდებარეობს კრიკის უბის ნაპირზე.
როგორ მივიდეთ: უახლოესი მეტროსადგურებია – Al Fahidi და Ghubaiba.

3. შეიხ საიდის სახლ-მუზეუმი

აქ გაეცნობით არა მხოლოდ მაკტუმების მმართველი დინასტიის ისტორიას, არამედ საოცრად ლამაზ ტრადიციულ არქიტექტურას და დიდგვაროვან არაბთა ოთახების მორთულობას. გარდა ამისა, თქვენ შეგიძლიათ დატკბეთ ქალაქისა და ყურის ჩინებული ხედით, რომელიც მეორე სართულის აივნებიდან იშლება.

მდებარეობა: Bur Dubai.
როგორ მივიდეთ: ##61 61D, 66, 67 ავტობუსებით (Wasl გაჩერება).
სამუშაო საათებია: მუზეუმი ღიაა შაბათიდან ხუთშაბათის ჩათვლით 08:00 საათიდან 20:30 საათამდე, პარასკევს 15:00 საათზე იღება.
ფასი: შესვლის საფასური 6 დირჰამია ($1,63).

როგორ ჩავიდეთ დუბაიში? იხილეთ ავიაბილეთები დუბაის მიმართულებით

ყველაზე იაფი ავიაბილეთები Tbilisi-დან Dubai-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

14.05.2020

20.05.2020

1 stop

ფასი 950

15.06.2020

19.06.2020

1 stop

ფასი 787

20.07.2020

28.07.2020

1 stop

ფასი 817

27.08.2020

01.09.2020

1 stop

ფასი 809

4. ჯუმეირას მეჩეთი

არაბული რელიგიური ხუროთმოძღვრების შესანიშნავი მაგალითი და ქვეყნის ერთადერთი მეჩეთია, სადაც არამუსლიმებს შეუძლიათ შესვლა. ამ ადგილის მონახულებისას თქვენ გაიგებთ, თუ როგორ აშენდებდნენ და ამკობდნენ აღმოსავლეთის ტრადიციულ მეჩეთებს.

ექსკურსიებს აქ ატარებს შეიხ მოჰამედის კულტურული გაგების ცენტრი პროგრამის ფარგლებში – „ღია კარი. ღია გონება“. ჯუმეირას მეჩეთი არამუსლიმებისთვის 2001 წლის 11 სექტემბრის მოვლენების შემდეგ გაიხსნა, რათა ტურისტებს ჰქონდეთ შესაძლებლობა გაეცნონ ისლამისა და არაბთა საამიროების მცხოვრებთა კულტურას.

შენიშვნა: მეჩეთში მკაცრი დრეს-კოდი მოქმედებს – სამოსით დაფარული მხრები, ფეხები და თავსაფარი ქალებისთვის, მაისური/პერანგი და შარვალი – მამაკაცებისთვის.

მეჩეთის მისამართი: Jumeirah Road, 1 (Palm Strip Mall სავაჭრო ცენტრის პირდაპირ).
სამუშაო საათებია: შაბათი – ხუთშაბათი, დილის 9:45 საათიდან დილის 11:15 საათამდე.
ექსკურსიები: იწყება 10:00 საათიდან და ინგლისურ ენაზე ტარდება.

5. ზოოლოგიური მუზეუმი „The Green Planet“

თუ არ იცით რა უნდა ნახოთ დუბაიში ბავშვებთან ერთად, ეწვიეთ ზოოლოგიურ მუზეუმს. ეს არის დახურული ოთხსართულიანი კომპლექსი, რომელშიც 3000-ზე მეტი მცენარე და ცხოველი ბინადრობს. ეს არის ნამდვილი ტროპიკული ტყე სახურავის ქვეშ! აქ საინტერესო ჯგუფური ექსკურსიები ტარდება, რომელთა დროსაც ვიზიტორები საოცარ ფლორასა და ფაუნას ეცნობიან. აკრძალულია მცენარეებთან შეხება და ცხოველების გამოკვება, მაგრამ ამ ეგზოტიკით ტკბობა – ყოველთვის მისასალმებელია.

მდებარეობა: City Walk, Al Wasel Road.
სამუშაო საათებია: კვირა-ოთხშაბათი 10:00 საათიდან 19:00 საათამდე, ხუთშაბათი-შაბათი 10:00 საათიდან 20:00 საათამდე.
ფასი: შესვლის საფასური 90 დირჰამია ($24,5).

6. აკვარიუმი დუბაი მოლში

ყველაზე დიდი აკვარიუმი მსოფლიოში, რომელიც გინესის რეკორდების წიგნშია შეტანილი, დუბაი მოლში მდებარეობს. აუცილებლად ეწვიეთ მას.

ცნობილ აკვარიუმში 33 000-ზე მეტი ზღვის ცხოველი და თევზი ბინადრობს, რომელთა ნახვა აკვარიუმის მთელ სიგრძეზე გაყვანილი გვირაბის მეშვეობით შეგიძლიათ. აქ ფანტასტიკური ხედვაა – 270 გრადუსი! – ასევე იმდენი სურათის გადაღება შეგიძლიათ, რამდენსაც მოისურვებთ.

მდებარეობა: აკვარიუმი მდებარეობს Dubai Mall- ში.
ფასი: შესვლის + შემეცნებითი ცენტრის ვიზიტის საფასური 50 დირჰამია, მაგრამ სავაჭრო დარბაზიდან შიგნით შესვლის გარეშეც კი შეგიძლიათ დაათვალიეროთ უზარმაზარი აკვარიუმი და მასში მობინადრე უამრავი თევზი – ეს სიამოვნება აბსოლუტურად უფასოა.

7. მუსიკალური შადრევანი დუბაიში

უკიდურესად ძვირადღირებულ დუბაიშიც კი შეგიძლიათ იპოვოთ უფასო გასართობი საშუალებები. ერთ-ერთი ყველაზე საინტერესო ადგილი, რომლის ნახვა 0 დოლარად შეგიძლიათ არის ბურჯ ხალიფას ცათამბრჯენის მახლობლად მდებარე მოცეკვავე და მომღერალი შადრევანი.

ყოველ საღამოს შადრევნის ნაკადი შუქთა კალეიდოსკოპით ნათდება საუკეთესო კლასიკური, ეროვნული და თანამედროვე მუსიკალური ნაწარმოებების თანხლებით.

განრიგი: სამუშაო დღეებში 18:00 საათიდან 22:00 საათამდე და შაბათ-კვირას 18:00 საათიდან 23:00 საათამდე, 20 წუთიანი ინტერვალით. დღის სეანსები 13:00 და 13:30 საათზე.
როგორ მივიდეთ: ##27, 29 და F13 ავტობუსებით გაჩერებამდე Dubai Mall Terminus და Burj Khalifa, მეტროთი სადგურამდე Burj Khalifa ან Dubai Mall Metro Station.

8. აკვაპარკი „Wild Wadi“

იდეალური ადგილია მძაფრი შეგრძნებების მოყვარულთათვის. აქ 30 არაბანალური ატრაქციონია. ყველაზე გაბედულთათვის – თავბრუდამხვევი მთები თავისუფალი ვარდნის ეფექტით და აუზები შტორმის ეფექტით. მაგრამ არ იდარდოთ. თუ თავგადასავლებს არ ხართ მოწყურებული, სკამზე ჯდომით ნამდვილად არ მოიწყენთ. აკვაპარკში „Wild Wadi“ აუცილებლად იპოვით თქვენი ძალისა და გემოვნების შესაფერის სასრიალოს.

