მალდივის სანაპირო

მალდივის კუნძულები

მალდივის კუნძულები – ინდოეთის ოკეანის თბილ წყლებში მიმოფანტული თვალწარმტაცი ატოლებია. აქ ყველაფერი ნეტარებას ანიჭებს ადამიანს: კილომეტრებზე გადაჭიმული განმარტოებული პლაჟები, მაღალი დონის სასტუმროები და ძალიან ლამაზი ბუნება. ყველაფერი მალდივების შესახებ: დაივინგი და სერფინგი, ფოტოები, ფასები, ამინდი და ტურები.

მალდივის კუნძულები, ინდოეთის ოკეანის ეკვატორული წყლების ცნობილი „რეზიდენტები“, სამართლიანად მიიჩნევიან ერთ-ერთ საუკეთესო ეგზოტიკურ მიმართულებად. აქ სულ 1190 კუნძულია (უფრო სწორად, ატოლები) და ყველა ერთნაირად კარგია: ცისფერი ლაგუნებით, ქვიშიანი პლაჟებითა და უნიკალური მცენარეულობით. დასვენებისთვის აქ ყველაფერია: სიჩუმე და სიმშვიდე, ლამაზი ბუნება, მდიდარი წყალქვეშა სამყარო. და კიდევ ის, რის გარეშეც ნებისმიერი კურორტის უპირატესობა თანამედროვე ტურისტებისთვის დაუყოვნებლივ კარგავს თავის ღირსებას – კარგი სასტუმროები და მომსახურების მაღალი დონე.

უნდა ითქვას, რომ მალდივებში ფასებიც საკმაოდ „დონეზეა“: ძირითადად, აქ დასვენების შესაძლებლობა იმ მოგზაურებს აქვთ, რომელთა შემოსავლის დონეს მარკეტოლოგები როგორც „საშუალოზე მაღალს“ განსაზღვრავენ. მოგზაურობისთვის მნიშვნელოვანი თანხის გამოყოფით, შვებულებით 100%-ით კმაყოფილი დარჩებიან დამსვენებელთა შემდეგი კატეგორიები. მანიაკი-დაივერები, რომლებიც დღეში სამჯერ ეშვებიან სიღრმეებში. ეს არის ტურისტების ყველაზე უპრობლემო ქვესახეობა: იხვივით დილიდან საღამომდე ყვინთვით ისინი ნებისმიერ შემთხვევაში აღფრთოვანებული დარჩებიან. ბედნიერი დაქორწინებული (ან დაუქორწინებელი) წყვილები, რომლებსაც ერთმანეთის გარდა არავინ სჭირდებათ. მათ შეუძლიათ აირჩიონ სასტუმრო შესაბამისი ატმოსფეროთი – კუნძულებზე დიდი არჩევანია. და, რა თქმა უნდა, ტროპიკული სამოთხის გარემოში აბსოლუტურად მშვიდი დასვენების მაძიებლები.

როგორ ჩავიდეთ?

მალდივის კუნძულების მიმართულებით ფრენები ხორციელდება თბილისის აეროპორტიდან. ფრენები სრულდება მალდივის კუნძულების დედაქალაქ მალეს მიმართულებით

ერთადერთი აეროპორტი, რომელიც მალდივის კუნძულებზე საერთაშორისო რეისებს იღებს, კუნძულ ჰულულეზე მალედან 2 კილომეტრში მდებარეობს და იბრაჰიმ ნასირის სახელს ატარებს. მგზავრობა შესაძლებელია სტამბოლში ან დოჰაში გადაჯდომით. მგზავრობის ღირებულება 1000 ლარიდან იწყება (ერთი გზა), მგზავრობის ხანგრძლივობა – 13,5 საათიდან.

2 წელზე უფროსი ასაკის ყველა მგზავრი მალდივებიდან გამგზავრებამდე ვალდებულია გადაიხადოს აეროპორტის მოსაკრებელი 25 აშშ დოლარი (თუ ბილეთის ფასში არ შედის) ფრენის წინ სარეგისტრაციო დახლთან.

მალეში დაფრინავს შემდეგი ავიაკომპანიები:

თბილისის აეროპორტიდან პირდაპირი რეისები არ ხორციელდება მალდივების მიმართულებით.

ხელმისაწვდომია მხოლოდ ტრანზიტული ფრენები სტამბულის, დუბაის, კიევის ან მოსკოვის გავლით.

ყველაზე იაფი ავიაბილეთები Tbilisi-დან Male-მდე 1 წლის განმავლობაში

გაფრენის თარიღიდაბრუნების თარიღიგაჩერებაავიაკომპანიაბილეთების მოძებნა

26.12.2019

02.01.2020

2 stops

ფასი 3 735

ჰულულედან მალიზე საბორნე მიმოსვლა ხორციელდება (ტრანსფერს მხოლოდ 5-10 წუთი სჭირდება, ბილეთები – 17,82-35,63 მალდივური რუფია (MVR)), სხვა კუნძულებზე – ტრადიციული ნავები „დონი“ (განრიგი არ არის, მალემდე მოგზაურობა 18-20 MVR დაგიჯდებათ) შორეულ რეგიონებში კი ჰიდროპლანი დაფრინავს. ტურისტებისთვის სასტუმრომდე ტრანსფერს ყველაზე ხშირად ტურ-ოპერატორები უწევენ ორგანიზებას, რომელთა წარმომადგენლები აეროპორტში მორიგეობენ.

მალდივის კუნძულების რეგიონები და კურორტები

მალდივის კუნძულების დედაქალაქიამალე, რომელიც ამავე სახელწოდების კუნძულის თითქმის მთელ ტერიტორიას იკავებს. თუმცა ეს მხოლოდ ჟღერს შთამბეჭდავად: სინამდვილეში, მსოფლიოში ერთ-ერთი ყველაზე კომპაქტური და მჭიდროდ დასახლებული დედაქალაქის ფართობი მხოლოდ 5,8 კვადრატული კილომეტრია. ტურისტების უმრავლესობა დაუყოვნებლივ სამოთხის კუთხეებში მიემგზავრება, მაგრამ მალეშიც შეგიძლიათ გაჩერდეთ: იხილოთ ისლამური სალოცავები, ერთადერთ პლაჟზე ტალღა დაიჭიროთ, შეიძინოთ სუვენირები ჩაანდანი მაგუს ქუჩაზე.

ჩრდილოეთ მალეს ატოლის დანარჩენი კუნძულები ან კურორტებად არის ქცეული, ან კიდევ მდიდარ იღბლიან ადამიანებს აქვთ იჯარით აღებული. საუკეთესო ადგილობრივი გასართობია დაივინგი: გამჭვირვალე წყალში ხილვადობა 50 მეტრს აღწევს, ხოლო ფსკერზე უამრავი ლამაზი სანახაობაა. სამხრეთ მალეს ატოლი პოპულარობით სარგებლობს დაივერებსა (როგორც ახალბედა, ისე გამოცდილ დაივერებს საზღვაო ნაკრძალები, გამოქვაბულები და ჩაძირული გემები ელოდებათ) და სერფერებს (მარტიდან სექტემბრის ჩათვლით კანდუმას კურორტზე შესანიშნავი ტალღებია) შორის.

მალდივებზე დროის გატარების ყველაზე გავრცელებული საშუალებაა დაივინგი, რადგან მარჯნის რიფებს თითოეულ კუნძულთან იპოვით.

ბაასა და რაას ატოლები განთქმულია განმარტოებული ატმოსფეროთი და საოცარი პეიზაჟებით: ბაა იუნესკოს ბიოსფერული რეზერვატების მსოფლიო ქსელშიც კი შედის ნიაგარას ჩანჩქერთან, ამაზონის ტყეებთან და პლანეტის სხვა ბუნებრივ საოცრებებთან ერთად. ატოლზე არი უგემრიელესი საზამთროები იზრდება, ხოლო ლავიანიზე მარგალიტისა და მარჯნისგან ყველაზე ორიგინალურ სამკაულებს ამზადებენ.

ტურები მალდივის კუნძულებზე, დეტალურად აღწერილია აქ მოცემულ გვერდზე.

ისტორია და ლეგენდა

ლეგენდის თანახმად, ოდესღაც მალდივებზე ცხოვრება საერთოდ არ იყო ისეთი უღრუბლო, როგორც პრიალა ჟურნალებშია. ზღვის ჯინი რანამაარი, რომელიც ადგილობრივი მოსახლეობის საუბედუროდ მათ ტერიტორიულ წყლებში დასახლდა, სავსე მთვარეზე რეგულარულ ადამიანურ მსხვერპლს მოითხოვდა, თანაც მხოლოდ კუნძული მალედან ქალწულების სახით. საწყალ გოგონებს რომელიღაც ტაძარში ტოვებდნენ, დილით კი მკვდრებს პოულობდნენ.

მაგრამ კოკა ყოველთვის წყალს არ მოიტანს: ერთხელ ატოლზე შორეული მაღრიბიდან მოგზაური აბდულ-ბარაკატ ულ-ბარბარი ჩამოვიდა. უცხო ქვეყნის მოგზაურს გოგონები შეებრალა (რომლებიც თანამემამულეებს აშკარად არ აინტერესებდათ) და სავსე მთვარეზე მსხვერპლის ადგილზე თავად მივიდა ტაძარში. მთელი ღამე მან ყურანი იკითხა, ხოლო დილით აღმოჩნდა, რომ ჯინი გაქცეულიყო, რადგან ვერ გაუძლო წმიდა წიგნის სიძლიერეს. ამგვარად, ქალები გადარჩნენ, ხოლო გახარებულმა მალდიველებმა ისლამი მიიღეს – ამიტომ აქ ყველგან ნახავთ მეჩეთს, აკრძალულია ალკოჰოლის შემოტანა და „ტოპლეს“ გარუჯვა (სავარაუდოდ, ეშინიათ, რომ ჯინი არ დაბრუნდეს). თუმცა, ამან არ იმოქმედა არქიპელაგის საოცარ ბუნებაზე – და, შესაბამისად, მისი ტურისტებისთვის მიმზიდველობაზე.

