evrotour

12 სულში ჩამწვდენი ფილმი მოგზაურობის შესახებ

კინო მილიონობით ადამიანს შთააგონებს სამოგზაუროდ გაემგზავროს, რადგან ხშირად სიუჟეტი – არა უბრალოდ შთამბეჭდავი ამბავი, არამედ მოქმედების ინსტრუქციაა.

თქვენთვის საინტერესო მოგზაურობებისა და უჩვეულო ადგილების შესახებ იმ ფილმების ჩამონათვალი შევადგინეთ, რომლებშიც გმირების ცხოვრება დაყოფილია მოგზაურობამდე და მოგზაურობის შემდეგ. გაეცანით ჩამონათვალს და შაბათ-კვირას სანახავი ფილმი შეარჩიეთ. მაგრამ ფრთხილად იყავი! ეს 12 ფილმი გამოიწვევს დაუძლეველ სურვილს ჩაალაგოთ ბარგი და სამოგზაუროდ გაემართოთ.

„შვიდი წელი ტიბეტში“

აშშ, დიდი ბრიტანეთი, 1997 წ.

ეს ფილმი ავსტრიელი მთამსვლელის ჰენრიხ ჰარერის (ბრედ პიტი) შესახებაა, რომელიც თავის ორსულ მეუღლეს ტოვებს იმისთვის, რომ ჰიმალაიაში რვა მეტრიანი მწვერვალი ნანგა-პარბატი დალაშქროს. გმირი აპირებს დაიპყროს მწვერვალი რაიხისთვის, მაგრამ ტყვედ ჩავარდება და გადაწყვეტს ჰიმალაის გავლით ტიბეტში გაიქცეს – მაგნიტურ, იდუმალ, ბრძენ ქვეყანაში. იგი ჰენრიხის შეგნებას სამუდამოდ ცვლის.

ვიკი, კრისტინა, ბარსელონა

ესპანეთი, აშშ, 2008 წ.

ამ ფილმში უჩვეულო სასიყვარულო სამკუთხედის შესახებ, რეჟისორი ვუდი ალენი წარმოუდგენელ სითბოთი გვიჩვენებს საოცარ ბარსელონას. ხავიერ ბარდემი, სკარლეტ იოჰანსონი და პენელოპა კრუსი, რა თქმა უნდა, შესანიშნავად ასრულებენ თავიანთ როლებს. მაგრამ ესპანეთის მარგალიტი სრულიად დაგატყვევებთ. იგი სიუჟეტის მნიშვნელოვანი ნაწილია და პერსონაჟთა ვნებიან ამბავს იდეალურად უსვამს ხაზს.

„ვიკი, კრისტინა, ბარსელონას” ნახვის შემდეგ გაგიჩნდებათ სურვილი ბარსას უძველეს პატარა ქუჩებში აღმოჩნდეთ და აღიქვათ, აღიქვათ, აღიქვათ მისი სილამაზე.

 „ჭამე, ილოცე, შეიყვარე“

აშშ, 2010 წ.

მთავარი გმირი, რომელსაც ჯულია რობერტსი თამაშობს, ცდილობს გაიგოს თუ რა სურს სინამდვილეში და სამოგზაუროდ მიემგზავრება. იგი ტკბება იტალიის ფანტასტიკური სამზარეულოთი, ეცნობა ინდოეთის სულიერ სამყაროს, პოულობს ჰარმონიასა და რაღაც უფრო მეტს ინდონეზიაში. „ჭამე, ილოცე, შეიყვარე“ ამ სამყაროს სილამაზეს გვიჩვენებს და ცხადყოფს, რომ მთავარი გზა – საკუთარი თავისკენ გზაა.

„გზა“

აშშ, ესპანეთი, 2010 წ.