მდებარეობა: აკვაპარკი მდებარეობს Burj Al Arab და Jumeirah Beach სასტუმროებს შორის.
როგორ მივიდეთ: შეგიძლიათ #8 ავტობუსით.
პარკის სამუშაო განრიგი: ნოემბერი-თებერვალი 10:00 საათიდან 18:00 საათამდე. მარტიდან მაისის ჩათვლით – 19:00 საათამდე. ივნის-აგვისტოში – 10:00 საათიდან 20:00 საათამდე. სექტემბრიდან ოქტომბრის ჩათვლით – 19:00 საათამდე.
საბავშვო ბილეთის (110 სმ-მდე სიმაღლის) ფასი – 175 დირჰამია (48 დოლარი).

9. არხი დუბაი კრიკი

შესანიშნავი შესაძლებლობა, რომ ქალაქი წყლიდან დაათვალიეროთ და დამატებით კოლორიტული ნავით გაისეირნოთ არხზე დუბაი კრიკი. გირჩევთ საზღვაო გასეირნებაზე საღამოს გაემგზავროთ, როდესაც ქალაქი წყალში არეკლილი მილიონობით ფერადი შუქითაა განათებული.

თავად სანაპიროზე შეგიძლიათ აუჩქარებლად ისეირნოთ დღისით, რათა დატკბეთ იმ არხის სილამაზით, სადაც გემები და იახტები დგას.

შენიშვნა! არ აგერიოთ მცირე ზომის სარეისო ნავები სპეციალურ საექსკურსიო ნავებში (ისინი უფრო დიდია) – ამ უკანასკნელით მგზავრობის ფასი რამდენჯერმე მეტია.

მისამართი: Dubai Creek Dubai Creek Park-ის მახლობლად (ჩასხდომის ადგილი – ყავის მუზეუმის მახლობლად, სანაპიროზე).
ბილეთის ფასი: 1 დირჰამი ($0,27).

10. ცათამბრჯენი ბურჯ ხალიფა

დუბაი პირველ რიგში ცნობილია თავისი მაღლივი და ფუტურისტული არქიტექტურული ნაგებობებით. ერთ-ერთი ყველაზე ცნობილი შენობაა ბურჯ ხალიფას ცათამბრჯენი, სხვათა შორის, მსოფლიოში ყველაზე მაღალი (828 მეტრი).

თუ გსურთ ორიოდე საათში მიხვდეთ, თუ რატომ სამართლიანად ითვლება დუბაი მომავლის ქალაქად – ამ ექსკურსიით ღრუბლებს ეწვიეთ.

124-ე სართულზე მდებარე სათვალთვალო მოედნიდან (472 მეტრის სიმაღლეზე) ქალაქის თავბრუდამხვევი (პირდაპირი მნიშვნელობით) და შესანიშნავი ხედი იშლება.

რჩევა: ვიზიტამდე შეამოწმეთ ამინდის პროგნოზი – დუბაიში ხშირია ნისლი, რომელმაც შესაძლოა მოედნიდან გადაშლილი ხედი ძლიერ გააფუჭოს.

ვიზიტის ფასები: მოედანზე ასასვლელად ბილეთი შეგიძლიათ პირველ სართულზე ან ინტერნეტით შეუკვეთოთ, რასაც დაჟინებით გირჩევთ. და უმჯობესია ეს წინასწარ გააკეთოთ (იდეალურ შემთხვევაში – ვიზიტამდე რამდენიმე დღით ადრე), მაშინ ფასი იქნება 125 დირჰამი ($34 აშშ) 400-ის ნაცვლად ($109), რომელსაც იმ შემთხვევაში გადაიხდით, თუ დაუყოვნებლივ ასვლას გადაწყვეტთ.
სამუშაო საათებია: მოედანი ღიაა 23:00 საათამდე.
მისამართი: 1 Sheikh Mohammed bin Rashid Blvd.

11. ალ მამზარის სანაპირო პარკი

ალ-მამზარი შესანიშნავი გამოსავალია მათთვის, ვისაც სურს ერთი დღე პლაჟზე გაატაროს. პარკის ტერიტორიაზე (შესვლა ფასიანია) ხუთი პლაჟი მდებარეობს, რომლებიც აღჭურვილია ყველაფრით, რაც კომფორტისთვის არის საჭირო, საბავშვო მოედნებით, ტრენაჟორებითა და აუზებით. პარკის წინ ამავე სახელწოდების საზოგადოებრივი პლაჟია, შესვლა უფასოა, მაგრამ პირობები აქ უფრო უბრალოა.