კლიმატი

მალდივის კუნძულების კლიმატი თბილი და ტენიანია. ჰაერის ტემპერატურა დღისით დაახლოებით +30°C, ღამით +26°C, წყლის +26°C. ეკვატორთან სიახლოვის გამო, მუსონებთან დაკავშირებული სეზონური ცვლილებები თითქმის შეუმჩნეველია. სამხრეთ-დასავლეთ მუსონის დროს (მაისიდან ოქტომბრის ჩათვლით) უფრო ხშირად წვიმს და ამინდიც უფრო ქარიანია. ჩრდილო-აღმოსავლეთ მუსონების სეზონი (ნოემბრიდან თებერვლის ჩათვლით) ნაკლებად ტენიანად ითვლება.

ვიზა და საბაჟო

საქართველოს მოქალაქე, რომელიც მიემგზავრება მალდივის რესპუბლიკაში ვიზას მიიღებს სასაზღვრო გამშვებ პუნქტზე. ასევე გირჩევთ გააფორმოთ სამედიცინო დაზღვევის პოლისი მოგზაურობის მთელ პერიოდზე.

უცხოური ვალუტის შეტანა-გატანა არ არის შეზღუდული. ბარგი მკაცრ საბაჟო შემოწმებას გადის. ნებადართულია 200 სიგარეტის და 125 მლ პარფიუმერული ნაწარმის, აგრეთვე „გონივრულ ფარგლებში“ პირადი მოხმარების საქონლის უბაჟო შემოტანა, ანუ არაუმეტეს ერთი ნივთისა ერთ პერსონაზე. საქონელი, რომლის ღირებულება 200 აშშ დოლარს აღემატება, სავალდებულო დეკლარირებას ექვემდებარება. ფასები ვებ-გვერდზე მოცემულია 2018 წლის ოქტომბრის მდგომარეობით.

2011 წლის მაისიდან მალდივებზე მკაცრად აიკრძალა ალკოჰოლის (თუნდაც უბაჟო ვაჭრობის მაღაზიებში შეძენილი) შემოტანა. ამასთან, თუ ადრე ტურისტებს შესაძლებლობა ჰქონდათ ალკოჰოლური პროდუქცია აეროპორტში შეენახათ, ახლა ამის შესაძლებლობა აღარ არის და ალკოჰოლს საბოლოოდ ჩამოგართმევენ.

მკაცრად აკრძალულია ალკოჰოლური სასმელების (თუნდაც უბაჟო ვაჭრობის ზონაში შეძენილი), ძეხვის „სალიამი“, ღორის ხორცისა და მისგან წარმოებული პროდუქციის, წყალქვეშა სანადირო იარაღის, პორნოგრაფიისა და ნარკოტიკების შემოტანა. შინაური ცხოველების შემოყვანისთვის სპეციალური ნებართვაა საჭირო; აკრძალულია ძაღლების შემოყვანა. იკრძალება მარგალიტის ნიჟარების, შავი მარჯნის, ზღვის კუს ბაკნის და მათი ნაწარმის (გარდა მთავრობის მიერ ოფიციალურად სერტიფიცირებული მწარმოებლების მიერ დამზადებული სუვენირებისა), აგრეთვე ზღვის ფსკერზე ნაპოვნი ნივთების გატანა.

მალდივის კუნძულებზე არ არის Tax free სისტემა.

ტრანსპორტი

მალდივის კუნძულებს შორის შეგიძლიათ გადაადგილდეთ ზღვით (ჩქაროსნული კატარღითა და ტრადიციული ნავით „დონი“) და საჰაერო გზით (ჰიდროპლანითა და საჰაერო ტაქსით). რამდენიმე შიდა ფრენა Flyme–ს მიერ ხორციელდება (ოფიციალური ვებ-გვერდი ინგლისურ ენაზე). მალედან ბაას ატოლში შემავალი დარავანდას კუნძულის მიმართულით რეისზე ბილეთების ღირებულებაა 2700 MVR, ხოლო რაას ატოლში შემავალი მაამიგილის მიმართულებით – 2992 MVR. ავიაგადამზიდავი Maldivian (ოფიციალური ვებ-გვერდი ინგლისურ ენაზე) უფრო მეტ მიმართულებას ემსახურება: მაგალითად, დედაქალაქიდან ჰანიმადაში ფრენა (ტილადუმატის ატოლი) ფრენა 4500 MVR ეღირება. საჰაერო ტაქსი კომპანია Transmaldivian-ს ეკუთვნის – დეტალებს ოფიციალურ ვებ-გვერდზე იხილავთ (ინგლისურ ენაზე).

კუნძულებს შორის ასევე კურსირებს ხის ნავები „დონი“ და ჩქაროსნული კატარღები, რომლებიც განკუთვნილია 5-20 მგზავრისათვის. მალედან მატივერიმდე (ალიფ-ალიფის ატოლი) მგზავრობა 1250 MVR დაგიჯდებათ, ტოდდაზე (არის ატოლი) – 750 MVR, მააფუშიზე (სამხრეთ მალეს ატოლი) – 550 MVR. სხვა ფასებსა და განრიგს გადამზიდავის ოფიციალურ ვებ-გვერდზე გაეცნობით (ინგლისურ ენაზე).

საავტომობილო გზები მხოლოდ დედაქალაქშია, შესაბამისად, ტაქსებიც მხოლოდ იქ არის. ავტომობილი შეგიძლიათ ტელეფონით გამოიძახოთ (ასე უფრო იაფია) ან ქუჩაში გააჩეროთ, მოგზაურობის საშუალო ღირებულებაა 25-35 MVR დამატებული 5-10 MVR ბარგისთვის. ახლახან მალეში საავტობუსებო მიმოსვლა დაიწყო: 18 გაჩერებას 4,70 MVR მოივლით. დანარჩენ კუნძულებზე ფეხით ან ველოსიპედით უნდა იმოძრაოთ: ბევრ სასტუმროში მათ უფასოდ გასცემენ.

კავშირი და Wi-Fi

მალდივებზე ორი მობილური ოპერატორია: Dhiraagu და Ooredoo. სიმ-ბარათები აეროპორტში და მალეს საფირმო მაღაზიებში იყიდება, ქსელთან დაკავშირების საკითხებში სასტუმროს თანამშრომლებიც დაგეხმარებათ. ბალანსი სპეციალური ბარათების მეშვეობით ივსება, რომელთა შეძენას სასტუმროებშიც შეძლებთ. ოპერატორ Dhiraagu-სთან საქართველოში ზარის განხორციელების ღირებულებაა წუთში 4,90 MVR, ზოგიერთი პაკეტი ორ უცხოურ ნომერთან კავშირზე 10%-იან ფასდაკლებას მოიცავს.

უმეტეს საკურორტო კუნძულებზე არის ფასიანი ტელეფონები-ავტომატები, საიდანაც შეგიძლიათ დარეკოთ ქვეყნის ფარგლებში (თითოეულ ზონაში თავისი ტარიფებია) და საზღვარგარეთ. 50-500 MVR ღირებულების ბარათები იყიდება დედაქალაქის კავშირის სალონში, სასტუმროებში და ქუჩის მოვაჭრეებთან.

ზოგან ტაქსოფონებს სალაპარაკო პუნქტები ცვლის, ყველაზე ხელსაყრელი ტარიფებია – 0:00 საათიდან 6:00 საათამდე.

ბევრ სასტუმროს უფასო Wi-Fi აქვს; დიდ კუნძულებზე გახსნილია ინტერნეტ-კაფეები (კავშირი საკმაოდ ძვირია: 45-150 MVR საათში). ოპერატორი Dhiraagu ულიმიტო ინტერნეტს სთავაზობს თვეში 300 მალდივურ რუფიად.

სასტუმროები

მალდივის სასტუმროების უმრავლესობა 4-5 „ვარსკვლავის“ დონის, ბუნგალოს ტიპისაა. სამვარსკვლავიანი სასტუმროები ძალიან იშვიათია: აქ ძირითადად უპრეტენზიო დაივერები ჩერდებიან, რომლებიც დილიდან საღამომდე ოკეანეში ყვინთავენ. ბევრი სასტუმრო „წყლის ბუნგალოებში“ განთავსებას სვთავაზობს – ხის ფართო სახლები ხიმინჯებზე, რომლებიც პირდაპირ პლაჟზე წყალში დგას. ასეთი ეგზოტიკის დადებითი მხარეებია – იატაკქვეშ ტალღების რიტმული როკვა და „საწოლიდან“ ცურვა, უარყოფითი მხარეები – იგივე როკვა შტორმის დროს (დაძინება შეუძლებელია) და ზღვის მიქცევის დროს „კოშკურაზე“ დგომის მდებარეობა.

მალდივებში განთავსების კიდევ ერთი ვარიანტია – იახტები. განთავსების ღირებულება დაახლოებით იგივეა (ჩაყვინთვის ჩათვლით), რაც კარგ სასტუმროში ნომერი და გართობა. მაგრამ არსებობს შესაძლებლობა, რომ ნახოთ ათეულობით განსხვავებული ატოლი და მზეზე არ დაიწვათ – ზღვაზე მაინც ცოტა უფრო გრილა.

სასტუმროების სრული სია იხილეთ აქ

ქვეყანაში წარმოდგენილია მსოფლიოს თითქმის ყველა ცნობილი სასტუმროს ბრენდი. სასტუმროს უმრავლესობას საერთაშორისო დონის წყალქვეშა ცურვის სკოლა აქვს, სადაც კვალიფიციური ინსტრუქტორები მუშაობენ. ერთკვირიანი სწავლების შემდეგ შეგიძლიათ მიიღოთ PADI სერტიფიკატი, რომელიც მოიცავს თეორიულ კურსს და ინსტრუქტორთან ერთად 9 ჩაყვინთვას.

