9 მარტიდან ქვეყანამ ორკვირიანი კარანტინი შემოიღო საზღვარგარეთიდან შემოსული ყველა პირისთვის.
ამ გადაწყვეტილების შესახებ ისრაელის პრემიერ-მინისტრი ბინიამინ ნეთანიაჰუ განცხადებას ავრცელებს Facebook-ზე გამოქვეყნებულ ვიდეომიმართვაში.
„ერთდღიანი რთული განხილვების შემდეგ, ჩვენ მივიღეთ გადაწყვეტილება, რომ ისრაელში საზღვარგარეთიდან შემოსული ყველა პირი კარანტინში გავუშვათ 14 დღის განმავლობაში. ეს რთული გადაწყვეტილებაა, მაგრამ მოქალაქეების ჯანმრთელობის დაცვა სასიცოცხლოდ მნიშვნელოვანია, ხოლო მოქალაქეების ჯანმრთელობა ჩვენთვის ყველაზე მნიშვნელოვანია“- განმარტა მან.
ცნობილია, რომ ყველა ჩამოსული პირი კარანტინზე თავისი ხარჯით უნდა იმყოფებოდეს. თუ ადამიანი არ ეთანხმება ასეთ პირობებს, მას უკან დააბრუნებენ.
ამასთან, პრემიერ-მინისტრმა აღნიშნა, რომ უახლოეს მომავალში შეიძლება ველოდოთ უცხოური კომპანიების მიერ ისრაელში ფრენების გაუქმებას. ისრაელის ორი ნაციონალური ავიაკომპანია Arkia და Israir რეისებს საზღვარგარეთ მომდევნო კვირიდან შეწყვეტს.
შეგახსენებთ, რომ 10 მარტიდან იტალიის ყველა რეგიონში შემოღებულია საკარანტინო ზომები, მათ შორის საჯარო თავშეყრის, სპორტული ღონისძიებების შეზღუდვა და სკოლების დახურვა.
