მთავარი » ბლოგი » ლაიფჰაკი » 10 ინოვაცია, რომლებიც მოგზაურობას ცვლის + ბონუსი

10 ინოვაცია, რომლებიც მოგზაურობას ცვლის + ბონუსი

აბა, დაფიქრდით, სულ რაღაც 10-15 წლის წინ წარმოვიდგენდით, რომ მოგზაურობა ჩვენგან რამდენიმე დაწკაპუნების მანძილზე იქნებოდა? დღეს ეს ჩვეულებრივი ამბავია – ვერავის გააკვირვებთ ტურებისა და ავიაბილეთების სწრაფი ძიებით, დაბალი ფასებითა და პერსონალიზებული შეთავაზებებით, მაგრამ პროგრესი არის პროგრესი. ინოვაციური პროდუქტები აგრძელებს travel-ინდუსტრიის გაუმჯობესებას და დღეს ჩვენ იმ 10 ტექნოლოგიას განვიხილავთ, რომლებიც მოგზაურობას უკვე დღეს ცვლის.

1. Augmented Reality (დამატებითი რეალობა)

გახსოვთ, თუ როგორ დაიპყრო მსოფლიო პოკემონომანიამ 2016 წელს? Pokemon Go-ს აპლიკაციის გამოშვებით, მსოფლიოს სხვადასხვა კუთხეში ხალხი ქუჩაში პოკემონის საძიებლად გამოდიოდა. ეს არის AR ტექნოლოგიის გამოყენების ერთ-ერთი თვალსაჩინო მაგალითი.

ცხადია, travel-ინდუსტრიაც არ ჩამორჩა და AR ტექნოლოგიას უკვე აქტიურად იყენებს მოგზაურთათვის განკუთვნილ აპლიკაციებში. ექსკურსიებთან მიმართებით AR-ს შეუძლია ნამდვილი კონკურენცია გაუწიოს გიდს – საკმარისია კამერა ღირსშესანიშნაობისკენ მიმართოთ და მომენტალურად მიიღებთ ინფორმაციას მის შესახებ. აპლიკაციის მფლობელი კი, თავის მხრივ, აგროვებს ინფორმაციას იმის შესახებ, თუ რომელი ექსპონატები/ღირსშესანიშნაობები სარგებლობენ უფრო მეტი პოპულარობით და გიდების ხელფასებზე აკეთებენ დანაზოგს.

მოწინავე ტურისტული სააგენტოები AR-ს იმისათვის იყენებენ, რომ ტურების დეტალური დემონსტრაცია მოაწყონ, ხოლო სანავიგაციო აპლიკაციები, როგორიცაა AR City, დაგეხმარებათ მარშრუტის შედგენაში Apple Maps-ში ხელმისაწვდომი ნებისმიერი ადგილის მიმართულებით. ამ ტენდენციას ავიაკომპანიებიც არ ჩამორჩნენ. მაგალითად, სმარტფონის კამერისა და KLM AR-აპლიკაციის (iOS/Android) მეშვეობით შეგიძლიათ შეამოწმოთ ხელბარგის პარამეტრები.

2. Virtual Reality (ვირტუალური რეალობა)

დაგვეთანხმეთ, რომ მშვენიერია თუ თქვენი ოთახიდან ხედის შეფასებას ჩამოსვლამდე შეძლებთ. თანაც არა მხოლოდ ფოტოებს ნახავთ, არამედ ყველაფერს როგორც რეალობაში დაათვალიერებთ. წარმოიდგინეთ, ეს უკვე შესაძლებელია! სასტუმროს ქსელი Marriot იყენებს „VR Postcards“ ტექნოლოგიას, რომელიც VR სათვალეებისა და აპლიკაციის გამოყენებით იძლევა საშუალებას დაათვალიეროთ სასტუმრო და აივნიდან ხედი შეაფასოთ. ამგვარად, სტუმრებს შეუძლიათ დარწმუნებული იყვნენ მათი საცხოვრებლის სათანადო ხარისხში. უფრო მეტიც, „VR Postcards“ საშუალებას იძლევა მსოფლიოს გარშემო სასტუმროს ნომრიდან იმოგზაუროთ.

