10 ფაქტი საფრანგეთის შესახებ, რომლებიც გაგაოცებთ

საფრანგეთი ის ქვეყანაა, რომელიც ყველასთვის ასოცირდება კრუასანთან, „აუჩქარებელ ცხოვრებასთან“ და დახვეწილ სტილთან. ყველას სმენია კოკო შანელის წელში გამოყვანილი ჟაკეტის, დევიზის „თავისუფლება, თანასწორობა, ძმობა“ და შემწვარი ბაყაყის ფეხების შესახებ. მზად ხართ ცოტა უფრო მეტი გაიგოთ?

1. საფრანგეთის დროშამ მრავალ ევროპულ დროშას ჩაუყარა საფუძველი. ისეთი, როგორიც ახლაა, იგი 1794 წელს გახდა, იმ დრომდე კი აქტიურად იცვლებოდა. მაგალითად, ფრანკთა პირველი მეფის დროს დროშა ლურჯი ფერის იყო, რაც სიმბოლურად გამოხატავდა წმინდა მარტინე ტურელის გულკეთილობას. ლეგენდის თანახმად, მან თავისი ლურჯი სამოსი მათხოვარს გაუზიარა, რათა იგი არ გაყინულიყო. ხოლო ბურბონთა დინასტიის მეფეების დროს ოქროს შროშანებით მოფენილ თეთრ დროშას იყენებდენ (სამეფო ხელისუფლების სიმბოლო), ცენტრში ორი ანგელოზი იყო, რომლებსაც ეჭირათ ლურჯი ფარი სამი შროშანით.

2. ფრანგები 12 სხვადასხვა სასაათო სარტყელში ცხოვრობენ. ეს ძნელი დასაჯერებელია, რადგან ქვეყანა პატარაა და ერთ სარტყელში მდებარეობს, თუმცა, თუ გავითვალისწინებთ ზღვისიქითა დეპარტამენტებსა და სხვა ტერიტორიებს, გამოდის, რომ ჩვენ მართლები ვართ. საფრანგეთში ასევე შენარჩუნებულია საზაფხულო დროზე გადასვლა.

3. სწორედ ფრანგებმა გამოიგონეს პარაშუტი, ველოსიპედი, ჭაღი და შრიფტი უსინათლოებისთვის. შექმნის ყველაზე მხიარული ისტორია მაიონეზს აქვს – ნავსადგურში ფრანგები ალყაში მოხვდნენ და გარდა კვერცხისა და ზეთისა, არაფერი დარჩენოდათ. ერთ მზარეულს იდეა მოუდივა აეთქვიფა კვერცხები ზეთთან ერთად და სანელებლები დაემატებინა, რათა როგორმე მაინც გაემრავალფეროვნებინა ყოველდღიური რაციონი. საწებელი ყველას მოეწონა და მას „მაიონეზი“ უწოდეს (თარგმანი ნავსადგურის სახელიდან „მაონი“).

4. ფრანგთა თავაზიანობა – ცალკე საკითხია. თქვენ ალმაცერად შეგხედავენ თუ „გამარჯობის“ გარეშე იკითხავთ „უკაცრავად, სად არის აქ საპირფარეშო?“, ან თუ დახმარებისთვის მიმართავთ ვინმეს 100500 „გთხოვთ“ მიმართვის გარეშე. პატარებს ბავშვობიდანვე ასწავლიან მისალმებას: „გამარჯობა, ბერნარდ,“ ხოლო თანამშრომლებს ეკრძალებათ უფროსზე ხმის ამაღლება.

5. აფრიკაში ფრანგულად უფრო მეტი ადამიანი საუბრობს, ვიდრე ევროპაში. ეს ყველაფერი იმის გამო, რომ ერთ დროს საფრანგეთს აფრიკაში დიდი კოლონიები ჰქონდა. შემდგომში აფრიკის ამ ქვეყნებმა დამოუკიდებლობა მოიპოვეს, მაგრამ მათი უმრავლესობის ოფიციალურ ენად ფრანგული დარჩა. მათ შორისაა: ცენტრალური აფრიკის რესპუბლიკა, ბურკინა-ფასო, გაბონი და მრავალი სხვა.

6. 2013 წელს საფრანგეთში წარმატებით შესრულდა ხელოვნური გულის გადანერგვის პირველი ოპერაცია. მაშინ 75 წლის პაციენტი გადაარჩინეს, რომელსაც გულის მწვავე უკმარისობა ჰქონდა. ეს ყველაფერი, სხვათა შორის, 120 ათასი დოლარი ღირდა, აქედან 80 ათასი დოლარი – ავტონომიური გულის ფასია.

7. საფრანგეთში 1920 წლიდან დედის დღესთან დაკავშირებით მრავალშვილიან დედებს გადაეცემათ მედლები შვილების კარგი აღზრდისთვის. მთავარი პირობაა – მრავალშვილიან ოჯახში ყველზე უმცროსი ბავშვი 16 წლამდე ასაკის უნდა იყოს.

8. 2016 წელს საფრანგეთმა მასობრივად დააჯარიმა სასურსათო მაღაზიები ზედმეტი საკვების გადაყრისთვის. ფრანგების ფილოსოფიაა – ყველა პროდუქტი მაქსიმალურად უნდა იქნეს გამოყენებული, მაგალითად, საქველმოქმედოდ გადაეცეს. სასიხარულოა, რომ ზოგიერთმა ქვეყანამ მიბაძა ამ მაგალითს.

9. აკრძალულია კოცნა საფრანგეთის ყველა სადგურის ბაქნებზე. მაგრამ რატომ? მემანქანეს დიდხანს უწევდა ლოდინი, სანამ შეყვარებულები კოცნით გულს იჯერებდნენ, რის გამოც მატარებელი ხშირად იგვიანებდა.

10. არ დაიჯერებთ, მაგრამ საფრანგეთში შეგიძლიათ მიცვალებულს გაჰყვეთ ცოლად. 2014 წელს 48 წლის პასკალ ლიარმა პრეზიდენტს მიწერა წერილი, რომელშიც გულის შეტევით გარდაცვლილ შეყვარებულზე ქორწინების ნებართვას სთხოვდა. ფრანსუა ოლანდმა პირადად მოაწერა ხელი ქორწინების ნებართვას. და ეს არ არის ერთეული შემთხვევა!

Posted in ბლოგი, კრებულები and tagged .