სასტუმროები Maldives-ში: 4 stars

სასტჯუმროვარსკვლავიფასდაკლებაფასი 1 ღამითაირჩიეთ თარიღები

The Melrose

★★★★

-20%

287230

სასტუმროს ნახვა

Hotel Jen Malé, Maldives by Shangri-La

★★★★

-14%

811698

სასტუმროს ნახვა

Kiha Beach

★★★★

-6%

416391

სასტუმროს ნახვა

The Somerset Hotel

★★★★

-27%

579419

სასტუმროს ნახვა

Hulhule Island Hotel

★★★★

-21%

1 001790

სასტუმროს ნახვა

Plumeria Maldives

★★★★

-42%

475276

სასტუმროს ნახვა

Beehive Nalahiya Hotel

★★★★

-53%

526249

სასტუმროს ნახვა

მალეში ყველაზე იაფი განთავსების საშუალება სამვარსკვლავიანი სასტუმროებია: დღე-ღამეში 700 MVR-დან ორადგილიანი ნომრისთვის საუზმის ჩათვლით. ხუთვარსკვლავიანი სასტუმროების ფასები 3800 MVR-დან იწყება: ამ ფასად მთელი ბუნგალო შეგიძლიათ იქირაოთ. მაამიგილიზე (რაას ატოლი) „ვარსკვლავების“ გარეშე სასტუმროში განთავსება 590 MVR, 3* – 770 MVR-დან, 5* – 10 900 MVR-დან. მააფუშიზე (სამხრეთ მალეს ატოლი) სამვარსკვლავიანი ნომრის ღირებულება 465 MVR-დან იწყება, ერთდაერთ 5* სასტუმროში – 16 850 MVR დღე-ღამეში.

სასტუმროები Maldives-ში: 5 stars

სასტჯუმროვარსკვლავიფასდაკლებაფასი 1 ღამითაირჩიეთ თარიღები

Airport Beach Hotel

★★★★★

-48%

552288

სასტუმროს ნახვა

ვალუტა

ქვეყნის ფულის ერთეულია – მალდივური რუფია (MVR), 1 რუფიაში 100 ლაარია. მიმდინარე კურსი: 1 MVR = 0,18 ლარი (1 აშშ დოლარი = 15.45 MVR, 1 ევრო = 17.3 MVR).

მალდივის რესპუბლიკის ფულის ერთეული რუფიაა, მაგრამ თითქმის ყველგან შეგიძლიათ გადაიხადოთ ამერიკული დოლარითა და ძირითადი საკრედიტო ბარათებით. ოფიციალური კურსით ვალუტის გაცვლას შეძლებთ ნებისმიერ ბანკში, გადამცვლელ პუნქტში ან აეროპორტში. ბანკები ღიაა 8:00 საათიდან 13:30 საათამდე, კვირიდან ხუთშაბათის ჩათვლით, დასვენების დღეებია – პარასკევი და შაბათი.

ვალუტის რუფიაზე გადაცვლა აუცილებელი არ არის. უფრო მეტიც, სასტუმროების უმრავლესობის ტერიტორიაზე რუფიით ვერ გადაიხდით: მიიღება მხოლოდ ნაღდი ფული – ევრო, დოლარი ან საკრედიტო ბარათები.

მალდივის სასტუმროებსა და რესტორნებში „ჩაისთვის“ თანხა ხშირად შედის ანგრიშში. სხვა შემთხვევებში, ყურადღებიან მიმტანს შეგიძლიათ დაუტოვოთ ქვითრის თანხის 10%-მდე, მოახლეს – კვირაში 70-80 MVR-მდე, მებარგულს – 15 MVR-მდე ურიკის გარეშე ბარგის მიტანისთვის. ტაქსის მძღოლებისთვის ზედმეტი თანხის დატოვება არ არის მიღებული.

როგორ ავიცილოთ თავიდან პრობლემები

მალდივებზე მკაცრად აკრძალულია: ოკეანეში და სანაპიროს მახლობლად ცოცხალი და მკვდარი მარჯნის მოტეხვა და შეგროვება, ნიჟარების დაზიანება და მათი ზედაპირზე ამოტანა, კუნძულების მახლობლად თევზის დაჭერა. ასევე მკაცრად იკრძალება წყალქვეშა ნადირობა და სანაპიროსთან თევზაობა.

ღამით ჩაყვინთვას იშვიათად ახორციელებენ ძლიერი დინებისა და ზღვის ბინადრების არაპროგნოზირებადობის გამო. ასევე არ ღირს ღია ზღვაში ცურვა. აკრძალულია კუნძულებზე ცარიელი ქილების, ბოთლების ან სხვა ნაგვის დაყრა. ამ წესების დარღვევისთვის საკმაოდ დიდი ჯარიმებია დაწესებული.

ქვეყანაში ნუდიზმი და თუნდაც უდანაშაულო „ტოპლეს“ გარუჯვა კანონით იკრძალება.

საკურორტო კუნძულებზე აფთიაქები არ არის, ამიტომ ყველა საჭირო წამალი თან იქონიეთ. არ შეიძლება დედაქალაქი მალესა და იმ კუნძულების პლაჟის ტანსაცმლით მონახულება, სადაც ადგილობრივი მოსახლეობა ცხოვრობს (რეკომენდებულია ისეთი ტანსაცმლის ჩაცმა, რომელიც სხეულს მხრებიდან მუხლებამდე ფარავს). მკაცრად იკრძალება ალკოჰოლის დალევა საზოგადოებრივ ადგილებში საკურორტო ზონის გარეთ.

საქართველოს საელჩო მალდივის რესპუბლიკაში: რეზიდენციით ქ. ნიუ დელი, ინდოეთი.

