ავიაკომპანია Atlasjet – ის ინფორმაციით, მგზავრები რომლებიც საქართველოში მოემგზავრებოდნენ, უსაფრთხოდ არიან

საავიაციო კომპანია ,,Atlasjet”- ის ინფორმაციით, რეისი, რომელიც საქართველოში თურქეთიდან ღამის პირველ საათზე უნდა გამოფრენილიყო, ჯერჯერობით არ გადადებულა. მგზავრები აეროპორტის შიგნით იმყოფებიან და უსაფრთხოდ გრძნობენ თავს.

ამის შესახებ კომპანია ,,Atlasjet” – ში ,,aviabiletebi.org” განუცხადეს.

,,129 მგზავრმა რეგისტრაცია გაიარა, ბორდინგი არ არის გამოცხადებული, რეისის გაუქმების შესახებ  შეტყობინება ჯერ საქართველოში არ მოსულა. აფეთქება მოხდა გარეთ და ეს 129 მგზავრი არის უსაფრთხოდ. დამატებით ინფორმაციებს მოვიძიებთ და მოგაწვდით”, – განგვიცხადეს Atlasjet-ის პრესსამსახურში.

შეგახსენებთ, რომ სულ ცოტა ხნის წინ ათათურქის აეროპორტში აფეთქება მოხდა. CNN-ის ინფორმაციით, გარდაცვლილია  სულ მცირე 10 ადამიანი, ხოლო 20-ზე მეტი ადამიანი ჰოსპიტალშია გადაყვანილი.

Posted in ბლოგი.