ავიაბილეთები რიგა

რიგა ძალიან ლამაზი ქალაქია. მისმა ცენტრალურმა უბანმა ძველი, ძალიან ძველი და უძველესი შენობების მთელი კომპლექსი შეინარჩუნა, რომელიც გულგრილს არავის ტოვებს. ამასთან რიგა ყოველთვის იყო თავისი პატარა ბალტიური ოჯახის „უფროსი ძმა“. ტალინთან და ვილნიუსთან შედარებით, ეს ქალაქი მართლაც ტოვებს მეგაპოლისის შთაბეჭდილებას. იგი ბობოქრობს, მხიარულობს, ათასობით ტურისტს იზიდავს, შეუმჩნევლად აყვარებს თავს და აიძულებს კიდევ ერთი-ორი დღე დარჩნენ ან კიდევ ერთხელ მაინც დაბრუნდნენ.

ფართო, 500 მეტრიანი მდინარე დაუგავათი გაყოფილი რიგა სამუდამოდ რჩება გულში თავისი არტ-ნუვოს სტილის ფასადებით, დიდი მწვანე პარკებითა და მყუდრო პატარა ბარებით, სადაც დრო შეუმჩნევლად გადის შუქისა და სანთლების თანხლებით.

რიგა საოცრად ითავსებს სათამაშო, თითქოს და შუა საუკუნეების გრავიურებიდან გადმოსულ ისტორიულ ცენტრს, კაშკაშა ღამის ცხოვრებასა და აყვავებულ სარესტორნო ბიზნესს. ძველი და ახალი რიგის უხვი სილამაზე, უსასრულო ელეგანტურობა და დაუოკებელი ფიუჟენი იმდენად ძლიერი შარმის მატარებელია, რომ მისი აღქმა მხოლოდ რიგის ცნობილი შავი ბალზამის თანხლებით თუ არის შესაძლებელი.

როგორ ჩავიდეთ რიგაში

რიგაში მოგზაურობის დაგეგმვისას, პირველ რიგში ტრანსპორტი უნდა აირჩიოთ. რამდენიმე ვარიანტი არსებობს და არჩევანი მგზავრობის საერთო ხანგრძლივობაზეა დამოკიდებული. თუ ეს შაბათ-კვირის ტურია, მაშინ უმჯობესია თვითმფრინავით იმგზავროთ. პირდაპირი რეისები რიგას თბილისსა და ქუთაისთან აკავშირებს. სხვა რეგიონების მაცხოვრებლებს მარშრუტის დაგეგმვა გადაჯდომით მოუწევთ.

rixpost

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

11.12.2019

14.12.2019

1 stop

ფასი 830

13.12.2019

14.12.2019

1 stop

ფასი 898

16.12.2019

24.12.2019

1 stop

ფასი 954

17.12.2019

24.12.2019

1 stop

ფასი 950

19.12.2019

24.12.2019

1 stop

ფასი 939

20.12.2019

25.12.2019

1 stop

ფასი 978

21.12.2019

24.12.2019

1 stop

ფასი 940

22.12.2019

22.12.2019

1 stop

ფასი 1 112

23.12.2019

26.12.2019

1 stop

ფასი 896

24.12.2019

28.01.2020

1 stop

ფასი 805

25.12.2019

30.12.2019

1 stop

ფასი 810

26.12.2019

30.12.2019

1 stop

ფასი 808

27.12.2019

02.01.2020

1 stop

ფასი 732

28.12.2019

02.01.2020

1 stop

ფასი 766

29.12.2019

03.01.2020

1 stop

ფასი 765

პირდაპირი ფრენები Tbilisi-დან Riga-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

19.12.2019

20.12.2019

ფასი 1 024

პირდაპირი ფრენები Kutaisi-დან Riga-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