ექიმს კალიფორნიიდან ტომ ეივერის უყვარს მშვიდი, გაზომილი დასვენება, მაგრამ მისი შვილი ვერ წარმოიდგენს თავს თავგადასავლების, მოგზაურობის გარეშე და გადაწყვეტს წმინდა იაკობის ცნობილი გზა გაიაროს. გზის დასაწყისშივე იგი პირენეებში ქარიშხლის დროს დაიღუპება. ექიმი ეივერი შვილის ცხედრისთვის სენ-ჟან-პიე-დე-პორში (საფრანგეთი) ჩადის და მას კრემაციას უტარებს. მომზადების გარეშე, ხელში ნეშტის ურნით ტომი წმინდა იაკობის გზას დაადგება, რათა დაეხმაროს თავის ერთადერთ შვილს უკანასკნელი მოგზაურობა განახორციელოს.

„კონ-ტიკი“

ნორვეგია, 2012 წ.

ეს არის რეალურ მოვლენებზე დაფუძნებული ფილმი ცნობილ მოგზაურ ტურ ჰეიერდალზე და მის ხუთ თანამგზავრზე, რომლებიც გადაწყვეტენ წყნარი ოკეანე გადალახონ კონ-ტიკის მცირე ზომის ტივზე, რათა მსოფლიოს თავიანთი სიმართლე დაუმტკიცონ.

საზარელ ქარს, საშინელ შტორმს, გაუმაძღარ ზვიგენებს არ აღელვებთ გმირების დიდი გეგმები. შედეგად ძალიან თამამი თავგადასავალი იქცევა სასტიკ ბრძოლად გადარჩენისთვის. ეს ისტორია გაგაოცებთ და დაგიმტკიცებთ, რომ ადამიანს აბსოლუტურად ყველაფერი შეუძლია. ყველაფერი!

„ევროტური“

აშშ, 2004 წ.

ყველა როდი მიემგზავრება მოგზაურობაში ჭეშმარიტების საძიებლად. მაგალითად, კომედიური ფილმის „ევროტურის“ გმირები ევროპის ქალაქებში სამოგზაუროდ მიემგზავრებიან, რათა კარგად გაერთონ. ახალგაზრდებს მუხრუჭები არ აქვთ, სამაგიეროდ აქვთ კურიოზულ სიტუაციებში მოხვედრის ნიჭი. ფილმის ნახვისას შეგიძლიათ სიცილით გული იჯეროთ და ლამაზი ევროპით დატკბეთ.

„უოლთერ მიტის წარმოუდგენელი ცხოვრება“

აშშ, 2013 წ.

ამ ფილმში ბენ სტილერის შესრულებით ოფისის უიღბლო მუშაკი ყველას მოუწოდებს რისკზე წავიდნენ და შეცვალონ სამყარო. რედაქციის დავალების შესრულების მიზნით, მამაკაცი ცნობილი მოგზაური შონ ო’კონელის საძიებლად მიემგზავრება, მაგრამ ვერც კი წარმოიდგენს თუ რა თავგადასავალში ჩაებმება. გმირი ეწვევა გრენლანდიას, ისლანდიას, ჰიმალაის და თანდათანობით აცნობიერებს თუ რა არის ცხოვრება.

თუ ჯერ არ ხართ შეყვარებული ისლანდიაზე, მაშინ ამ ფილმის ნახვის შემდეგ ნამდვილად აღმოჩნდებით ყინულისა და ცეცხლის ქვეყნის თაყვანისმცემელთა კლუბში.

„ველური“

აშშ, 2014 წ.

ეს ფილმი არის საკუთარ თავში დაბნეული შერილ სტრეიდის მოგზაურობის შესახებ. პასუხების საპოვნელად და შიშებისგან თავის დასაღწევად, რიზ უიზერსპუნის პერსონაჟი გადაწყვეტს დალაშქროს აშშ-ს 1770 მეტრი სიგრძის წყნარი ოკეანის ქედი Pacific Crest Trail. ეს მთაში გამავალი საშიში მარშრუტია, სამაგიეროდ მთავარ გმირს საკმარისი დრო აქვს ფიქრისთვის. თუ ასეთი ისტორიები მოგწონთ და გსურთ დატკბეთ თვალწარმტაცი პეიზაჟებით, ჩართეთ „ველური“. საინტერესო ფაქტი: მაქსიმალური რეალისტურობისთვის, გადაღებებზე რიზი მძიმე ტურისტულ ზურგჩანთას ატარებდა.