სასარგებლო ბმულები: მალდივის რესპუბლიკის საგარეო საქმეთა სამინისტრო: http://www.foreign.gov.mv/

მალდივის კუნძულების პლაჟები

მალდივებზე ყველა გზა პლაჟზე მიდის: წვრილი თოვლივით თეთრი ქვიშა, იდეალურად ლურჯი ტალღები, მაღალი პალმები – სადაც არ უნდა გაიხედოთ, ყველგან სარეკლამო პლაკატების სურათები ცოცხლდება. სანაპირო თითქმის ყველგან ფართო, კეთილმოწყობილი და აღჭურვილია მცხუნვარე მზისგან დამცავი ქოლგებით. პლაჟების უმეტესი ნაწილი სასტუმროებს ეკუთვნის. ამასთან, ის ადგილები, რომლებიც სამვარსკვლავიან სასტუმროებს ეკუთვნის, მოვლისა და კომფორტის თვალსაზრისით არაფრით ჩამოუვარდება მოდური ხუთვარსკვლავიანი სასტუმროების ზონებს.

არქიპელაგის ყველაზე ცნობილი პლაჟების სიაშია – ნალადუ და ბანიანი-ტრი მალეს ატოლზე, სანი და ნიკა არის ატოლზე. ლავიანის სანაპიროებზე კუები ბუდობენ, მააფუშის სანაპიროზე კი დელფინები დაცურავენ. შეძლებული საზოგადოება ჰადაჰაას (გააფუ-ალიფია ატოლი), კუნფუნადუსა (ბაას ატოლი) და ველიგანდუს (არის ატოლი) კუნძულებზე ისვენებს. აღჭურვილი პლაჟი დედაქალაქშიც კი არის: რასაკვირველია, ის არ არის ისეთი ეფექტური, როგორც დასასვენებელი ზონები მდიდრულ კურორტებზე, მაგრამ შესაფერისია სერფინგისთვის და მზის აბაზანების მიღებისთვის. ხოლო ყველაზე დიდ შთაბეჭდილებას მოახდენს ღამით ცურვა „მანათობელ“ პლაჟზე: წყალქვეშა მიკროორგანიზმები და ლუმინესცენტური წყალმცენარეები ვაადუს (სამხრეთ მალე) სანაპიროზე სიბნელეში ცისფრად ირეკლება, რაც დედამიწაზე დაშვებული ვარსკვლავური ცის ეფექტს ქმნის.

დაივინგი მალდივებზე

მალდივები… რამდენი რამ არის შერწყმული ამ სიტყვაში დაივერის სასიხარულოდ: წყლის კომფორტული ტემპერატურა (+27°C 40 მ-ის სიღრმეზე), შესანიშნავი ხილვადობა 50 მ-მდე და, რა თქმა უნდა, პროფესიონალური დაივინგ-ცენტრები. მიმართულების მინუსებად შეიძლება დავასახელოთ ძლიერი დინება რიფების ფარგლებს გარეთ. არქიპელაგზე წყალქვეშა ცურვისთვის საუკეთესო სეზონია – იანვარიდან აპრილის ჩათვლით, როდესაც ამინდი მზიანია და წყალი გამჭვირვალეა. ჩრდილოეთ ატოლზე მდებარე Giraavaru Island Resort-ში 20-ზე მეტი ადგილია, რომელიც ცნობილია დაივერებისთვის მთელი მსოფლიოს მასშტაბით.

ახალბედებისთვის იდეალურია დაივინგი რიფებზე: მათ შიდა ფერდობებზე ან ატოლის შიგნით. პროფესიონალი დაივერები დაინტერესდებიან რიფის გარე ზედაპირით (შვერილებისა და ტერასების მქონე გამოქვაბულებში ოკეანის საოცარი თევზები ბინადრობენ), მაგრამ გახსოვდეთ ძლიერი დინებისა და ზვირთცემის შესახებ. ძალიან საინტერესოა წყალქვეშა მარჯნის ბორცვები – მათი მწვერვალები 5-დან 25 მ-მდე სიღრმეზე მდებარეობს, ძირი კი – 40 მ-მდე.

გარდა ამისა, მალდივებზე რამდენიმე საინტერესო ჩაძირული ხომალდის ნაწილებია, მაგალითად, სატვირთო გემი „ვიქტორია“ კუნძულებზე გადასაზიდი საქონლის ნარჩენებით ან გემი „ჩაიკა“, რომელიც მე-19 საუკუნის ბოლოს ჩაიძირა – მისი კორპუსი ორად არის გაყოფილი. რამდენიმე პოპულარული ვებ-გვერდია: ეროვნული ნაკრძალი „ემბუდუ“ საოცრად მრავალფეროვანი წყალქვეშა სამყაროთი, კუნძულები ფელივარუ და ჰალაველი (აქ გიგანტური სკაროსი შეგიძლიათ იხილოთ), რიფი მააია, ფუშის რიფებს შორის მდებარე მყუდრო არხი უამრავი ბინადრით, განმარტოებული დაივინგ-ადგილი რაკიდო, დაცული ზღვის ტერიტორია გურაიდუ, „ზვიგენების“ ადგილი მიიარუ.