24.12.2019

30.12.2019

ფასი 196

21.01.2020

31.01.2020

ფასი 235

რიგის რაიონები

ადვილად გამოსაცნობია, რომ ტურისტებს შორის ყველაზე პოპულარული რიგის ცენტრალური რაიონია. აქ ციცქნა მოედანზე თავმოყრილია ბალტიისპირეთის ქალაქის ღირშესანიშნაობათა უმრავლესობა, რომელთაგან ძველი რიგა სამართლიანად ითვლება მთავარ ღირსშესანიშნაობად. რადგან თავად რაიონი მხოლოდ 3 კვ. კმ. იკავებს, სრული დამაჯერებლობით შეიძლება ითქვას, რომ 1 კვ. კმ-ზე 3-4 მუზეუმი მოდის. ძველი ქალაქის ქვაფენილით მოკირწყლული ქუჩების გარდა, ასევე საინტერესოა რიგის საკათედრო ტაძარი და ლატვიის დედაქალაქის ისტორიისადმი მიძღვნილი მუზეუმი.

არ აუაროთ გვერდი ისტორიული და კულტურული თვალსაზრისით ქალაქის ერთ-ერთ ყველაზე მნიშვნელოვან შენობას – რიგის ციხესიმაგრეს, ისევე როგორც ლატვიისა და საზღვარგარეთის ხელოვნების ისტორიის მუზეუმებს. რაც შეეხება განთავსების ობიექტებს, ქალაქის ცენტრში მდებარე სასტუმროების უმრავლესობა არ არის იაფი, თუმცა, თუ რამდენიმე დღით ჩამოხვედით, გირჩევთ სწორედ აქ გაჩერდეთ.

განთავსების ბიუჯეტური ვარიანტები ცენტრალური სადგურის მახლობლად უნდა მოძებნოთ.

რიგის დანარჩენი 5 ადმინისტრაციული რაიონიდან განსაკუთრებულ ყურადღებას იმსახურებს ვიძემის გარეუბანი და ზიემელის რაიონი. პირველ მათგანში ლატვიის ეთნოგრაფიული მუზეუმი მდებარეობს. უდიდესი ექსპოზიციის გარდა, იგი ასევე საინტერესოა უჩვეულო ექსკურსიებით, რომლებსაც ეროვნულ სამოსში გამოწყობილი გიდები ატარებენ. ასევე უნდა შეიაროთ რიგის მოტორმუზეუმშიც, სადაც ძველ ავტომობილებსა და მოტოტექნიკას იხილავთ. ზიემელის რაიონი კი შესანიშნავია ბუნებაში დასვენებისთვის. აქ მდებარეობს კიშეზერსის ტბა, მეჟაპარკი უამრავი დასვენების ზონითა და რიგის ზოოპარკი.

ტრანსპორტი

რიგაში საზოგადოებრივი ტრანსპორტი კარგადაა განვითარებული: აქ ავტობუსის, ტროლეიბუსისა და ტრამვაის უამრავი მარშრუტია. ავტობუსი ყველა რაიონსა და ქალაქის მიმდებარე ადგილებს მოიცავს, ტრამვაი კი – ქალაქის ცენტრში მოძრაობს. ბილეთს მძღოლთან შეიძენთ, მგზავრობის ღირებულება 1,15 ევროა. გარდა ამისა, რიგაში ერთიანი სამგზავრო ბილეთი მოქმედებს – ე-ტალონი. ტრანსპორტით ერთი საათი მგზავრობა 2,30 ევრო დაგიჯდებათ. თუ ქალაქში ინტენსიურ გადაადგილებას გეგმავთ, ბარათზე შეგიძლიათ ჩატვირთოთ მგზავრობის საჭირო რაოდენობა (50 -მდე). სამგზავრო ბილეთები იყიდება კლიენტთა მომსახურების ცენტრებში, ბილეთების ავტომატებში და ინტერნეტის მეშვეობით, ფასები ვებ-გვერდზე მითითებულია 2018 წლის ნოემბრის მდგომარეობით.

რიგაში დროებითი ბილეთებიც მოქმედებს, რაც საშუალებას იძლევა ქალაქის ყველა მარშრუტზე შეუზღუდავად გადაადგილდეთ 24 საათის (5 ევრო), 3 (10 ევრო) ან 5 (15 ევრო) დღის განმავლობაში. თუ ლატვიის დედაქალაქის ყველა ღირსშესანიშნაობის მონახულება გაქვთ დაგეგმილი, მგზავრობის გადახდის ეს ვარიანტი თანხის დაზოგვის საშუალებას მოგცემთ.

ძირითადი ტრანსპორტის გარდა რიგაში მინიბუსები კურსირებს, ხოლო შაბათ-კვირას დამატებით – ღამის ავტობუსები. ვინაიდან ტრანსპორტირებას სხვა კომპანია ახორციელებს, საერთო სამგზავრო ბილეთები აქ არ მოქმედებს, ბილეთები ცალკე უნდა შეიძინოთ. თუმცა იგივე ტარიფები მოქმედებს და მგზავრობის გადახდას მძღოლთან შეძლებთ.

ქალაქში ბევრი ტაქსია, ამასთან ყველა ოფიციალური და მრიცხველით აღჭურვილია. ჩვეულებრივი ავტომობილებისგან ისინი განსხვავდებიან ყვითელი ნომრებითა და სახურავზე განთავსებული განათებული პლაფონით. მიუხედავად იმისა, რომ რიგაში კერძო ტაქსისტები საერთოდ არ არიან, სპეციალურ სადგომებზე ტაქსის პოვნა არ გაგიჭირდებათ. გარდა ამისა, ავტომობილი შეგიძლიათ ტელეფონით შეუკვეთოთ, ზარი უფასოა.

უმეტეს შემთხვევაში გადახდა საკრედიტო ბარათითაც შეგიძლიათ. თუმცა, ტერმინალის ხელმისაწვდომობა უმჯობესია მძღოლთან ჩასხდომამდე დააზუსტოთ.

მგზავრობის ტარიფები დამოკიდებულია დღე-ღამის მონაკვეთზე. ღამით მგზავრობის ღირებულება 20%-ით უფრო ძვირია. სხვადასხვა კომპანიას დაახლოებით ერთნაირი ფასები აქვს. ჩასხდომის ღირებულება დაახლოებით 1 ევროა, 1 კმ მგზავრობის ღირებულება – 0,35-0,80 ევრო.

ლატვიაში საკუთარი ავტომობილით მოგზაურობისას აუცილებლად უნდა იქონიოთ მძღოლის სამოქალაქო პასუხისმგებლობის დაზღვევა. ქვეყანაში „ანტირადარი“ აკრძალულია: იგი ქალაქში შესვალმდე უნდა მოხსნათ. ლატვიაში ქვეითად მოსიარულეები ყოველთვის მართალია – მათ გზა აუცილებლად უნდა დაუთმოთ.

CityGuideCard და Riga Card

სხვა პოპულარული ტურისტული ცენტრების მსგავსად რიგაში სტუმრის ბარათები მოქმედებს, რომლებიც ლატვიის დედაქალაქში დასვენებას არა მარტო საინტერესოს, არამედ საკმაოდ ბიუჯეტურს ხდის. პირველი მათგანი, CityGuidCard, მოქმედებს როგორც რიგაში, ისე ლატვიის სხვა ქალაქებში, ასევე მსოფლიოს მრავალ ქვეყანაში. ბარათის მფლობელს შეუძლია მიიღოს ფასდაკლებები სასტუმროებში, მაღაზიებსა და ბენზინგასამართ სადგურებში. ბარათის შეკვეთა სრულიად უფასოდ შეგიძლიათ.

CityGuideCard მთლიანად ანაცვლებს ე-ტალონს. შეავსეთ ბალანსი და საზოგადოებრივი ტრანსპორტით მგზავრობისთვის გამოიყენეთ.

მათ, ვისაც ექსკურსიებსა და მგზავრობაზე თანხის დაზოგვა სურს, ყურადღება უნდა მიაქციონ Riga Card ტურისტულ ბარათს. ამ ბარათის მფლობელი რამდენიმე ღირსშესანიშნაობას სრულიად უფასოდ მოინახულებს. მათ შორისაა კულტურის სასახლე „ზიემელბლაზმა“ და რიგის ფაიფურის მუზეუმი. გარდა ამისა, თუ Riga Card გაქვთ, არ მოგიწევთ ღირსშესანიშნაობის დასათვალიერებლად საავტობუსო ტურის, დარბაზში „რიგის ხელოვნების სივრცე“ გამოფენის მონახულებისა და ძველ ქალაქში ექსკურსიის საფასურის გადახდა. სხვა ღირსშესანიშნაობების მონახულებაზე 50%-მდე ფასდაკლება მოქმედებს.

კიდევ რამდენიმე სასიამოვნო ბონუსი – ტრანსპორტით შეუზღუდავი უფასო მგზავრობა და 20%-მდე ფასდაკლება 8 ბარსა და რესტორანში.

Riga Card-ის შეძენა შეგიძლიათ რიგის ტურისტულ საინფორმაციო ცენტრში, რიგის საერთაშორისო აეროპორტის ბიუროში ან ონლაინ. ამ უკანასკნელ შემთხვევაში ბარათი 10%-ით ნაკლები დაგიჯდებათ. შეძენისას შეგიძლიათ აირჩიოთ 24 (25 ევრო), 48 (30 ევრო) და 72 საათიანი (35 ევრო) აბონემენტი.

რიგის სასტუმროები

რიგის პოპულარობა ქართველ ტურისტებს შორის განპირობებულია არა მხოლოდ უძველესი არქიტექტურით, გასართობი საშუალებების სიუხვითა და ტრანსპორტის ხელმისაწვდომობით. საკმაოდ მნიშვნელოვან როლს თამაშობს განთავსების ობიექტების დემოკრატიული ფასები. გარეუბანში მდებარე ჰოსტელის საერთო ნომერში ღამეს 10 ევროდაც კი გაათევთ, ორადგილიანი ნომერი – 15 ევრო დაგიჯდებათ. მართალია, სასტუმროდან ცენტრში მგზავრობისთვის დროის დახარჯვა მოგიწევთ. თუმცა ჰოსტელები ძველი ქალაქის მახლობლადაც მდებარეობს, მაგრამ ერთი ღამის გათევა აქ 2-ჯერ მეტი დაგიჯდებათ.

რიგა – ძალიან პოპულარული ტურისტული მიმართულებაა, განსაკუთრებით საშობაო და მაისის დღესასწაულების დროს, ამიტომ უმჯობესია სასტუმრო წინასწარ დაჯავშნოთ.

სასტუმროები Riga-ში: 3 stars

სასტჯუმრო ვარსკვლავი ფასდაკლება ფასი 1 ღამით აირჩიეთ თარიღები

Kolonna Hotel Brigita

★★★

-17%

11091

სასტუმროს ნახვა

Hotel Mezaparks

★★★

-14%

10894

სასტუმროს ნახვა

Annabella

★★★

-27%

13397

სასტუმროს ნახვა

Avitar

★★★

-25%

11385

სასტუმროს ნახვა

Ibis Styles Riga

★★★

-45%

262144

სასტუმროს ნახვა

Janne Hotel

★★★

-16%

158133

სასტუმროს ნახვა

Rija Hotel Tia

★★★

-58%

21792

სასტუმროს ნახვა

Hotel Vantis

★★★

-7%

219204

სასტუმროს ნახვა

Hotel Forums

★★★

-8%

122112

სასტუმროს ნახვა

Bella Riga Hotel

★★★

-28%

161116

სასტუმროს ნახვა

ქალაქში ბევრი საშუალო კლასის სასტუმროა, განთავსების ღირებულება 30 ევროდან იწყება. ამ თანხით თქვენ მიიღებთ მყუდრო ოთახს ზედმეტი ფუფუნების გარეშე. მომსახურება ყველა სასტუმროში მაღალ დონეზეა, პერსონალი კი ძალიან მეგობრულია. ლატვიის დედაქალაქში ძვირადღირებული ლუქს კლასის სასტუმროებიც არის – მდიდრული ნომრები, ჩინებული რესტორნები და პირველი კლასის მომსახურება. ასეთი სიამოვნება საკმაოდ ძვირი ღირს – დღე-ღამეში 200 ევროდან.

Posted in ავიაბილეთები, ლატვია and tagged , , .