3. ხელოვნური ინტელექტი

ხელოვნური ინტელექტი აგრძელებს მსოფლიოს ექპანსიას და travel-ინდუსტრიამდეც მიაღწია. travel-სეგმენტში ხელოვნური ინტელექტის გამოყენების ძირითადი მიზანია მონაცემთა ტერაიბაიტების ანალიზი და მოგზაურთათვის შეთავაზებების პერსონალიზაცია. ხელოვნური ინტელექტის მეშვეობით ლონდონის სასტუმრო The Dorchester რეგულარულად აანალიზებს მიმოხილვებს და ამის საფუძველზე ცვლის საუზმის მენიუს მომხმარებელთა მოთხოვნის შესაბამისად.

4. ჭკვიანი ოთახები

ჩინეთში InterContinental სასტუმროების ქსელი უკვე სრულყოფილად იყენებს ჭკვიანი სახლის ტექნოლოგიას სასტუმროს ნომრებისთვის. სასტუმროს ნომრის პრაქტიკულად ყველა ფუნქციის ხმის მეშვეობით მართვას შეძლებთ – შეცვლით მუსიკას, მის სიმაღლეს დაარეგულირებთ, მართავთ კონდიცირებისა და განათების სისტემას.

5. აპლიკაციები

თქვენს ტელეფონში 10-15 travel-აპლიკაცია ჩამოტვირთეთ და მოგზაურობისთვის მზად ხართ. საეჭვოდ ჟღერს, მაგრამ სიმართალეა! დღეს აპლიკაციების მეშვეობით ყველა პროცესის ორგანიზებას შეძლებთ – ავიაბილეთებისა და საცხოვრებლის შეძენას, რუკაზე სასურველი ადგილის პოვნასა და ოპტიმალური კურსით ვალუტის გადამცვლელი პუნქტის არჩევას.

გამოცდილი მოგზაურებისთვის აპლიკაციის მეშვეობით რეისზე ონლაინ-რეგისტრაცია უკვე ჩვეულებრივი ამბავია, მაგრამ უნდა ითქვას, რომ აპლიკაციების ფუნქციონალი მხოლოდ ამით არ შემოიფარგლება. ყველა მოწინავე ავიაკომპანიას უკვე დიდი ხანია აქვს მობილური აპლიკაცია, რომლის მეშვეობით ფრენის თანმხლები მანიპულაციების განხორციელებას შეძლებთ. მაგალითად, KLM და Air France აპლიკაციები – აქ შეგიძლიათ დაჯავშნოთ ბილეთები, რეისზე დარეგისტრირდეთ, რეალურ დროში გაიგოთ რეისის დაგვიანებისა და ცვლილებების შესახებ, აგრეთვე ჩამოვიდა თუ არა ბარგი და სად ეძებოთ იგი.

6. ჩატ-ბოტები

საკონსალტინგო კომპანიის PWC-ის მიერ ჩატარებული კვლევის თანახმად, მილენიალთა 41% მესინჯერითა და სოციალური ქსელებით კომუნიკაციას ანიჭებს უპირატესობას. უკვე 2020 წლისთვის მსოფლიო მუშა-ხელის ნახევარზე მეტი Y თაობა იქნება, შესაბამისად იმ მოგზაურთა რაოდენობა, რომლებსაც მესინჯერით კომუნიკაცია ურჩევნიათ, პროპორციულად გაიზრდება. ამ სტატისტიკის გათვალისწინებით, ავიაკომპანიები, საცხოვრებლის გაქირავებით დაკავებული სფერო და სხვა travel-სერვისები აქტიურად ნერგავენ ჩატ-ბოტების გამოყენების პრაქტიკას მომხმარებლებთან კომუნიკაციისთვის. ძველი „ცხელი ხაზი“ ჯერ არავის გაუუქმებია, მაგრამ იგი სწრაფად კარგავს პოპულარობას.

