აშშ-ში მგზავრმა თვითმფრინავის ბორტზე პონი აიყვანა

ავიაკომპანია American Airlines-ის მგზავრმა მორალური მხარდაჭერის მიზნით თვითმფრინავის ბორტზე პონი აიყვანა

როგორც The Independent იუწყება, შემთხვევა American Airlines-ის რეისის ბორტზე მოხდა, რომელიც ჩიკაგო-ომაჰას მიმართულებით ხორციელდებოდა. მგზავრმა გადაწყვიტა, რომ ცხოველი ბორტზე აეყვანა მორალური მხარდაჭერისთვის. ინციდენტში უჩვეულო არაფერია, რადგან 15 აგვისტოდან აშშ-ში ახალი ფედერალური წესები მოქმედებს, რომლებიც ბორტზე ნებისმიერი ცოცხალი არსების გადაყვანის უფლებას იძლევა თუ ეს სამსახურეობრივი ცხოველია.

ავიაკომპანიებს ახალი წესის დაცვა მოეთხოვებათ, მაგრამ მათ აქვთ უფლება მიიღონ საბოლოო გადაწყვეტილება, შეიძლება თუ არა კონკრეტული ცხოველის სამსახურეობრივ ცხოველად მიჩნევა, რადგან ასეთი ცხოველები ფრენისთვის საგანგებოდ უნდა იყვნენ გაწვრთნილი და მომზადებული. ამ წესის გამო ამერიკული ავიახაზების ბორტზე რეგულარულად ჩნდება სხვადასხვა ცხოველი, რომელთა შორის არა მხოლოდ კატები და ძაღლები გვხვდება, არამედ კენგურუები, იხვები და, როგორც ვხედავთ, პონები.

რაც შეეხება ამ შემთხვევას, ფრენამ კარგად ჩაიარა – დროის უმეტეს ნაწილს ცხოველი თვლემდა. ასევე ცნობილია, რომ პონის სახელია ფლირტი, ის სამსახურეობრივი ცხოველია და მას საკუთარი ინსტაგრამიც კი აქვს.

Posted in ბლოგი, სიახლეები and tagged , , .