როგორ უნდა ჩავიდეთ პარიზში ბოვეს აეროპორტიდან, სადაც WizzAir დაფრინავს - Aviabiletebi.org
მთავარი » ბლოგი » ლაიფჰაკი » როგორ უნდა ჩავიდეთ პარიზში ბოვეს აეროპორტიდან, სადაც WizzAir დაფრინავს

როგორ უნდა ჩავიდეთ პარიზში ბოვეს აეროპორტიდან, სადაც WizzAir დაფრინავს

თქვენთვის უკვე ცნობილია რომ ავიაკომპანია ვიზეარი პარიზში ლოუკოსტ-აეროპორტში დაფრინავს.

ბოვე (დედაქალაქიდან 85 კილომეტრში). ეს არის ბიუჯეტური აეროპორტი, სადაც ასევე უკრაინული Skyup და ირლანდიური Ryanair დაფრინავს.

თუ როგორ ჩავიდეთ ბოვეს აეროპორტიდან პარიზში, SkyUp-მა დეტალურად განმარტა თავისი ფეისბუქის გვერდზე. ზოგადად, სამი გზა არსებობს.

შატლი აეროპორტიდან

  • ეს შატლი საგანგებოდ რეისებისთვის ფუნქციონირებს და თვითმფრინავის ჩამოფრენიდან დაახლოებით 20 წუთში გადის. ჩვეულებრივ, აეროპორტში არ არის ხალხმრავლობა, მაგრამ თუ პროცედურების გავლა შეფერხდა, გვპირდებიან, რომ მგზავრებს დაელოდებიან.
  • შატლის ბოლო გაჩერებაა Porte Maillot მეტროსადგური, ტრიუმფალურ თაღთან. აქედანვე, ფრენამდე 3:00 საათით ადრე ბოვეში შატლი მიემგზავრება.
  • ბილეთის ფასია 15,90 ევრო ან 29 ევრო ორი გზა. მგზავრობის ხანგძლივობა დაახლოებით 1 საათი და 15 წუთია.
  • ბილეთების შეძენა შესაძლებელია ადგილზე, შატლთან ან აეროპორტის ვებ-გვერდზე.

მატარებელი ქალაქი ბოვედან

  • ეს ვარიანტი მოსახერხებელია მათთვის, ვინც პარიზიდან საფრანგეთის სხვა ქალაქებში გამგზავრებას გეგმავს. ჯერ აეროპორტის შატლით ქალაქ ბოვეში გაემგზავრეთ. შატლი ყოველ ნახევარ საათში გადის და მგზავრობის ხანგძლივობა 10-15 წუთია. ბილეთი 2 ევრო ღირს.
  • შემდეგ პარიზში მატარებლით გაემგზარეთ. ბილეთის ფასი 15 ევროა. პარიზში დაახლოებით ერთ საათში ჩახვალთ.
  • თქვენ პარიზის ცენტრალურ სადგურზე აღმოჩნდებით, საიდანაც მარტივად შეგიძლიათ მოხვდეთ საფრანგეთის ნებისმიერ ქალაქში.

ტაქსი

რა თქმა უნდა, შეგიძლიათ აეროპორტთან მდგომი ტაქსით იმგზავროთ ან ავტომობილი აპლიკაციის მეშვეობით გამოიძახოთ. ღირებულება – 120 ევროდან.

SkyUp-ის ხელბარგი

ერთ მგზავრს უფლება აქვს ბორტზე უფასოდ აიტანოს 7 კგ-მდე 55x40x20 ზომის ხელბარგი (პარამეტრების ჯამი 115 სმ). დამატებითი საფასურის გადახდის გარეშე თვითმფრინავში ასევე შეგიძლიათ აიტანოთ:

  • საქაღალდე;
  • პალტო ან საწვიმარი;
  • ჟაკეტი, ქოლგა, წიგნი ან ჟურნალი, ფრენის დროს სამყოფი საკვები ბავშვისთვის;
  • ბავშვის სამგზავრო პორტატული საწოლი ან ეტლი.
Posted in ბლოგი, ლაიფჰაკი and tagged .

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა