აღმოვაჩინოთ ბრატისლავა: 5 ციხე, რომელთა მონახულება ღირს

პრაღა-ვენა-ბუდაპეშტის ოქროს სამკუთხედში ბრატისლავა მარტივად იკარგება. მაგრამ ყურადღებით მოიძიეთ… აქ ლუდი არაფრით ჩამოუვარდება პრაღას ლუდს, დუნაი უფრო ლამაზია, ვიდრე ვენაში, ხოლო ფასები ზოგჯერ უფრო სასიამოვნოა, ვიდრე ბუდაპეშტში. მოკლედ, ბრატისლავა ის ქალაქია, სადაც სასიამოვნოა საღამოობით დასვენება და დამშვიდება, ხოლო დღისით თვალწარმტაც მიდამოებში გაბედული ლაშქრობების მოწყობა.

როგორ ჩავიდეთ?

საქართველოს აეროპორტებიდან ბრატისლავაში გადაჯდომით შეგიძლიათ იმგზავროთ, ავიაბილეთის ღირებულება 650 ლარიდან იწყება (ორი გზა).

ყველაზე იაფი ავიაბილეთები Tbilisi-დან Bratislava-მდე 1 წლის განმავლობაში

გაფრენის თარიღიდაბრუნების თარიღიგაჩერებაავიაკომპანიაბილეთების მოძებნა

24.10.2019

27.10.2019

1 stop

ფასი 1 561

24.11.2019

24.01.2020

1 stop

ფასი 448

12.12.2019

15.12.2019

1 stop

ფასი 663

სად გავჩერდეთ?

სასტუმრო Devin. ჩვენი ბრატისლაველი ნაცნობების აზრით, ეს არის ადგილი, სადაც ქალაქში საუკეთესო სასტუმრო საუზმეს მოგართმევენ და თანაც დუნაის ხედით. მხოლოდ დესერტის ათამდე არჩევანია. დილიდანვე დაიმუხტეთ ენერგიით და შეგიძლიათ საღამომდე ღირსშესანიშნაობების დასათვალიერებლად გაემართოთ. 4 ვარსკვლავიანი სასტუმრო ღირებულებით სამვარსკვლავიანი სასტუმროს ტოლფასია, ხოლო მომსახურების მხრივ – ხუთვარსკვლავიანი. ნომრის ფასში ასევე შედის საცურაო აუზი და სპა.

ჰრადი

ქალაქის გასაცნობად პირველ რიგში უნდა ახვიდეთ ბრატისლავას ციხე-სიმაგრეზე (Bratislavský hrad). თეთრი პარალელეპიპედი წითელი ბუნიკებით ცოტათი მოშორებით, ზემოდან გადმოჰყურებს ძველ კვარტლებსა და დუნაის. ბრატისლაველები თავიანთ ციხე-სიმაგრეს სიყვარულით უწოდებენ გადმობრუნებულ მაგიდას (ან კომოდს). შენობა, მართლაც, რომ არ გამოირჩევა მსგავსი ნაგებობების დახვეწილობით. მაგრამ მისადგომი საკმაოდ კოლორიტულია იმისთვის, რომ მთელი პერიმეტრი გულდასმით მოიაროთ. განსაკუთრებით რომანტიკულია ღამით – ყოველგვარი სარკაზმის გარეშე. ტერიტორია ღიაა 24-00 საათამდე და განათებაც კარგად არის მოწყობილი – აქ ძალიან ბევრი შუქია, მაგრამ რბილი და შემპარავი.

წმ. მარტინის ცენტრალური ეკლესიის მხრიდან შებრძანდით და იხილავთ ტაძრის კეთილშობილ მწვანე შპილს ოქროს ზოლებით. შემდეგ ინსტაგრამზე განათავსეთ ფოტო, რომელსაც ნაივ-არტითა და გარეული ვენახით შემკული, მიტოვებული კედლის ფონზე გადაიღებთ. ხმაურიანი ავტომაგისტრალის ქვეშ გაყვანილი გვირაბით „პოდჰრადიაზე“ გადადით, სადაც იწყება ციცაბო აღმართი, ტერასების ხედები და ფორტიფიკაციების ნანგრევები. გზად ერთ-ერთ პატარა პაბში კათხა ლუდიც შეგიძლიათ მიირთვათ.

მაგალითად, საკმაოდ მომხიბლავია – U-Certa (შიგნით ათასი ეშმაკეული გააკეთეს, შენობის კედელზე კი რომელიღაც დამწუხრებული წმინდანია გამოსახული). ან Le Senk – ცნობილია კრაფტული ლუდის შესანიშნავი არჩევანით (და არა მხოლოდ სლოვაკური). ხოლო ვისაც ყავისა და ტკბილეულის გარეშე ცხოვრება არ შეუძლია – U Gulky-ში გეპატიჟებით. Zamocka-ს ქუჩას ოდნავ მაღლა თუ აჰყვებით კაფე Mackafe-ში ფისოებსაც ეალერსებით. თითოეული შეკვეთის 2% უსახლკარო კატების დასახმარებლად ირიცხება.