სერფინგი

ტალღებზე ფიცრით სრიალი მალდივებზე შედარებით ახალი გასართობი საშუალებაა: პირველი სერფერები აქ მხოლოდ 80-იანი წლების ბოლოს ჩამოვიდნენ. დღეს კი კუნძულები სერფინგისთვის მსოფლიოში ერთ-ერთ ყველაზე პოპულარულ ადგილად ითვლება: აქ არასდროს არის ხალხმრავლობა (ზღვაში შემავალი ადამიანების რაოდენობა სპეციალური სამსახურის მიერ რეგულირდება), ტალღებს კი უბრალოდ თვალს ვერ მოსწყვეტთ: მაღალი, სტაბილური, იდეალური ფორმის. ლოჰიფუშის კუნძულზე რეგულარულად იმართება პრესტიჟული საერთაშორისო ტურნირი O’Neill Deep Blue Open.

მალდივებზე 7 პოპულარული სერფინგის ადგილია, მათ შორისაა Sultans, Pasta Point (Atoll Adventures კლუბის ტალღების „გაქირავების“ ექსკლუზიური უფლებით) და ე.წ. „პოლიციის კუნძული“. სერფინგისთვის ყველაზე კარგი პერიოდია ივნისიდან სექტემბრის ჩათვლით, ადგილობრივი ტალღების სიმაღლეა – 1-დან 2,5 მ-მდე.

სერფინგით სრიალს დედაქალაქშიც შეძლებთ: აქ ქვიშიანი ფსკერია და არ არის რისკი, რომ ზღვის მიქცევის დროს მარჯნებით გაიჭრათ. თუმცა, პეიზაჟები ისეთი თვალწარმტაცი არ არის, როგორც ატოლის კურორტებზე.

ქორწილი მალდივებზე

მალდივებზე ქორწილი უკვე კლასიკა, ლეგენდა და ეტალონია: ძნელად მოიძებნება ამაზე მშვენიერი ადგილი, სადაც ორი შეყვარებული გული გაერთიანდება. არანაირი მოსაწყენი ფოტოები მმაჩის ბიუროდან, არანაირი ვულგარული კონკურსები და სტუმრების სიაში ნაკლებად ნაცნობი შორეული ნათესავები: მხოლოდ ინდოეთის ოკეანის ალერსიანი ტალღები, პალმების ფოთლების შრიალი, ფეხქვეშ რბილი ქვიშა და კისერზე ყვავილის გირლანდები.

ჰიმენეის კავშირით შეუღლება მალდივებზე სიმბოლურ ხასიათს ატარებს: ტროპიკული ზღაპრის ატმოსფერო უფრო მნიშვნელოვანია, ვიდრე შტამპი პასპორტში.

საქორწილო ცერემონიები უმეტეს სასტუმროებში დეტალურად შემუშავებული სცენარის მიხედვით ტარდება, ახალდაქორწინებულ წყვილს ჯერ სპაში ალამაზებენ, შემდეგ „დონით“ ან ცხენებიანი ეკიპაჟით საკურთხეველთან მიჰყავთ, ყვავილების ფურცლებითა და ბრინჯით ამკობენ. გაგრძელება – რომანტიკული პიკნიკი ან კრუიზი იახტაზე და ქორწინების პირველი ღამე განმარტოებულ ბუნგალოში საუზმეზე სავალდებულო შამპანურით. უფრო უცნაური ვარიანტებია – წყალქვეშა ქორწილები (გნებავთ თეთრ კაბაში, გნებავთ ჰიდროკოსტიუმში), რომლებსაც დაივინგ-ინსტრუქტორები ხელმძღვანელობენ და ქორწილები ჰიდროპლანის ბორტზე, რომელიც ტალღებზე ირწევა. ახალდაქორწინებულ წყვილს გადაეცემათ სერტიფიკატები, მომსახურების სტანდარტული ნაკრები 12 500 MVR-დან დაგიჯდებათ, დაივერების ქორწილი – 16 500 MVR-დან.

მალდივის კუნძულების სამზარეულო და რესტორნები

მალდივების სამზარეულოს ბევრი რამ აქვს გადმოღებული ინდოეთისა და შრი-ლანკას გასტრონომიიდან: ცხარე კარის საწებელი, სანელებლების სიუხვე, კერძებში უამრავი ხილის გამოყენება და თითქმის სრული უგულებელყოფა ბოსტნეულისა და მწვანილის გამოყენების მიმართ. აქ ყველაფერი ორი პროდუქტის გარშემო ტრიალებს: თევზი (განსაკუთრებით თინუსი) და ბრინჯი, რომლებსაც სხვადასხვა ვარიაციით ყველა სახის საწებლითა და სოუსით მოგართმევენ. ზღვის ბინადრების მომზადების მეთოდებს შორისაა: გრილზე, ზეთში ან ორცხობილაში ამოვლებული შეწვა, შებოლვა, გამოშრობა და მოხარშვა. „წახემსების“ ვარიანტებია: იგივე თევზი, მხოლოდ შიგთავსის სახით სხვადასხვა ღვეზელში, ცომის ბურთულაში და საკმაოდ დიდი ზომის კულებიაკაში. ნებისმიერი სადილი უსაფუარო პური „როშით“ სრულდება ან ხრაშუნა კვერებით „პაპადუ“.

ასევე გირჩევთ დააგემოვნოთ ბრინჯის კერძები თევზის კარისა და ქოქოსის რძის დამატებით. მალეს თევზის ბაზარზე ან სხვადასხვა სუპერმარკეტში შეგიძლიათ შეიძინოთ დაკონსერვებული თევზი (თინუსი – ადგილობრივი მაცხოვრებლებისა და სტუმრების ფავორიტია), შებოლილი და გამომშრალი თევზი. ტრადიციული სასმელია პალმის რძისგან დამზადებული „რა“, ალკოჰოლს კი ადგილობრივი მოსახლეობა თითქმის არ სვამს (ძირითადად რელიგიური აკრძალვების გამო).

მალდივებზე პრაქტიკულად ყველა ხილი, გარდა ბანანისა და ქოქოსისა, შემოტანილია.

ადგილობრივი გასტრონომიული შედევრების დაგემოვნება უმჯობესია „თი-შოპებში“ – პატარა ბიუჯეტურ კაფეებში, რომლებიც ქალაქის ქუჩებშია მიმოფანტული. საკვები ობიექტების უმრავლესობა მალეშია თავმყორილი, კურორტ-კუნძულებზე კი ხშირად 1-2 რესტორანია ღია, სადაც მალდივური, ევროპული და საერთაშორისო სამზარეულოს მრავალფეროვან კერძებს შემოგთავაზებენ. დედაქალაქში საუზმე ღირს 60-95 MVR, ლანჩი – 105-160 MVR, ვახშამი ღვინით – 500-800 MVR ერთ პერსონაზე (ალკოჰოლი ყველგან არ იყიდება), „კურორტებზე“ ფასები უფრო მაღალია. ანგარიშში შედის სახელმწიფო გადასახადი და მომსახურების საფასური (10%).

გართობა და ღირსშესანიშნაობები

მალდივის კუნძულების ყველა ძირითადი სილამაზე ზღვის დონის ქვემოთ მდებარეობს, ხმელეთზე განსაკუთრებული ღირსშესანიშნაობები არ არის. დედაქალაქ მალეში არცთუ ისე ბევრი სანახავი ადგილია (ექსკურსია 40 აშშ დოლარიდან), აქ მრავალი ერთმანეთის მსგავსი უკაცრიელი კუნძულია, სადაც პიკნიკის მოწყობა უყვართ (35 აშშ დოლარიდან), ასევე ერთგვარი „ექშენი“ – ექსკურსია-თევზაობა. სავარაუდოდ, ერთადერთი ყურადსაღები წყალზედა ექსკურსიაა „ფოტო-ფლაითი“ – ჰიდროთვითმფრინავით ფრენა კუნძულების თავზე. ეს სიამოვნება საკმაოდ ძვირი ღირს: ჰაერში 15-20 წუთით ფრენისთვის დაახლოებით 150-250 აშშ დოლარის გადახდა მოგიწევთ. სხვა პოპულარული ექსკურსიებია -იახტაზე კრუიზი (80-90 აშშ დოლარიდან) ან წყალქვეშა ნავით ჩაშვება (45-50 აშშ დოლარიდან).

იცით თუ არა რით განსხვავდება ატოლი „უბრალოდ კუნძულისგან“? ყოველი შემთხვევისთვის, გაცნობებთ: ატოლი – მარჯნის კუნძულია, რომელიც ერთიანი ან წყვეტილი რგოლის სახით ლაგუნას აკრავს გარს. თუ წყლიდან შევხედავთ, ატოლი, სავარაუდოდ, უკვე დიდი ხნის წინ მიძინებული ვულკანი აღმოჩნდება, რომლის ფერდობებზე ოდესღაც მარჯნის რიფმა დაიწყო ზრდა – და ისე გაიზარდა, რომ თანდათანობით ზედაპირზე გამოჩნდა. ხოლო ვულკანის მწვერვალი, პირიქით, მრავალი საუკუნის განმავლობაში დაიშალა და წყალში ჩაიძირა. დანარჩენი თავადაც იცით: წარმოქმნილ რგოლზე საიდანღაც ადამიანები გაჩდნენ, ააშენეს სასტუმროები რესტორნებითა და სპა-სალონებით და დაივინგ-ცენტრები გახსნეს.

თუ მაინც კულტურული პროგრამისკენ მიგიწევთ გული, გირჩევთ ეწვიოთ თვალწარმტაც სულთნის პარკში მდებარე ეროვნულ მუზეუმს, ისლამურ ცენტრს ოქროს გუმბათის ქვეშ და პრეზიდენტის სასახლეს მალეში. აქვე მდებარეობს ქვეყნის უძველესი პარასკევის მეჩეთი უნიკალური მინარეთით (1656 წ.) და ეროვნული წინააღმდეგობის ლეგენდის – მუჰამედ ტაკურუფანუს აკლდამა. არის ატოლზე ჩვ. წ. აღ-მდე 90 წ. ბუდისტური ტაძრის ნანგრევები მდებარეობს, კუნძულ მატირაჰზე კი (ჰაა-ალიფის ატოლი) – მავზოლეუმი წმინდა აკლდამით, მუსლიმთა სალოცავი ადგილი.

Posted in ავიაბილეთები, მალდივის კუნძულები and tagged .