ფიჭვებისა და როზმარინის არომატით გაჟღენთილი ზაკინთოსი იონიის არქიპელაგის ყველაზე სამხრეთით მდებარე კუნძულია. თეთრი იახტები და ანძების გროვა იმაზე მიუთითებს, თუ რამდენად დაფასებულია იგი იახტის მფლობელებთა შორის. ოდესღაც ზაკინთოსი ოდისევსის სამეფოს ნაწილი იყო, დღეს კი იგი ცნობილია უნიკალური სილამაზის პეიზაჟებითა და წყლის არაბუნებრივად ლაჟვარდოვან-ცისფერი ფერით.

მყუდრო ყურეებისა და ველური პლაჟების მქონე კუნძულის დასავლეთ კლდოვან სანაპიროზე უხვადაა პანორამული მოედნები, საიდანაც ერთი მეორეზე უკეთესი ხედი იშლება. მისი ყურე ნავაგიო – პრიალა ჟურნალების საყვარელი „ფოტომოდელია“, რომელიც მსოფლიოში ათი ულამაზესი პლაჟის სიაში შედის.

კუნძულის სამხრეთ ნაწილი მასობრივ ტურიზმს ეთმობა. აქაური „საწვეულებო“ კურორტი ლაგანასი ფართო პლაჟითა და ხმაურიანი წვეულებებით უკვე დიდი ხანია დაიპყრო ბრიტანეთის ნებიერმა ახალგაზრდობამ. მაგრამ კლუბები და ბარები, რომლებიც ერთმანეთს მუსიკალური დეციბელების სიძლიერეში ეჯიბრებიან, არ აფრთხობენ ლაგანის ყურეში მობინადრე იშვიათ ზღვის კუებს – კარეტა-კარეტას, რომლებიც ტურისტებს ხელის გაწვდენის მანძილზე მიახლოების საშუალებას აძლევენ.

ასევე წაიკითხეთ:

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა