იაპონია – ეს ძველი ტრადიციების, სიწმინდეებისა და ყველაზე მოწინავე ტექნოლოგიების საოცარი მიქსია. ქვეყანა, რომელიც უსაზღვროდ სცემს პატივს საკუთარ წარსულსა და ამასთანავე გამალებულად მიექანება მომავალში გააჩნია რა თავის არსენალში უნიკალური ბუნებრივი საოცრებები და შემოქმედებითი მემკვიდრეობა. Aviabiletebi.Org–მა თქვენთვის შეაგროვა იაპონიის 10 საინტერესო ადგილი, რომელთა მონახულება აუცილებელია ტურისტებისათვის ამ ქვეყნის რაც შეიძლება უკეთ გაცნობის მიზნით.
1. ეროვნული პარკი ფუძი–ხაკონე–იძუ
ბუნების ერთერთი ყველაზე საინტერესო ადგილია იაპონიაში, რომელსაც ყოველწლიურად სტუმრობს 20 მილიონი ტურისტი. პარკის ტერიტორიაზე მდებარეობს ცნობილი მთა ფუძი, 1000 მ–ზე მაღლა, ერთმანეთის გვერდით განლაგებული 5 დიდი მთის ტბა, ცხელი წყლის წყაროები და ჩანჩქერები, კუნძულები და პლიაჟი, ასევე ძველი ბუდისტური და სინტოისტური ტაძრები.
პარკის პოპულარული ადგილი, საბაგირო გზა მთა ხაკონეზე, რომელიც ადრე აქტიურ ვულკანს წარმოადგენდა. მის ირგვლივ განლაგებულია 6 პატარა ზომის ვულკანი, რომლებიდანაც დღემდე კვამლი ამოდის. საბაგირო გზის გამჭვირვალე კაბინებიდან გადაიშლება თვლწარმტაცი ხედი მთელს პარკსა და მის პეიზაჟებზე, ხოლო კაბინის „დაშვებასთან“ ერთად გელოდებათ თერმული წყაროები და საოცარი სილამაზის მთის ტბა ასი.
2. ძველი ციხე მაცუმოტო
იმავე სახელწოდების ქალაქში განთავსებული ციხე–პალატი ერთერთი ულამაზესთაგანია იაპონიაში. იგი პრაქტიკულად ერთადერთია, რომელიც დღემდე შემორჩა თავისი პირვანდელი სახით, არადა აშენებულია XVI საუკუნებში.
თავისი შავი კედლებისა და ფრინველის ფრთების გამოსახულების მქონე, 5 სართულიანი სახურავის გამო ციხე მაცუმოტოს ასევე უწოდებენ „შავი ყვავის ციხეს“. განთავსებულია იგი ტბის ნაპირას, რომელშიც დაცურავენ თეთრი გედები, ხოლო ირგვლივ მოწყობილა საოცარი პარკი და ქრიზანთემების ბაღი. მის ტერიტორიაზე, ისევე, როგორც ნებისმიერ იაპონურ პარკში, ხარობს საკურა და ტბაზე გადებულია პატარა ზომის, მშვენიერი ხიდები.
3. ეროვნული პარკი სინძიუკუ–გეენი ტოკიოში
იაპონიის ერთერთი ყველაზე დიდი და საყვარელი დასასვენებელი პარკი ქალაქის მაცხოვრებელთა და სტუმრებისათვის. იგი განთქმული გახდა თავისი სიმშვენიერისა და მრავალფეროვნების წყალობით. სინძიუკუგეენის ტერიტორიაზე არის 3 დიდი ბაღი: ორ გუბურასთან განლაგებული კლასიკური იაპონური, ფრანგული ბაღი და პეიზაჟური ინგლისური ბაღი.
რა თმქა უნდა, უფრო მეტი პოპულარობით სარგებლობს იაპონური ბაღი, სწორედ მის ტერიტორიაზე ხარობს საკურების რეკორდული რაოდენობა (1500 – ზე მეტი) და როცა, გაზაფხულზე ქვეყნის მთავარი ხე ყვავილობას იწყებს, აქ ხომ ვაშლის დასავარდნი ადგილიც კი არ რჩება ხალხმრავლობისაგან, ამ დაუვიწყარი საოცრების ხილვის მსურველთა რაოდენობისაგან. პარკთან ჩამოედინება ორი ტბორი, არის პატარა ხიდებით დაკავშირებული მცირე კუნძულები, სადაც შეგიძლიათ გასეირნება.
ფრანგული და ინგლისური ბაღები შექმნილია მხოლოდ ევროპული ლანდშაფტური ტრადიციების ყაიდაზე, მისთვის დამახასიათებელი შადრევნებით, შეკრეჭილი ბუჩქებით, ყვავილის კლუმბებითა და ა.შ. ბაღებს შორის, პარკის ტერიტორიაზე შეგიძლიათ იხილოთ ტაივანური პავილიონი, სადაც არის ჩაის სახლი და ძველებური ხის ვილა.
4. იცუკუსიმა (კუნძული მიაძიმა)
ტაძარი იცუკუსიმა მიიჩნევა იაპონიის ეროვნულ საგანძურად. ძველებური სინტოისტური ტაძარი მდებარეობს შიდა იაპონიის ზღვაში, კუნძულ იცუკუსიმაზე (უფრო ცნობილი, როგორც კუნძული მიაძიმა) მწვანე მთებისა და ყურეების გარშემორტყმაში. სწორედ ირგვლივ მდებარე მდიდარი ბუნებისა და ასევე, საკუთარი უძველესი ისტორიის წყალობით (იგი ხომ ჩვენს წელთაღრიცხვამდე გაჩნდა), იცუკუსიმა გარდაიქმნა ათასობით მოგზაურთა მომლოცველობის ადგილად.
კუნძულზე ხშირად მოძრაობს ტურისტული გემები მოგზაურებისათვის პეიზაჟების სანახავად. ტაძრის ტერიტორიაზე განთავსებულია დიდი პაგოდა, ასევე სხვადასხვა ტორიები და ტერასები სალოცავი წესების აღსასრულებლად. იცუკუსიმაზე სეირნობის დროს არ გაგიკვირდეთ ირმების ან მაიმუნების ხილვა, ისინი აქ აბსოლუტურად თავისუფლად ცხოვრობენ. არც მომიძი–მანძიუს დაგემოვნება დაგავიწყდეთ – ტკბილი ღვეზელი, რომელსაც მხოლოდ კუნძულ მიაძიმეზე ამზადებენ.
თუ ამ პოსტმა გადაგაწყვეტინათ იაპონიაში მოგზაურობა ეწვიეთ ამ გვერდს: ტოკიოს ფრენები
5. ინოვაციების მუზეუმი ტოკიოში მირაიკანი
იაპონია განთქმულია ძველი ტრადიციების მიმართ სიყვარულითა და პატივისცემით და ამასთანავე ახალი ტექნოლოგიებისაკენ წარმოუდგენელი სწრაფვით. ხშირად ბევრ მოგზაურს უჩნდება ტოკიოში მომავალში მოხვედრის შთაბეჭდილება. განსაკუთრებით კი ინოვაციების მუზეუმის მონახულების შემდეგ, რომელსაც ასევე უწოდებენ „რობოტების მუზეუმს“.
მუზეუმში ნამდვილად იგრძნობთ თავს მომავალში ან სულაც სხვა პლანეტაზე მოხვედრილ, ფილმის პერსონაჟად. ინტერაქტიური ექსპონატების სიუხვე, რომლებსაც არა მხოლოდ შეგიძლიათ შეეხოთ, არამედ აუცილებელიც კი არის მოკიდოთ, დააჭიროთ, ჩართოთ; ელექტრონული გიდები მსოფლიოს 6 ენაზე; მუზეუმის თანამშრომლებს და ასევე სტუმრებს შეუძლიათ სიგვეებით და სხვა მსგავსი საშუალებებით გადაადგილება; მუზეუმის შუაგულში, უზარმაზარი „დედამიწის“ გარდა განლაგებულია სეისმოლოგიური სადგური, სადაც თვალნათლივ ჩანს, რომ იაპონია პრაქტიკულად ყოველწამიერ „იძვრის“.
მაგრამ მუზეუმის მთავარი ექსპონატი – ეს განთქმული რობოტი Asimo – ა. მას შეუძლია კიბის საფეხურებზე სიარული, ფეხბურთის თამაში, ადამიანებთან ლაპარაკი (ბავშვებთან კი სპეციალური სასიამოვნო ხმითაც კი) და ჩვენი გარჩევა სხვადასხვა თვისების მიხედვით.
6. პარკი კერნოკუ–ენი კანაძავაში
კერნოკუ–ენი (ან „ექვსი ღირშესანიშნაობის ბაღი“) ეს იაპონიის ერთერთი მთავარი პარკია. იგი იდეალურია დასამშვიდებლად, საოცრად თვალწარმტაცია. კერნოკუ–ენი ეს 8000 – ზე მეტი ჯიშის ხე, ბუჩქნარი და მცენარეა. ეს ჩანჩქერები, ნაკადულები, შადრევნები და ხიდებია. ეს ჩაის სახლები და დასვენების ადგილებია. პარკის თითოეული მეტრი გააზრებულია წვრილმანებამდე და მასზე ყოველდღიურად მუშაობენ დიზაინერები და ათობით მებაღე. აქ, თუნდაც ერთხელ ღირს გასეირნება და იაპონიის ამ სიმშვენიერის ხილვა საკუთარი თვალებით.
7. მშვიდობის მემორიალური კომპლექსი ხიროსიმაში
არა მხოლოდ იაპონიის, არამედ მთელი მსოფლიოს ერთერთი მთავარი ტრაგედია – ქალაქი ხიროსიმასა და ნაგასაკის ატომური დაბომბვა 1945 წელს. მიუხედავად იმისა, რომ ქალაქები საკმაოდ სწრაფად და სრულად აღსდგა, იმ აგვისტოს საშინელი დღეებისა და ათასობით დაღუპულის შესახებ მეხსიერება დღემდე ცოცხალია.