ფასები: ალ მამზარის პლაჟზე შესვლის საფასური 5 დირჰამია ($1,36), მაგრამ თუ გსურთ ეწვიოთ აუზს ან გამოიყენოთ შეზლონგი/ქოლგა თანხის დამატებით გადახდა მოგიწევთ.
როგორ მივიდეთ: C28 ავტობუსით გაჩერებიდან Gold Souq Bus Station (ჩამოდით გაჩერებაზე Al Mamzar Beach Park).

12. სათხილამურო კომპლექსი Ski Dubai

დუბაიში ყველაფერია, ყველაფერი თუ არა, უამრავი რამაა. ამის დასტურია სათხილამურო კომპლექსი Ski Dubai სავაჭრო ცენტრში Mall of Emirates. აქ თხილამურებით ან სნოუბორდით სრიალი წელიწადის ნებისმიერ დროს შეგიძლიათ, აქ შესანიშნავი საბაგირო გზები და ტიუბინგის ტრასებია. ვიზიტორებს არა მხოლოდ აღჭურვილობას, არამედ ზამთრის ტანსაცმელსაც აძლევენ (გარდა ხელთათმანებისა და ქუდებისა).

ფასები: ერთდღიანი ბილეთის საფასური 300 დირჰამია ($82), 2 საათიანი – 180 დირჰამი ($49). ბავშვებისთვის – შესაბამისად 240 ($65) და 150 ($41). ამასთან, აღჭურვილობის ქირაობა ბილეთის ფასში შედის.
სამუშაო საათებია: Ski Dubai ღიაა სამუშაო დღეებში 10:00 საათიდან 23:00 საათამდე, ხუთშაბათს – 10:00 საათიდან 24:00 საათამდე, პარასკევს – 9:00 საათიდან 24:00 საათამდე, შაბათს – 9:00 საათიდან 23 საათამდე.
როგორ მივიდეთ: მეტროთი (Mall of Emirates ამავე სახელწოდების სადგურზე მდებარეობს), თავად მოლში კი მინიშნებებს მიჰყევით.

13. ხელოვნური კუნძული “პალმა”

პალმის კუნძულები – ინჟინერიის ნამდვილი სასწაულია. იგი მსოფლიოში მეორე ნაგებობაა ჩინეთის დიდი კედლის შემდეგ, რომელიც კოსმოსიდან ჩანს.

ეს არქიპელაგი წარმოადგენს ფინიკის პალმას თექვსმეტი ფოთლით, რომელიც გარშემორტყმულია გიგანტური ქვიშოვანი ისარათი. კუნძულებზე მდებარეობს სასტუმროები და გასართობი კომპლექსები, ხოლო კუნძულების წყლისგან დამცავ ბარიერულ რიფებზე ამოკვეთილია ციტატები დუბაის ამჟამინდელი მმართველის შეიხ მოჰამედის პოემებიდან.

როგორ მივიდეთ: შეგიძლიათ მეტროთი ან მონორელსური გზით იმგზავროთ და გზად მთელი ეს სილამაზე დაათვალიეროთ.

14. შეიხ მოჰამედის კულტურული თანამშრომლობის ცენტრი

აუცილებელად სანახავი პუნქტია მათთვის, ვინც დაინტერესებულია სხვადასხვა ქვეყნის კულტურითა და ისტორიით. კულტურული ურთიერთგაგების ცენტრში გიამბობენ და გაჩვენებენ, თუ როგორ ცხოვრობდნენ ძველად მომთაბარე არაბები, გაეცნობით მათი ცხოვრების წესებსა და ტრადიციებს. ასევე გაიგებთ დუბაისა და არაბთა გაერთიანებული საამიროების განვითარების ისტორიას, (დაუსწრებლად) გაეცნობით საამიროს მმართველ დინასტიას და შეგიძლიათ ნამდვილ ისლამურ ლოცვასაც დაესწროთ.