დევინი

ეს უფრო ციხე კი არა, თვალწარმტაცი ნანგრევებია. გარკვეული რაკურსიდან და ფანტაზიის დახმარებით, იგი აცტეკების პირამიდას მოგაგონებთ. ციხე სლოვაკეთის ძალაუფლების ადგილზე დგას – კბოდეზე, სადაც მორავა დუნაის ერწყმის. მოპირდაპირე ნაპირზე უკვე ავსტრია მდებარეობს. აქ გიამბობენ ისტორიას იმის შესახებ, თუ როგორ მოახდინა დელტაპლანით ნახტომი იმ ცუდ დროს ერთმა მამაცმა ყმაწვილმა „რკინის ფარდის“ მიღმა – სიმაღლეთა სხვაობა იძლევა ამის საშუალებას. უკიდურეს წერტილში – თითქმის ყოველთვის ქარია, რაც მთავარია – ზურგის ქარია.

დევინი აღარ არის ბრატისლავა, მაგრამ ქალაქის სატრანსპორტო ქსელი აქაც ვრცელდება. SNP-ის ხიდის ქვეშ (მფრინავი თეფშის მქონე) #29 ავტობუსით უნდა იმგზავროთ გაჩერებამდე Strbska, Hrad Devin, შემდეგ კი გზას უკვე თავად დაინახავთ. მგზავრობის ხანგრძლივობა 24 წუთია. ყველა გაჩერება სალონში ტაბლოზე ენთება და ხმითაც დუბლირდება. არ გამოგრჩეთ თქვენი გაჩერება.

ტრენჩინი

ციხე ტრენჩინში – კლასიკური შუა საუკუნეების ნაგებობაა. ეს არის სლოვაკეთის ერთ-ერთი ყველაზე დიდი და ლამაზი ციხე-სიმაგრე. მისი მთავარი ხიბლი – ადგილმდებარეობაა. მძლავრი საფორტიფიკაციო ნაგებობა კოშკის ქონგურებით კარგად მოჩანს რკინიგზის სადგურიდან ცენტრისკენ მიმავალ გზაზე. ციხესიმაგრემდე მიდის უძველესი ქვაფენილით მოპირკეთებული გზა თვალწარმტაცი ხედებით: რაც უფრო მაღლა ახვალთ, მით უფრო ლამაზი ხედებია.

თავად ციხე რამდენიმე ტერასაზეა გაშენებული: გარშემო საკმაოდ დიდი ტერიტორიაა. ინტერიერის დათვლიერების მიზნით შიგნით შესვლა არ ღირს. ჩერვენი კამენში (იხ. ქვემოთ) უფრო მდიდრული ინტერიერია. უმჯობესია ერთი საათი თავად ტრენჩინის დათვალიერებას დაუთმოთ – საყვარელი მშვიდი ქალაქი, სადაც მოულოდნელად აღმოაჩენთ კარგად შენახულ სინაგოგას, რომელიც ძალიან მოგაგონებთ მეჩეთს. ხოლო სასტუმრო „Elizabeth“-ში მინის მიღმა რომაულ წარწერას გიჩვენებენ, რომელიც იმ ფაქტს ადასტურებს, რომ დაახლოებით 2000 წლის წინ აქ დასახლება იყო. ბრატისლავადან ტრენჩინამდე რეგულარულად მოძრაობს ელექტრომატარებელი. მგზავრობის ხანგრძლივობა 1 საათი 20 წუთია. ერთი გზის ბილეთის საფასურია – 6 ევრო. ტრენჩინისა და სლოვაკეთის სხვა ნებისმიერ წერტილში მგზავრობის განრიგისა და ფასების ნახვა შეგიძლიათ ამ მოხერხებულ მგეგმავში.

ჩერვენი კამენი

აქ ჩამოსვლა ცოტათი რთულია, მაგრამ ნამდვილად ღირს. შიგნით მოხვედრა სავალდებულოა. პირველ რიგში, აქ საუცხოო სარდაფებია. ეს არის კლდეში გამოკვეთილი ორი უზარმაზარი სართული, რომელთაგან თითოეულში ადვილად არის განთავსებული სამეჯლისო დარბაზი. მეორეც, აქ მდიდრულად აღდგენილი ინტერიერია (16 ოთახია), რომელიც გაფორმებულია უამრავი სამშვენისით ბატონკაცური ცხოვრებიდან. მხოლოდ მცირელიტრაჟიანი ავტომობილის ზომის მოოქროვილი მარხილი რად ღირს. როგორც წესი, ციხე-სიმაგრეში მხოლოდ ექსკურსიით უშვებენ ნახევარ საათში ერთხელ. გიდი სლოვაკურად საუბრობს, მაგრამ 70% გასაგებია (თუ რუსული იცით). დასახმარებლად ასევე ხელმისაწვდომია ამობეჭდილი მასალა – რუსულ, პოლონურ, ინგლისურ ენებზე.