მშვიდობის მთავარი მემორიალური კომპლექსი მდებარეობს ხიროსიმაში, მის ტერიტორიაზე არის მშვიდობის დიდი პარკი და ასევე მშვიდობის მუზეუმი. აქ შეგიძლიათ ნახოთ დაღუპულთა შესახებ მთხრობი უამრავი ძეგლი, მათ შორის პატარა გოგოს – სადაკო სასაკის შესახებ, რომლის ისტორიაც ეკრანიზებული იყო. ანთია მარადიული ცეცხლი, რომელიც აინთო 1964 წლის 1 აგვისტოს. მისი შემქმენელის იდეის მიხედვით ეს მარადიული ცეცხლი მანამ ენთება, სანამ დედამიწის ზურგზე გაუვნებელყოფენ უკანასკნელ ატომურ ბომბს.
მშვიდობის მუზეუმი ეძღვნება თვით ტრაგედიას და მის შედეგებს, შენახულია სხვადასხვა ექსპონატი, აფეთქების შემდეგ უვნებლად გადარჩენილი პირადი ნივთები. ცალკე ექსპოზიცია ეძღვნება ტრაგედიის ისტორიულ წინაპირობებს.
8. ბამბუკების ტყე საგანო კიოტოში
ნამდვილი ოაზისი კიოტოს შუაგულში – ეს ბამბუკების ორომია, რომელიც წარმოადგენს 25 და ბევრ შემთხვევაში კი 40 მეტრიანი სიმაღლის ბამბუკებით გარშემორტყმულ უზარმაზარ ხეივანს. აქ სეირნობისას ცა პრაქტიკულად არ ჩანს – ისეთი მაღალია ხეები, მაგრამ იმ სიმშვიდისა და სიმყუდროვის ატმოსფეროს გადმოცემა შეუძლებელია.
პარკი საკმაოდ დიდი ზომისაა, საფეხმავლო ხეივნის ფართობი – 17 კმ2 – ს აღემატება. განსაკუთრებით მშვენიერია იგი საღამო ჟამსა და ღამით, როცა ბამბუკის ჩირგვები ათასფრად ციმციმებს. საგანოს ერთ მხარეს განთავსებულია ბუდისტური ტაძარი ტერნიუ–ძი, მეორე მხარეს კი – თვალწარმტაცი ბაღი გუბურა სოჯენთან, საიდანაც იშლება ხედი მთა აროსიამაზე. მთელი ანსამბლი იუნესკოს მიერ შეტანილია მსოფლიო მემკვიდრეობის სიაში.
9. თანამედროვე ხელოვნების ეროვნული მუზეუმი (მომატ) ტოკიოში
ხელოვნების ყველა მოყვარულთათვის Must-visit. ბევრი მოგზაური გვერდს უვლის მომატს იმ მიზეზით, რომ არ განიხილავს საკუთარ თავს აღმოსავლური ხელოვნების დიდ მცოდნედ, მით უმეტეს თანამედროვე დროისა. მათ უბრალოდ არ იციან, რომ აქ წარმოდგენილია მსოფლიო მემკვიდრეობის მეტად შთამბეჭდავი კოლექცია: პიკასოს, მოდილიანის, გოგენის, კანდინსკის, რუსოს, ბეკონის, შაგალისა და სხვა განთქმული ხელოვანის ტილოები.
მომანტი დაყოფილია სამ მთავარ ცენტრად: თანამედროვე ხელოვნების გალერეა, ხელობების გალერეა (ტექსტილის, კერამიკის, ხის ნამუშევრები ХIX საუკუნის მიწურულიდან დღემდე), ეროვნული კინოცენტრი, სადაც რეგულარულად ეწყობა, როგორც ყველაზე ახალი იაპონური, ასევე უკვე დიდ ხნის ფილმების ჩვენება.
10. პაგოდა სეიგანტოძი და ჩანჩქერი ნაჩი–ნო–ტაკი ვაკაიამაში
დაბოლოს, კიდევ ერთი საინტერესო ადგილი, სადაც შეიძლება ძველებური ტაძრის, ასევე მომაჯადოებელი ბუნების დათვალიერება. ვაკაიამას პრეფექტურაში, იაპონიაში ერთერთ ყველაზე მაღალ, 113 მეტრიან ჩანჩქერთან – ნაჩი–ნო–ტაკი–სთან განლაგებულია ძველებური ბუდისტური ტაძარი სეიგანტოძი. სწორედ ერთად ქმნიან ისინი დაუვიწყარ ანსამბლს, რომლის სანახავადაც უამრავი მოგზაური ჩამოდის.
პაგოდის ფანჯრებიდან, სადაც მიმდინარეობს წეს–ჩვეულებათა გამართვა, ლოცვის აღვლენა, მსახურება, იხსნება შესანიშნავი ხედი მთებსა და ჩანჩქერზე.
ასევე წაიკითხეთ: ეს საკეა: მოგიყვებით ალკოჰოლის შესახებ იაპონიაში