ცენტრში სხვადასხვა ექსკურსია შეგიძლიათ დაჯავშნოთ: კულტურული ტური, გასტრონომიული ტური ან ვიზიტი ჯუმეირას მეჩეთში.

მისამართი: Al Mussallah Road, House 26, რაიონი Al Fahidi.

ცენტრის ვებ-გვერდზე შეგიძლიათ მიიღოთ ინფორმაცია ტურების ღირებულებისა და დეტალების შესახებ.

15. ფლამინგოების ნაკრძალი დუბაიში

ეს ნაკლებად ცნობილი, მაგრამ ძალიან საინტერესო ადგილია დუბაიში Oud Metha Road-ზე. აქ ნამდვილი ფლამინგოები და წყლის სხვა ფრინველები შეგიძლიათ იხილოთ – და ეს ყველაფერი ქალაქის ფარგლებში! ვიზიტორები ფრინველებს არ აწუხებენ. ფრთოსან მობინადრეებზე დაკვირვება სპეციალური სახლიდან ბინოკლის მეშვეობით შეგიძლიათ. ფლამინგოების ნაკრძალი დუბაიში – შესანიშნავი და არატრივიალური ადგილია იმისათვის, რომ თქვენი ვიზიტი დუბაიში უფრო მრავალფეროვანი გახადოთ.

შენიშვნა! აქ მხოლოდ ტაქსით შეგიძლიათ იმგზავროთ და უმჯობესია მძღოლს სთხოვოთ დაგელოდოთ, რადგან ყველაფრისთვის აქ სულ 20 წუთი დაგჭირდებათ, ხოლო უკან დასაბრუნებლად ტაქსის დაჭერა შესაძლოა გაგიჭირდეთ.

სამუშაო საათები: „ფრინველთა ოაზისი“ ღიაა ყოველდღე, პარასკევის გარდა, 09:00 საათიდან 16:00 საათამდე.
ღირებულება: შესვლა უფასოა.

16. სანელებლების ბაზარი

შეიგრძნოთ აღმოსავლეთის კოლორიტი და ჩაეფლოთ ხმაურიანი ბაზრის განუმეორებელ ატმოსფეროში სწორედ აქ შეგიძლიათ – დუბაის სანელებლების ბაზარზე. აქ ვერ ნახავთ იმ ბრწყინვალებას, რომლითაც განთქმულია საამირო და მისი დედაქალაქი, მაგრამ შეგიძლიათ შეიძინოთ ნამდვილი არაბული სანელებლები და ტკბილეული: ალჟირული ფინიკები, ვანილი, კურკუმა, ზაფრანა, გამომშრალი ვარდის კოკრები – ყველაფერს ვერ ჩამოვთვლით!

რჩევა: აუცილებლად შეევაჭრეთ, რადგან შესაძლებელია ორჯერ ან სამჯერ ნაკლებ ფასადაც შეიძინოთ.
მისამართი: ბაზარი მდებარეობს შემდეგ მისამართზე: Sikkat Al Khail Road, Al Ras, დუბაი (Nasser Square-ის მახლობლად).

17. დუბაის პეპლების ბაღი

თუ თქვენი სამოგზაურო განრიგი ამის საშუალებას გაძლევთ, ეწვიეთ დუბაის პეპლების ბაღს (Al Barsha South 3 | Dubailand Area). მწვანე ორანჟერეებში, პალმებსა და მკვეთრი ფერის ყვავილებს შორის ყველა სახისა და ფერის ასობით პეპელა დაფრინავს. ასეთი სანახაობის გამოტოვება – ნამდვილი დანაშაულია! ამასთან, აქ პეპლებს აშკარად მოსწონთ ტურისტებთან პოზირება, ასე რომ არ გამოტოვოთ შანსი რამდენიმე შესანიშნავი ფოტო გადაიღოთ.