ციხესთან მისასვლელად, ბრატისლავას ცენტრალურ ავტოსადგურზე მოძებნეთ ავტობუსი, რომელიც ტრნავას გაივლის. ოპტიმალური ვარიანტია 10.10, რადგან მოძრაობის ინტერვალი დაახლოებით 2 საათია. შემდეგ ერთ საათზე მეტი იმგზავრებთ და კომფორტული ავტობუსი დაახლოებით 2 ევროდ თითქმის ციხის კარიბჭემდე მიგიყვანთ (გაჩერება Častá, ýervený kameň). უკანა გზაზე ყველაფერი ასე არ არის. ციხესთან უკან მიმავალ ავტობუსს ვერ დაველოდეთ. ფეხით სოფელში ჩავედით – დაახლოებით ერთნახევარი კილომეტრი გავიარეთ მეჩხერ ტყეში ცოცხალი კურდღლებით. სოფელს ბრატისლავაში მიმავალი მთავარი ტრასა კვეთს, ამიტომ ავტობუსები ხშირად მოძრაობს.

შენბრუნი

დიახ, ეს არ არის სლოვაკეთი. და დიახ, ეს ნორმალურია – ერთი დღით ბრატისლავადან ვენაში გადაინაცვლოთ. გზა მარტივი და იაფია. თუ დილით ადრე გაემგზავრებით, ბევრი ღირსშესანიშნაობის მონახულებას შეძლებთ, კერძოდ ევროპის ერთ-ერთი ყველაზე მდიდრული სასახლე კომპლექსის – შენბრუნის. იგი ჰაბსბურგების საიმპერიო სტილის განსახიერებაა, სადაც მხოლოდ პარკში შეგიძლიათ გაატაროთ რამდენიმე საათი.

შემდეგ შეგიძლიათ სახლში დაბრუნდეთ კომპაქტურ, კომფორტულ ბრატისლავაში. საბედნიეროდ, ორ დედაქალაქს შორის ავტობუსები ძალიან ხშირად მოძრაობს. საათში ერთხელ ან კიდევ უფრო ხშირად. ამასთან, თუ გაგიმართლათ, ინტერნეტში ერთი გზის ბილეთები შეგიძლიათ 1 ევროდაც კი შეიძინოთ. ჩვეულებრივი ფასი 5 ევროა, როგორც ადგილობრივ გადამზიდავ კომპანიაში Slovak lines, ისე ევროპის გიგანტ კომპანიაში Flixbus. ერთ საათში ვენაში იქნებით.

ბრატისლავადან ერთი დღე-ღამის მგზავრობის მანძილზე კიდევ 2 პოტენციურად საინტერესო ციხე მდებარეობს – ბოინიცე და სმოლენიცე. მაგრამ პირველში სამი გადაჯდომით უნდა იმგზავროთ – საკმაოდ დაღარული გზაა, მეორე კი დღეს სლოვაკეთის მეცნიერებათა აკადემიას ეკუთვნის და უფრო ხშირად დახურულია, ვიდრე ღია. ამიტომ, მათი მონახულება ჩვენ შემდეგ ჯერზე გადავწყვიტეთ.

კიდევ სად შეიძლება წავიდეთ ბრატისლავაში

Five points. ქალაქის შუაგულში, Panska-ს ქუჩაზე მდებარეობს დახვეწილი ყავახანა, შესანიშნავად შერჩეული ყავის მარცვლებითა და გულუხვი არჩევანით. მთავარი მშვენება – სელფიჩინოა. ეს მაშინ, როდესაც ბარისტა ატვირთავს სურათს თქვენი ტელეფონიდან პირდაპირ თქვენი კაპუჩინოს ქაფში (სადამდე განვითარდა ტექნიკა!). საგანგებოდ ჩაის მოყვარულთათვის მენიუშია ყავის ხის ფოთლებისგან დამზადებული ჩაი. მაღაზიაში ასევე შეგიძლიათ შეიძინოთ არტიზანული ყავის შეკვრა ეტიკეტზე ბრენდული ულვაშებით.

Freshmarket (Rožňavká, 1A) – კრაფტული საკვების მოყვარულთა მოზიდვის ადგილია. ეს არის ფერმერული, ორგანული და უბრალოდ გემრიელი საკვების უზარმაზარი ცენტრი, ნოვე მესტოს რაიონში (ავტობუსი #61 სადგურიდან ან #63 ცენტრიდან). აყვავებული და არომატული ბაზრის გარდა, აქ რამდენიმე ათეული რესტორანიც მდებარეობს – ეგზოტიკური სამზარეულოდან ქუჩის სწრაფ კვებამდე.

ღვინის ეროვნული სალონი ბრატისლავას რატუშის გვერდით მდებარეობს, პირდაპირ მეზობელ შენობაში (Radnicna, 1). სლოვაკური ღვინის ბრენდების ყველაზე სრულყოფილი არჩევანი სწორედ აქ არის. გნებავთ შეიძინეთ, გნებავთ დააგემოვნეთ. არსებობს ვარიანტი, როდესაც 23 ევროდ შეგიძლიათ დააგემოვნოთ წარმოდგენილი 100 სახეობიდან 72. მართალია, ყველაფრისთვის 1 საათია გათვალისწინებული. თუმცა, ზიარების მიღება არა მარტო ასეთი გიჟური ტემპით შეგიძლიათ: 8 სორტის დაგემოვნება 12 ევრო ღირს, 4 სორტის – 9 ევრო. სხვათა შორის, მთელი ბრატისლავა ვენახებშია ჩაფლული. და თუ ქალაქის გარეუბნებს ეწვევით – რაჩას, ვაინორას ან ახლომდებარე ადგილებს – სვიატი იურის, პეზინოკს, მოდრას, ბევრ სასიამოვნო მარანს იპოვით. აუცილებლად მოითხოვეთ ფრანკოვკა – ავსტრიელი იმპერატრიცა მარია ტერეზას საყვარელი ღვინო.

UFO. ბრატისლავას ეიფელის კოშკი. SNP-ს ცენტრალურ ხიდზე მფრინავი თეფშის სახით მოწყობილი სათვალთვალო მოედანი ჭეშმარიტად კოსმოსურად გამოიყურება, განსაკუთრებით ღამის ცის ფონზე. 95 მეტრის სიმაღლიდან მთელი ქალაქის ხედი იშლება, როგორც Google maps-ზე. მოშორებით კი, პეტრჟალკას საძილე უბნის ცათამბრჯენების მიღმა, ავსტრიის ნაწილს დაინახავთ. აქვეა რესტორანი, რომლის ფასებიც საშუალოზე მაღალია, ვიზიტორებს კი მუდმივად უთვალთვალებს რკინის პაპარაცი.

ჰოკეი. თუ ჩოგნებისა და შაიბის ხმა გიზიდავთ, გირჩევთ ბრატისლავაში ვიზიტი მაისში დაგეგმოთ. 2019 წელს სლოვაკეთში გაიმართება ჰოკეის მსოფლიო ჩემპიონატი. ასე რომ, ღირსშესანიშნაობების დათვალიერება შეგიძლიათ ყინულოვან ბრძოლებთან შეათავსოთ.

მისტიკის მოყვარულებს ვურჩევთ ეწვიონ ექსკურსიას „შუა საუკუნეების მოჩვენებები 16+“, სადაც მომხიბლავი ლეგენდების შესახებ გაიგებთ და ქალაქის უჩვეულო ადგილებს მოინახულებთ.

სასარგებლო რჩევები

BratislavaCard 3 დღეში თავის თავს აანაზღაურებს. ერთ-ორ დღეში – საეჭვოა. იგი უფასო შესვლას უზრუნველყოფს დევინში, ჩერვენი კამენსა და ქალაქის მუზეუმების უმეტეს ნაწილში, აგრეთვე ქალაქში ერთ უფასო საფეხმავლო ექსკურსიას გიდის თანხლებით და უფასო მგზავრობას ბრატისლავასა და მის მიდამოებში. 72-საათიანი ბარათის ფასი 20 ევროა. იყიდება ქალაქის ტურიზმის ოფისში ქუჩაზე Klobučnícka, 2. აქვე შეგიძლიათ მიიღოთ რუკები და ბროშურები.

Visitbratislava – ქალაქის ოფიციალური ტურისტული ვებ-გვერდია. მოგზაურობამდე აუცილებლად ეწვიეთ მას. ვებ-გვერდი დაგეხმარებათ მარშრუტების დაგეგმვაში, ორიენტაციას მოგცემთ იმის შესახებ, თუ რა ხდება ბრატისლავაში და როგორ არ გამოტოვოთ რაიმე საინტერესო.

ასევე წაიკითხეთ:

Posted in ბლოგი, პირადი გამოცდილება and tagged , .