„აფრიკიდან“

აშშ, 1985 წ.

ეს ფილმი – ძლიერი ქალის საინტერესო სიყვარულის ისტორიაა. ფილმის მოქმედება კენიის უსაზღვრო სივრცეში ხდება და იდუმალი და უჩვეულოდ ლამაზი აფრიკა მაყურებელს პირველივე წამებიდან იპყრობს. ღვთიური პეიზაჟები, შესანიშნავი საუნდტრეკი, ნიჭიერი მერილ სტრიპი და რობერტ რეტფორდი განსაკუთრებულ განწყობას ქმნიან.

სურვილი გაგიჩნდებათ სავანას გადაუფრინოთ, ნამდვილი აფრიკა იხილოთ და იგი მთელი ცხოვრება დაიმახსოვროთ.

 „მატარებელი დარჯილინგის მიმართულებით. შეუპოვარი მოგზაურები“

აშშ, 2007 წ.

იმისათვის, რომ სწორედ ის განსაკუთრებული მნიშვნელობა იპოვონ და ოჯახი აღადგინონ, სამი ოდნავ უცნაური ან თუნდაც არა ძმა ინდოეთში სამოგზაუროდ მიემგზავრება. ეს ფილმი ნამდვილი დღესასწაულია სულისა და თვალებისთვის. ერთი სიამოვნებაა ცხოველებით მოხატული ჩემოდნების, ფორთოხლისფერი ნათელი კუპეებისა და გამცილებლის ცისფერი სარის ხილვა. ფილმის ნახვისას იცინებთ, დაღონდებით, მნიშვნელოვანზე დაფიქრდებით და, რა თქმა უნდა, ინდოეთით დატკბებით.

„შუაღამე პარიზში“

აშშ, 2011 წ.

ლამაზი, ატმოსფერული, ნამდვილი პარიზი ვუდი ალენის ამ შესანიშნავი ფილმის გმირი გახდა. მაყურებელს უჩვენებენ ვერსალის სარკეების დარბაზს, კლოდ მონეს ბაღს, როდენის მუზეუმს, სკვერს ნოტრ დამის მახლობლად, წმინდა ჟენევიევის ბორცვს. რეჟისორი მაყურებელს საფრანგეთის დედაქალაქის თითოეულ კვადრატულ მეტრს აყვარებს და აჩვენებს, რომ იქ ყველას სრული ბედნიერება შეუძლია შეიგრძნობს. განსაკუთრებით მაშინ, თუ ქუჩებში დიდებული პიკასო, დალი და მოხუცი ჰემინგუეი სეირნობენ. მიჰყევით ფილმის გმირის – უიმედო რომანტიკოსი გილის მაგალითს და შეიძინეთ ბილეთი პარიზში.

„წერილები ჯულიეტას“

აშშ, 2010 წ.

ვერონა – ამ ფილმის იდეალური დეკორაცია და სრულყოფილი მოქმედი გმირია. სიყვარულის ქალაქში ამერიკელი სოფია (ამანდა სეიფრიდი) სხვა მოხალისეებთან ერთად ჯულიეტას წერილებს პასუხობს. მთავარი გმირი აღმოაჩენს 60 წლის წინანდელ წერილს, რომელშიც ინგლისელი კლერ სმიფი ახალგაზრდა მამაკაცის მიმართ თავისი ძლიერი გრძნობების შესახებ საუბრობს. სოფია ხვდება უკვე ხანში შესულ კლერს და დაითანხმებს მას იტალიაში გაემგზავროს და თავისი ცხოვრების სიყვარული იპოვოს. კადრში სუნთქვის შემკვრელი ულამაზესი ადგილები ჩნდება: ეს არის დედოფალი ვერონა თავისი არენათი და შუასაუკუნეების სოფელი სუავე, ისევე როგორც ტბა გარდა და წარმოუდგენლად სულიერი ტოსკანა.

Posted in ბლოგი, ფილმები მოგზაურობაზე and tagged , .