ამ გამოწვევის საპასუხოდ, Air France-მა შექმნა ჩატ-ბოტი „ლეა“, რომელიც მზადა 24/7 გაუწიოს დახმარება, იგი ინგლისურ და ფრანგულ ენებზე საუბრობს. ჩატ-ბოტი გვაწვდის ინფორმაციას რეისის, რეისთან წარმოქნილი პრობლემის შემთხვევაში სასტუმროში შესაძლო განთავსებისა და კვების, საკომპენსაციო ვაუჩერებისა და მოგზაურობის სხვა ნიუანსების შესახებ. თუ ჩატ-ბოტმა პრობლემის მოგვარება ვერ შეძლო, შეგიძლიათ თამამად მიწეროთ Air France-ს Facebook-ის მესინჯერის მეშვეობით. გარდა ინგლისური და ფრანგული ენებისა, აქ 12 ენაზე საუბრობენ – პასუხს 1 საათის განმავლობაში მიიღებთ.

7. სახის ამომცნობი ტექნოლოგია

2019 წლის თებერვალში ამსტერდამის სხიპჰოლის აეროპორტმა სახის ამომცნობი მოწყობილობების ტესტირება დაიწყო. ალგორითმი შემდეგია: რეისზე რეგისტრაციის შემდეგ მგზავრი თავის პასპორტს, ჩასასხდომ ბარათს და სახეს სპეციალურ ჯიხურში ასკანერებს, რის შემდეგაც უსაფრთხოებისა და საპასპორტო კონტროლს გადის. თვითმფრინავში ჩასხდომამდე სახე კვლავ სკანირდება, თუ ფოტო ბაზის მონაცემებს ემთხვევა, სისტემა მგზავრს ბორტზე დაუშვებს. ამგვარად, პასპორტებისა და ჩასასხდომი ბარათების განმეორებით წარმოდგენა აღარ მოგიწევთ, რაც ნიშნავს, რომ ძვირფას დროს დაზოგავთ.

8. User-Generated Content (მომხმარებლის მიერ შექმნილი მასალა)

მომხმარებელთა სურვილი გააზიაროს მიღებული გამოცდილება და კონტენტი შექმნას – სოციალური ქსელების მთავარი მამოძრავებელი ძალაა. ბრენდებმა ეს მომენტი შეამჩნიეს და დაიწყეს მომხმარებლებთა მოტივაცია გააზიარონ ის მიღებული გამოცდილება, რომელშიც მათი პროდუქტი მონაწილეობს. ორივე მხარე მოგებულია: ბრენდი ერთგულებას და უნიკალურ კონტენტს იძენს, მომხმარებელი კი – აღიარებას. ზოგადად კი, ადამიანებს უფრო მეტი ნდობა აქვთ სხვა ადამიანების მიერ გამოყვეყნებული ფოტოებისა და კომენატარების მიმართ, ვიდრე თავად ბრენდის მიერ მოწოდებული ინფორმაციის მიმართ. ამგვარად, Uniworld-ის სამდინარო საკრუიზო სერვისი თავისი მომსახურების რეკლამირებისთვის მხოლოდ და მხოლოდ მომხმარებლის მიერ შექმნილ მასალას იყენებს – პოტენციურ მომხმარებლებს სხვა მომხმარებლების თვალით ნანახი ნავებისა და კრუიზების დათვალიერება შეუძლიათ.