ფასები: ბაღში შესვლის საფასური 50 დირჰამია ($14), 3 წლამდე ასაკის ბავშვებისთვის – უფასოა.
რჩევა: ვიზიტი უმჯობესია სამუშაო დღეებში დაგეგმოთ, როდესაც არცთუ ისე ბევრი ვიზიტორია.

18. ქალის მუზეუმი

დღეს ყველას სმენია იმის შესახებ, თუ როგორ სიმკაცრეში ცხოვროვებენ თანამედროვე არაბი ქალები. ხოლო იმის გარკვევა, ეს ყოველთვის ასე იყო თუ არა, შეგიძლიათ დუბაიში ქალის მუზეუმის მონახულებით (Al Sabkha, Gold Souq, Deira, დუბაი).

აქ წარმოდგენილია ექსპოზიცია, რომელიც ეძღვნება ქალის როლს ისლამურ სამყაროში, მის მნიშვნელობას ოჯახში და საზოგადოებრივ ცხოვრებაში. მუზეუმში ასევე თავმოყრილია არაბთა გაერთიანებული საამიროების თანამედროვე ქალბატონების შემოქმედებითი ნამუშევრების კოლექცია. ვფიქრობთ, რომ საინტერესო იქნება.

სამუშაო საათებია: შაბათიდან ხუთშაბათის ჩათვლით 10:00 საათიდან 19:00 საათამდე.
ფასები: შესვლის საფასური 20 დირჰამია ($5,4).
მდებარეობა: დეირას რაიონში, თევზის ბაზრის გვერდით.

19. ყავის მუზეუმი

არაბული კულტურა – არა მხოლოდ ჯიშიანი ცხენები და ოქრო, არამედ შესანიშნავი ყავაა. თუ ამ გამამხნევებელი სასმელის მოყვარული ბრძანდებით, დუბაის ყავის მუზეუმს ეწვიეთ.

აქ შეგიძლიათ იხილოთ ყავის მოსამზადებელი სხვადასხვა ხელსაწყო, შეისწავლოთ ტრადიციული რეცეპტები და შეიძინოთ მარცვლეული მუზეუმის მაღაზიაში. ადგილობრივი ყავის დაგემოვნება შეგიძლიათ მუზეუმში მდებარე კაფეში, სადაც მას საუკეთესო არაბული რეცეპტების მიხედვით ამზადებენ.

მისამართი: 69 – 69 Al Faheide, დუბაი, არაბთა გაერთიანებული საამიროები

მუზეუმში შესვლა უფასოა.

20. Zabeel Park

თუ დუბაის დედაქალაქის ხმაურით დაიღალეთ და სიჩუმე და სიმშვიდე გსურთ, ზაბილ პარკი სწორედ ის არის, რაც თქვენ გჭირდებათ. აქ შეგიძლიათ არა მხოლოდ ისეირნოთ ჩრდილიან ბილიკებზე ან ტოტებგაშლილი პალმის ქვეშ ჩამოჯდეთ, არამედ ნავითაც ისეირნოთ ან კრიკეტის თამაშს უყუროთ. აქვეა ბარბექიუსთვის აღჭურვილი მოედნები, ასე რომ პიკნიკის მოწყობაც თამამად შეგიძლიათ.

მისამართი: Sheikh Rashid Road, 1/9, Al Kifaf
როგორ მივიდეთ: პარკის მახლობლად D88 ავტობუსი ჩერდება, უახლოესი მეტროსადგურია — Al Jafiliya.

დაბოლოს, რაღაც განსაკუთრებული: დუბაი მდიდრული ქალაქია, რომელშიც განსაკუთრებით გიჩნდებათ სურვილი, რომ თავი სათანადოდ იგრძნოთ. ამიტომ, რა შეიძლება იყოს იმაზე უკეთესი, რომ მისი სილამაზით დატკბეთ კაბრიოლეტით ავტოგასეირნებისას? უბრალოდ წარმოიდგინეთ ეს და თქვენ ნამდვილად მოისურვებთ საკუთარი თავის განებივრებას!

Posted in ბლოგი, კრებულები and tagged , .