9. ბიტკოინი

მოგზაურთა ერთ-ერთი ყველაზე გავრცელებული შიშია – გახდნენ ყაჩაღობის მსხვერპლი. დიახ, ამაში ცოტა რამაა სასიამოვნო, მაგრამ გამოსავალი დიდი ხანია ნაპოვნია – დიდი თანხა ბარათზე შეინახოთ, ხოლო აბსოლუტური უსაფრთხოებისთვის – ბიტკოინებში. უცნაურად ჟღერს, მაგრამ უახლოეს მომავალში ბიტკოინებით გადახდა ჩვეულებრივი ამბავი გახდება. მთელი მსოფლიოს მასშტაბით უკვე დამონტაჟებულია 5000-ზე მეტი ბიტკოინ-ბანკომატი. მათ გამოსაყენებლად, ტელეფონის ნომერი უნდა მიუთითოთ, რომელზეც PIN კოდი მოვა, ან სისტემა ვინაობის დადასტურებას მოგთხოვთ პირადობის მოწმობის დასკანერებით.

10. ავტონომიური ავტომობილები

რამდენიმე ათეული წლის წინ ავტოპილოტზე მომუშავე ავტომობილები ჩვენთვის შორეული მომავლიდან არტეფაქტებს წარმოადგენდა, ხოლო 2019 წელს უკვე შეგიძლიათ წააწყდეთ ახალ ამბებს იმის შესახებ, რომ აშშ-ში მძღოლი დააკავეს, რომელსაც ავტოპილოტზე ჩართულ Tesla-ს საჭესთან ეძინა.

Tesla-ს გარდა, რომელმაც ავტონომიურ მართვას გაუწია პოპულარიზაცია, ავტოპილოტის ტრენდი სხვა ავტოკონცერნებმაც აიტაცა. S-კლასის Mercedes, მე-5 სერიის BMW, Volvo XC60 და Audi A8 – ყველა ეს მოდელი უკვე აღჭურვილია ნაწილობრივი ავტოპილოტის ფუნქციებით, რომლებიც მომავალში კიდევ უფრო განვითარდება. როგორ მოქმედებს ეს მოგზაურობაზე? ახლა აღარ დაგჭირდებათ Google Maps-ითა და ქაღალდის რუკებით წვალება – მანქანა თავად ახდენს უცნობ ადგილზე ორიენტაციას და დანიშნულების ადგილზე მიგიყვანთ.

11. ბონუსი Aviabiletebi.org Travel App

ჩვენი მობილური აპლიკაცია რომელიც სულ რამოდენიმე დღს წინ განახლდა და ახლა უკვე მომხმარებლებს სთავაზობს ავიაბილეთების და სასტუმროების(სიახლე) საძიებო ინოვაციურ სისტემას, უკვე თქვენს Android მოწყობილობებზე. ჩვენი ძველი ვერსია 1.01 მხარს უჭერდა მხოლოდ ავიაბილეთების მოძიებას. ახლა უკვე აპლიკაციაში მარტივად შეგიძლიათ მოიძიოთ სასტუმროები დაჯავშნოთ და შეიძნოთ აპლიკაციიდან დაუტოვებლად.

აპლიკაციაში ძირეულად შეიცვალა და განახლდა ავიაბილეთების საძიებო გვერდიც, თქვენ უკვე შეგიძლიათ იხილოთ:

  • ბარგის ინფორმაცია
  • გამოიყენოთ მრავალი სახის ფილტრები
  • მიიღოთ პერსონალური შემოთავაზებები
  • შემცირდა ავიაბილეთის მოძიების ხანგრძლივობა
  • დაემატა იაფი ავიაბილეთების კალენდარი. იხილეთ რომელ თარიღზეა იაფი ავიაბილეთი

როგორც ვხედავთ, მომავალი უფრო ახლოსაა, ვიდრე გვგონია. Tesla ავტოპილოტირებადი ავტომობილების მოდურ ტენდეციას ქმნის, KLM და Air France ავიაციის ციფრულ ტენდენციებს განსაზღვრავს, ბიტკოინი ყოველდღიურ ცხოვრებაში ვრცელდება, ხოლო ხელოვნური ინტელექტი travel-მომსახურების მაქსიმალურ ადაპტაციას უწყობს ხელს მოგზაურთა მოთხოვნების შესაბამისად. რა იქნება მომავალში? ამას მომავალი გვიჩვენებს.

Posted in ბლოგი, ლაიფჰაკი and tagged , , .

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა